ரிலையன்ஸ் ஜியோ தனது வாடிக்கையாளர்களை கவரும் வகையில் ஸ்மார்ட் டிவிக்கான JioTV+ செயலியை அறிமுகப்படுத்தியுள்ளது. இது முன்பு ஜியோ செட்-டாப் பாக்ஸ் (STB) மூலம் மட்டுமே கிடைத்தது. இந்நிலையில், இந்த பயன்பாடு ஜியோ ஏர் ஃபைபர் அல்லது ஜியோ ஃபைபர் இணைப்புடன் வந்துள்ளது. இந்த பயன்பாட்டின் சிறப்பு பற்றி பேசுகையில், இது 10 க்கும் மேற்பட்ட மொழிகளில் 800 க்கும் மேற்பட்ட டிஜிட்டல் சேனல்களுக்கான அணுகலை வழங்குகிறது. இதன் மூலம், பயனர்கள் ஒரே உள்நுழைவு மூலம் 13க்கும் மேற்பட்ட OTT பயன்பாடுகளை அணுக முடியும். மேலும் JioTV+ செயலி பற்றிய தகவலை இப்போது பார்க்கலாம்.

JioTV+ ஆப்ஸ் கிடைக்கும் தன்மை மற்றும் பிற விவரங்கள்

• JioTV+ செயலி இப்போது Android TV, Apple TV மற்றும் Amazon Fire OS-ஆல் இயங்கும் டிவிகளில் கிடைக்கும்.
• ஜியோடிவி+ செயலி இந்தியாவின் மிகப்பெரிய உள்ளடக்க ஒருங்கிணைப்பு தளமாக வேகமாக வளர்ந்து வருகிறது. இதுவரை JioSTB மூலம் மட்டுமே கிடைத்து வந்த JioTV+, இப்போது அனைத்து முக்கிய SmartTV OSகளிலும் இலவசமாக பதிவிறக்கம் செய்யக் கிடைக்கும்.
• JioTV+ ஆப்ஸ் 10+ மொழிகளிலும் 20+ வகைகளிலும் 800+ டிஜிட்டல் டிவி சேனல்களுக்கான அணுகலை வழங்குகிறது. கூடுதலாக, பயனர்கள் 13 க்கும் மேற்பட்ட OTT பயன்பாடுகளின் உள்ளடக்கத்தை ஒரே உள்நுழைவு மூலம் அணுகலாம்.

இந்த திட்டங்களில் JioTV+ செயலிக்கான அணுகல் கிடைக்கும்

அனைத்து ஜியோ ஃபைபர் மற்றும் ஜியோ ஏர் ஃபைபர் வாடிக்கையாளர்களும் புதிய பயன்பாட்டைப் பயன்படுத்த முடியாது. அதாவது, இந்த App-ஐப் பயன்படுத்த, பயனர்கள் சந்தா எடுக்க வேண்டும். ரூ.599, ரூ.899 மற்றும் அதற்கு மேற்பட்ட திட்டங்களைக் கொண்ட ஜியோஃபைபர் போஸ்ட்பெய்ட் பயனர்கள் மற்றும் ரூ.999 மற்றும் அதற்கு மேற்பட்ட திட்டங்களைக் கொண்ட ஜியோஃபைபர் ப்ரீபெய்ட் பயனர்கள் இந்த செயலிக்கான அணுகலைப் பெறுவார்கள்.

JioTV+ App-ஐ எவ்வாறு அணுகுவது 

முதலில், நீங்கள் ஆண்ட்ராய்டு டிவி, ஆப்பிள் டிவி மற்றும் அமேசான் ஃபயர் டிவி ஸ்டிக்கில் உள்ள ஆப் ஸ்டோரிலிருந்து ஜியோடிவி+ App-ஐப் பதிவிறக்க வேண்டும். இந்த JioFiber/JioAirfiber பதிவு செய்யப்பட்ட மொபைல் எண்ணைக் கொண்டு நீங்கள் Appல் உள்நுழைய வேண்டும். உள்நுழைந்த பிறகு, பயன்பாட்டில் கிடைக்கும் உள்ளடக்கத்தைப் பார்க்க முடியும்.

JioTV+ Appல் கிடைக்கும் OTTகள்

இந்த Appல், நீங்கள் JioCinema Premium, Disney+ hotstar, SonyLiv, Zee5, SunNXT, Hoichoi, Discovery+, Lionsgate Play, Fancode, ETV Win, ShemarooMe, Eros Now, Alt Balaji OTT சந்தா ஆகியவற்றின் பலனைப் பெறுவீர்கள்.

JIOTV+ இல் கிடைக்கும் சேனல்கள்

இந்த பயன்பாட்டில் கலர்ஸ் டிவி, ஈடிவி, சோனி எஸ்ஏபி, ஸ்டார் பிளஸ், ஜீ டிவி, ஆஜ் தக், இந்தியா டிவி, டிவி9 பாரத்வர்ஷ், ஏபிபி நியூஸ், நியூஸ்18, சோனி டென், ஸ்போர்ட்ஸ்18, ஸ்டார் ஸ்போர்ட்ஸ், யூரோஸ்போர்ட், டிடி ஸ்போர்ட்ஸ், பி4யு மியூசிக், 9 எக்ஸ்எம், எம்டிவி , Zoom, Pogo, Cartoon Network, Nick Junior, Discovery Kids, Zee Business, CNBC TV18, ET Now, CNBC Awaaz, Aastha, Bhakti TV, PTC Simran, Sanskar போன்றவை.

The post அறிமுகம் Smart TVக்கான JioTV+. ஒரே Fiber கனெக்‌ஷனில் 2 TV பார்க்கலாம். first appeared on .

பாக்ஸ் ஆபிஸில் ரஜினிகாந்தின் சமீபத்திய திரைப்படமான ஜெயிலரின் அபரிமிதமான வசூலுக்குப் பிறகு சூப்பர் ஸ்டாரின் ரசிகர் கொண்டாட மற்றொரு காரணம் உள்ளது. பாக்ஸ் ஆபிஸ் சாதனைகளை முறியடித்த ரஜினிகாந்த் நடித்த ஜெயிலர் திரைப்படம் செப்டம்பர் 7 ஆம் தேதி OTT இல் வெளியாக உள்ளது. சனிக்கிழமை பிரைம் வீடியோ வெளியிட்ட அறிவிப்பின்படி, நெல்சன் திலீப்குமாரின் ஆக்‌ஷன் த்ரில்லர் வகை திரைப்படம் செப்டம்பர் 7 ஆம் தேதி முதல் சேவையில் ஸ்ட்ரீமிங் செய்யத் தொடங்கும்.

செப்டம்பர் 7 டைட்டன்களின் மோதல் நடக்கும் நாளாக இருக்கும். இரண்டு சூப்பர் ஸ்டார்களில் யாரையாவது ரசிகர்கள் தேர்வு செய்ய வேண்டும். ஏனெனில் அதே நாளில் ஷாருக்கானின் ஜவான் படமும் தமிழ் உள்ளிட்ட பல மொழிகளில் தியேட்டரில்  வெளியாகிறது. அட்லீ இயக்கத்தில் உருவாகியுள்ள இப்படத்தின் தொடக்க நாளுக்கான அட்வான்ஸ் புக்கிங்கைப் பார்த்தால் மிகப்பெரிய ஓப்பனிங் கிடைக்கும் என எதிர்பார்க்கப்படுகிறது.

ஜெயிலரை எப்போது, ​​எங்கு பார்க்கலாம்.

ரஜினிகாந்தின் சமீபத்திய பிளாக்பஸ்டர் ஜெயிலர் பிரைம் வீடியோ மூலம் உங்கள் திரைக்கு வருகிறது. பிரைம் வீடியோ செப்டம்பர் 7 முதல் திரைப்படத்தை அதன் மேடையில் வெளியிடுவதாக அறிவித்துள்ளது, மேலும் பார்வையாளர்கள் திரைப்படத்தைப் பார்க்க சந்தா அல்லது தங்கள் சந்தாவை மேம்படுத்த வேண்டும். அதன் டிஜிட்டல் வெளியீட்டைத் தொடர்ந்து, பிரைம் உறுப்பினர்கள் தமிழ், தெலுங்கு, மலையாளம், கன்னடம் மற்றும் இந்தி ஆகிய மொழிகளில் இந்தியாவிலும் 240 க்கும் மேற்பட்ட நாடுகள் மற்றும் பிராந்தியங்களிலும் அதிரடி நாடகத்தை அனுபவிக்க முடியும்.

