ஐரோப்பிய மற்றும் லத்தீன் அமெரிக்க நாடுகளில் மோட்டோரோலா எட்ஜ் 40 ப்ரோ என அழைக்கப்படும் அதன் சமீபத்திய ஃபிளாக்ஷிப் ஸ்மார்ட்போனை Motorola வெளியிட்டு இருக்கிறது. இந்த மொபைலானது Snapdragon 8 Gen 2 சிப்செட், 165 ஹெர்ட்ஸ் புதுப்பிப்பு வீதம், போல்டு டிஸ்ப்ளே, 125W ஃபாஸ்ட் சார்ஜிங் ஆதரவுடன் கூடிய 4,600mAh பேட்டரி மற்றும் OIS ஆதரவுடன் 50எம்பி பிரதான கேமரா போன்ற அம்சங்களுடன் வருகிறது. இப்போது புதிதாக அறிமுகப்படுத்தப்பட்ட இந்த மோட்டோரோலா எட்ஜ் 40 ப்ரோ மொபைலின் விலை, விவரக்குறிப்புகள் மற்றும் அம்சங்களை விரிவாகப் பார்க்கலாம்.

மோட்டோரோலா எட்ஜ் 40 ப்ரோ விலை

மோட்டோரோலா எட்ஜ் 40 ப்ரோ 12ஜிபி ரேம் மற்றும் 256ஜிபி சேமிப்பு வேரியண்டின் விலை யூரோ 899.99 (சுமார் ரூ.81,000) ஆகும். இந்த மொபைல் ஐரோப்பிய பிராந்தியங்களில் ஒற்றை மாறுபாட்டில் அறிமுகப்படுத்தப்பட்டது. ஆனால் மோட்டோரோலா எதிர்காலத்தில் மொபைலின் பல வேரியண்டுகளை அறிமுகப்படுத்தக்கூடும். ஐரோப்பிய பிராந்தியங்களுக்கான விலை நிர்ணயம் இந்திய விலையில் இருந்து வேறுபடுகிறது என்பது குறிப்பிடத்தக்கது. எனவே இந்த மொபைல் இந்தியாவுக்கு வரும்பட்சத்தில், மேலே குறிப்பிட்டுள்ள (நம் நாட்டு மதிப்போடு ஒப்பிடும் போது வரும்) விலையை விட குறைவான விலையில் இருக்கும் என்று எதிர்பார்க்கப்படுகிறது.

மோட்டோரோலா எட்ஜ் 40 ப்ரோ விவரக்குறிப்புகள்

டிஸ்ப்ளே

மோட்டோரோலா எட்ஜ் 40 ப்ரோ மொபைலானது 165Hz புதுப்பிப்பு வீதத்துடன் கூடிய 6.67 அங்குல 1,080 x 2,400 FHD+ தெளிவுத்திறன் உள்ள,  394ppi பிக்சல் அடர்த்தியும், 20:9 aspect ratio மற்றும் HDR10+ சர்டிஃபிகேஷனுடைய  டிஸ்ப்ளேவைக்  கொண்டுள்ளது.

மெமரி & இயங்குதளம்

12GB LPDDR5X ரேம் மற்றும் 512GB UFS4.0 சேமிப்பகத்துடன் இணைக்கப்பட்ட ஆக்டா-கோர் ஸ்னாப்டிராகன் 8 Gen 2 சிப்செட் இந்த மொபைலில் இருக்கிறது. மென்பொருளைப் பொறுத்தவரை, மோட்டோரோலா எட்ஜ் 40 ப்ரோ ஆனது சமீபத்திய ஆண்ட்ராய்டு 13 -அடிப்படையிலான MyUX 4.0 ஸ்கின் மூலம் இயங்குகிறது.

கேமரா

இந்த Edge 40 Pro மொபைலின் கேமராக்களைப் பற்றி பேசுகையில், Motorola Edge 40 Pro ஆனது OIS உடன் 50MP பிரதான கேமரா, 50MP அல்ட்ரா-வைட் ஆங்கிள் கேமரா மற்றும் பின்புறத்தில் 12MP டெலிஃபோட்டோ கேமரா என மூன்று கேமராக்களைக் கொண்டுள்ளது. முன்பக்கத்தில், இந்த மொபைல் ஒரு பெரிய 60MP செல்ஃபி ஷூட்டரைக் கொண்டுள்ளது.

பேட்டரி

மொபைலின் பேட்டரியைப் பொறுத்தவரை, மோட்டோரோலா எட்ஜ் 40 ப்ரோ 4,60mAh பேட்டரியைக் கொண்டுள்ளது. இது 125W வயர்டு ஃபாஸ்ட் சார்ஜிங் மற்றும் 15W வயர்லெஸ் ஃபாஸ்ட் சார்ஜிங்கிற்கான ஆதரவைக் கொண்டுள்ளது. கூடவே இந்த மொபைல் 8W ரிவர்ஸ் வயர்லெஸ் சார்ஜிங்கையும் ஆதரிக்கிறது. இந்த மொபைல் 161.2 x 74.0 x 8.6 மிமீ அளவு மற்றும் 199 கிராம் எடை கொண்டது. கடைசியாக, மோட்டோரோலா எட்ஜ் 40 ப்ரோ புளூடூத் 5.3, NFC, USB Type-C 3.2, டூயல் சிம் ஆகியவற்றிற்கான ஆதரவுடன் வருகிறது, மேலும் IP68 மதிப்பீட்டைக் கொண்டுள்ளது.

மோட்டோரோலா எட்ஜ் 40 ப்ரோ 5ஜி  முக்கிய விவரக்குறிப்புகள்

• சிப்செட் – Qualcomm Snapdragon 8 Gen 2
• ரேம் – 12 ஜிபி
• டிஸ்ப்ளே – 6.67 அங்குலம் (16.94 செமீ)
• பின் கேமரா – 50 எம்பி + 50 எம்பி + 12 எம்பி
• செல்ஃபி கேமரா – 60 எம்.பி
• பேட்டரி – 4600 mAh

The post 165Hz டிஸ்ப்ளே, Snapdragon 8 Gen 2 சிப்செட், 125W ஃபாஸ்ட் சார்ஜிங் உடன் உலகளவில் அறிமுகப்படுத்தப்பட்டது Motorola Edge 40 Pro first appeared on .