ஜியோ (Jio) நிறுவனம் அதன் ட்ரூ 5ஜி (True 5G) சேவையை இந்தியாவில் பரவலாக விரிவுபடுத்தி வருகிறது. அந்த வகையில் இப்போது இந்தியாவில் பல முக்கியமான நகரங்களில் ஜியோவின் ட்ரூ 5ஜி சேவை கிடைக்கிறது. இதனை தொடர்ந்து, இப்போது இந்தியா மற்றும் தமிழ்நாட்டின் எந்தெந்த பகுதிகளில் Jio True 5G சேவை கிடைக்கிறது என்று தெரிந்துகொள்ளலாம். இத்துடன், இந்த 5ஜி சேவையை பயன்படுத்த நீங்கள் என்ன செய்ய வேண்டும் என்பதையும் பார்க்கலாம்.

225 நகரங்களில்..

ஜியோ நிறுவனம் அதன் ஜியோ 5ஜி பீட்டா சோதனையைத் துவங்கி 120 நாட்கள் ஆகிறது. இப்போது வரை, ஜியோ மொத்தம் 225 நகரங்களில் 5ஜி (5G) சேவையை வழங்கி வருகிறது. இந்த பட்டியலில் நிறுவனம் இப்போது புதிதாக 34 நகரங்களைச் சேர்த்துள்ளது. இதில் தமிழ்நாட்டின் சில நகரங்களும் இடம்பெற்றுள்ளது.

ஜியோ 5G நெட்வொர்க் இப்போது ஆந்திரா, அசாம், பீகார், சத்தீஸ்கர், ஹரியானா, கர்நாடகா, மகாராஷ்டிரா, ஒடிசா, பஞ்சாப், ராஜஸ்தான், தமிழ்நாடு, தெலுங்கானா மற்றும் உத்தரப்பிரதேசத்தில் உள்ள பல்வேறு நகரங்களில் கிடைக்கிறது.

ஆந்திரப் பிரதேசத்தில் உள்ள அனந்தபுரம், பீமாவரம், சிராலா, குண்டக்கல், நந்தியால் மற்றும் தெனாலி ஆகிய இடங்களில் Jio True 5G கிடைக்கிறது. அஸ்ஸாமில், இது திப்ருகர், ஜோர்ஹாட் மற்றும் தேஜ்பூர் முழுவதும் Jio 5G கிடைக்கிறது. பீகார் , கர்நாடகா, உத்தரப்பிரதேசம் மற்றும் ராஜஸ்தானில் தலா ஒரு நகரத்தை மட்டுமே ஜியோ தனது 5ஜி வட்டத்தின் கீழ் சேர்த்துள்ளது. பீகாரில் கயா, கர்நாடகாவின் சித்ரதுர்கா, உத்தரப்பிரதேசத்தில் மதுரா மற்றும் ராஜஸ்தானில் அஜ்மீர் ஆகிய நகரங்களில் இப்போது ஜியோவின் 5G சேவை கிடைக்கிறது.

மகாராஷ்டிராவில், ஜல்கான் மற்றும் லத்தூரில் 5ஜி சேவை இப்போது கிடைக்கிறது. ஒடிசாவில் உள்ள பலங்கிர் மற்றும் நால்கோவில் இப்போது ஜியோ 5ஜி இணைப்பு உள்ளது. அண்டை மாநிலமான தெலுங்கானா, அடிலாபாத் மற்றும் மகபூப்நகர் ஆகிய இடங்களுக்கும் ஜியோ 5ஜி இப்போது விரிவடைந்துள்ளது. பஞ்சாபில் உள்ள ஜலந்தர் மற்றும் பக்வாரா நகரங்களிலும் Jio True 5G சேவை கிடைக்கிறது. இந்தியாவின் தென்கோடியில் உள்ள மாநிலமான தமிழ்நாட்டில், குறிப்பிடத்தக்க எண்ணிக்கையிலான நகரங்களை ஜியோ தேர்வு செய்து, அதன் 5ஜி சேவையை இந்த நகரங்களில் விரிவுபடுத்தியுள்ளது.