டிரெய்லர் மற்றும் ஜெயிலரின் கதைக்களம்

டைகர் முத்துவேல் பாண்டியன், ஒரு முன்னாள் ஜெயிலர், தனது மகனைக் கொன்றவர்களைக் கண்டுபிடிக்க ஒரு மனித வேட்டையில் இறங்குகிறார், படத்தின் முக்கிய கதாபாத்திரம். உத்தியோகபூர்வ சுருக்கத்தின்படி, முத்துவேலின் மன உறுதி சோதிக்கப்படுகிறது, அவர் தனது மகனின் உலகின் நிழல்களின் வழியாகச் செல்கிறார், அவரை ஒரு சவாலான மற்றும் நன்கு அணிந்த பாதையில் அழைத்துச் செல்கிறார்.

கலாநிதி மாறன் தனது சன் பிக்சர்ஸ் புரொடக்‌ஷன்ஸ் மூலம் தயாரித்த இப்படத்தை படத்தின் இயக்குனரான நெல்சன் திலீப்குமார் எழுதியுள்ளார். ரஜினிகாந்த் தவிர, சுனில், ரம்யா கிருஷ்ணன், விநாயகன், மிர்னா மேனன், தமன்னா, வசந்த் ரவி, நாக பாபு, யோகி பாபு, ஜாபர் சாதிக், கிஷோர், பில்லி முரளி, சுகுந்தன், கராத்தே கார்த்தி, மிதுன், அர்ஷத், மாரிமுத்து, ரித்விக், ஆகியோர் குறிப்பிடத்தக்க வேடங்களில் நடிக்கின்றனர். சரவணன், அறந்தாங்கி நிஷா, மகாநதி சங்கர் மற்றும் பலர். மோகன்லால், ஷிவா ராஜ்குமார், ஜாக்கி ஷெராஃப் ஆகியோர் இப்படத்தில் விருந்தினராக நடிக்கின்றனர். படத்திற்கு அனிருத் இசையமைத்துள்ளார்.

ஜெயிலர் வரவேற்பு

ரஜினிகாந்த் நடிப்பில் கடந்த ஆகஸ்ட் 10ஆம் தேதி வெளியான இப்படம் உலகம் முழுவதும் ரூ.625.95 கோடி வசூல் செய்துள்ளது. அதன் டிரெய்லர் ஒரு மாதத்திற்கு முன்பு வெளியிடப்பட்டது மற்றும் 29 மில்லியன் மக்களால் பார்க்கப்பட்டது, இது சன் பிக்சர்ஸ் யூடியூப் சேனலின் 24 மில்லியன் சந்தாதாரர்களை விட அதிகமாகும்.IMDb படத்திற்கு 7.5/10 தரவரிசையை வழங்கியுள்ளது.

The post ஜெயிலர் செப். 7 ஆம் தேதி OTTயில் ரிலீஸ் ஆகிறது. எந்த OTT? first appeared on .

1975 ஆம் ஆண்டு பாலசந்தர் இயக்கத்தில் வெளியான அபூர்வ ராகங்கள் திரைப்படம் மூலம் சினிமாவில் காலடி வைத்த ரஜினிக்காந்த் பல ஏற்ற, இறக்கங்களை சந்தித்தார். பின் தனக்கென ஒரு ஸ்டைலை (பாணி) பின்பற்றி ரசிகர்களுக்கு என்ன பிடிக்கும் என்பதை ஆராய்ந்து அதையே தன் படங்களில் வழங்க ஆரம்பித்தார்.

ஆரம்ப காலத்தில் சில கதையம்சமுள்ள படங்களில் நடித்ததன் மூலம் தனது நடிப்புத்திறனை நன்றாக வெளிப்படுத்தினார். பின் அதிலிருந்து மாறி தனி கதாநாயகன் ஆனதும் முழுவதும் பொழுதுபோக்குப் படங்களையே தேர்ந்தெடுத்து நடிக்க ஆரம்பித்தார். இதனையடுத்து ரசிகர்கள் இவரை சூப்பர் ஸ்டார் என அழைக்க ஆரம்பித்தனர். ரஜினிகாந்த், தமிழ் தவிர்த்து, தெலுங்கு, இந்தி, மலையாளம், கன்னடம், பெங்காலி மற்றும் ஆங்கில படங்களில் கூட நடித்துள்ளார். இத்தனை ஆண்டுகள் ஆன பின்பும் இன்றும் கதாநாயகனாகவே நடிப்பது மட்டுமின்றி வசூலிலும் முதல் இடத்தில் இருக்கிறார். இவரது படங்கள் சில OTTயில் காணக் கிடைக்கின்றன. குறிப்பாக இவரது பெரும்பாலான படங்களை அமேசான் ப்ரைம் வீடியோவிலும், சன் நெக்ஸ்ட் OTTயிலும் பார்க்க முடிகிறது. ரஜியின் முக்கிய படங்களான பில்லா, பாட்ஷா, படையப்பா போன்ற சிலபடங்களின் தமிழ் பதிப்பு எந்த OTTயிலும் இல்லை என்பது வருத்தத்திற்குரியது. இப்போது OTT தளத்தில் இருக்கும் படங்களில் சில படங்கள் உங்கள் பார்வைக்கு..

அமேசான் ப்ரைம் OTT

• அபூர்வ ராகங்கள்
• தளபதி
• முள்ளும் மலரும்
• சிவாஜி
• 2.0
• காலா
• தர்பார்
• குசேலன்
• லிங்கா
• 16 வயதினிலே
• முரட்டுக்காளை
• படிக்காதவன்
• ப்ரியா
• மன்னன்
• பாயும்புலி
• HUM
• நான் அடிமை இல்லை
• ராஜா சின்ன ரோஜா

மற்றும் பல..

அபூர்வ ராகங்கள்

இதுவே ரஜினியின் அறிமுகப்படம் ஆகும். இதில் கதாநாயகனாக நடித்திருப்பவர் கமல்ஹாசன். பாலசந்தர் இயக்கத்தில் வெளியான இந்த திரைப்படத்தில் ரஜினியின் நடிப்பு அனைவராலும் பேசப்பட்டது. அதுவே அவரது அடுத்தடுத்த படங்களுக்கு காரணமாய் இருந்தது. இதில் கதாநாயகியாக ஸ்ரீவித்யா நடித்துள்ளார். அதிசய ராகம், ஏழு ஸ்வரங்களுக்குள், கேள்வியின் நாயகனே.. என  இதன் பாடல்கள் இன்றும் பிரபலம். MS விஸ்வநாதன் இதற்கு இசையமைத்து இருந்தார்.

முள்ளும் மலரும்

தமிழ் சினிமாவின் முக்கியமான படங்களில் ஒன்று முள்ளும் மலரும். ரஜினியின்  படங்களில் அவருக்கே பிடித்தமான படங்களில் ஒன்றும் இதுதான். இதை மகேந்திரன் இயக்கியிருந்தார். பாலு மகேந்திரா ஒளிப்பதிவில் இளையராஜா இசையில் வெளியான இப்படம் அண்ணன் – தங்கை உறவைப் பற்றி பேசியது. இதில் ரஜினியின் தங்கையாக ஷோபா நடித்திருந்தார். கல்கி இதழில் தொடர்கதையாக வெளியான உமா சந்திரனின் நாவலே இப்படமாக உருமாறியது. இந்த படம் சிறந்த படத்திற்கான பிலிம்பேர் விருதையும், சிறந்த படத்திற்கான தமிழக அரசு விருதையும், ரஜினிக்கு தமிழக அரசின் சிறப்பு விருதையும் பெற்றுத் தந்தது.

