கீபேட் போன்கள் பயன்படுத்த மிகவும் எளிதானது என்பதில் சந்தேகமில்லை. தொலைபேசியில் சிம்மை செருகி, மொபைலை சுவிட்ச் ஆன் செய்ய வேண்டும். அவ்வளவுதான். தொலைபேசி வேலை செய்யத் தொடங்கிவிடும். ஆனால் இது ஆண்ட்ராய்டு ஸ்மார்ட்போன்களின் காலம். அத்தகைய சூழ்நிலையில், நீங்கள் ஒரு புதிய ஆண்ட்ராய்டு ஸ்மார்ட்போனை வாங்கும்போது, ​​​​ஃபோனை அமைக்கும் செயல்முறை பட்டன் போனில் இருந்து வேறுபட்டது. இதைப் புரிந்து கொள்ள உங்களுக்கு சிறிது நேரம் ஆகும். அதனால்தான் இந்த கட்டுரையில் புதிய ஆண்ட்ராய்டு ஸ்மார்ட்போனை எவ்வாறு அமைப்பது என்பதை நாங்கள் உங்களுக்குச் சொல்ல இருக்கிறோம்.

புதிய ஆண்ட்ராய்டு ஸ்மார்ட்போனை எவ்வாறு அமைப்பது?

புதிய ஆண்ட்ராய்டு போனை அமைப்பதில், நீங்கள் மூன்று செயல்முறைகளை மேற்கொள்ள வேண்டும். முதல் செயல்முறை அடிப்படை அமைப்பு, இரண்டாவது இணைய அமைப்பு மற்றும் மூன்றாவது மின்னஞ்சல் ஐடி அமைப்பு. முதலில், அடிப்படை அமைப்பைப் பார்ப்போம்.

அடிப்படை அமைப்பு (Basic setup)

புதிய ஆன்ட்ராய்டு போன் வாங்கும் போது, ​​அதன் பெட்டியில் ஃபோன், சார்ஜர், கேபிள், பின் எனப்படும் சிம் எஜெக்டர் கருவி மற்றும் சில ஆவணங்கள் கிடைக்கும். பெட்டியிலிருந்து தொலைபேசியை எடுத்து கீழே உள்ள படிகளைப் பின்பற்றவும்.

படி 1: முதலில், பெட்டியில் வழங்கப்பட்டுள்ள சிம் எஜெக்டர் கருவி மூலம் மொபைலின் சிம் ட்ரேயை அகற்றவும். போனின் சிம் தட்டு பக்கவாட்டு பேனலில் அல்லது கீழே கொடுக்கப்பட்டு இருக்கும்.

படி 2: சிம் தட்டுக்கு அருகில் ஒரு சிறிய துளை உள்ளது, அதில் ஒரு முள் கொண்டு அழுத்துவதன் மூலம் ட்ரேயை வெளியே எடுக்கலாம்.

படி 3: சிம் ட்ரேயில், சிம்மிற்கு ஒரு ஸ்லாட் இருக்கும், அதில் சிம் வைக்கப்பட்டு, ட்ரேயை மூட வேண்டும். சிம் சரியாகச் செருகப்பட்ட பிறகு, மொபைலை இயக்க வேண்டும். பெரும்பாலும் ON பட்டன் மொபைலின் பக்க பேனலில் இருக்கும். இங்கிருந்து நீங்கள் தொலைபேசியை இயக்கலாம்.

இணைய அமைப்பு (Internet setup)

மொபைல் இயக்கப்பட்ட பிறகு, நீங்கள் அதில் டேட்டாவை அதாவது இணையத்தை அமைக்க வேண்டும். நீங்கள் விரும்பினால், இணையம் இல்லாமல் கூட தொலைபேசியை இயக்கலாம். ஆனால் அது இல்லாமல் நீங்கள் ஆண்ட்ராய்டு ஸ்மார்ட்போனைப் பயன்படுத்துவதைத் தவறவிடுவீர்கள். அத்தகைய சூழ்நிலையில், தொலைபேசி இயக்கத்தில் இருக்கும்போது, ​​​​முதலில் மொழியைத் தேர்ந்தெடுக்க உங்களுக்கு விருப்பம் கிடைக்கும்.