தமிழ்நாட்டைப் பொறுத்த வரை, கடலூர் (Cuddalore), திண்டுக்கல் (Dindigul), காஞ்சிபுரம் (Kancheepuram), கரூர் (Karur), கும்பகோணம் (Kumbakonam), நாகர்கோவில் (Nagercoil), தஞ்சாவூர் (Thanjavur) மற்றும் திருவண்ணாமலை (Tiruvannamalai) ஆகிய இடங்களில் இப்போது இந்த ஜியோ 5ஜி சேவை கிடைக்கின்றது. இந்த நகரங்களில் உள்ள அனைத்து ரிலையன்ஸ் ஜியோ (Reliance Jio) பயனர்களும் ஜியோ 5ஜி வெல்கம் ஆஃபரை (Welcome Offer) செயல்படுத்த முடியும் என்பது குறிப்பிடத்தக்கது. இந்த சலுகையின் மூலம், ஜியோ பயனர்களுக்கு ஒரு குறிப்பிட்ட காலத்திற்கு வரம்பற்ற 5G டேட்டா இலவசமாக வழங்கப்படும். ஜியோவின் திட்டப்படி, 2023 டிசம்பருக்குள், இந்தியா முழுக்க 5G வெளியீட்டை முடிக்க நிறுவனம் இலக்கு வைத்துள்ளது. ஜியோவின் 5G நெட்வொர்க் 1 Gbps + வேகம் வரை வழங்குகிறது.

ஜியோவின் பட்டியலில் சேர்க்கப்பட்ட 34 புதிய நகரங்களின் பட்டியல்!

ஆந்திரப் பிரதேசம்

• அனந்தபுரம்
• பீமாவரம்
• சிராலா
• குண்டக்கல்
• நந்தியால்
• தெனாலி

அசாம்

• திப்ருகர்
• ஜோர்ஹட்
• தேஜ்பூர்

பீகார்

• கயா

சத்தீஸ்கர்

• அம்பிகாபூர்
• தாம்தாரி
• ஹரியானா
• தானேசர்
• யமுனா நகர்
• சித்ரதுர்கா
• ஜல்கான்
• சோம்பேறி

ஒடிசா

• பலங்கிர்
• நால்கோ

பஞ்சாப்

• ஜலந்தர்
• பக்வாரா

ராஜஸ்தான்

• அஜ்மீர்

தமிழ்நாடு

• கடலூர்
• திண்டுக்கல்
• காஞ்சிபுரம்
• கரூர்
• கும்பகோணம்
• நாகர்கோயில்
• தஞ்சாவூர்
• திருவண்ணாமலை

தெலுங்கானா

• அடிலாபாத்
• மகபூப்நகர்
• ராமகுண்டம்

உத்தரபிரதேசம்

• மதுரா

இதற்கு முன் தமிழ்நாட்டில் – மதுரை (Madurai), கோவை (Coimbatore), திருச்சி (Thrichy), சேலம் (Salem), ஓசூர் (Hosur), வேலூர் (Vellore) ஆகிய நகரங்களில் Jio 5G அறிமுகம் செய்யப்பட்டது என்பதும் குறிப்பிடத்தக்கது.

The post ஜியோ 5ஜி சேவை கிடைக்கிற லிஸ்ட்ல புதுசா சேர்ந்த 8 தமிழக நகரங்கள்! first appeared on .