தளபதி

இயக்குனர் மணிரத்னம் இயக்கத்தில் ரஜினி நடித்த ஒரே திரைப்படம் தளபதி. இதில் மலையாள நடிகர் மம்முட்டி நடித்திருந்தார். அரவிந்த்சாமி இந்த படத்தில் தான் அறிமுகமானார். மகாபாரத கதாபாத்திரமான கர்ணனின் கதை தான் இந்த தளபதி. இது அப்போது ரஜினி நடித்த மற்ற படங்களில் இருந்து அவரை முற்றிலும் வேறு மாதிரி காட்டியது. இதன் பாடல்கள் & வசனங்கள் இன்றளவும் பிரபலம். இளையராஜா இசையில் இந்த படம் வெளியானது.

சிவாஜி

மிகப்பெரிய, பழைய சினிமா தயாரிப்பு நிறுவனமான AVM நிறுவனத்தின் தயாரிப்பில் ஷங்கரின் இயக்கத்தில் வெளியான இந்தத் திரைப்படம். பின்னாளில் 3D தொழிற்நுட்பத்திற்குகூட மாற்றப்பட்டு மறுவெளியீடு செய்யப்பட்டது. 3 மணிநேரம் ஓடும் இந்த படத்தினை படத்தின் நீளம் தெரியாமல் பார்த்துக் கொள்வதில் படத்தின் திரைக்கதையும், எழுத்தாளர் சுஜாதாவின் வசனங்கள் முக்கிய பங்கு வகித்தன. இசை AR ரஹ்மான்.

சன் நெக்ஸ்ட் OTT

• எந்திரன்
• சந்திரமுகி
• அண்ணாத்த
• பேட்ட
• கபாலி
• முத்து
• மாப்பிள்ளை

முத்து

இயக்குநர் KS ரவிக்குமார் இயக்கத்தில் பாலசந்தரின் கவிதாலயா நிறுவன தயாரிப்பில் வெளியான இந்த படம் மலையாளப்படமான ‘தேன்மாவின் கொம்பத்து’ என்ற படத்தின் ரீ-மேக் ஆகும். ஆனால், ரவிக்குமார் ரஜினிக்காக நிறைய மாற்றங்களைச் செய்து ஒரு முழுமையான ‘ரஜினி படம்’ ஆக மாற்றி இருப்பார். இதற்கு இசையமைத்தவர்  AR ரஹ்மான்.

எந்திரன்

சன் பிக்சர்ஸ் நிறுவனத்தின் தயாரிப்பில் ஷங்கரின் இயக்கத்தில் வந்த இந்த திரைப்படம் முதலில் கமல்ஹாசனுக்காக எழுதப்பட்டது. பின் ஷாருக்கானுக்கு மாறி கடைசியாக ரஜினிக்கு வந்து சேர்ந்தது. சயின்ஸ்-பிக்ஷன் படமான இதிலும் எழுத்தாளர் சுஜாதாவின் பங்கு பெரியது. கூடவே இந்த படத்தில் கிராபிக்ஸ் காட்சிகளும் சிறப்பாக இருக்கும். இதற்கும் இசை AR ரஹ்மான்.

The post OTTயில் சில சிறந்த ரஜினிக்காந்த் படங்கள் first appeared on .

வீட்டு தியேட்டரான நெட்ஃப்ளிக்ஸில் ஒவ்வொரு வாரமும் புதிய திரைப்படங்களும், சீரிஸ்களும் வெளியாகிக் கொண்டே தான் இருக்கின்றன. அவை எல்லாமும் மக்கள் மத்தியில வரவேற்பைப் பெறுவதில்லை. ஆனாலும் கூட சில படங்கள் காலம் தாண்டி, மொழி தாண்டி ரசிகர்களால் கொண்டாடப்பட்டு வருகின்றன. அப்படி இந்த ஜூலை மாதத்தில் நெட்ஃப்ளிக்ஸில் அதிகம் பார்க்கப்பட்ட டாப் 10 திரைப்படங்களின் பட்டியலை இப்போது பார்க்கலாம்.

முன்பே குறிப்பிட்டவாறு இந்த பட்டியலில் பல மொழி திரைப்படங்கள் உள்ளன. மொழிமாற்று வசதியின் (டப்பிங்) காரணமாக இப்போது ஒரு திரைப்படமானது ஒரு குறிப்பிட்ட மொழியில் எடுக்கப்பட்டாலும், அது இந்தியாவின் முக்கிய சில பிறமொழியிலும் மொழிமாற்று செய்யப்படுகிறது. சில படங்கள் எடுக்கப்படும் போதே இரண்டு மொழிகளில் எடுக்கப்படுகிறது. ஓடிடியின் முக்கியமான வசதிகளில் இதுவும் ஒன்று.  இப்போது பட்டியலைப் பார்க்கலாம்.

10. Gumraah

க்ரைம் வகையைச் சார்ந்த இந்த ஹிந்தி படத்தை வர்தன் கேட்கர் இயக்கியுள்ளார். இதில், ஆதித்யா ராய் கபூர், மிருணால் தாக்கூர், ரோனித் ராய், வேதிகா பின்டோ ஆகியோர் நடித்துள்ளனர். நேற்று இந்த படம் நெட்ஃப்ளிக்ஸில் வெளியாகி உள்ளது.

9. Old

த்ரில்லர் / சூப்பர் நேச்சுரல் வகையைச் சேர்ந்த இந்த படத்தை மனோஜ் நைட் ஷ்யாமளான் இயக்கியுள்ளார். ஆங்கிலப்படமான இதில் கேல் கார்சியா பெர்னல், விக்கி க்ரீப்ஸ், தாமசின் மெக்கென்சி உட்பட பலர் நடித்துள்ளனர். 2021ல் வெளியான இந்த திரைப்படம் இந்த மாதம் அதிகம் பார்க்கப்பட்ட படங்களில் 9வது இடத்தில் உள்ளது.

8. Sniper: Rogue Mission

ஆக்‌ஷன் வகையைச் சேர்ந்த இந்த அமெரிக்கத் திரைப்படத்தை ஆலிவர் தாம்ஸன் இயக்கியுள்ளார்.  சென்ற வருடம் ஆகஸ்ட் மாதத்தில் வெளியான இந்த திரைப்படத்தில் சாட் மைக்கேல் காலின்ஸ், ரியான் ராபின்ஸ், சயாகா அகிமோட்டோ போன்றோர் நடித்துள்ளனர். இது 8வது இடத்தில் உள்ளது.

7. Lust Stories

ரொமான்ஸ் வகையைச் சேர்ந்த இந்த ஆந்தாலஜி திரைப்படத்தை கரண் ஜோஹர், திபாகர் பானர்ஜி ஆகியோர் இயக்கியுள்ளனர். 4 கதைகளைக் கொண்ட இந்த திரைப்படத்தில் ராதிகா ஆப்தே, ஆகாஷ் தோசர், ரன்தீப் ஜா, பூமி பெட்னேகர், நீல் பூபாலம், ஜெய்தீப் அஹ்லாவத், மனிஷா கொய்ராலா போன்றோர் நடித்துள்ளனர். இது 2018ஆம் ஆண்டு வெளியான திரைப்படம். சமீபத்தில் இதன் இரண்டாம் பாகம் வெளியான காரணத்தால்,  இப்போது இந்த முதல் பாகம் ரசிகர்களிடையே மீண்டும் வரவேற்பைப் பெற்றுள்ளது.

6. தீரா காதல்

ட்ராமா வகையைச் சேர்ந்த இந்த தமிழ் படத்தை ரோஹின் வெங்கடேசன் இயக்கி இருக்கிறார். ஜெய் சம்பத், ஷிவதா நாயர், ஐஸ்வர்யா ராஜேஷ் உட்பட பலர் நடித்திருக்கும் இந்த திரைப்படம் தியேட்டரில் பெற்ற வரவேற்பை விட நெட்ஃப்ளிக்ஸில் வெளியான போது அதிக வரவேற்பை பெற்றுள்ளது. இது தற்போது டாப் 10ல் 6வது இடத்தில் உள்ளது.