படி 1: உங்கள் ஃபோன் திரையில் கொடுக்கப்பட்டுள்ள அம்புக்குறியைத் தட்டவும், பின்னர் நீங்கள் அனைத்து மொழி விருப்பங்களையும் காண்பீர்கள். நீங்கள் ஃபோனைப் பயன்படுத்த விரும்பும் மொழியைத் தேர்ந்தெடுக்கவும்.

படி 2: மொழியைத் தேர்ந்தெடுத்த பிறகு, சில வழிகாட்டுதல்கள் உங்கள் முன் தோன்றும். அவற்றைப் பார்த்த பிறகு நீங்கள் அவற்றை ஏற்றுக்கொண்டு மேலும் தொடர வேண்டும்.

படி 3: இதற்குப் பிறகு, ஒரு புதிய பக்கம் உங்கள் முன் திறக்கும். அங்கு நீங்கள் பழைய மொபைலில் இருந்து தரவை நகலெடுக்க விரும்புகிறீர்களா இல்லையா என்று கேட்கப்படும். நீங்கள் ஏற்கனவே ஆண்ட்ராய்டு போன் அல்லது ஐபோன் பயன்படுத்தினால், டேட்டாவை மாற்றலாம். ஆனால் நீங்கள் முதல் முறையாக ஆண்ட்ராய்டு போனை பயன்படுத்துகிறீர்கள் என்றால், ‘Not now’ ஆப்ஷனை கிளிக் செய்து தொடரலாம்.

படி 4: இதற்குப் பிறகு நீங்கள் WiFi நெட்வொர்க் அமைவு விருப்பத்தைக் காண்பீர்கள். உங்கள் வீட்டில் வைஃபை சேவை இருந்தால், நீங்கள் அமைக்கலாம் இல்லையெனில் கீழே கொடுக்கப்பட்டுள்ள ‘Skip’ விருப்பத்தை கிளிக் செய்து தொடரவும்.

படி 5: வைஃபையை அமைக்க, திரையில் உள்ள வைஃபை பட்டியலில் இருந்து உங்கள் வீட்டு வைஃபையைக் கிளிக் செய்யவும். அதன் பிறகு password கேட்கப்படும். உங்கள் பாதுகாப்பு password ஐ உள்ளிட்டு OK என்பதைக் கிளிக் செய்யவும். வைஃபை அமைக்கப்படும். நீங்கள் வைஃபையை அமைக்காமல், Skip விருப்பத்தை கிளிக் செய்வதன் மூலம் தொடர்ந்தால், மொபைல் தானாகவே மொபைல் டேட்டாவிற்கு மாறும்.

படி 6: இதன்பின், உங்கள் ஃபோன் தயாராக சிறிது நேரம் எடுக்கும், சிறிது நேரத்திற்குள், பழைய மொபைலில் இருந்து ஆப்கள் மற்றும் ஃபைல்களை நகலெடுக்கும் செய்தி திரையில் தோன்றும். புதிய மொபைலை அமைக்கும்போது, ​​கீழே உள்ள ‘Don’t Copy’ விருப்பத்தை கிளிக் செய்வதன் மூலம் தொடரலாம்.

மின்னஞ்சல் ஐடி அமைப்பு (Email setup)

இதுவரை செய்யப்பட்ட செயல்முறைக்குப் பிறகு, மின்னஞ்சல் ஐடியை அமைக்க வேண்டும். நீங்கள் ஆண்ட்ராய்டு போனை அமைக்கிறீர்கள் என்றால், கூகுள் ஐடி வைத்திருப்பது நல்லது. ஏனெனில் ஐடியை அமைப்பதன் மூலம் மட்டுமே, ஆப்ஸ், மின்னஞ்சல்கள் மற்றும் கேம்கள் போன்ற ஸ்மார்ட் அம்சங்களைப் பயன்படுத்த முடியும். மற்றபடி இது சாதாரண போன் போல வேலை செய்யும். மெயில் ஐடி அமைப்பதற்கு இங்கே உள்ள படிகளைப் பின்பற்றவும்.