ரிலையன்ஸ் ஜியோ நிறுவனம் இந்தியாவில் முதல் முறையாக முதல் 5G திட்டத்தின் விலையை (Jio 5G Recharge Plan Price) அறிவித்துள்ளது. இன்று நிறுவனம் அறிமுகம் செய்த திட்டத்தின் விலைப்படி, இனி ஜியோ பயனர்கள் வெறும் ரூபாய் 61 (Jio Rs 61 5G Data Plan) விலை முதல் 5G சேவையை அனுபவிக்க முடியும் என்று நிறுவனத்தின் அதிகாரப்பூர்வ தகவல் தெரிவிக்கிறது.

இந்த புதிய ரீசார்ஜ் திட்டம் இப்பொழுது ரிலையன்ஸ் ஜியோவின் அதிகாரப்பூர்வ இணையத்தளம் மற்றும் மை ஜியோ ஆப்ஸ் (My Jio Apps) வழியாக ரீசார்ஜ் செய்யக் கிடைக்கிறது. ஜியோ (Jio) நிறுவனம் அறிமுகம் செய்துள்ள இந்த புதிய 5G திட்டத்தின் நன்மைகளைப் பற்றிப் பார்க்கலாம். முதலில் இந்த திட்டம் ஒரு டேட்டா பேக் (Jio Data Pack) திட்டம் என்பதை நாம் புரிந்து கொள்ள வேண்டும்.

ஆம், இது 5G சுவையைச் சுவைப்பதற்காக நிறுவனம் அறிமுகம் செய்துள்ள டேட்டா ஒன்லி பேக் திட்டம் (Jio Data Only Pack) ஆகும். இது 61 ரூபாய் விலையில் உங்களுக்கு 6 ஜிபி அளவிலான 5G டேட்டாவை வழங்குகிறது. இந்த ரீசார்ஜ் திட்டம் – எந்த ஒரு வேலிடிட்டியுடன் வரவில்லை என்பது கவனிக்கத்தக்கது. இதற்கான அர்த்தம், இந்த திட்டம் உங்களுடைய பேசிக் ரீசார்ஜ் திட்டத்தின் வேலிடிட்டியுடன் செயல்படும் என்பது குறிப்பிடத்தக்கது.

61 ரூபாயில் 5G டேட்டா.! Jio அறிமுகம் செய்த முதல் 5ஜி திட்டம்.!

ரிலையன்ஸ் ஜியோ நிறுவனம் அறிவிப்பின்படி, ரூபாய் 239 விலைக்கு மேல் உள்ள ரீசார்ஜ் திட்டங்களை ரீசார்ஜ் செய்த வாடிக்கையாளர்கள் – இப்போது இந்தியாவில் ஜியோ 5ஜி கிடைக்கும் இடங்களில் தாராளமாக 5G சேவையை பயன்படுத்தலாம் என்பது குறிப்பிடத்தக்கது. இந்த விலைக்கு கீழே உள்ள கட்டணங்களில் ரீசார்ஜ் செய்த பயனர்களுக்காக, இந்த ரூபாய் 61 டேட்டா பேக் திட்டத்தை நிறுவனம் அறிமுகம் செய்துள்ளது.

உதாரணமாக ரூபாய் 119, ரூபாய் 149, ரூபாய் 179, ரூபாய் 199, மற்றும் ரூபாய் 209 விலையில் ரீசார்ஜ் செய்த பயனர்கள் இனி இந்த 61 ரூபாய் டேட் பேக்கை ரீசார்ஜ் செய்து 5G சேவையை அனுபவிக்கலாம். ஜியோ 5ஜி (Jio 5G) சேவையை பயன்படுத்த உங்களுக்கு நிறுவனம் வழங்கும் வெல்கம் ஆபர் இன்வைட் (Jio 5G Welcome Offer Invite) தேவைப்படும் என்பது கவனிக்கத்தக்கது.

