काय झाले आहे

काल कंपनीने Xiaomi Redmi Note 8 ची किंमत वाढवली होती. हि माहिती आम्हाला मिळाली तेव्हा आम्ही रिटेलर्सशी संपर्क साधला आणि तिथून संपूर्ण बातमी मिळाली. सर्वात आधी तर दिल्ली करोलबाग मधील रिटेलर्सने आम्हाला सांगितले कि ‘हि सूचना तर आम्हाला मिळाली कि कंपनीने शाओमी रेडमी नोट 8 ची किंमत 500 रुपयांनी वाढवली आहे. परंतु या बातमीचे काय करायचे जर आमच्याकडे स्टॉकच नसेल तर. गेल्या एक महिन्यापासून कंपनीने याचा स्टॉकच दिला नाही.”

आम्हाला हि बातमी मिळताच आम्ही दुसऱ्या ठिकाणाहून पण माहिती घेतली आणि तिथून पण काही नवीन गोष्टी समजल्या. याबाबत फरीदाबादच्या एका रिटेलरने आम्हाला माहिती दिली आहे कि ”हे सत्य आहे कि स्टॉक गेल्या एका महिन्यापेक्षा पण जास्त काळापासून दिला जात नाही. पण एकदा दिला जात होता तेव्हा 5 Redmi Note 8 सोबत 20 जुने फोन घेण्यासाठी भाग पाडले जात होते. तेव्हा आम्ही नकार दिला. कारण 20 जुने डिवाइस ते आहेत ज्यांना मागणीच नाही.”

याबाबत राजस्थानच्या रिटलेर्सने आम्हाला सांगितले कि ”कंपनी Redmi Note 8 च्या 1 फोन सोबत 5 असे जुने फोन्स घेण्याचा दबाव टाकत आहेत ज्यांना आता मागणी नाही. जर Xiaomi चे जुने फोन आम्ही घेतले तर आमचे पैसे अडकतील. कारण फोन विकले जाणार नाहीत आणि कंपनी पण जुना स्टॉक परत घेणार नाही. त्यामुळे फोन न घेण्यात आणि पैसे न अडकवण्यात आमचे भले आहे ”

कंपनी काय म्हणते

जेव्हा आम्हाला प्रकरण समजले तेव्हा म्ही कंपनीशी पण याबाबत संपर्क साधला आणि त्यांनी आम्हाला लिखित उत्तर दिले आहे. कंपनी म्हणते कि ”Redmi Note 8 4GB आमच्या लोकप्रिय डिवाईसेस पैकी एक आहे, आणि ऑफलाईन मागणी पाहता आम्ही आमच्या पद्धतीने हि मागणी पूर्ण करण्याचे प्रयत्न करत आहोत. पण याआधी आम्ही सांगितले आहे रिटेल स्टोर्ससाठी नवीन फोन विकण्यासोबत जुनी डिवाइस इन्वेंट्री संपवणे महत्वाचे आहे. अशी कोणतीही यात आम्ही नवीन फोन वर ठेवली नाही. रिटेलर्ससाठी आमच्याकडून कोणतीही अट ठेवण्यात आलेली नाही ज्यामुळे रिटेलर्स जुन्या इन्वेंटरी मध्ये अडकतील.”

रिटेलर्स कंपनी बद्दल काय म्हणतात

कंपनीशी बोलल्यानंतर आम्ही पुन्हा रिटलेर्सशी बोलणी केली आणि त्यांना माहिती दिली कंपनीने काय म्हटले आणि सर्व रिटलेर्सने हि बाब फेटाळून लावली. रिटेलर्स म्हणतात कि आमच्या स्टोर वर जुना स्टॉक काढण्यासाठी कंपनी का सांगेल. आमच्या स्टॉकमुळे त्यांना काय फरक पडतो. कारण शाओमी मध्ये नो रिटर्न पॉलिसी आहे. त्यामुळे आम्ही फोन विकले किंवा स्टोर वर ठेवले तरी त्यांना काही फरक पडत नाही. याबाबत लखनऊचे एक रिटेलर्स म्हणतात कि ”कंपनी इन्वेंटरी वाढवू नका असे सांगत आहे पण त्यांची जुनी इन्वेंटरी आम्हा रिटेलर्स वर टाकत आहे. यामुळे आम्हाला मोठे नुकसान होते.”

सुरवात जरी Xiaomi Redmi Note मुळे झाली असली तर हा वाद खूप आधीचा आहे जो वेळावेळी रिटेलर्सने उचलून धरला आहे पण आता ऑनलाइन रिटेल स्टोरच्या वाढत्या प्रभावामुळे रिटेलर्स मध्ये याचा राग पण आहे. काही दिवसांपूर्वी ऑफलाइन रिटेलर्सने सॅमसंग विरोधात निदर्शन केले आहे. त्यामुळे जर Xiaomi आताच सांभाळू शकली नाही तर पुढे जाऊन कंपनीला हे महाग पडू शकते कारण कंपनीचा आता मोठा यूजर बेस ऑफलाइन मध्ये पण बनला आहे.

The post मिळत नाही Redmi Note 8, रिटेलर्सचा आरोप कंपनी नोट 8 सोबत जुने फोन विकण्याचा टाकत आहे दबाव first appeared on 91Mobiles Marathi.