படி 1: நீங்கள் மேலும் தொடர, Google கணக்கில் உள்நுழைவதற்கான விருப்பம் தோன்றும். இந்த வழக்கில், உங்களிடம் ஏற்கனவே Google கணக்கு இருந்தால், அதில் உங்கள் ஐடியை உள்ளிட்டு, கடவுச்சொல்லை உள்ளிட்டு உள்நுழைந்தால், மொபைல் தயாராகும். ஆனால் உங்களிடம் ஏற்கனவே Google கணக்கு இல்லையென்றால், கீழே கொடுக்கப்பட்டுள்ள Create account என்ற விருப்பத்தை கிளிக் செய்யவும்.

படி 2: இங்கே உங்கள் பெயரில் ஒரு கணக்கை உருவாக்குவதற்கான விருப்பத்தைப் பெறுவீர்கள் அல்லது உங்கள் மொபைல் எண்ணைக் கொண்டு Google கணக்கையும் உருவாக்கலாம்.

படி 3: புதிய கணக்கை உருவாக்கும் போது, ​​பெயர், பிறந்த தேதி உள்ளிட்ட சில சம்பிரதாயங்களை பூர்த்தி செய்ய வேண்டும். பின்னர் உங்கள் தொலைபேசி எண்ணுக்கு OTP அனுப்பப்படும்.

படி 4: இதற்குப் பிறகு, கணக்கிற்கான கடவுச்சொல்லை உள்ளிட்டு உங்கள் Google கணக்கை உருவாக்கலாம்.

படி 5: கூகுள் கணக்கை உருவாக்கிய பிறகு, சேவைகளுக்கான சில வழிகாட்டுதல்களை Google வழங்கும், அவற்றுக்கு உங்கள் ஒப்புதலை வழங்கியவுடன், பின், கடவுச்சொல், கைரேகை மற்றும் முகத்தைத் திறத்தல் போன்ற பாதுகாப்பு சேவைகளை உள்ளிடுவதற்கான விருப்பம் உங்களிடம் கேட்கப்படும்.

படி 6: கீழே விடுவதற்கான விருப்பம் இருந்தாலும், தொலைபேசியின் பாதுகாப்பிற்கு இது மிகவும் முக்கியமானது என்பதால் நீங்கள் அதை முடிக்க வேண்டும்.

படி 7: பின் Password-ஐ உள்ளிட்ட பிறகு, தீம் ஒன்றைத் தேர்ந்தெடுப்பதற்கான விருப்பத்தைப் பெறுவீர்கள். உங்களுக்கு விருப்பமான தீம் அமைத்து கீழே உள்ள நெக்ஸ்ட் பட்டனை கிளிக் செய்தவுடன் ஃபோன் செட்டப் முடிந்தது.

இதற்குப் பிறகு, உங்கள் தொலைபேசி அமைப்பிற்கு சிறிது நேரம் ஆகும். அதனையடுத்து அது பயன்படுத்தத் தயாராகி விடும். அதன்பின் நீங்கள் உங்கள் ஆண்ட்ராய்டு ஸ்மார்ட்போனைப் பயன்படுத்தலாம்.

The post புதிய ஆண்ட்ராய்டு போனை செட்டப் செய்வது எப்படி? first appeared on .

தற்போது சாட் ஜிபிடி-யை இணையதளம் மற்றும் ஆண்ட்ராய்டு மொபைல் போன்களில் மட்டுமல்ல, புதிய பிங் சர்ச்சிற்கான ப்ரீவியூ ரிலீஸ் (Preview Release) ஐஓஎஸ் டிவைஸ்களிலும் அறிமுகம் செய்யப்பட்டுள்ளதாக மைக்ரோசாஃப்ட் இந்தியா (Microsoft India) அறிவித்துள்ளது. அதாவது புதிய பிங் சேர்ச்சை ஆண்ட்ராய்டு போன்களில் மட்டுமின்றி ஐபோன்கள் வழியாகவும் பயன்படுத்தலாம். இதை எப்படி பயன்படுத்துவது, இதன் வளர்ச்சி என்ன என்பதைப் பார்க்கலாம்.