5. Extraction 2

அமெரிக்க ஆக்‌ஷன் படமான இது மேக்கிங் மற்றும் சண்டை காட்சிகளுக்காகவே ரசிகர்களிடையே வரவேற்பைப் பெற்றுள்ளது. நெட்ஃப்ளிக்சால் தயாரிக்கப்பட்டு சென்ற மாதம் வெளியான இந்த படத்தை சாம் ஹர்கிரேவ் இயக்கியுள்ளார். தோர் கதாபத்திரத்தில் நடித்த கிறிஸ் ஹெம்ஸ்வொர்த் உட்பட ருத்ராக்ஷ் ஜெய்ஸ்வால், கோல்ஷிஃப்டே ஃபராஹானி என பலர் நடித்திருக்கும் இந்த திரைப்படம், ஆக்‌ஷன் விரும்பிகளுக்கானது.

4. Nobody

இதுவும் ஒரு அமெரிக்க ஆக்‌ஷன் படம். 2021ல் வெளியான இப்படம் ரசிகர்கள் இடையே நல்ல வரவேற்பைப் பெற்று இந்த மாதம் டாப் 4 இடத்தில் இருக்கிறது.  இல்யா நைஷுல்லர் இயக்கிய இந்த படத்தில் பாப் ஓடென்கிர்க், கிறிஸ்டோபர் லாயிட், கோனி நீல்சன் உள்ளிட்டோர் நடித்துள்ளனர்.

3. F9 (ஃபாஸ்ட் அண்ட் ப்யூரியஸ் – 9)

இந்த படத்திற்கு எந்த அறிமுகமும் தேவை இருக்காது.  சமீபத்தில் இந்த பட வரிசையின் 10வது பாகமான Fast X வெளியாகி இருப்பதால், ரசிகர்கள் இதன் முந்தைய பாகமான இந்த F9 படத்தை மீண்டும் பார்த்து இதனை டாப்10ன் 3வது இடத்துக்கு கொண்டு வந்துவிட்டார்கள். ஜஸ்டின் லின் இயக்கியுள்ள இந்த படத்தில் வின் டீசல், மைக்கேல் ரோட்ரிக்ஸ், ஜோர்டானா ப்ரூஸ்டர் உட்பட பலர் நடித்துள்ளனர்.

2. Afwaah

ட்ராமா வகையைச் சேர்ந்த இந்த இந்தி படத்தை Serious Men போன்ற படத்தை இயக்கிய சுதிர் மிஸ்ரா இயக்கியுள்ளார்.  நவாசுதீன் சித்திக், பூமி பெட்னேகர், சுமீத் வியாஸ் போன்றோர் நடித்துள்ள இந்த படம் மே 5ஆம் தேதி வெளியானது. இந்த மாதத்தில் இது 2வது இடத்தில் உள்ளது.

1. Lust stories 2

2018ல் வெளியான திரைப்படத்தின் சீக்குவலாக வெளியாகி இருக்கும் இந்த திரைப்படமும் முந்தையதைப் போல பல சிறுபடங்களின் தொகுப்பாக ஆந்தாலஜி முறையில் வெளியாகி இருக்கிறது. கொங்கோனா சென் சர்மா, அமித் சர்மா, சுஜோய் கோஷ் ஆகியோர் இயக்கிய இந்த படத்தில் கஜோல், தமன்னா உட்பட நீனா குப்தா, குமுத் மிஸ்ரா, அம்ருதா சுபாஷ், தில்லோடமா ஷோம், விஜய் வர்மா போன்ற பலர் நடித்துள்ளனர். அந்தரங்கத்தை மையப்படுத்தி வெளியாகி இருக்கும் இந்த படத்தில் சில ஆடைக்குறைப்பு காட்சிகளும் இடம்பெற்றுள்ளது. இது டாப்10ல் முதல் இடத்தில் உள்ளது.

The post நெட்ஃப்ளிக்ஸ் இந்தியாவின் ஜூலை மாத டாப் 10 திரைப்படங்கள் first appeared on .

அரசின் தொலைத்தொடர்பு நிறுவனமான பாரதிய சஞ்சார் நிகம் லிமிடெட் ப்ரீபெய்ட் மற்றும் போஸ்ட்பெய்டு மட்டுமின்றி பல பிராட்பேண்ட் திட்டங்களையும் கொண்டுள்ளது. இந்த திட்டங்கள் குறைந்த விலையில் பல சிறந்த நன்மைகளுடன் வருகின்றன. இப்படிப்பட்ட குறைந்த விலையில் அதிகப்பயன் தரும் ஒரு   BSNL FTTH திட்டத்தைப் பற்றிய தகவலை இப்போது பார்க்கலாம். இந்த திட்டத்தின் விலை ரூ. 799. இதில் இலவச வரம்பற்ற அழைப்பு, OTT சந்தா, டேட்டா மற்றும் பல நன்மைகள் கிடைக்கும். இந்தத் திட்டத்தைப் பற்றி மேலும் தெரிந்து கொள்வோம்.

• BSNL ரூ.799 திட்டத்தின் நன்மைகள்
• பிஎஸ்என்எல் ரூ.799திட்டம்

இலவச அழைப்பு

இந்த திட்டத்தில், எந்த நெட்வொர்க்கிலும் 24 மணிநேரத்திற்கு இலவச வரம்பற்ற அழைப்பின் பலனைப் பெறுவீர்கள்.

இணைய வேகம்

BSNL இன் இந்த திட்டத்தில் 100Mbps வேகத்தில் வரம்பற்ற இணையம் கிடைக்கிறது.

டேட்டா

திட்டத்தில் 1000ஜிபி டேட்டா கிடைக்கும். அதே நேரத்தில், டேட்டா முடிந்த பிறகும், 5Mbps வேகத்தில் இணையத்தைப் பயன்படுத்த முடியும்.

OTT

Hotstar Super, Lions Gate, Shemaroo, Hungama, SonyLIV, Zee5, Voot மற்றும் YuppTV ஆகியவற்றின் இலவச சந்தா இந்த திட்டத்தில் கிடைக்கிறது.

யாருக்கு சிறந்தது?

BSNL இன் இந்த திட்டம் சிறிய அலுவலகத்தை நடத்தும் பயனர்களுக்கும், ஒரே செலவில் இணையம், அழைப்புகள் மற்றும் OTT ஆகியவற்றை பெற நினைப்பவர்கள் இந்த திட்டத்தைத் தேர்தெடுக்கலாம்.

பிஎஸ்என்எல்லின் இந்த 100 எம்பிபிஎஸ் பிராட்பேண்ட் திட்டத்தைப் போலவே, தனியார் டெலிகாம் நிறுவனமான ஏர்டெல் அதே விலையில் சற்றே கூடுதல் நன்மைகளைத் தரும் ஒரு திட்டத்தைக் கொண்டுள்ளது. அதைப் பற்றியும் தெரிந்து கொள்வோம்.

ஏர்டெல்லின் ரூ.799 திட்டம்

ஏர்டெல்லின் ரூ.799 திட்டத்தில் 100Mbps வேகத்தில் இணையம் கிடைக்கிறது. இத்திட்டத்தில் மொத்தம் 3.3TB டேட்டா வழங்கப்படுகிறது. அதே நேரத்தில், வின்க் மியூசிக், ஷா அகாடமி, அப்பல்லோ 24/7 மற்றும் ஏர்டெல் எக்ஸ்ஸ்ட்ரீம் ஆகியவற்றிற்கு சந்தாக்கள் வழங்கப்படுகின்றன. இதுமட்டுமின்றி அன்லிமிடெட் லோக்கல்-எஸ்டிடி அழைப்பு வசதியும் இதில் கொடுக்கப்பட்டுள்ளது.

ஏன் BSNL இன் திட்டம் சிறந்தது?

ஏர்டெல் திட்டத்தில் அதிக டேட்டா கிடைக்கும். ஆனால், இந்த திட்டத்தில் BSNL வழங்கும் OTT நன்மைகள் இல்லை. தரவுகளுடன் OTT பயன்பாடுகளின் சந்தாவை நீங்கள் விரும்பினால், BSNL திட்டம் உங்களுக்கு சிறந்தது.

The post 100 Mbps வேகத்தில் இணையம், இலவச அழைப்பு மற்றும் OTT உடன் கிடைக்கும் BSNL பிராட்பேண்ட் திட்டம் first appeared on .

