iQOO நிறுவனம் அதன் மூன்றாம் ஆண்டு விற்பனையின் ஒரு பகுதியாக, அதன் ஸ்மார்ட்போன்களுக்குத் தள்ளுபடிகள் மற்றும் சலுகைகளை வழங்குகிறது. சீன ஸ்மார்ட்போன் பிராண்டான விவோவால் ஆதரிக்கப்படும் இந்நிறுவனம், 2020 இல் இந்திய சந்தையில் நுழைந்தது. குறிப்பிடத்தக்க பாராட்டைப் பெற்ற பல குறிப்பிடத்தக்க போன்களை அறிமுகப்படுத்தியுள்ளது.

இந்தியாவில் அதன் மூன்றாம் ஆண்டு நிறைவைக் குறிக்கும் வண்ணம் அதன் வாடிக்கையாளர்களுக்கு, ஸ்மார்ட்போன்களில் தள்ளுபடிகளை வழங்குகிறது. இதனையடுத்து iQOO 11 மொபைல் தள்ளுபடி போக ரூ. 49,999 என்ற விலையில்  கிடைக்கிறது. அதாவது ஜனவரியில் அறிமுகப்படுத்தப்பட்ட அதன் அசல் விலையான ரூ. 59,999 இலிருந்து ரூ. 10,000 குறைக்கப்பட்டுள்ளது. தள்ளுபடி செய்யப்பட்ட ஸ்மார்ட்போன்களைப் பார்ப்போம்.

iQOO 3வது ஆண்டு விற்பனை தேதிகள், கிடைக்கும்

ஏப்ரல் 19 (இன்று) முதல், iQOO மூன்றாம் ஆண்டு விற்பனையானது நிறுவனத்தின் வலைத்தளமான iQOO.com மற்றும் Amazon இல் கிடைக்கிறது. ஏப்ரல் 24 ஆம் தேதி வரை நாட்டில் உள்ள இரு இணையதளங்களிலும் விற்பனை தொடர்ந்து நடைபெறும். விருப்பமுள்ளோர் இன்று முதல் இந்த சலுகையைப் பயன்படுத்திக் கொள்ளலாம்.

ஆண்டுவிழா விற்பனையின் போது, ​​iQOO 11 தள்ளுபடி விலையில் ரூ.49,999 கிடைக்கும், இது இந்தியாவில் அதன் அசல் விலையான ரூ.59,999ஐ விட ரூ.10,000 குறைவாகும். iQOO 9 மற்றும் iQOO 9 Pro ஆகியவையும் குறிப்பிடத்தக்க தள்ளுபடியில் கிடைக்கின்றன. iQOO 9 தற்போது ரூ.30,990 தள்ளுபடி விலையில் கிடைக்கிறது. இது அதன் அசல் விலையான ரூ.42,990ஐ விட ரூ.12,000 குறைவாகும். வழக்கமாக ரூ.64,990க்கு விற்கப்படும் ப்ரோ வேரியன்ட் தற்போது ரூ.39,990 தள்ளுபடி விலையில் கிடைக்கிறது. அதாவது ரூ.25,000 குறைக்கப்பட்டுள்ளது.

இந்த விலைகள் வங்கி விளம்பரங்களை உள்ளடக்கியது மற்றும் வழக்கமான சேமிப்பக (இண்டர்னல் ஸ்டோரேஜ்) வேரியண்ட்களுக்கு மட்டுமே பொருந்தும் என்பதை கவனத்தில் கொள்ள வேண்டும்.

நிர்வாகச் செலவுகளை சேமிக்கும் பொருட்டு, Vivo நிறுவனம் அதன் துணை பிராண்டான iQOO நிறுவனத்தை விவோவோடுஇணைக்க விரும்புவதாக வதந்தி பரவுகிறது . இரண்டு வணிகங்களும் ஏற்கனவே R&D வசதிகள், சேனல் அமைப்பு, விநியோகச் சங்கிலி மற்றும் பல விஷயங்களைப் பகிர்ந்து கொள்கின்றன. இருப்பினும், பிராண்டுகள் திட்டமிடல், பயனர் செயல்பாடு, ஊடக உத்தி, மற்றும் ஆன்லைன் விற்பனை ஆகியவற்றின் தனித்துவமான முறைகளை எடுத்ததுள்ளன.