Jio நிறுவனம் அறிமுகம் செய்துள்ள இந்த புதிய டேட்டா பேக் திட்டம் உங்களுக்கு வாய்ஸ் கால்ஸ் நன்மையோ அல்லது எஸ்.எம்.எஸ் நன்மைகளையோ வழங்காது என்பதையும் கருத்தில் கொள்ளவும். இந்த புதிய ரீசார்ஜ் திட்டம் இப்பொழுது ஜியோவின் அதிகாரப்பூர்வ இணையதள பக்கத்திலும்; மை ஜியோ ஆப்ஸ் வழியாகவும் ரீசார்ஜ் செய்யக் கிடைக்கிறது. 5ஜி வேகத்தை அனுபவிக்க நினைத்தால், இந்தத் திட்டத்தை பயன்படுத்திப் பாருங்கள்.

The post முதல் 5ஜி திட்டத்தை அறிமுகம் செய்தது ஜியோ! first appeared on .

ஐபோன் பயன்படுத்துபவர்கள் நேற்று முதல் (டிசம்பர் 13 இரவு) 5ஜி இணைப்பை பெறும் வசதியை ஐபோன் வழங்கி இருக்கிறது. இதன்படி Jio அல்லது Airtel நெட்வொர்க் எது வைத்திருந்தாலும் அவர்கள் தங்கள் ஐபோன் மூலம் 5ஜி சேவையை பெற இயலும். iOS 16.2 வெளியீட்டின் மூலம் இந்த 5ஜி சேவைக் கிடைக்கத் தொடங்கி இருக்கிறது. இந்தியாவில் 5ஜி இணைப்பு கிடைக்கும் பகுதியில் நீங்கள் இருந்தால் தாராளமாக 5ஜி சேவையை பயன்படுத்திக் கொள்ளலாம்.

ஐபோன் 5ஜி சேவை

5ஜி சேவையைப் பெற 2020 அல்லது அதற்கு பிறகு வெளியான ஐபோன் மாடல்களை கொண்டிருக்க வேண்டும் என்பது இதற்கான நிபந்தனை ஆகும். அதாவது iPhone 12, iPhone 13 மற்றும் iPhone 14 உள்ளிட்ட மாடல்களை கொண்டிருப்பவர்கள் 5ஜி சேவையை பயன்படுத்தலாம். அதேபோல் சமீபத்திய ஐபோன் எஸ்இ மாடல் கொண்டிருக்கும் பயனர்களும் 5ஜி சேவையை பயன்படுத்தலாம்.

ஐபோன் மாடல்களின் பட்டியல்

5ஜி இயக்கப்பட்ட ஐபோன் மாடல்களின் பட்டியலை விரிவாக பார்க்கலாம்.

ஐபோன் 12
ஐபோன் 12 மினி
ஐபோன் 12 ப்ரோ
ஐபோன் 12 ப்ரோ மேக்ஸ்
ஐபோன் 13
ஐபோன் 13 மினி
ஐபோன் 13 ப்ரோ
ஐபோன் 13 ப்ரோ மேக்ஸ்
ஐபோன் 14
ஐபோன் 14 ப்ளஸ்
ஐபோன் 14 ப்ரோ ஐபோன்
14 ப்ரோ மேக்ஸ் ஐபோன் எஸ்இ

அப்டேட் முக்கியம்

உங்கள் ஐபோனில் செட்டிங்க்ஸ் பயன்பாட்டை திறந்து ஜெனரல் என்ற தேர்வை கிளிக் செய்யவும். பின் அதில் காட்டப்படு்ம சாஃப்ட்வேர் அப்டேட் என்ற தேர்வை ஓபன் செய்யவும். அதில் iOS 16.2 என்ற சமீபத்திய சாஃப்ட்வேர் அப்டேட்டை புதுப்பித்துக் கொள்ளவும். 5ஜி ஐகான் காட்டப்படும் 5ஜி ஐகான் காட்டப்படும் இதை அப்டேட் செய்ததும் உங்கள் ஐபோனை ரீஸ்டார்ட் செய்து கொள்ளவும், தற்போது உங்கள் நோட்டிப்பிகேஷன் பகுதியில் புதிய 5ஜி ஐகான் காட்டப்படும். செட்டிங்க்ஸ் பயன்பாட்டை திறந்து செல்லுலார் விருப்பங்கள் என்ற தேர்வை தேர்ந்தெடுத்துக் கொண்டால் 5ஜி என்ற தேர்வு விருப்பம் இதில் காட்டப்படும், அதை தேர்ந்தெடுத்துக் கொள்ளவும்.