தி கிரேட் இந்தியன் கிச்சன்

இயக்குநர் ஜோ பேபி இயக்கத்தில் 2021ம் ஆண்டு மலையாளத்தில் வெளியான தி கிரேட் இந்தியன் கிச்சன் படம் அதே பெயரில் தமிழில் பிப்ரவரி 3ந் தேதி வெளியானது. இப்படத்தில், ஐஸ்வர்யா ராஜேஷ், பாடகி சின்மயியின் கணவரும் நடிகருமான ராகுல் ரவீந்தர், மாமனாராக நந்தகுமார் மற்றும் யோகி பாபு ஆகியோர் நடித்திருந்தனர். படம் வெளியாகி கலவையான விமர்சனங்களை பெற்ற நிலையில் ஜி5 ஓடிடி தளத்தில் மார்ச் 3ந் தேதி இப்படத்தை பார்க்கலாம்.

தலைக்கூத்தல்

நடிகர் சமுத்திரக்கனி ஜெயபிரகாஷ் ராதாகிருஷ்ணன் இயக்கத்தில் தலைக்கூத்தல் படத்தில் நடித்துள்ளார். இந்த படத்தில் கதிர், வசுந்தரா மற்றும் பலர் முக்கிய கதாபாத்திரத்தில் நடித்துள்ளனர். ஒய் நாட் ஸ்டூடியோஸ் தயாரித்துள்ள இந்த படத்திற்கு கண்ணன் நாராயணன் இசையமைத்துள்ளார். இப்படம் நெட்பிளிக்ஸ் ஓடிடி தளத்தில் 3ந் தேதி வெளியாக உள்ளது.

குல்மோஹர்

பேமிலி மேன் வெப் தொடர் மூலம் நம் மனங்களை வென்ற மஜோன் பாஜ்பாய் நடித்திருக்கும் தொடர் தான் ‘குல்மோஹர்’ புதிய நகரத்தில் ஒரு புதிய வீட்டிற்கு குடியேறும் ஒரு குடும்பத்தின் சிக்கலான உறவுகளை மையமாகக் கொண்ட ஒரு கதையாகும். இதில் பழம்பெரும் நடிகை ஷர்மிளா தாகூர், சூரஜ் சர்மா, காவேரி சேத், அமோல் பலேகர், சிம்ரன் மற்றும் உத்சவி ஜா ஆகியோர் நடித்துள்ளனர். இது டிஸ்னி பிளஸ் ஹாட் ஸ்டாரில் வெளியாக உள்ளது.

மீட்டிங் யூ

MX பிளேயரில் இன்று வெளியாகி உள்ள வெப் தொடர் தான் ‘மீட்டிங் யூ’ இதில், லீ ஜங்-ஷின், சியோ ஜி-ஹூன் மற்றும் பலர் நடித்த சீன மொழி தொடராகும். முற்றிலும் வேறுபட்ட உலகங்களில் வசிக்கும் இருவர் தான் கதையின் மையக்கரு. இவர்கள் ஒருவரையொருவர் சந்திக்கும் போது, அவர்களின் வாழ்க்கை தலைகீழாக மாறுகிறது. அது காலப்போக்கில் விசித்திரமான நட்பாக மாறி வலுவடைகிறது.

மாய தோட்டா

சின்னத்திரை நடிகர்கள் இணைந்து நடித்திருக்கும் வெப் தொடர் தான் மாய தோட்டா. இதில் சைத்ரா ரெட்டி, அமித் பார்கவ், குமரன் தங்கராஜன், வைஷாலி தனியா ஆகியோர் நடித்துள்ளனர். ஹங்காமாவில் இந்த புதிய வெப் தொடரை பார்க்கலாம்.

The post OTT – இந்த வார ரிலீஸ் first appeared on .

தமிழ், மலையாளம் என இருமொழிகளில் வெளியான நண்பகல் நேரத்து மயக்கம் படத்துக்கு திரையரங்குகளில் ரசிகர்களிடம் நல்ல வரவேற்பு கிடைத்தது. மம்முட்டி, முற்றிலும் வித்தியாசமாக நடித்துள்ள திரைப்படம் தான் நண்பகல் நேரத்து மயக்கம். அவரது சொந்த தயாரிப்பில் லிஜோ ஜோஸ் பெல்லிசேரி இந்தப் படத்தை இயக்கியுள்ளார். ஒரு மேடை நாடகத்தை Live Location-ல் சினிமாவாக பார்ப்பது போன்ற அனுபவத்தை தரும் படைப்பாக உருவாகியுள்ளது நண்பகல் நேரத்து மயக்கம்.

கதை

வேளாங்கண்ணி வந்துவிட்டு சொந்த ஊரான கேரளாவில் உள்ள சங்கனாச்சேரி திரும்புகிறது ஒரு குழு. அதில் ஜேம்ஸ் பாத்திரத்தில் நடித்துள்ள மம்முட்டியும் தனது மனைவி, மகன், உறவினர்களுடன் பயணிக்கிறார். பழனி அருகேயுள்ள ஒரு கிராமத்தில் தங்கள் வேனை நிறுத்த சொல்லும் ஜேம்ஸ், திடீரென அந்த ஊரில் சுந்தரம் என்ற நபராக வலம் வருகிறார். வேஷ்டி சட்டையுடன் மலையாளியாக அறிமுகமாகும் ஜேம்ஸ், எப்படி கட்டம்போட்ட லுங்கியுடன் தமிழன் சுந்தரமாக மாறுகிறார்.

சுந்தரம் ஜேம்ஸாக மாறியது ஏன்?

முதல்நாள் நண்பகல் நேரத்து உறக்கத்தில் தொடங்கும் கதை, மறுநாள் அதே நண்பகல் நேரத்து உறக்கத்துடன் முடிகிறது. இரண்டாண்டுகளுக்கு முன் காணாமல் போன சுந்தரம் உயிரோடு இருக்கிறானா இல்லையா என்பது யாருக்கும் தெரியாது. அவன் காணாமல்போன அதேநாளில் ஜேம்ஸின் உடலில் சுந்தரத்தின் ஆன்மா மறுபிறவி எடுக்கிறது. சுந்தரத்தின் வீட்டார், கிராமத்தினர் எல்லோரும் திகைக்கிறார்கள். ‘அச்சு அசல் சுந்தரம்தான்’ எனத் நம்புகிறார்கள். ஆனால், உண்மையில் ஏன் இப்படியெல்லாம் நடக்கிறது என்பதை நாஸ்டாலஜியாக விண்டேஜ் ஸ்டைலில் எடுத்துள்ளார் லிஜோ ஜோஸ் பெல்லிசேரி.

ஒளிப்பதிவு

காட்சிக்கு காட்சி ரகளையான விருந்து காட்சிக்கு காட்சி ரகளையான விருந்து மொத்தமாக 1.45 மணிநேரம் மட்டும் ஓடும் இந்தப் படத்தை அவ்வளவு அநாயசமாக விருந்து படைத்துள்ளது லிஜோ ஜோஸ் பெல்லிசேரி குழு. படம் முழுக்க எந்த இடத்திலும் கேமரா அசைவில்லாமல் அப்படியே Standby Mode-ல் தான் இருக்கும். மேடை நாடகத்தில் எப்படி பாத்திரங்கள் வருவதும் போவதுமாக இருக்குமோ அப்படித்தான் நண்பகல் நேரத்து மயக்கத்திலும். Frame மட்டும் சிறிதாகவும் பெரிதாகவும் விரிந்து சுருங்குகிறது, லொக்கேஷனும் மாறிக்கொண்டே இருக்கிறது. அச்சு அசலான கிராமத்தையும் அங்குள்ள பாசாங்கு இல்லாத மக்களின் அழகையும் மொத்தமாக அள்ளி வந்திருக்கிறது தேனி ஈஸ்வரின் கேமரா. இந்தப் படத்தின் ஹீரோ ஒளிப்பதிவாளர் தேனி ஈஸ்வர் என்றால் அது மிகையாகாது.!

