Redmiயின் 300W அல்ட்ரா-ஃபாஸ்ட் சார்ஜிங் தொழில்நுட்பம் பிப்ரவரியில் மீண்டும் அறிவிக்கப்பட்டது. ஆனால், இது வணிக ரீதியாக இன்னும் வெற்றிபெறவில்லை. என்றாலும், இந்த தொழில்நுட்பமானது Realme நிறுவனத்தின் 240W சார்ஜிங் தீர்வை விஞ்சியது. OPPO ஆனது 300W சார்ஜிங் விகிதத்துடன் பொருந்தக்கூடிய ஒரு புதிய தீர்வைத் தயாரிப்பதாகத் தெரிகிறது என்று டிப்ஸ்டர் DigitalChatStation தெரிவித்துள்ளது. புதிய முயற்சி தற்போது வளர்ச்சியில் இருப்பதாகக் கூறப்படுகிறது, ஆனால் 4,450mAh பேட்டரியில் (4,600mAh பேட்டரி வழக்கமானது) மேற்கொள்ளப்படுகிறது. இந்த ஆண்டு இறுதிக்குள் இதற்கு ஒரு தீர்வு விடும் என்று எதிர்பார்க்கலாம்.

OPPO 300W சார்ஜிங் தொழில்நுட்பம்

Redmi தனது அறிவிப்பில், அதன் 300W சார்ஜிங் தீர்வு 50 சதவீதத்தை அடைய 2 நிமிடங்கள் மற்றும் 11 வினாடிகள் எடுத்ததாகவும், முழுமையாக சார்ஜ் செய்ய 5 நிமிடங்களுக்குள் ஆகும் என்றும் கூறியுள்ளது. சோதனைக்கு பயன்படுத்தப்பட்ட பிராண்டின் பேட்டரி திறன் 4,100mAh அலகு ஆகும். OPPO விற்கும் நேரம் பிடிக்கும் என நாம் ஊகிக்கலாம், ஆனால் இது பெரும்பாலும் பேட்டரியின் திறனைப் பொறுத்தது.

Redmi இன் 300W சார்ஜிங் தீர்வு போலல்லாமல், 290W ஐ (300W அல்ல) ஒருமுறை மட்டுமே தொட முடியும். அதுவும் சுமார் 3 வினாடிகளுக்கு, OPPO இன் SuperVOOC தீர்வு குறைந்தபட்சம் பேட்டரி 80 சதவீதத்தை அடையும் வரை அதே வேகத்தைத் தக்கவைத்துக்கொள்ளும் என்று நம்புகிறோம். வரும் நாட்களில் புதிய SuperVOOC தீர்வு பற்றிய கூடுதல் விவரங்களை நாம் தெரிந்துகொள்ளலாம்.

ஃபாஸ்ட் சார்ஜிங் தீர்வு என்பது ஃபோன் சார்ஜ் செய்யும் வேகம் மட்டுமல்ல, வெப்பத்தை எவ்வளவு திறமையாக கட்டுப்படுத்துகிறது, மின்னோட்டத்தை எவ்வளவு சிறப்பாக நிர்வகிக்கிறது என்பதும் ஆகும். இன்ஃபினிக்ஸ் ஜீரோ அல்ட்ராவில் உள்ள 180W சார்ஜிங்தான் இந்தியாவில் தற்போதைய அதிவேக சார்ஜிங் முறை ஆகும். உலக அளவில் Realme GT 3 மொபைல் தற்போது 240W இல் வேகமாக சார்ஜ் செய்யும் வணிகரீதியாக கிடைக்கக்கூடிய மொபைல் ஆகும். மேலும் இது இந்தியாவிற்கு வரும் என்று எதிர்பார்க்கப்படுகிறது. 300W ஃபாஸ்ட் சார்ஜிங் வசதி இந்தியாவில் கிடைக்குமா என்று தெரியவில்லை.

The post 300W SuperVOOC சார்ஜிங் தயாரிப்பில் தீவிரமாக உள்ளது OPPO first appeared on .

சில வாரங்களுக்கு முன்பு, Realme அதன் 240W பாஸ்ட் சார்ஜிங் தொழில்நுட்பத்தை Realme GT Neo 5 ஸ்மார்ட்போன் மூலமாகவும், நேற்று ரியல்மி GT3 மொபைலுடன் வெளியிட்டது. இதனியடுத்து இப்போது, Redmi நிறுவனம் முதல் முறையாக உலகின் மிக வேகமான 300W பாஸ்ட் சார்ஜிங் தொழில்நுட்பத்தை அறிமுகம் செய்துள்ளது.

புதிய தொழிற்நுட்பம்

Redmi நிறுவனம் அதன் 300W பாஸ்ட் சார்ஜிங் தொழில்நுட்பத்தை அறிவிக்க Weibo பக்கத்திற்கு சென்றுள்ளது. ரெட்மி நிறுவனம் 300W பாஸ்ட் சார்ஜிங்கை ஃபேரி செகண்ட் சார்ஜிங் தொழில்நுட்பம் (Fairy Second Charging Technology) என்று அழைக்கிறது. 300W சார்ஜருடன் ரெட்மி உலகின் அதிவேக சார்ஜிங் தொழில்நுட்பமாக மாற உள்ளது.