பயன்படுத்துவது எப்படி?

முதலில் கூகுள் பிளே ஸ்டோர் அல்லது ஆப்பிள் ஆப் ஸ்டோர் வழியாக எட்ஜ் (Edge) அல்லது பிங் (Bing) ஆப்பின் லேட்டஸ்ட் வெர்ஷனை டவுன்லோட் செய்திருப்பதை உறுதி செய்துகொள்ளவும். அதுமட்டுமின்றி பிங் ஏஐ ப்ரீவியூவில் சைன்-இன் மற்றும் லாக்-இன் செய்திருப்பதையும் உறுதி செய்துகொள்ளவும். மைக்ரோசாஃப்ட் வெளியிட்டுள்ள ப்ரீவியூ ரீலீஸை அணுகக்கூடிய எவருமே (ஆண்ட்ராய்டு பயனர்கள் மற்றும் ஐஓஎஸ் பயனர்கள்) தங்கள் ஸ்மார்ட்போனில் / ஐபோனில் உள்ள மைக்ரோசாஃப்ட் எட்ஜ் மொபைல் ஆப்பின் (Microsoft Edge Mobile App) ஹோம் பேஜ் வழியாக புதிய பிங் சேர்ச்சை பயன்படுத்த முடியும்.

மொபைலுக்கு வந்துள்ள புதிய பின் சர்ச் ஆனது டெஸ்க்டாப்பில் இருப்பது போலவேத்தான் செயல்படும். அதாவது மைக்ரோசாஃப்ட் எட்ஜ் மொபைல் ஆப்பின் கீழே உள்ள பிங் ஐகானை (Bing Icon) கிளிக் செய்தால் போதும், நீங்கள் சாட் செஷனிற்கு (Chat Session) அழைத்து செல்லப்படுவீர்கள். அங்கே சாட்ஜிபிடி அடிப்படையிலான ஏஐ சாட்பாட் (ChatGPT Powered AI Chatbot) கிடைக்கும். அது நீங்கள் கேட்கும் கேள்விகளுக்கு பதில் அளிக்கும். மேலும் அது கதை எழுவது முதல் கோடிங் எழுதுவது வரை.. மொழிபெயர்ப்பு முதல் பரிந்துரைகள் வரையிலான உங்களுடைய தேவைகளை பூர்த்தி செய்யும்.

வாய்ஸ் சர்ச்

பிங்கிற்கான புதிய மொபைல் ஆப்பை (New Bing Mobile App) அறிமுகம் செய்த கையோடு, மைக்ரோசாஃப்ட் நிறுவனம் அதில் வாய்ஸ் சேர்ச் (Voice Search) அம்சத்தையும் அறிமுகம் செய்துள்ளது. மேலும் இந்நிறுவனத்திற்கு சொந்தமான வீடியோ கால் பிளாட்ஃபார்மான ஸ்கைப்பிலும் (Skype) கூட ஏஐ-பவர்டு பிங் சேர்க்கப்பட்டுள்ளது. இதெல்லாமே வெறும் ஆரம்பம் தான். ஏனென்றால் வரும் நாட்களில் டீம்ஸ் (Teams) போன்ற நிறுவனத்தின் மற்ற தகவல்தொடர்பு ஆப்களிலும் கூட ஏஐ-பவர்டு பிங் அறிமுகம் செய்யப்படும் என்று அறிவிக்கப்பட்டுள்ளது.

சந்தை பங்கு

மைக்ரோசாஃப்ட் நிறுவனத்தின் இந்த நகர்வு சுந்தர் பிச்சை தலைமையிலான கூகுளுக்கு கடும் நெருக்கடியை கொடுக்கும் என்பதிலும், கூகுள் நிறுவனத்தின் தேடல் விளம்பர சந்தை பங்கை (Search Advertising Market Share) தன்வசம் இழுக்கும் என்பதிலும் சந்தேகமே வேண்டாம். ஸ்டாட்கவுன்டர் (StatCounter) தரவுகளின்படி, கூகுளின் உலகளாவிய தேடல் சந்தை பங்கானது, டெஸ்க்டாப்பில் 85 சதவிகிதமும், ஸ்மார்ட்போன்களில் 96 சதவிகிதமும் உள்ளது. மைக்ரோசாஃப்ட்டின் பிங் சர்ச்சிடம் வெறும் 8.9% (டெஸ்க்டாப் சந்தை) மற்றும் 0.48% ( மொபைல் சந்தை) பங்குகள் மட்டுமே உள்ளது.