பின்னணி இசையே இல்லாத சினிமா

அதேபோல், படத்திற்காக தனியாக பாடல்களோ பின்னணி இசையோ கிடையாது. அங்கேயும் லிஜோ ஜோஸ் பெல்லிசேரி முற்றிலும் புதிய அனுபவத்தைக் கொடுக்கிறார். “இருக்கும் இடத்தை விட்டு இல்லாத இடம் தேடி” பாடலில் தொடங்கி “வீடுவரை உறவு வீதிவரை மனைவி” பாடலில் முடிகிறது நண்பகல் நேரத்து மயக்கம் படத்தின் பின்னணி இசை. ஒரு காட்சியில் டிவியில் ஓடும் ‘வாஸிங் பவுடர் நிர்மா’ விளம்பரத்தையும் பின்னணி இசையாக வைத்து ரசிக்க வைத்துள்ளார். படம் முழுவதும் வரும் காட்சிகளும் அதன் பின்னணியும் வின்டேஜ் அழகியலில் விருந்து படைத்துள்ளது.

மம்முட்டியின் மாஸ்டர் கிளாஸ் ஆக்டிங்

இதுமாதிரியான கதைக்களத்தில் இப்படியான கேரக்டர்களில் நடிப்பதால் தான், மம்முட்டி மெகா ஸ்டாராக இருக்கிறார் என்பதை புரிந்துகொள்ள முடிகிறது. அதுமட்டும் இல்லாமல் அவர் தான் நண்பகல் நேரத்து மயக்கம் படத்தின் தயாரிப்பாளரும் கூட! ஜேம்ஸ், சுந்தரம் என இருவிதமான பாத்திரங்களுக்கும் தனது உடல்மொழியில் வித்தியாசம் காட்டி சிலிர்க்க வைத்துள்ளார். மம்முட்டி உட்பட மற்ற கலைஞர்களின் நடிப்பு, எடிட்டிங் என எல்லாமே அருமை. கண் தெரியாத பாட்டி, அவருக்காக 24 மணி நேரமும் ஓடிக்கொண்டே இருக்கும் டிவி, கடைசிக் காட்சியில் வேனின் பின்னால் ஓடும் நாய் என படத்தில் இன்னும் நிறைய இருக்கிறது. சில காட்சிகளை சரியாக புரிந்துகொண்டால் விழுந்து விழுந்து சிரிக்கலாம்.

புதிய அனுபவம்

ஆனால், நண்பகல் நேரத்து மயக்கம் என்ற தலைப்பைப் போன்றே, படம் மொத்தமும் தூக்க கலக்கத்தில் நகர்வதாகதான் உள்ளது. இதுமாதிரியான படங்கள் இப்படி இருப்பதுதான் அழகே. அதனால் இது எல்லோருக்குமான படம் என்ற நினைப்பில் இருந்து விலகி, பொறுமை இருந்தால் கண்டிப்பாக ரசிக்கலாம். ஒருவேளை அப்படி பொறுமையாக பார்த்துவிட்டால் அட்டகாசமான அனுபவம் கிடைக்கும். முற்றிலும் அசாத்தியமான கலை படைப்பாக உருவாகியுள்ளது நண்பகல் நேரத்து மயக்கம். படத்தின் வழிநெடுக வரும் பழைய தமிழ்ப் படங்களின் பாடல்களும் வசனங்களும் ரசிகர்களுக்கு இன்னொரு புதிய அனுபவம். திரையரங்குகளைத் தொடர்ந்து நெட்பிளிக்ஸ் தளத்தில் வெளியான இந்தப் படம், ஓடிடி ரசிகர்களுக்கான ஸ்பெஷல் விருந்தாக இருக்கும்.

The post நண்பகல் நேரத்து மயக்கம் – ஒரு புதிய அனுபவம் first appeared on .

இதில் அனில் கபூர், ஆதித்யா ராய் கபூர், பொன்னியின் செல்வன் படத்தில் நடித்த சோபிதா துலிபாலா உள்ளிட்டோர் நடித்திருக்கின்றனர். சாம் சிஎஸ் இசையமைத்திருக்கிறார். பிரியங்கா கோஷ், சந்தீப் மோடி இயக்கியிருக்கின்றனர்.

கதை

ஆங்கில மொழியில் எகிப்தில் நடந்த பிரச்னையோடு ஆரம்பிக்கும் வெப் சீரிஸ் இங்கு மியான்மரில் ரோஹிங்கியா இன மக்களை துரத்துவதோடு தொடங்குகிறது. எப்போதும் வெளி உலகத்துக்கு அதீத நல்லவராக, சமூகத்தில் பெரும் மனிதராக பிரகடனப்படும் ஒருவருக்குள் எவ்வளவு கருப்பு பக்கங்கள் இருக்கின்றன, அவருக்கு ஒரு நாட்டின் உச்சபட்ச அதிகார அமைப்பு எவ்வளவு உதவி செய்கிறது என்பதை தைரியமாகவே காட்சிப்படுத்தியிருக்கிறார்கள் இயக்குநர்கள். அதுவும் இப்போது அதானியின் பிரச்னை இந்தியாவில் தலைதூக்கியிருக்கும் நேரத்தில் பெரும் பணக்காரர்களின் பித்தலாட்டங்களை மையப்படுத்தி வெப் சீரிஸ் வருவது ஆரோக்கியமான ஒன்றே.

ஒரு சிறுமியின் கொலை; ஆயுத கடத்தல் செய்யும் ஷெல்லியின் ( அனில் கபூர்) உலகத்துக்குள் நைட் மேனேஜரை (ஆதித்யா ராய் கபூர்) செல்ல வைக்கிறது. அங்கு சென்ற அவர் பல தடங்கல்களை தாண்டி ஷெல்லியுடன் நெருங்கினாரா என்பதுதான் முதல் சீசனின் சாராம்சம். நைட் மேனேஜராக கலக்கும் ஆதித்யா ராய் கபூர் நைட் மேனேஜராக கலக்கும் ஆதித்யா ராய் கபூர் ஹோட்டலின் நைட் மேனேஜராக ஆதித்யா கச்சிதம். தனது மிடுக்கான உடல் அவருக்கு பலம் கூட்டுகிறது. ஹோட்டலில் அவர் வாடிக்கையாளர்களை அணுகும் முறையில் ஒரு பக்குவமான மேலாளர் எப்படி நடந்துகொள்வார் என்பதை அச்சு அசலாக நடிப்பில் கொண்டு வந்திருக்கிறார். சிறுமிக்கு உதவும் இடத்திலும், ரகசியம் கசிந்ததும் ரா அதிகாரியிடம் கோபப்படும் இடத்திலும், சிறுமி கொல்லப்பட்ட பிறகு மன உளைச்சலுக்கு ஆளாகி திரிவதிலும் ஸ்கோர் செய்கிறார் ஆதித்யா. குறிப்பாக ஷெல்லியின் உலகத்துக்குள் சென்ற பிறகு தன்னை யாரும் கண்டுபிடித்துவிடுவார்களோ என்ற அச்சத்தையும்; அதேசமயம் தன்னை யாரும் கண்டுபிடித்துவிடக்கூடாது என்ற சுதாரிப்பையும் தனது நடிப்பில் நேர்த்தியாக கொண்டுவந்திருக்கிறார் நைட் மேனேஜர்.

