ஐபோன் 15 சீரிஸ் பேட்டரி

ஐபோன் பேட்டரிகள் சிறந்தவை அல்ல. ஆனால் ஆப்பிளின் சமீபத்திய மாடல்களில் அவை கொஞ்சம் கொஞ்சமாக மேம்பட்டு வருகிறது. ஒவ்வொரு புதிய தலைமுறை ஐபோனோடு அதன் பேட்டரி திறனும் அதிகரிக்கிறது. அது ஐபோன் 15 சீரிஸிலும் தொடரும் என்று எதிர்பார்க்கப்படுகிறது. Foxconn ஆதாரத்தை மேற்கோள் காட்டி வெளியான ITHome  இன் அறிக்கையின்படி, iPhone 15 சீரிஸின் பேட்டரி திறன் 18 சதவீதம் வரை அதிகரிக்கும்.

ஐபோன் 15 மாடல் 3,877mAh பேட்டரியை பேக் செய்யும் என்று கூறப்படுகிறது. இது முந்தைய மாடலை விட 18 சதவீதம் அதிகமாகும். iPhone 15 plus ஆனது 4,912mAh பேட்டரியுடன் (13.6 சதவீதம்) வரும் மற்றும் iPhone 15 Pro ஆனது 3,650mAh பேட்டரியை (14.1 சதவீதம்) பேக் செய்யும் என்று கூறப்படுகிறது. ஐபோன் 15 ப்ரோ மேக்ஸ் மாடலானது சீரிஸின் மிகவும் விலை உயர்ந்ததாக இருக்கும். இது 4,852mAh பேட்டரியைக் கொண்டிருக்கும். இது முந்தைய மாடலை விட 10.9 சதவீதம் அதிகமாகும்.

புதிய வண்ணங்களில் ஐபோன் 15 சீரிஸ்

ஆப்பிள், ஆறு விதமான நிறங்களில் ஐபோன் சீரிஸை வழங்குகிறது. இந்த முறை, ஐபோன் 15 ப்ரோவை கிரிம்சன் சிவப்பு நிறத்தில் வெளியிடும் என்று எதிர்பார்க்கப்படுகிறது என்று வெய்போ ஆதாரத்தை மேற்கோள் காட்டி 9to5Mac இன் அறிக்கை தெரிவிக்கிறது. ஐபோன் 14 ப்ரோவிற்கு ஆழமான ஊதா நிறத்தை முன்னறிவித்த அதே ஆதாரம் இதுவாகும். புதிய கிரிம்சன் ஷேட் “மிகவும் ஆழமானது” என்று கூறப்படுகிறது. எனவே இத்தனை வருடங்களாக நாம் பார்த்து வரும் PRODUCT(RED) நிறத்திற்கு பதில் இந்த வண்ணம் வழங்கப்படலாம்.