5ஜி சேவை கிடைக்கும் பகுதி

டெல்லி, மும்பை, நாத்துவாரா, வாரணாசி உள்ளிட்ட 50 இந்திய நகரங்களில் 5ஜி சேவை கிடைக்கத் தொடங்கி இருக்கிறது. 5G சேவையில் ஜியோ மற்றும் ஏர்டெல் மும்முரமாக செயல்பட்டு வருகிறது. இந்த ஆண்டு இறுதிக்குள் பெரும்பாலான நகரங்களில் 5ஜி சேவை கிடைக்கத் தொடங்கும் என தொலைத் தொடர்பு நிறுவனங்கள் உறுதி அளித்துள்ளது. அதன்படி 5ஜி சேவை கிடைக்கும் பகுதிகள் வேகமாக விரிவடைந்து வருகிறது.

தொலைத்தொடர்பு துறையில் முன்னணியில் இருக்கும் ஜியோ மற்றும் ஏர்டெல் 5ஜி சேவையை இலவசமாக தங்களது பயனர்களுக்கு வழங்கி வருகின்றன. பிஎஸ்என்எல் மற்றும் வோடபோன் ஐடியா (விஐ) இந்தியாவில் இன்னும் 5ஜி சேவையை அறிமுகப்படுத்தவில்லை. ரிலையன்ஸ் ஜியோ மற்றும் ஏர்டெல் ஆகிய இரண்டு நிறுவனங்களும் 2 மாதங்களுக்குள் 50 இந்திய நகரங்களில் 5ஜி சேவையை அறிமுகப்படுத்தியுள்ளன.

ஜியோ மற்றும் ஏர்டெல் ஆகிய நிறுவனங்கள் தங்களின் 5ஜி இணைப்பை இந்தியா முழுவதும் வேகமாக பரப்பி வருகிறது. அக்டோபர் 1 ஆம் தேதி 5ஜி சேவைகள் தொடங்கப்பட்டதில் இருந்து 50 இந்திய நகரங்களில் தங்களது 5ஜி சேவையை நிறுவனங்கள் விரிவுப்படுத்தியுள்ளது.

ஆக்டிவேட் செய்வது எப்படி?

ஒவ்வொரு நாளும் 5ஜி சேவை கிடைக்கும் பகுதிகளை நிறுவனங்கள் அதிகரித்துக் கொண்டே வருகிறது. நீங்கள் இருக்கும் பகுதியில் 5ஜி சேவை கிடைக்கிறதா என்பதை சரி பார்த்துக் கொண்டு, உங்கள் போனில் 5ஜிக்கான அப்டேட் கிடைக்கத் தொடங்கிவிட்டதா என்பதையும் சரிபார்த்துக் கொண்டு 5ஜி சேவையை பயன்படுத்தத் தொடங்கலாம்.

The post ஐபோனுக்கு கிடைத்தது.. 5ஜி அப்டேட்! first appeared on .