The post பிங் சர்ச் மூலம் மொபைலுக்கும் வந்தது ChatGPT! first appeared on .

ஒரு ஸ்மார்ட்போனின் பேட்டரி ஆனது மிகவும் வேகமாக காலி ஆவதற்கு பின்னால் பல காரணங்கள் உள்ளன. அவற்றில் மிகவும் முக்கியமான, மற்றும் நம்மில் பலரும் யூகித்து கூட பார்க்க முடியாத ஒரு காரணம் உள்ளது. அதுதான் – கல்பிங் ஆப்ஸ் (Gulping Apps). அதாவது, உங்களுக்கே தெரியாமல் உங்கள் மொபைல் போனின் பேட்டரியை உறிஞ்சி குடிக்கும் ஆப்கள்.
லோ பேட்டரி (Low Battery) தொடர்பான இன்னொரு கசப்பான உண்மை என்னவென்றால், 4ஜி ஸ்மார்ட்போன்களை விட 5G ஸ்மார்ட்போன்கள் தான் மிகவும் மோசமாக பாதிக்கப்பட உள்ளது! அதாவது இப்போது (4ஜி போன்கள் வழியாக) நீங்கள் சந்திக்கும் லோ பேட்டரி பிரச்சனைகள் எல்லாம் ஒன்றுமே இல்லை. 5ஜி நெட்வொர்க்கின் கீழ் இயங்கும் ஸ்மார்ட்போன்களின் பேட்டரி ஆனது “ஒப்பீட்டளவில்” மிகவும் வேகமாக காலி ஆவதை வல்லுநர்களே ஏற்றுக்கொண்டுள்ளனர்.

உங்கள் ஸ்மார்ட்போனின் பேட்டரி லைஃப்-ஐ அதிகரிக்க உதவும் எளிமையான டிப்ஸ்கள் (Simple Tips) உள்ளன. அவைகளில் ஏதேனும் சிலவற்றை செய்தாலும் கூட போதும். உங்கள் ஸ்மார்ட்போனின் பேட்டரி லைஃப்பில் நல்ல முன்னேற்றத்தை காண்பீர்கள்.

01. சோஷியல் மீடியா ஆப்கள்

பேஸ்புக், இன்ஸ்டாகிராம், வாட்ஸ்அப், ட்விட்டர், டிண்டர் போன்ற சோஷியல் மீடியா ஆப்களில் – எது தேவை இல்லையோ, அதன் – நோட்டிஃபிக்கேஷன்களை நிறுத்தி வைக்கவும்! இது ஒரு சின்ன காரியம் தான் ஆனால் பேட்டரி லைஃப்பில் நல்ல முன்னேற்றத்தை கொடுக்கும்!

02. தேவை இல்லாத நோட்டிஃபிக்கேஷன்களை டிசேபிள் செய்த கையோடு சோஷியல் மீடியா ஆப்களின் பேக்கிரவுண்ட் டேட்டா பயன்பாட்டையும் (Background data usage) கட்டுப்படுத்துங்கள். இதை செய்வதன் வழியாக, நீங்கள் ஒரு குறிப்பிட்ட சோஷியல் மீடியா ஆப்பில் இருந்து வெளியேறியதுமே, அது ஃப்ரீஸ் (Freeze) ஆகிவிடும் அல்லது முற்றிலும் ஷட் டவுன் (Shut Down) செய்யப்படும். எனவே அவைகளால் உங்கள் ஸ்மார்ட்போனின் பேட்டரியை சீரழிக்க முடியாது! Background data usage-ஐ கட்டுப்படுத்தும் முறை Android மற்றும் iOS ஆகிய இரண்டிலுமே கிடைக்கிறது.