அனில் கபூர்

அனில் கபூரின் நடிப்பை பற்றி சொல்லி தெரிய வேண்டியதில்லை. இதில் அவருக்கான ஸ்பேஸ் பயங்கரமாகவே இருக்கிறது. அதை சிறப்பாக பயன்படுத்தி காட்சிக்கு காட்சி ஸ்கோர் செய்கிறார். டான் என்றால் எப்படியும் இருக்கக்கூடாது இப்படித்தான் இருக்க வேண்டும் என்பதற்கு உதாரணமாக இருக்கிறார் அனில் கபூர். அவரது பார்வையும், அவரது முகமும் காட்டும் நடிப்பு அவ்வளவு அழகு. தனது நண்பரை காவல் துறை கைது செய்து அழைத்து செல்லும் இடத்தில் அமைதியாகவும், அதற்கு அடுத்ததாக அவரை எவ்வளவு கொடுத்தேனும் வெளியில் எடுத்துவிட வேண்டும் என்ற தவிப்பிலும் ஒரு டானாகவும், நண்பராகவும் அதகளம் செய்திருக்கிறார் மனிதர். மற்ற கலைஞர்களின் பங்களிப்பு மற்ற கலைஞர்களின் பங்களிப்பு அனில் கபூரின் நண்பர்களாக வருபவர்கள் தங்களுக்குகொடுக்கப்பட்டிருக்கும் கதாபாத்திர தன்மையை உணர்ந்து நடித்திருக்கின்றனர். அனில் கபூரின் கேர்ள் ஃப்ரெண்டாக வரும் சோபிதா துலிபாலாவுக்கு கவர்ச்சியை தாண்டி நடிப்பில் கவர்வதற்கு பெரிதாக எதுவும் இல்லை. தொடர்ந்து தொலைபேசியில் அழுகும் சோபிதா எதற்காக அழுகிறார் என்பது குறித்து அடுத்த சீசனில் தெரியவரலாம். ஆனால் இந்த சீசனில் அது தொடர்பான ஒரு ஹிண்ட்டை கொடுத்திருக்கலாமோ என்று தோன்றுகிறது. ரா அதிகாரியாக வரும் திலோத்தமாவுக்கு நடிப்பதற்கு ஸ்பேஸ் இருக்கிறது. ஆனால் அவரால் பெரிதாக எந்த ஸ்கோரும் செய்ய முடியவில்லை. ஏனெனில், அவருக்கான காட்சிகள் இந்த சீசனில் சற்று குறைவாகவே வைக்கப்பட்டிருக்கின்றன.

லொகேஷன்கள்

வெப் சீரிஸுக்கு மிகப்பெரிய பலமே பிடித்திருக்கும் லொகேஷன்கள். சிம்லாவில் இருக்கும் வைட் ப்ளவர் ஹோட்டல் இயற்கை ரசிப்பாளர்களின் கண்களுக்கு விருந்து. சுற்றிலும் பனி மலைகள், எந்நேரமும் கொட்டிக்கொண்டிருக்கும் பனி என எங்கு நோக்கினும் வெள்ளை போர்வைதான். அதேபோல் இலங்கையில் கடற்கரை ஓரம் இருக்கும் சொகுசு பங்களா கொள்ளை அழகு. அந்த வீட்டை பார்த்தால் அங்கு ஒரு மணி நேரமாவது இருந்துவிட வேண்டும் என்ற எண்ணம் எழுகிறது. அந்த அளவுக்கு லொகேஷன் தேர்வு கனகச்சிதமாக இருக்கிறது. இயற்கையோடு ஒன்றிப்போக நினைப்பவர்கள் இந்த லொகேஷனை பார்த்தால் அவர்களது கண்களிலிருந்து சில நாள்களுக்கு அவை மறையாது என்பது நிச்சயம்.

இசை

தமிழில் முன்னணி இசையமைப்பாளராக இருக்கும் சாம் சி.எஸ். இந்த தொடருக்கு இசையமைத்திருக்கிறார். அனில் கபூரின் இன்ட்ரோ சீனுக்கெல்லாம் சாமின் இசை பெரிதும் பலம் கூட்டியிருக்கின்றன. எந்த ஆரவாரமுமின்றி ஒரு தரமான பின்னணி இசையை கொடுத்திருக்கிறார் சாம். ஏற்கனவே விக்ரம் வேதா இந்தி ரீமேக்கில் தன்னை சாம் நிரூபித்திருந்தாலும் இந்த வெப் சீரிஸ் இசையும் அவரது பெயர் சொல்லும். வாழ்த்துகள் சாம் சி.எஸ்.

4 எபிசோடுகள்

8 எபிசோடுகள் வரும் வெப் சீரிஸ்களுக்கு மத்தியில் சுருக்கமாக 4 எபிசோடுகளோடு இதனை முடித்துக்கொண்டாலும் சுவாரசியம் குறைவாகவே இருக்கிறது. ஒரு மிகப்பெரிய ஆயுத கடத்தல்காரருக்கு கொஞ்சமேனும் விறுவிறுப்பான காட்சிகள் வைத்திருக்க வேண்டாமா. வெறுமனே டீலிங், மீட்டிங் என அத்தோடு முடிந்துவிடுகிறது டானுக்கான வேலை. வெல் கனெக்டட் பிசினஸ் மேன் என்ற ஒரு வசனம் வருகிறது. எனில் இந்தியாவின் உச்சபட்ச அதிகார அமைப்புகளோடு ஷெல்லி எப்படியெல்லாம் இணைந்திருக்கிறார். அவைகளுக்கு இவர் என்னவெல்லாம் செய்திருக்கிறார் என்பதெல்லாம் குறித்து எதுவுமே இல்லை. இந்திர தனுஷ் என்ற கதாபாத்திரத்தை ஃபோன் மூலம் கடைசி எபிசோடில் அறிமுகப்படுத்துகிறார்கள். அந்த கதாபாத்திரம் அடுத்த சீசனில் வெளிப்படலாம். ஆனால் அந்தக் கதாபாத்திரம் யார் ஷெல்லிக்கு மேலே இருக்குமா, உச்சபட்ச அதிகாரம் படைத்திருக்குமா என அதுகுறித்து தெரிந்துகொள்ள எந்த ஆர்வமும் எழவில்லை. 4 எபிசோடுகளோடு முடித்துக்கொள்ள முடிவெடுத்த இயக்குநர்கள் அவைகளுக்குள் ரசிகர்கள் எவ்வளவு எதிர்பார்ப்பார்கள் என்பதை யோசிக்க மறந்துவிட்டார்கள்போல. இல்லை அடுத்த சீசனில் பார்த்துக்கொள்ளலாம் என விட்டுவிட்டார்கள்போல.

வீக்கான பேஸ்மெண்ட்

தனது நண்பர்கள் எல்லாம் விலக ஆரம்பித்ததை உணர்ந்ததை அடுத்து ஷான் சென் குப்தாவை (ஆதித்யா) தன்னுடன் ஷெல்லி இணைத்துக்கொள்வதோடு முதல் சீசன் முடிகிறது. இருப்பினும் ஷானை தன்னுடன் ஷெல்லி இணைத்துக்கொள்வதற்கான ஒரு வலுவான காரணம்கூட சொல்லப்படவில்லை. தனது பிள்ளையை காப்பாற்றிவிட்டதால்தான் ஷானுக்கு அந்த ஆஃபரா. அப்படி இருந்தால்; ஒரு மிகப்பெரிய டான் இப்படியா எமோஷனலுக்கு அடிமையாக் இருப்பார் என பல பல கேள்விகள் எழுகின்றன. அடுத்த சீசனுக்கான அடித்தளம் இது. அனைத்துக்கும் அதில் விடை இருக்கும் என மனதை தேற்றிக்கொள்ளலாம்தான். ஆனால் அடித்தளம் பலமாக இருந்தால்தானே பில்டிங் ஸ்ட்ராங்காக இருக்கும். அப்படி பார்க்கையில் இந்த அடித்தளம் கொஞ்சம் ஆட்டம் கண்டிருக்கிறது என்பதுதான் உண்மை.

The post ‘தி நைட் மேனேஜர்’ – வெப்சீரிஸ் – ஒரு பார்வை first appeared on .

இந்த வாரம் ஓடிடியில்

விஜய்யின் நடிப்பில் மிகவும் பேசப்பட்ட படங்களில் ஒன்றான வாரிசு இந்த வாரம் ஓடிடியில் வெளியாக உள்ளது.

வாரிசு

தெலுங்கு இயக்குனர் வம்சி இயக்கத்தில் விஜய் நடித்த திரைப்படம் வாரிசு. இப்படத்தில் ராஷ்மிகா, பிரகாஷ்ராஜ், தெலுங்கு நடிகர் ஸ்ரீகாந்த், ஷியாம், ஜெயசுதா ஆகியோர் நடித்திருந்தனர். இப்படம் தமிழ் மட்டுமின்றி தெலுங்கிலும் வாரசுடு என்கிற பெயரில் ரிலீஸ் ஆனது. இருமொழிகளிலும் அமோக வரவேற்பை பெற்ற இப்படம் பாக்ஸ் ஆபிஸிலும் வசூலை வாரிக்குவித்தது. இப்படம் பிப்ரவரி 22ந் தேதி அமேசான் பிரைம் ஓடிடி தளத்திலும், இந்தியா தவிர்த்து வெளிநாடுகளில் சன் நெக்ஸ்ட் ஓடிடி தளத்தில் இப்படம் ரிலீசாகும் என அறிவித்துள்ளனர்.

