POCO அதன் POCO F5 ஸ்மார்ட்போனை இன்று இந்தியாவில் அறிமுகப்படுத்துகிறது. இது தவிர POCO F5 Pro மொபைலை உலக சந்தையில் அறிமுகப்படுத்துகிறது. சமீபத்திய ஸ்னாப்டிராகன் 7+ ஜென் 2 சிப்செட்டைக் கொண்டிருக்கும் இந்தியாவின் முதல் ஸ்மார்ட்போன் POCO F5 ஆகும். இந்த மொபைல் இந்திய நேரப்படி இன்று இரவு 9:30 மணிக்கு (IST) அறிமுகப்படுத்தப்படும். மேலும் வெளியீட்டை நிறுவனத்தின் அதிகாரப்பூர்வ YouTube சேனல் வழியாக நேரடியாக பார்க்கலாம்.

விரைவில் வெளியாக இருக்கும் POCO F5 இன் எதிர்பார்க்கப்படும் விலை, விவரக்குறிப்புகள் மற்றும் அம்சங்களைப் பார்க்கலாம். மேலும் அதன் வெளியீட்டு நிகழ்வை நேரடியாக ஸ்ட்ரீமிங்கை எவ்வாறு பார்க்கலாம் என்பதையும் இப்போது பார்ப்போம்.

POCO F5 வெளியீட்டு நேரம், லைவ் ஸ்ட்ரீம் பார்ப்பது எப்படி

POCO F5 வெளியீடு, நிறுவனத்தின் அதிகாரப்பூர்வ யூடியூப் சேனலில் இந்திய நேரப்படி இரவு 9:30  மணிக்கு  நேரடியாக ஒளிபரப்பாகும். POCO ஆனது POCO F5 மற்றும் POCO F5 Pro மொபைல்களை உலக சந்தையில் அறிமுகப்படுத்தும். ஆனால் இந்தியாவைப் பொறுத்தவரை, வெண்ணிலா POCO F5 மட்டுமே அறிமுகப்படுத்தப்படும் என்று கூறப்படுகிறது. உங்களுக்கான உலகளாவிய நிகழ்வு லைவ் ஸ்ட்ரீமிங் URL இதோ:

இந்தியாவில் POCO F5 (எதிர்பார்க்கப்படும்) விலை & சலுகை

முந்தைய கசிவுகள் மற்றும் வதந்திகளின்படி, POCO F5 ஆனது 8 ஜிபி ரேம் மற்றும் 256 ஜிபி சேமிப்பு விருப்பத்திலும் 12 ஜிபி ரேம் மற்றும் 256 ஜிபி சேமிப்பக விருப்பத்திலும் வெளியிடப்படும் .

அடிப்படை வேரியண்ட் இந்தியாவில் சுமார் ரூ.27,000 விலையில் இருக்கும் என்று எதிர்பார்க்கலாம். அதேவேளையில், டாப்-டையர் வேரியன்ட் ரூ.30,000 ஐ தொடக்கூடும்.

POCO F5க்கு POCO சில அறிமுகச் சலுகைகளை அறிமுகப்படுத்தலாம். இதனால் விலை நிர்ணயம் இன்னும் குறையக்கூடும்.

POCO F5 தற்போது நடைபெற்று வரும் Flipkart Big Savings Days Sale 2023க்கு மத்தியில் அறிமுகமாகிறது என்பது குறிப்பிடத்தக்கது. ஆனால் முதல் விற்பனையானது சில நாட்கள் கழித்து ஆரம்பிக்கலாம். எனவே மொபைலை வாங்குவதற்கு தற்போதைய சலுகைகள் பொருந்தாது.

POCO F5 (எதிர்பார்க்கப்படும்) அம்சங்கள்

டிஸ்ப்ளே

POCO F5 ஆனது 6.67-இன்ச் FHD+ AMOLED டிஸ்ப்ளே மற்றும் 120Hz புதுப்பிப்பு வீதம் மற்றும் செல்ஃபி கேமராவிற்கான மேல்பக்க மையத்தில்  ஒற்றை பஞ்ச்-ஹோல் கட்அவுட் உடன் வெளியாகும் எனக் கூறப்படுகிறது .

சிப்செட்

இந்த மொபைல் Snapdragon 7+ Gen 2 செயலியைக் கொண்டிருப்பது உறுதிசெய்யப்பட்டுள்ளது.

ரேம் மற்றும் ஸ்டோரேஜ்

POCO F5 ஆனது 8GB RAM இல் வெளியாகலாம். மேலும் 12GB RAM வேரியண்டிலும் வெளியிடப்படும் என்று கூறப்படுகிறது. சேமிப்பகத்தைப் பொறுத்தவரை, இந்த மொபைல் 256ஜிபி வரையிலான உள் நினைவகத்துடன் வரும்.

இயங்குதளம்

இந்த மொபைலானது சமீபத்திய ஆண்ட்ராய்டு 13 -அடிப்படையிலான MIUI 14 ஸ்கின் உடன் வெளியாகும் என்று எதிர்பார்க்கலாம் .

பேட்டரி

சாதனம் 67W ஃபாஸ்ட் சார்ஜிங் ஆதரவுடன் கூடிய 5,160mAh பேட்டரியைக் கொண்டுள்ளது .

கேமரா

POCO F5 ஆனது 64MP பிரதான கேமரா, 8MP அல்ட்ரா-வைட் ஆங்கிள் கேமரா, 2MP மேக்ரோ கேமரா மற்றும் 16MP செல்ஃபி கேமராவில் பேக் செய்யப்படும் என்று எதிர்பார்க்கப்படுகிறது.

POCO F5 முக்கிய விவரக்குறிப்புகள்

• சிப்செட் – Qualcomm Snapdragon 7 Plus Gen 2
• ரேம் – 8 ஜிபி
• டிஸ்ப்ளே – 6.67 அங்குலம் (16.94 செமீ)
• பின் கேமரா – 64MP + 8MP + 5MP
• செல்ஃபி கேமரா – 32MP
• பேட்டரி – 5500 mAh

The post இந்தியாவில் இன்று அறிமுகம் ஆகிறது POCO F5: நேரம், லைவ் ஸ்ட்ரீம் பார்ப்பது எப்படி, எதிர்பார்க்கப்படும் அம்சங்கள் மற்றும் விலை விவரங்கள் first appeared on .