3. தேவை இல்லாத நேரங்களில் மொபைல் டேட்டா அல்லது வைஃபையை ஆஃப் செய்வது மற்றொரு வழி ஆகும். தூங்கும் போது, குளிக்கும் போது, சாலையில் வாகனம் ஓட்டும் போது, முக்கியமான மீட்டிங்கில் இருக்கும் போது, தியேட்டரில் சினிமா பார்க்கும் போது என இப்படி பல இடங்களில் உங்கள் ஸ்மார்ட்போனை உங்களால் பயன்படுத்தவே முடியாது அல்லவா? அதுபோன்ற நேரங்களில் மொபைல் டேட்டாவை அல்லது வைஃபையை ஆப் செய்து விடவும்; இது நிச்சயம் உங்கள் ஸ்மார்ட்போனின் பேட்டரி லைஃப்-ஐ அதிகரிக்கும்!

04. ‘லைட்’ வெர்ஷன்களை புறக்கணிக்க வேண்டாம்! பேஸ்புக் மற்றும் இன்ஸ்டாகிராம் போன்ற முக்கியமான சோஷியல் மீடியா ஆப்களுக்கு லைட் வெர்ஷன்கள் (Light Versions) உள்ளன. பொதுவாக லைட் வெர்ஷன்கள் ஆனது குறைந்த அளவிலான ரிசோர்ஸ்களையே எடுத்துக்கொள்ளும். இது டேட்டா நுகர்வை குறைப்பதோடு சேர்த்து மொபைல் பேட்டரியின் பயன்பாட்டையும் குறைக்கும்!

05. பேசாமல் வெப்சைட்டிற்கு போயிடுங்க! பேஸ்புக் மற்றும் இன்ஸ்டாகிராம் போன்ற சோஷியல் மீடியாக்களை, ஆப்களின் வழியாக பயன்படுத்துவது போல, அந்தந்த சோஷியல் மீடியாக்களின் வெப்சைட் வெர்ஷன்களையும் கூட நீங்கள் பயன்படுத்தலாம். மொபைலில் உள்ள பேஸ்புக் ஆப் ஆனது மிகப்பெரிய பேட்டரியை உறிஞ்சும் மறுகையில் அதன் வெப்சைட் வெர்ஷன் ஆனது மிகவும் குறைவான அளவிலேயே பேட்டரியை பயன்படுத்துகிறது. இன்ஸ்டாகிராம் மற்றும் ட்விட்டருக்கும் கூட இதையே கூறலாம்!

06. லோ பவர் மோட் அல்லது லோ பேட்டரி மோட்! எப்போதெல்லாம் முடிகிறதோ, அப்போதெலாம் லோ பவர் மோட் (Low Power Mode) அல்லது லோ பேட்டரி மோட்-ஐ (Low battery mode) இயக்கலாம். இந்த அம்சம் iOS மற்றும் Android ஆகியே இரண்டிலுமே கிடைக்கிறது. இதை நீங்கள் எனேபிள் செய்யும் பட்சத்தில், பேக்கிரவுண்ட்டில் நடக்கும் ஆப் அப்டேட்கள் நிறுத்தப்படும் மற்றும் அடிப்படை செயல்பாடுகளை மட்டுமே செய்யும்படி மொபைல் போனின் சிஸ்டம் ஆனது கட்டுப்படுத்தப்படும். சில ஆண்ட்ராய்டு போன்களில் அல்ட்ரா பேட்டரி சேவர் மோட் (Ultra Battery Saver mode). அது இன்னும் திறம்பட செயல்படும்; முடிந்த அளவில் மொபைல் போன் பேட்டரியை சேமிக்கும்!

07. டாஸ்க் ஸ்விட்ச்சர்! கடைசியாக, ஐஓஎஸ் மற்றும் ஆண்ட்ராய்டு ஆகிய இரண்டிலுமே இருக்கும் டாஸ்க் ஸ்விட்ச்சரை (Task Switcher) ஓப்பன் செய்யலாம். இது ஆப்களை போர்ஸ் க்ளோஸ் (Force close) செய்ய உதவும். அதேசமயம் உங்கள் ஸ்மார்ட்போனின் பேட்டரி ஆயுளையும் அதிகரிக்கும்.