சீன ஸ்மார்ட்போன் தயாரிப்பாளர் ஆன ஒன்பிளஸ் (OnePlus) ரிலையன்ஸ் ஜியோ நிறுவனத்துடன் கூட்டு சேர்ந்துள்ளது. இதன் ஒரு பகுதியாக, ரிலையன்ஸ் ஜியோ நிறுவனம் அதனிடம் இருக்கும் ஸ்பெஷலான 5ஜி நெட்வொர்க்கை 16 ஒன்பிளஸ் ஸ்மார்ட்போன்களுக்கு கொண்டு வருகிறது. இங்கே “ஸ்பெஷல் ஆன 5ஜி நெட்வொர்க்” என்று குறிப்பிடுவது ஜியோவின் ஸ்டேண்ட்அலோன் 5ஜி (Standalone 5G) நெட்வொர்க்கை தான்! இந்த ஸ்டேண்ட்அலோன் 5ஜி நெட்வொர்க்கில் அப்படி என்ன ஸ்பெஷல்? இந்த ஸ்பெஷலான 5ஜி நெட்வொர்க்கை பெறப்போகும் 16 ஒன்பிளஸ் ஸ்மார்ட்போன்களின் மாடல் பெயர்கள் என்ன? என்பதைப் பற்றி அறிந்து கொள்ள தொடர்ந்து படிக்கவும்.

ஸ்டேண்ட்அலோன் 5G

எளிமையான வார்த்தைகளில் கூற வேண்டும் என்றால் ரிலையன்ஸ் ஜியோவின் ஸ்டேண்ட்அலோன் 5G நெட்வொர்க் ஆனது இந்திய சந்தைக்கு வரும் மற்ற 5ஜி சேவைகளை விட வேகமாக இருக்கும்; சக்தி வாய்ந்ததாகவும் இருக்கும். இன்னும் விளக்கமாக கூற வேண்டும் என்றால் புதிய 5ஜி ரேடியோ அக்செஸ் நெட்வொர்க்கை (5G Radio access network) பயன்படுத்தி ஏற்கனவே உள்ள 4G எLTE நெட்வொர்க் கோரில் ‘ஓவர்லெய்ட்’ செய்யப்பட்ட 5ஜி ஆனது நான்-ஸ்டேண்ட்அலோன் 5ஜி நெட்வொர்க் (Non-standalone 5G Network) ஆகும் . அதுவே முற்றிலும் புதிய 5G நெட்வொர்க் கோரின் கீழ் கிடைக்கும் 5ஜி ஆனது ஸ்டேண்ட்அலோன் 5ஜி நெட்வொர்க் (Standalone 5G Network) ஆகும்.

ஸ்டேண்ட்அலோன் 5ஜி கிடைக்கும் OnePlus போன்கள்

01. ஒன்பிளஸ் 10 ப்ரோ
02. ஒன்பிளஸ் 10 10ஆர்
03. ஒன்பிளஸ் 10டி
04. ஒன்பிளஸ் 9
05. ஒன்பிளஸ் 9ஆர்
06. ஒன்பிளஸ் 9ஆர்டி
07. ஒன்பிளஸ் 9 ப்ரோ
08. ஒன்பிளஸ் 8
09. ஒன்பிளஸ் 8டி
10. ஒன்பிளஸ் 8 ப்ரோ
11. ஒன்பிளஸ் நோர்ட்
12. ஒன்பிளஸ் நோர்ட் 2T
13. ஒன்பிளஸ் நோர்ட் 2
14. ஒன்பிளஸ் நோர்ட் CE
15. ஒன்பிளஸ் நோர்ட் CE 2
16. ஒன்பிளஸ் நோர்ட் CE 2 லைட்

நல்ல விஷயம்

மேற்குறிப்பிட்ட ஒன்பிளஸ் ஸ்மார்ட்போன்களில் ஜியோவின் ட்ரூ 5ஜி நெட்வொர்க் கிடைக்கும் என்கிற அறிவிப்பு ஒருபக்கம் இருக்க – புதிய ஒன்பிளஸ் ஸ்மார்ட்போனை வாங்க விரும்பும் வாடிக்கையாளர்களுக்கு ரூ.10,800 மதிப்புள்ள கேஷ்பேக் நன்மைகள் கிடைக்கும் என்றும் இந்த கூட்டணி (ஜியோ-ஒன்பிளஸ்) அறிவித்துள்ளது. இந்த கேஷ்பேக் ஆபர் (Cashback Offer) ஆனது நடந்து கொண்டிருக்கும் ஒன்பிளஸ் ஆண்டு விற்பனையின் (OnePlus Anniversary Sale 2022) போது கிடைக்கும் என்பதும் இங்கே குறிப்பிடத்தக்கது.

