மோட்டோரோலா நிறுவனம் தொடர்ந்து தரமான ஸ்மார்ட்போன்களை இந்தியாவில் அறிமுகம் செய்து வருகிறது. குறிப்பாக இந்நிறுவனம் அறிமுகம் செய்யும் போன்கள் தனித்துவமான வடிவமைப்பு மற்றும் தரமான அம்சங்களுடன் வெளிவருகின்றன என்றுதான் கூறவேண்டும். மோட்டோரோலா கடந்த சில மாதங்களில் பல அட்டகாசமான ஸ்மார்ட்போன்களை அறிமுகம் செய்துவிட்டது. இந்நிலையில் மோட்டோரோலா தனித்துவமான போனை அறிமுகம் செய்ய உள்ளதாக தகவல் வெளிவந்துள்ளது.

லெனோவா டெக் வொர்ல்டு நிகழ்வு

எல்ஜி நிறுவனம் உலகின் முதல் ரோலபிள் போனை அறிமுகம் செய்வதற்கான பணிகளில் ஈடுபட்டு வந்தது. ஆனால் தொடர்பு இழப்பு காரணமாக ஸ்மார்ட்போன் சந்தையில் இருந்து கடந்த ஆண்டு ஏப்ரல் மாதம் எல்ஜி நிறுவனம் விலகிக் கொண்டது. இந்நிலையில் மோட்டோரோலா நிறுவனம் புதிய ரோலபில் போன் கான்செப்ட்-ஐ அறிமுகம் செய்துள்ளது. லெனோவா டெக் வொர்ல்டு நிகழ்ச்சியில் மோட்டோரோலா நிறுவனம் இந்த ரோலபில் சாதனத்தை அறிமுகம் செய்ததாகத் தகவல் வெளிவந்துள்ளது.

ரோலபிள் போன் (Rollable phone)

அதாவது இதுவரை ரோலபில் போன்களின் ரோலபில் ஸ்கிரீன் ஆனது அகல வாக்கில் நீண்டு டேப்லெட் அளவு டிஸ்பிளே போன்று மாறும் வகையில் தான் உருவாக்கப்பட்டு இருந்தது. ஆனால் மோட்டோரோலா கான்செப்ட் ரோலபில் போன் ஆனது சிறிய ஸ்கிரீன் கொண்ட சாதனமாக இருந்து நீள வாக்கில் நீண்டு சற்று பெரிய டிஸ்பிளேவாக மாறுகிறது. இவ்வாறு மாறும்போது அதன் டிஸ்ப்ளேவும் அதன் ஆஸ்பெக்ட் ரேஷ்யோவுக்கு தகுந்தபடி தானாகவே மாறிக் கொள்கிறது. இவ்வாறு திரையின் அளவை கூட்டவும், குறைக்கவும் வால்யூம் பட்டன் போன்ற பட்டன்கள் பக்கவாட்டில் வழங்கப்பட்டு இருக்கின்றது. குறிப்பாக சொல்ல வேண்டுமெனில் ஒரு தனித்துவமான வடிவமைப்பைக் கொண்டுள்ளது இந்த மோட்டோரோலா கான்செப்ட் ரோலபில் போன். இதில் எந்தவிதமான ப்ராஸசர் பயன்படுத்தப்பட்டிருக்கும், எத்தனை மெகாபிக்சல் கேமரா இருக்கும் என்பது போன்ற இதைப் பற்றிய மற்ற எந்த விவரங்களும் இன்னும் வெளியாகவில்லை.
ஆனால், மற்ற நிறுவனங்களை விட தரமான ரோலபில் போனை சந்தைக்கு கொண்டுவர முடிவு செய்துள்ளது மோட்டோரோலா நிறுவனம். ஆனால் இந்தபோன் சந்தைக்கு வர இன்னும் சில காலங்கள் ஆகும் என்று தெரிகிறது. சாம்சங் நிறுவனமும் ரோலபில் ஸ்மார்ட்போனை உருவாக்கி வருவதாக தகவல் வெளிவந்துள்ளது.

மோட்டோரோலா ரேசர்

அதேபோல் மோட்டோரோலா நிறுவனம் சமீபத்தில் மூன்றாம் தலைமுறை ரேசர் கிளாம்ஷெல் ரக மடிக்கக்கூடிய போனை அறிமுகம் செய்தது. இந்த போன் சீனாவில் மட்டுமே அறிமுகம் செய்யப்பட்டது. விரைவில் இந்த மாடல் அனைத்து நாடுகளிலும் அறிமுகம் செய்யப்படும் எதிர்பார்க்கப்படுகிறது. குறிப்பாக மோட்டோரோலா ரேசர் தரமான ஸ்னாப்டிராகன் 8 பிளஸ் ஜென் 1 சிப்செட் வசதியைக் கொண்டு அறிமுகமானது என்பது குறிப்பிடத்தக்கது. மேலும் மோட்டோரோலா நிறுவனம் இந்திய சந்தையில் புதிய 5ஜி போன்களை அறிமுகம் செய்ய திட்டமிட்டுள்ளது. குறிப்பாக இந்நிறுவனம் பட்ஜெட் விலையில் 5ஜி போன்களை அறிமுகம் செய்வதில் அதிக ஆர்வம் காட்டுகிறது என்பது தான் உண்மை. குறிப்பாக இந்நிறுவனம் பட்ஜெட் விலையில் 5ஜி போன்களை அறிமுகம் செய்வதில் அதிக ஆர்வம் காட்டுகிறது.

The post வருகிறது உலகின் முதல் ரோலபிள் போன்! first appeared on .