இருதுருவம் 2

2019ம் ஆண்டு வெளியான வலைத் தொடர் இருதுருவம். ஒன்பது அத்தியாயங்களைக் கொண்ட இத்தொடர் சோனி லிவ் ஓடிடி தளத்தில் வெளியாகி வரவேற்பை பெற்றது. முதல்பாகத்தின் வெற்றியைத் தொடர்ந்து இருதுருவம் 2 புதிய தொடர் பிப்ரவரி 24 முதல் Sony LIV வெளியாக உள்ளது.

வீரசிம்ஹா ரெட்டி

கோபிசந்த் மலினினி இயக்கத்தில், தமன் இசையில், புஷ்பா தயாரிப்பாளர் மித்ரி மூவி மேக்கர்ஸ் தயாரிப்பில் வெளியான திரைப்படம் வீரசிம்ஹா ரெட்டி. பாலகிருஷ்ணா கதாநாயகனாக நடித்துள்ள இந்த படத்தில், ஸ்ருதிஹாசன், வரலட்சுமி உள்ளிட்டோர் முக்கிய கதாபாத்திரத்தில் நடித்துள்ளனர். வீரசிம்ஹா ரெட்டி படம் ஜனவரி 12ஆம் தேதி திரையரங்கில் வெளியாகி நல்ல விமர்சனங்களை பெற்றது. இதில், வீரசிம்ஹா ரெட்டி டிஸ்னி பிளாஸ் ஹாட் ஸ்டாரில் பிப்ரவரி 23ந் தேதி வெளியாக உள்ளது.

தங்கம்

இந்தியாவின் தங்கத் தலைநகரான திருச்சூரில் தங்க வர்த்தகத்தில் பணிபுரியும் மூன்று நண்பர்களை மையமாக வைத்து உருவானத் திரைப்படம் தங்கம். பிஜு மேனன், வினீத் ஸ்ரீனிவாசன், மற்றும் வினீத் தட்டில் டேவிட் ஆகியோர் நடித்துள்ளனர். இத்திரைப்படம் ஜனவரி 25ந் தேதி திரையரங்கில் வெளியாகி பெரும் வரவேற்பை பெற்றது. இத்திரைப்படம் பிப்ரவரி 22ந் தேதி பிரைம் வீடியோவில் வெளியானது.

நண்பகல் நேரத்து மயக்கம்

லிஜோ ஜோஸ் பெல்லிசேரி இயக்கத்தில் மெகா சூப்பர் ஸ்டார் மம்முட்டி நடிப்பில் கடந்த மாதம் 19ந் தேதி வெளியானத் திரைப்படம் நண்பகல் நேரத்து மயக்கம். இப்படத்தில் ரம்யா பாண்டியன், மறைந்த நடிகர் பூ ராமு உள்ளிட்ட பலர் நடித்துள்ளனர். தமிழ், மலையாளம் என இருமொழிகளில் வெளியான நண்பகல் நேரத்து மயக்கம் ரசிகர்களிடம் நல்ல வரவேற்பை பெற்றது. இப்படம் நெட்ஃபிளிக்ஸில் பிப்ரவரி 23ந் தேதி வெளியானது

We Have a Ghost

வீ ஹேவ் எ கோஸ்ட் பிப்ரவரி 24ந் தேதி முதல் நெட்ஃபிளிக்ஸில் பார்க்கலாம். இதில், ஜெனிஃபர் கூலிட்ஜ் மற்றும் அந்தோனி மேக்கி ஆகியோர் நடித்துள்ளனர். ஒரு பேய் வீட்டை ஆக்கிரமித்து வேட்டையாடுகிறது. இதில் இருந்த அந்த குடும்பம் எப்படி தப்பித்தது என்ற திகிலுடன் இந்த படம் நகர்கிறது.

The post OTT இந்தவார ரிலீஸ் first appeared on .

இயக்குனர் எச்.வினோத் இயக்கத்தில் நடிகர் அஜித் நடிப்பில் உருவான ‘துணிவு’ திரைப்படம் சமீபத்தில் திரையரங்குகளில் வெளியாகி நல்ல வரவேற்பை பெற்று வருகிறது. இதில் மஞ்சுவாரியர், சமுத்திரக்கனி, ஜி.எம்.சுந்தர், மகாநதி சங்கர், ஜான் கொக்கன் உள்ளிட்ட பலர் முக்கிய கதாபாத்திரங்களில் நடித்துள்ளனர். போனி கபூர் தயாரித்துள்ள இந்த படத்தை ரெட் ஜெயண்ட் மூவிஸ் நிறுவனம் தமிழ்நாட்டிலும் லைகா நிறுவனம் வெளிநாட்டிலும் வெளியிட்டது. வசூல் ரீதியாகவும் விமர்சன ரீதியாகவும் நல்ல வரவேற்பை பெற்ற இப்படம் கடந்த பிப்ரவரி 8-ம் தேதி நெட்ஃப்ளிக்ஸ் ஓடிடி தளத்தில் வெளியானது.

இந்நிலையில், நெட்ஃப்ளிக்ஸ் ஓடிடி தளம் வெளியிட்டுள்ள இந்தியாவின் டாப் 10 இடத்தில் இருக்கும் படங்கள் பட்டியலில் ‘துணிவு’ திரைப்படம் மூன்று இடங்களை பிடித்துள்ளது. அதாவது, ‘துணிவு’ திரைப்படத்தின் ஹிந்தி வெர்ஷன் முதலிடத்தையும் தமிழ் மற்றும் தெலுங்கு வெர்ஷன் இரண்டாவது மற்றும் நான்காவது இடத்தையும் பிடித்துள்ளது. இதனை ஓடிடி தளம் போஸ்டர் ஒன்றை வெளியிட்டு அறிவித்துள்ளது. மேலும், நான் இங்கிலீஸ் (non english) பிரிவில் முதல் ஐந்து இடத்தில் இரண்டு இடங்களை பிடித்துள்ளது குறிப்பிடத்தக்கது.

இயக்குனர் ரிஷப் ஷெட்டி இயக்கி நடித்த திரைப்படம் ‘காந்தாரா’. இப்படம் அனைத்து மொழிகளிலுமே வசூலை குவித்தது. நடிகர் ரிஷப் ஷெட்டி இயக்கி நடித்த காந்தாரா திரைப்படம் கடந்த செப்டம்பர் 30-ஆம் தேதி வெளியானது. கடந்த வருடம் வந்த படங்களில் சிறிய பட்ஜெட்டில் தயாராகி அதிக வசூல் குவித்து திரையுலகினரையும் ரசிகர்களையும் பெரிய ஆச்சரியத்தில் மூழ்கடித்த கன்னட படம் காந்தாரா. இப்படம் தமிழ், தெலுங்கு, இந்தி உள்ளிட்ட அனைத்து மொழிகளிலுமே வசூலை அள்ளியது. கர்நாடகத்தில் வாழும் பழங்குடி மக்களின் சமய வழிபாட்டை மையமாக வைத்து உருவாகியிருந்த இப்படத்தை பலரும் பாராட்டினர்.

இதையடுத்து இப்படத்தின் இரண்டாவது பாகம் அடுத்த ஆண்டு வெளியாகவுள்ளது. இந்நிலையில், ‘காந்தாரா’ படம் குறித்து புதிய செய்தி பரவி வருகிறது. அதன்படி, இப்படத்தை ஆங்கிலத்தில் டப்பிங் செய்து வெளிநாடுகளில் திரையிட படக்குழு திட்டமிட்டு வருவதாக தகவல் வெளியாகியுள்ளது.

The post நெட்ஃப்ளிக்ஸில் டாப் 10ல் மூன்று இடங்களைப் பிடித்த ‘துணிவு’ first appeared on .