ஜியோவின் ட்ரூ 5ஜி கிடைக்கும் இடங்கள்

சென்னை, புது தில்லி, மும்பை, வாரணாசி, கொல்கத்தா, பெங்களூரு, ஹைதராபாத், நாததுவாரா, புனே, குருகிராம், நொய்டா, காசியாபாத், ஃபரிதாபாத், குஜராத்தின் 33 மாவட்டத் தலைமையகங்களில் ஜியோவின் ட்ரூ 5ஜி கிடைக்கிறது.

The post ஜியோவின் ஸ்டாண்ட்அலோன் 5ஜியை பெறப்போகும் 16 ஒன்ப்ளஸ் மொபைல்கள்! first appeared on .

Jio 5G தற்போது டெல்லி NCR, மும்பை, கொல்கத்தா உள்ளிட்ட 6 இந்திய நகரங்களில் கிடைக்கிறது. ஜியோ 5ஜி சேவை கிடைக்கும் பகுதிகள் வேகமாக அதிகரிக்கப்பட்டு வருகிறது. டிசம்பர் 2023க்குள் அனைத்து இந்திய நகரங்களிலும் ஜியோ 5ஜி சேவை கிடைக்க இருக்கிறது. ஆரம்பக்கட்டமாக 5ஜி சேவை இலவசமாக வழங்கப்பட்டு வருகிறது. அதை எப்படி பெறுவது என்பது குறித்து பார்க்கலாம்.

ஜியோ ட்ரூ 5ஜி

ரிலையன்ஸ் ஜியோ 5ஜி சேவையானது டெல்லி – என்சிஆர், மும்பை, கொல்கத்தா, வாரணாசி, சென்னை, பெங்களூரு, நாத்வாரா, பெங்களூரு மற்றும் ஐதராபாத் உள்ளிட்ட பகுதிகளில் கிடைக்கிறது. இந்த ஆண்டு இறுதிக்குள் பல முக்கிய நகரங்களில் 5ஜி சேவை அறிமுகமாகும் என்பது உறுதி செய்யப்பட்டுள்ளது. ஜியோ 5ஜி சேவைகளானது ஜியோ ட்ரூ 5ஜி என அழைக்கப்படுகிறது

ஜியோ வெல்கம் ஆஃபர்

Jio 5ஜி சேவையானது பீட்டா பதிப்பின் கீழ் கிடைப்பதால் தேர்ந்தெடுக்கப்பட்ட பயனர்களுக்கு மட்டும் ஜியோ 5ஜி கிடைக்கிறது. ஜியோ 5ஜி கிடைக்கும் பகுதிகளில் உள்ள பயனர்கள் ஜியோ வெல்கம் ஆஃபர் மூலம் 5ஜி சேவைகளை இலவசமாக பெறலாம். ஜியோ 5ஜி ஜியோ 5ஜி ஜியோ 5ஜி நெட்வொர்க் இணைப்பை இலவசமாக பெற தகுதியுள்ள வாடிக்கையாளர்களுக்கு வெல்கம் ஆஃபர் அறிவிக்கப்பட்டுள்ளது. ஜியோ 5ஜி வெல்கம் ஆஃபரை அனுபவிக்க அதற்கு சப்போர்ட் செய்யும் மொபைல் வைத்திருக்க வேண்டும் என்பது அவசியம். அதேபோல் ப்ரீபெய்ட் அல்லது போஸ்ட்பெய்ட் பயனர்கள் என யாராக இருந்தாலும் ரூ.239 அல்லது அதற்கு மேல் உள்ள ஜியோ ரீசார்ஜ் திட்டங்களை தேர்வு செய்ய வேண்டும் என்பதும் அவசியம்.