iQOO 9 Pro 5G முக்கிய விவரக்குறிப்புகள்

• சிப்செட் – Qualcomm Snapdragon 8 Gen 1
• ரேம் – 8 ஜிபி
• டிஸ்ப்ளே – 6.78 அங்குலம் (17.22 செமீ)
• பின் கேமரா – 50 எம்பி + 50 எம்பி + 16 எம்பி
• செல்ஃபி கேமரா – 16 எம்.பி
• பேட்டரி – 4700 mAh

The post iQOO 11, iQOO 9 Pro மொபைல்களுக்கு ரூ. 25,000 வரை தள்ளுபடி: முழு விவரம் first appeared on .

சமீபத்தில் அறிமுகமான பல நிறுவனங்களின் ஸ்மார்ட்போன்களும் Android 13 அப்டேட்டை படிப்படியாக பெறத் தொடங்கி இருக்கின்றன. அதன்படி தற்போது இந்தியாவில் vivo நிறுவனத்தின் ஒரு சமீபத்திய மாடலும், iQOO நிறுவனத்தின் ஒரு சமீபத்திய மாடலும் ஆண்ட்ராய்ட் 13 அப்டேட்டை பெறத் தொடங்கி இருக்கிறது.

ஆண்ட்ராய்டு 13 அப்டேட்

ஆண்ட்ராய்டு 13 அறிமுகம் குறித்து கூகுள் அதிகாரப்பூர்வமாக அறிவித்தது. இதையடுத்து பல பிராண்டுகளின் ஸ்மார்ட்போன்களும் படிப்படியாக ஆண்ட்ராய்டு 13 அப்டேட்டை பெற தொடங்கி இருக்கின்றன. இந்த பட்டியலில் தற்போது Vivo மற்றும் iQOO நிறுவனத்தின் தலா ஒரு மாடல்கள் இடம்பெற்றிருக்கிறது.

Android 13ல் இருக்கும் வசதிகள்

Android 13 மூலம் பயனர்கள் Notificationகளாக எந்தெந்த அறிவிப்புகளை பெற வேண்டும் என்பதை குறிப்பிட்டு தேர்ந்தெடுத்துக் கொள்ளலாம். நீங்கள் பயன்படுத்தும் பயன்பாடுகளில் Notification பெறுவதற்கு வெளிப்படையான அனுமதி என்பது அவசியம். ஸ்பேஷியல் ஆடியோவிற்கான வசதியையும் ஆண்ட்ராய்ட் 13 வழங்குகிறது. ஆண்ட்ராய்டு 13 பயன்படுத்தும் போது, ஹெட்போன்களில் அதிவேகத்துடன் கூடிய உயர்தர ஆடியோவை அனுபவிக்க முடியும். இன்னும் சில அப்டேட்களை ஆண்ட்ராய்டு 13 மூலம் பயனர்கள் பெறலாம்.

தற்போது ஆண்ட்ராய்ட் 13ஐ பெறப்போகும் அந்த விவோ மற்றும் ஒப்போ ஸ்மார்ட்போன் என்னவென்று பார்க்கலாம். விவோவின் Vivo X80 Pro மற்றும் ஐக்யூவின் iQOO 9 Pro ஆகிய ஸ்மார்ட்போன்கள் பயன்படுத்தும் இந்திய பயனர்கள் ஆண்ட்ராய்ட் 13 ஓஎஸ்-க்கு அப்டேட் செய்யலாம். இந்த இரண்டு நிறுவனங்களும் ட்விட்டர் போன்ற சமூகவலைதளங்களில் இந்த புதுப்பிப்பை அதிகாரிப்பூர்வமாக அறிவித்துள்ளது.

புதுப்பிப்பு உள்ளதா என்பதை எப்படி சோதிப்பது?

இந்த அப்டேட் ஆனது படிப்படியாக வெளியிடப்பட்டு வருகிறது. நீங்கள் இன்னும் புதுப்பிப்பை பெறவில்லை என்றால் கவலைப்பட வேண்டாம், விரைவில் உங்களுக்கான புதுப்பிப்பு கிடைக்கும். புதுப்பிப்பு தொடர்பான நோட்டிபிகேஷன் பெறவில்லை என்றால் செட்டிங்க்ஸ் பயன்பாட்டுக்குள் சென்று புதுப்பிப்பு உள்ளதா என்பதை சோதித்துக் கொள்ளலாம்.

