वोडाफोन ने आपल्या पोस्टपेड रेड प्लान्स मध्ये बदल केले आहेत. कंपनी च्या 399 रुपयांच्या रेड प्लान मध्ये आधी यूजर्सना एक महिन्यासाठी एकूण 20जीबी 4जी डाटा दिला जात होता, त्याजागी आता त्याच किंमतीत ग्राहकांना 40जीबी 4जी डाटा मिळेल. हा इंटरनेट डाटा रोलओवर होत राहील. म्हणजे जर यूजर एका महिन्यात 40जीबी डाटा यूज करू शकला नाही तर उरलेला डाटा आपोआप पुढील महिन्याच्या 40जीबी डाटा मध्ये जोडला जाईल.

त्याचप्रमाणे वोडाफोन च्या 499 रुपयांच्या प्लान मध्ये आधी एक महिन्यासाठी 40जीबी 4जी डाटा मिळत होता पण अपडेट नंतर कंपनी आपल्या या प्लान मध्ये आता 75जीबी इंटरनेट डाटा देत आहे. हा डाटा पण रोलओवर होईल तसेच नवीन बिलिंग सायकल मध्ये जोडला जाईल. पण या दोन्ही प्लान्स मध्ये रोलओवर होणार्‍या डाटा ची अधिकतम लिमिट 200जीबी इतकीच आहे. म्हणजे उरलेला डाटा 200जीबी पर्यंतच जोडला जाईल.

भरपूर इंटरनेट डाटा सह वोडाफोन च्या या प्लान्स मध्ये संपूर्ण देशात अनलिमिटेड वॉयस कॉल पूर्णपणे फ्री मिळत आहेत. वोडाफोन 399 रुपयांच्या रेड प्लान मध्ये 1,498 रुपयांचे तसेच 499 रुपयांच्या प्लान मध्ये 4,498 रुपयांपर्यंतचे बेनिफिट देत आहे. यात 999 रूपयांच्या 1 वर्षाच्या फ्री अमेजन प्राइम मेंबरशिप आणि 499 रुपयांच्या वोडाफोन प्ले च्या फ्री सर्विसचा समावेश आहे. यात शॉपिग कूपन्स सोबत 499 रेड प्लान मध्ये 3,000 रुपयांचे डिवाइस प्रोटेक्शन पण मिळत आहे.

The post वोडाफोन देत आहे त्याच किंमतीत दुप्पट 4जी डाटा, अपडेट केले प्लान्स, मिळेल 4,498 रुपयांपर्यंतचा फायदा first appeared on 91Mobiles Marathi.