The post மொபைல் பேட்டரி ஆயுளை அதிகரிக்க 7 டிப்ஸ்! first appeared on .

உங்கள் மொபைலில் உள்ள contactகளை பாதுகாப்பாக வைத்திருப்பது எப்படி என்பது குறித்தும், ஒரு போனில் இருந்து மற்றொரு போனுக்கு எளிதான முறையில் மாற்றுவது எப்படி என்பது குறித்தும் பார்க்கலாம்.

பொழுதுபோக்கு முதல் அத்தியாவசிய பயன்பாடுகள் என அனைத்தும் ஸ்மார்ட்போன்களில் வந்து விட்டது. பிரதான பயன்பாடாக இருக்கும் ஆதார் கார்ட் இல் மாற்றம் செய்ய வேண்டுமா? மொபைல் போன் மற்றும் ஓடிபி தேவை. சிறுக சிறுக சேமிக்கும் பணத்தை பாதுகாப்பாகவும் டிஜிட்டல் முறையிலும் பரிவர்த்தனை செய்ய வேண்டுமா? மொபைல் போன் தேவை. தங்களுக்கு பிடித்த நிகழ்வுகளை காட்சியாக பதிவு செய்து தங்களுடனே வைத்திருக்க வேண்டுமா? மொபைல் போன் தேவை. இப்படி அடிக்கிக் கொண்டே போகலாம்.

அரசு ஆவணங்கள், வங்கி இருப்பு, முக்கிய புகைப்படங்கள் என மொத்தமும் ஸ்மார்ட்போன்களில் தான் இருக்கிறது. இதெல்லாம் ஒருபுறம் இருக்க, மறுபுறம் தங்களது பட்டியலில் இருக்கும் தொடர்புகள் என்பது மிக பிரதானம். இதை பாதுகாப்பாக வைத்திருக்க வேண்டும் என்பது மிக அவசியம். பெரும்பாலும் உங்களின் தொடர்புகளை பிறர் அணுகுவது உங்கள் அனுமதியுடன் தான். அது எப்படி என்று கேள்வி வருகிறதா.. வாங்க பார்க்கலாம்.

நீங்கள் மூன்றாம் தரப்பு பயன்பாடுகளை பதிவிறக்கம் செய்யும் போது. அதில் சில Terms and Conditions கேட்கும். என்ன என்று படித்து பார்க்காமல் அதை Accept செய்து விடுவோம். அதில் Contact Allow அல்லது புகைப்படங்கள் மற்றும் வீடியோக்கள் உள்ளடக்கிய Galleryக்கான Allow என்று குறிப்பிட்டிருக்கலாம். இந்த Terms and Conditionsகளை படிக்காமல் Accept செய்வதன் மூலம் உங்களது அனுமதியோடு மூன்றாம் தரப்பினர்கள் உங்களது Contactகளை அணுகலாம். இதையெல்லாம் கவனமாக கையாளுவதன் மூலம் உங்கள் தொடர்பு பட்டியலை பாதுகாப்பாக வைத்திருக்கலாம்.

மாற்றுவது எப்படி?

அடுத்த விஷயம், நீங்கள் புது போன் வாங்கும் பட்சத்தில் பழைய போனில் இருந்து காண்டாக்ட்களை இழக்காமல் பாதுகாப்பாக அனைத்தையும் மாற்றுவது எப்படி என்பது குறித்து பார்க்கலாம். ஒன்று, இரண்டு அல்லது ஐம்பது, நூறாக இருந்தால் ஒவ்வொன்றாக சேமித்துவிடலாம். ஆயிரக்கணக்கான காண்டாக்ட்கள் இருக்கும்பட்சத்தில் ஒவ்வொன்றாக சேமிப்பது சாத்தியமில்லாத விஷயம். எனவே சிக்கல் இல்லாமல் மொத்தமாக மாற்றுவது எப்படி என்பது குறித்து பார்க்கலாம்.