விவோ எக்ஸ்80 ப்ரோ சிறப்பம்சங்கள்

விவோ எக்ஸ்80 ப்ரோ ஸ்மார்ட்போனானது 2கே (1,440×3,200 பிக்சல்கள்) தெளிவுத்திறனுடன் 6.78-இன்ச் அமோலெட் டிஸ்ப்ளே மற்றும் 120 ஹெர்ட்ஸ் வரையிலான ரெஃப்ரஷிங் ரேட்டைக் கொண்டிருக்கிறது. விவோ எக்ஸ்80 ப்ரோ ஸ்மார்ட்போனானது ஸ்னாப்டிராகன் 8 ஜென் 1 எஸ்ஓசி வசதியோடு வருகிறது. இந்த சாதனம் ஆண்ட்ராய்டு 12 அடிப்படையிலான ஆரிஜின் ஓஎஸ் மூலம் இயக்கப்படுகிறது.

கேமரா

விவோ எக்ஸ்80 ப்ரோ ஸ்மார்ட்போனானது 50 எம்பி (Samsung ISOCELL GNV) முதன்மை கேமரா, 48 எம்பி அல்ட்ரா வைட் சோனி ஐஎம்எக்ஸ் 598 ஷூட்டர், 12 எம்பி சோனி ஐஎம்எக்ஸ் 663 சென்சார்கள் மற்றும் 8 எம்பி போர்ட்ரெய்ட் சென்சார் என குவாட் ரியர் கேமரா அமைப்பைக் கொண்டிருக்கிறது. ஸ்மார்ட்போனின் முன்பக்கத்தில் செல்பி மற்றும் வீடியோ வசதிக்கு என 32 எம்பி முன்புற கேமரா பொருத்தப்பட்டிருக்கிறது.

இந்த ஸ்மார்ட்போனானது வைஃபை 6, ப்ளூடூத் வி5.2, என்எஃப்சி மற்றும் இன்ஃப்ராரெட் (ஐஆர்) பிளாஸ்டர் வயர்லெஸ் இணைப்பு விருப்பங்கள் உள்ளிட்டவைகளை கொண்டிருக்கிறது. இந்த ஸ்மார்ட்போனானது 4700 எம்ஏஎச் பேட்டரி வசதியோடு 80 வாட்ஸ் ஃப்ளாஷ் சார்ஜிங் வசதியோடு இருக்கிறது. இந்த சாதனம் 50 வாட்ஸ் வயர்லெஸ் சார்ஜிங் ஆதரவைக் கொண்டிருக்கிறது. அதேபோல் இந்த ஸ்மார்ட்போனானது நீர் மற்றும் தூசி எதிர்ப்பு அம்சத்துக்கு என ஐபி68 மதிப்பீடு இதில் இருக்கிறது.

iQOO 9 Pro அம்சங்கள்

iQOO 9 Pro ஸ்மார்ட்போனானது 6.78 அங்குல டிஸ்ப்ளேவைக் கொண்டிருக்கிறது. இது பாண்டா க்ளாஸ் பாதுகாப்பு ஆதரவைக் கொண்டிருக்கிறது. ஆண்ட்ராய்டு 12 அடிப்படையிலான ஃபன்டச் ஓஎஸ் (Funtouch OS) மூலம் இயக்கப்படுகிறது. ஆக்டோகோர் ஸ்னாப்டிராகன் 8 ஜென்1 சிப்செட் மூலம் இயக்கப்படுகிறது. டூயல் 50 எம்பி கேமரா மற்றும் ஒரு 16 எம்பி கேமரா என ட்ரிபிள் ரியர் கேமரா அமைப்பு உள்ளது. ஸ்மார்ட்போனின் முன்பக்கத்தில் 16 எம்பி செல்ஃபி கேமரா பொருத்தப்பட்டுள்ளது.

The post விவோ, iQOOவின் இந்த போன்களுக்கு ஆண்ட்ராய்டு 13 அப்டேட் ரெடி! first appeared on .