வீடியோ வெளியீடு

இந்த புதிய 300W பாஸ்ட் சார்ஜரிங் தொழில்நுட்பத்தின் செயல் திறனைக் காட்டும் வீடியோவையும் நிறுவனம் Weibo இல் வெளியிட்டுள்ளது. Redmi Note 12 Pro+ உடன் இந்த 300W பாஸ்ட் சார்ஜிங் (300W Fast Charging Technology) இணைக்கப்படும் போது, இதன் வேகம் எவ்வளவு என்பது தெளிவாக காண்பிக்கப்பட்டுள்ளது. ரெட்மியின் 300W சூப்பர்-ஃபாஸ்ட் சார்ஜிங் தொழில்நுட்பம் பல தொழில்நுட்ப மேம்படுத்தல்களைப் பெறுகிறது. நான்காவது தலைமுறை GaN ஒருங்கிணைப்பு தீர்வைப் பயன்படுத்துகிறது. குறைந்த வெப்ப உருவாக்கம் மற்றும் அதிக செயல்திறன் ஆகியவற்றில் அதிக சக்தியை இந்த புதிய 300W பாஸ்ட் சார்ஜிங் அம்சம் வழங்குகிறது.

வடிவமைப்பு

சார்ஜருக்குள் இருக்கும் பிளானர் டிரான்ஸ்பார்மர், சாதனத்தின் இடத்தை சுருக்க ஒரு ஒருங்கிணைந்த மட்டு வடிவமைப்பை பெற்றுள்ளது. Xiaomi இன் இந்த 300W GaN சார்ஜரின் அளவு அப்படியே அதன் முந்தைய 210W சார்ஜருக்கு நிகரான இடத்திலேயே அமைக்கப்பட்டுள்ளது என்பது சிறப்பான விஷயமாகும். Xiaomi இந்த 300W பாஸ்ட் சார்ஜிங் அம்சத்தை இரண்டாவது சார்ஜிங் தொழில்நுட்பம் என்று அழைப்பதற்கு இதுவே ஒரு முக்கிய காரணமாகும். இந்த புதிய 300W பாஸ்ட் சார்ஜிங் கட்டமைப்பில் தனிப்பயனாக்கப்பட்ட 6:2 சார்ஜ் பம்ப் சிப்பைப் பயன்படுத்துகிறது. அதிகபட்சமாக 98% திறன் இதில் வழங்கப்படுகிறது. சரியான அளவில், வேகமாக சார்ஜிங் செய்யத் தேவையான அனைத்து சிறப்பம்சங்களையும் இந்த 300W பாஸ்ட் சார்ஜிங் தொழில்நுட்பம் கொண்டுள்ளது.

எவ்வளவு நேரம் எடுத்துக்கொள்ளும்?

இந்த 300W பாஸ்ட் சார்ஜிங் தொழில்நுட்பம் சிறப்பாகச் செயல்படுவதை உறுதிப்படுத்த இதில் கிராபெனின் ஒரு பெரிய பகுதி பயன்படுத்தப்படுகிறது. அதி-உயர்-சக்தி வெளியீட்டை அடைய சார்ஜர் ஒரு சீரான வெப்பச் சிதறலைக் கொண்டுள்ளது. Xiaomi இன் முந்தைய தலைமுறை 210W சார்ஜரின் வால்யூம் 43% அதிகரிப்புடன் இருப்பதாக Xiaomi தெரிவித்துள்ளது. வழக்கமான 4:2 சார்ஜ் பம்ப் தீர்வுடன் ஒப்பிடும்போது, ​​6:2 பம்ப் சார்ஜிங் பாதையில் அதிக மின்னோட்ட வெப்பமாக்கலின் சிக்கலை தீர்க்கிறது. இந்த 300W சூப்பர்சார்ஜர் இரட்டை சரம் பேட்டரி வடிவமைப்பை அடிப்படையாகக் கொண்டது. பேட்டரி உள்ளீடு மின்னோட்டம் 30A ஆக உள்ளது. பேட்டரிக்கு 15C இன் அதி-உயர் சார்ஜிங் விகிதம் தேவைப்படுகிறது. இதற்கு இணங்க Xiaomi புதிய வகை கடினமான கார்பன் பொருட்களை ஸ்மார்ட்போன் பேட்டரிகளில் பயன்படுத்தியுள்ளது. திடமான கார்பன் அமைப்பு கிராஃபைட்டை விட தளர்வானது மற்றும் ஒழுங்கற்றது, இது லித்தியம் அயனிகளுக்கு சிறந்த எதிர்வினை பாதையை வழங்குகிறது.

வேகம்

இதன் வேகம் பற்றி பேசுகையில், Redmi Note 12 Pro+ இன் 4100mAh பேட்டரியை 300W பாஸ்ட் சார்ஜர் முழுமையாக சார்ஜிங் செய்து முடிக்க வெறும் 5 நிமிடங்கள் மட்டுமே எடுத்துக்கொண்டதாகக் கூறப்படுகிறது. இந்த போனை 300W பாஸ்ட் சார்ஜர் 43 வினாடிகளில் 10% நிரப்பியுள்ளது, 2 நிமிடங்கள் 13 வினாடிகளில் 50% மற்றும் 5 நிமிடங்களில் 100% சார்ஜை போனில் நிரப்பியுள்ளது என்பது குறிப்பிடத்தக்கது. வரும் காலத்தில் மக்கள் வெறும் 5 நிமிடத்தில் அவர்களின் மொபைல்களைச் சார்ஜ் செய்துகொள்ளலாம். இரவு நேரம் முழுக்க சார்ஜ் செய்யும் ஆபத்தான பழக்கத்தை மக்கள் விரைவில் இதன் மூலம் மாற்றிக்கொள்ளலாம்.

The post 300W.. 5 நிமிடத்தில் முழு சார்ஜ்! first appeared on .