ஆப்பிள் நிறுவனம் தனது வாடிக்கையாளர்களுக்கு மிகப் பெரிய அதிர்ச்சியைக் கொடுத்துள்ளது.

அதாவது ஆப்பிள் நிறுவனம் வாரன்டி முடிந்த ஐபோன் பேட்டரியை மாற்றுவதற்கான விலையை அதிகப்படுத்தியுள்ளது. பிப்ரவரி 2023-ம் ஆண்டு வரையில் வாரன்டி இருக்கும் ஐபோன்களுக்கு மட்டுமே பழைய விலைக்கு பேட்டரியை மாற்றித் தரப்படும். அதன்பிறகு (மார்ச் 1, 2023) பேட்டரி மாற்ற வேண்டுமானால் புதிய விலையின் அடிப்படையிலேயே மாற்றித் தரப்படும் என்று தெரிவிக்கப்பட்டுள்ளது.

புதிய விலை

இதன்மூலம் இதுவரை பேட்டரி மாற்றுவதற்கான கட்டணம் 69 அமெரிக்க டாலராக இருந்த நிலையில் வரும் மார்ச் 1-ம் தேதி முதல் 20 டாலர்கள் அதிகப்படுத்துவதாகவும், இது ஐபோன் 14 மாடல்களுக்கு முந்தைய அனைத்து ஐபோன்களுக்கும் பொருந்தும் என்று அறிவிக்கப்பட்டுள்ளது.

ஆப்பிள் கேர்

ஆப்பிள் கேர் (applecare)அல்லது ஆப்பிள் கேர் பிளஸ் (applecare plus) போன்ற திட்டங்களை மேற்கொள்ளதாவர்களே இந்த விலையேற்றத்தால் பாதிக்கப்படுவார்கள் என்பது குறிப்பிடத்தக்கது. மேலும் பெரும்பாலான ஆப்பிள் ஐபோன் வாடிக்கையாளர்கள் இந்த புதிய விலை ஏற்றத்தால் பாதிப்படையப்போவது உறுதி.

80% கீழ் பேட்டரி ஹெல்த்

அதேபோல் ஆப்பிள் கேர் (applecare) அல்லது ஆப்பிள் கேர் பிளஸ் (applecare plus) பிளான்களை வைத்திருப்போர் 80% கீழ் பேட்டரி ஹெல்த் இருந்து அதனை மாற்ற வேண்டுமென்றால் எந்த கட்டணமும் செலுத்த தேவை இல்லை என்று கூறப்பட்டுள்ளது.

ஐபோன் 14

ஆப்பிள் நிறுவனம் ஐபோன் 14 மாடல்களுக்கு அவ்வப்போது சில சிறப்புச் சலுகைகளை வழங்கிய வண்ணம் உள்ளது என்றுதான் கூறவேண்டும். குறிப்பாக உலகம் முழுவதும் இந்த ஐபோன் 14 மாடலுக்கு நல்ல வரவேற்பு உள்ளது என்பது குறிப்பிடத்தக்கது. இப்போது ஐபோன் 14 மாடலின் சிறப்பு அம்சங்களைப் பார்ப்போம்.

டிஸ்ப்ளே

ஐபோன் 14 ஆனது 6.1 அங்குல அளவிலான சூப்பர் ரெடினா XDR OLED டிஸ்ப்ளேவை கொண்டுள்ளது. இது FHD+ ரெசல்யூஷன் உடன் வருகிறது. மேலும் இந்த டிஸ்பிளே, 1200 நிட்ஸ் பீக் ப்ரைட்னஸ் மற்றும் ஆப்பிளின் செராமிக் ஷீல்ட் கிளாஸ் ப்ரொடெக்ஷனையும் வழங்குகிறது.

டூயல் ரியர் கேமரா

ஐபோன் 14 மொபைலில் 12எம்பி மெயின் லென்ஸ் + 120 டிகிரி பீல்ட் ஆப் வியூ உடனான 12எம்பி அல்ட்ரா-வைட் லென்ஸ் என்கிற டூயல் ரியர் கேமரா செட்டப் உள்ளது. மேலும் ஐபோன் 14 மாடலின் ரியர் கேமராவானது 60fps என்கிற வேகத்தின் கீழ் 4K வீடியோக்களை பதிவு செய்யும் திறன் கொண்டது. முன்பக்கத்தை பொறுத்தவரை, இதில் 12MP செல்ஃபி கேமரா உள்ளது.

சிப்செட்

ஐபோன் 14 ஆனது ஆப்பிள் நிறுவனத்தின் A15 பயோனிக் சிப்செட் மூலம் இயக்கப்படுகிறது. அதாவது iPhone 13-ல் இருக்கும் அதே சிப்செட் தான் ஆனால் இது கூடுதல் GPU கோர்-ஐ கொண்டுள்ளது, அதாவது 5-core GPU-வைக் கொண்டுள்ளது. ஸ்டோரேஜை பொறுத்தவரை, இது 6ஜிபி ரேம் மற்றும் 512ஜிபி வரையிலான இன்டர்னல் ஸ்டோரேஜ் உடன் இணைக்கப்பட்டுள்ளது. இது 3279mAh அளவிலான பேட்டரியை பேக் செய்கிறது மற்றும் சமீபத்திய iOS 16 கொண்டு இயங்குகிறது. பயனர்களுக்கான கூடுதல் பாதுகாப்பை வழங்கும் நோக்கத்தின் கீழ் ஐபோன் 14 மாடலில் ஃபேஸ் ஐடி-க்கான (Face ID) ஆதரவும் சேர்க்கப்பட்டுள்ளது. கடைசியாக, இதுவொரு டூயல் சிம் ஆதரவை வழங்கும் ஒரு 5ஜி போன் (5G Phone) ஆகும்.

The post ஐபோன் வாடிக்கையாளர்களுக்கு ஆப்பிள் தந்த அதிர்ச்சி! first appeared on .