ஜியோ 5ஜி வெல்கம் ஆஃபர் ஆனது டெல்லி – என்சிஆர், மும்பை, கொல்கத்தா, வாரணாசி, சென்னை, பெங்களூரு, நாத்வாரா, பெங்களூரு மற்றும் ஐதராபாத் உள்ளிட்ட பகுதிகளில் கிடைக்கிறது. இந்த பகுதிகளில் உள்ளவர்கள் மட்டுமே 5ஜி சேவையை அனுபவிக்க முடியும். சிறப்பு 5ஜி சலுகையின் கீழ் இந்த பகுதியில் உள்ள ஜியோ வாடிக்கையாளர்கள் 1ஜிபிபிஎஸ் வேகத்தில் வரம்பற்ற 5ஜி இணையத்தை அனுபவிக்கலாம்.

பயன்படுத்துவது எப்படி?

ஜியோ வெல்கம் ஆஃபரின் கீழ் 5ஜி இணைப்பு நகரங்களில் உள்ள அனைவராலும் 5ஜி இணைப்பை பெற முடியாது. ப்ரீபெய்ட் மற்றும் போஸ்ட்பெய்ட் திட்டத்தின் கீழ் இருக்கும் ரூ.239க்கு மேல் உள்ள திட்டங்களை தேர்ந்தெடுத்து ரீசார்ஜ் செய்யும் பயனர்களுக்கு மட்டுமே கிடைக்கும். இந்த திட்டங்களில் ரீசார்ஜ் செய்யும் பயனர்கள் இலவச 5ஜி சேவையை அனுபவிக்கலாம்.

5ஜி போன் என்பது கட்டாயம்

அதேபோல் 5ஜி நெட்வொர்க் உடன் இணைக்க புதிய 5ஜி சிம் வாங்க வேண்டிய தேவையில்லை. பழைய அதாவது தற்போது வைத்திருக்கும் சிம் கார்ட் மூலமாகவே 5ஜி இணைப்பை பெறலாம். ஜியோ 5ஜி சேவையை பெற பயனர்கள் தங்களது போனில் ரூ.239க்கு மேல் உள்ள திட்டங்களை தேர்ந்தெடுக்க வேண்டியது அவசியம். 5ஜி போன் என்பது அதைவிட கட்டாயம். அதேபோல் நீங்கள் 5ஜி கிடைக்கும் பகுதியில் இருக்க வேண்டும். ஜியோ 5ஜி ஆதரவு ஸ்மார்ட்போன்கள் ஜியோ 5ஜி ஆதரவு ஸ்மார்ட்போன்கள் சரி, மேலே குறிப்பிட்ட அனைத்தும் இருக்கிறது 5ஜி பயன்படுத்தலாமா என்றால் அது முடியாது. 5ஜி ஆக்டிவேட் போன் வேண்டும் என்பது கட்டாயம். ஜியோ 5ஜி ஆனது n28, n78, n258 பேண்டுகளில் கிடைக்கும்.

அப்டேட் தேவை

ஜியோ 5ஜி ஆக்டிவேட் செய்ய வேறொன்றும் பெரிய விஷயம் தேவையில்லை அந்தந்த ஸ்மார்ட்போன் நிறுவனங்கள் 5ஜி சேவைக்கான அப்டேட்டை வெளியிட வேண்டும். சாம்சங், ஒப்போ, ஒன்பிளஸ், நத்திங், விவோ மற்றும் ரியல்மி உள்ளிட்ட ஸ்மார்ட்போன்கள் ஜியோ 5ஜிக்கான அப்டேட்டை வெளியிடத் தொடங்கிவிட்டது.

The post ஜியோ 5ஜி சேவையை பயன்படுத்துவது எப்படி? first appeared on .