கூகுள் கணக்கு

உங்கள் காண்டாக்ட்களை இழக்காமல் மாற்றுவதற்கு எளிய வழிமுறைகள் இருக்கிறது. ஆண்ட்ராய்ட் மற்றும் ஐபோன்கள் இரண்டுக்கும் ஆன வழிமுறைகளை தனித்தனியாக பார்க்கலாம். தொடர்புகளை மாற்றவும் பாதுகாப்பாக வைக்கவும் கூகுள் கணக்கு என்பது மிக பிரதானம். பெரும்பாலும் ஸ்மார்ட்போன்களை பயன்படுத்தத் தொடங்கும் போதே நாம் கூகுள் கணக்குகளை தொடங்கி விடுகிறோம். அப்போது தான் முறையாக ப்ளே ஸ்டோர் மற்றும் யூடியூப் போன்ற கணக்குகளை பயன்படுத்த முடியும்.

அப்படி பயன்படுத்தும் கூகுள் கணக்குகளின் பாஸ்வேர்ட் உள்ளிட்டவைகளை நியாபமாக வைத்துக் கொள்வது அவசியம். கூகுள் டிரைவ் இல் புகைப்படங்கள், தொடர்புகள், வீடியோக்கள் உள்ளிட்டவைகளை சேமித்து வைக்கும் பட்சத்தில் அது பாதுகாப்பாக இருக்கும். இதை எந்த சூழ்நிலையிலும் மீட்டெடுத்துக் கொள்ளலாம். புகைப்படங்கள், காண்டாக்ட்கள், வீடியோக்கள் காணாமல் போகிவிட்டதே என்று கவலைப்படவும் தேவையில்லை.

புதுப்புது அம்சங்களோடு ஸ்மார்ட்போன்கள் அறிமுகமாகும் காரணத்தால், மக்கள் அடிக்கடி புதிய ஸ்மார்ட்போனுக்கு மாறுகிறார்கள். அப்படி புது போனுக்கு மாறும்பட்சத்தில் பழைய சேட்டிங், புகைப்படங்கள் மற்றும் காண்டாக்ட்களை அப்படியே மாற்ற வேண்டிய தேவை இருக்கும். இவை அனைத்துக்கும் கூகுள் டிரைவ் பிரதான தேவையாக இருக்கும்.

எப்படி மாற்றுவது

உங்கள் பழைய ஆண்ட்ராய்ட் போனிலிருந்து புதிய ஆண்ட்ராய்டு போனுக்கு தொடர்புகளை எப்படி மாற்றுவது என்பது குறித்து பார்க்கலாம். கூகுள் கணக்கை ஓபன் செய்து அதில் டிரைவ் பயன்பாட்டை ஓபன் செய்து கொள்ளவும். அதில் செட்டிங்க்ஸ் பயன்பாட்டுக்குள் சென்று Users and accounts ஆப்ஷனை தேர்ந்தெடுத்துக் கொள்ளவும். இதில் உங்கள் profile and ID தேர்வு செய்து sync செய்து கொள்ளவும். பின் தொடர்பில் உள்ள அனைத்து சேமிப்புகளையும் கூகுள் ஸ்டோரேஜ்-க்கு மாற்றிக் கொள்ளவும். அவ்வளவு தான் இந்த கூகுள் கணக்கை நீங்கள் புது போனில் லாக்-இன் செய்தால் அனைத்து தொடர்புகளையும் மீட்டுக் கொள்ளலாம்.

ஐபோனிலிருந்து ஐபோனுக்கு தொடர்புகளை மாற்றுவது எப்படி?

ஐபோன் பயனர்களுக்கு தொடர்புகளை மீட்டெடுப்பது மிக எளிய விஷயம். உங்கள் ஐபோனில் ஐகிளவுட் பயன்பாட்டை இயக்கிக் கொள்ளவும். பின் புது ஐபோனில் பயன்பாட்டுக்குள் சென்று iCloudஐ இயக்கி அதே ஐடியை லாக் இன் செய்து கொள்ளவும். உங்கள் தொடர்பில் இருக்கும் அனைத்து எண்களும் அப்படியே iCloud லாக்-இன் செய்த மொபைலில் கிடைக்கும்.

The post புதிய போனுக்கு எளிதாக காண்டாக்ட்களை மாற்றுவது எப்படி? first appeared on .