OnePlus Z ची माहिती सध्या एका लीकच्या माध्यमातून समोर आली आहे. प्रसिद्ध टिपस्टरने आपल्या ट्वीटर हँडलच्या माध्यमातून वनप्लस झेड चा टीजर शेयर केला आहे. या टीजर मध्ये मोठ्या अक्षरात ‘Z’ लिहिण्यात आला आहे. या इंग्रजी शब्दांव्यतिरिक्त टीजर मध्ये ‘जुलै 2020’ पण लिहिण्यात आले आहे. ट्वीटच्या माध्यमातून सांगण्यात आले आहे कि वनप्लस आपल्या पोर्टफोलियो मध्ये OnePlus Z नावाने स्मार्टफोन लॉन्च करण्याची तयारी करत आहे आणि हा फोन जुलै मध्ये टेक मंचावर येईल.

pic.twitter.com/wcD3wH4bVb

— Max J. (@MaxJmb) April 28, 2020

विशेष म्हणजे OnePlus Z याआधी OnePlus 8 सीरीज सोबत लॉन्च केला जाणार होता, पण काही कारणास्तव कंपनीला हि योजना बदलावी लागली. OnePlus Z बद्दल सांगण्यात आले आहे कि हा फोन पंच-होल डिस्प्ले वर लॉन्च केला जाईल जो स्क्रीनच्या वर मध्यभागी असेल. स्क्रीन 6.4 इंचाची असेल जी 90हर्ट्ज रिफ्रेश रेट सह येऊ शकते. फोन मध्ये मीडियाटेक डायमंसिटी 1000 चिपसेट असल्याचे लीक मध्ये समोर आले आहे. लीक नुसार वनप्लस झेड 48 मेगापिक्सलच्या ट्रिपल रियर कॅमेऱ्याला सपोर्ट करेल आणि फोन मध्ये 30वॉट फास्ट चार्जिंग सपोर्ट असलेली 4,000एमएएच ची बॅटरी दिली जाईल.

OnePlus 8 सीरीज

OnePlus 8 आणि OnePlus 8 Pro दोन्ही फोन्स कंपनीने दोन वेरिएंट्स मध्ये लॉन्च केले आहेत. फोनच्या छोट्या वेरिएंट मध्ये 8 जीबी रॅम देण्यात आला आहे त्याचबरोबर हा फोन 128 जीबी इंटरनल स्टोरेजला सपोर्ट करतो. तसेच वनप्लस 8 आणि 8 प्रो चा दुसरा वेरिएंट 12 जीबी रॅमला सपोर्ट करतो ज्या सोबत 256 जीबी इंटरनल स्टोरेज देण्यात आली आहे. OnePlus 8 Pro LPDDR5 रॅम आणि UFS 3.0 स्टोरेज टेक्नॉलॉजी सह येतो.

किंमत पाहता OnePlus 8 Pro चा 8 जीबी रॅम + 128 जीबी स्टोरेज असलेला वेरिएंट 54,999 रुपयांमध्ये लॉन्च केला गेला आहे. तसेच फोनचा 12 जीबी रॅम + 256 जीबी स्टोरेज वेरिएंट 59,999 रुपयांमध्ये बाजारात आहे. OnePlus 8 पाहता फोनचा 6 जीबी रॅम + 128 जीबी स्टोरेज वेरिएंट 41,999 रुपयांमध्ये लॉन्च केला आहे. या फोनचा 8 जीबी रॅम + 128 जीबी स्टोरेज वेरिएंट 44,999 रुपये आणि 12 जीबी रॅम + 256 जीबी स्टोरेज वेरिएंट 49,999 रुपयांमध्ये लॉन्च झाला आहे.

The post OnePlus Z लॉन्च करण्यासाठी तयार आहे फ्लॅगशिप कीलर वनप्लस, यात असतील ताकदवान स्पेसिफिकेशन्स first appeared on 91Mobiles Marathi.