• Galaxy S24 सीरीज 2024 मध्ये सादर केली जाऊ शकते.

• ह्यात तीन नवीन स्मार्टफोन्स लाँच केले जाऊ शकतात.
• S24 Plus आणि S24 Ultra ची डिजाइन समोर आली आहे.

सॅमसंगच्या सर्वात प्रीमियम एस-सीरीजमध्ये Samsung Galaxy S24 आणि Samsung Galaxy S24 Plus आणि Samsung Galaxy S24 Ultra सारखे तीन नवीन फोन सादर होतील. सांगण्यात आलं आहे की हे स्मार्टफोन्स 2024 च्या सुरुवातीला येऊ शकतात. अलीकडेच बेस मॉडेलचे रेंडर समोर आले होते आता एस24 प्लस आणि अल्ट्राचे देखील आले आहेत. चला, जाणून घेऊया ह्या मोबाइल्सची संपूर्ण माहिती.

Samsung Galaxy S24 Ultra डिजाइन (लीक)

• Samsung Galaxy S24 Ultra आणि Samsung Galaxy S24 Plus चे रेंडर्स टिप्सटर ऑनलीक्स आणि स्मार्टप्रिक्सद्वारे समोर आले आहेत.
• तुम्ही इमेजमध्ये पाहू शकता की गॅलेक्सी एस24 अल्ट्रामध्ये आधी सादर केलेल्या एस23 अल्ट्रा आणि गॅलेक्सी एस22 अल्ट्रा सारखी डिजाइन आहे.
• परंतु सॅमसंगनं बेजलचा आकार कमी केला आहे. त्याचबरोबर S24 Ultra टायटेनियम बिल्डसह येण्याची शक्यता आहे.
• फोनमध्ये युजर्सना हलक्या घुमावदार कडा मिळतील.
• आधीप्रमाणे कॅमेरा सेटअप आणि LED फ्लॅश देण्यात आला आहे.

Samsung Galaxy S24 Plus डिजाइन (लीक)

• गॅलेक्सी S24 प्रमाणे Samsung Galaxy S24 Plus देखील फ्लॅट कार्नर आणि उजवीकडे पिल शेप UWB कटआउटसह दिसला आहे.
• सेल्फी कॅमेऱ्यासाठी डिस्प्लेवर पंच-होल डिजाइन आहे. मागे ट्रिपल रियर कॅमेरा आणि एलईडी फ्लॅश आहे.
• स्मार्टफोनच्या खालच्या बाजूला यूएसबी टाइप-सी पोर्ट, प्रायमरी मायक्रोफोन, स्पिकर ग्रिल आणि सिम कार्ड ट्रे आहे.
• लीकनुसार ह्या फोनचे डायमेंशन 158.5 x 75.9 x 7.75 मिमी असतील अशी चर्चा आहे.

सॅमसंग गॅलेक्सी S24 सीरीजचे स्पेसिफिकेशन्स (संभाव्य)

• डिस्प्ले: गॅलेक्सी S24 सीरीजच्या प्लस आणि अल्ट्रा मॉडेलमध्ये 6.8 इंचाचा WQHD+ रिजॉल्यूशन आणि 2,200 निट्स सनलाइट मोड घुमावदार AMOLED पॅनल मिळू शकतो. सर्व मॉडेलमध्ये 120Hz रिफ्रेश रेट दिला जाऊ जाऊ शकतो.
• प्रोसेसर: गॅलेक्सी S24 सीरीजच्या अल्ट्रा मॉडेलमध्ये युजर्सना क्वॉलकॉम स्नॅपड्रॅगन 8 जेन 3 चिपसेट मिळू शकतो. तर दोन अन्य मॉडेल एक्सिनॉस 2400 प्रोसेसरसह येऊ शकतात.
• स्टोरेज: स्टोरेजच्या बाबतीत अल्ट्रा मॉडेलमध्ये 16जीबी पर्यंत रॅम +2टीबी पर्यंत स्टोरेज मिळू शकते. तर अन्य दोन मॉडेल 12जीबी पर्यंत रॅम आणि 512जीबी इंटरनल स्टोरेजचा समावेश केला जाऊ शकतो.
• कॅमेरा: S24 अल्ट्रा मध्ये 200 मेगापिक्सलचा प्रायमरी कॅमेरा, 50 मेगापिक्सलच्या टेलीफोटो लेन्ससह 10 मेगापिक्सलची पेरिस्कोप लेन्स मिळू शकते. तर अन्य दोन मध्ये 50 मेगापिक्सलची प्रायमरी लेन्स मिळण्याची शक्यता आहे. तसेच, तिन्ही मध्ये 12MP चा फ्रंट कॅमेरा दिला जाऊ शकतो.
• बॅटरी: S24 अल्ट्रा मध्ये 5100mAh ची बॅटरी दिली जाऊ शकते. तर S24 प्लस आणि S24 मध्ये 5000mAh किंवा 4900mAh ची बॅटरी मिळू शकते. त्याचबरोबर सर्व मॉडेल्समध्ये 45वॉट फास्ट चार्जिंगचा सपोर्ट दिला जाऊ शकतो.
• ओएस: हे सर्व मॉडेल लेटेस्ट अँड्रॉइड 14 आधारित OneUI 6 वर चालू शकतात.

The post Samsung Galaxy S24 Plus आणि Galaxy S24 Ultra चे रेंडर्स आले समोर, लाँचच्या आधी पाहा डिजाइन first appeared on 91Mobiles Marathi.