இந்தியாவின் மிகவும் பிரபலமான டூவீலர் நிறுவனங்களில் ஒன்று ஹீரோ மோட்டோகார்ப் (Hero Motocorp). இந்நிறுவனம் விடா (Vida) என்ற புதிய பிராண்டை உருவாக்கியுள்ளது. இந்த விடா பிராண்டின் கீழ்தான், ஹீரோ மோட்டோகார்ப் நிறுவனம் எலெக்ட்ரிக் டூவீலர்களை விற்பனை செய்ய இருக்கிறது. விடா பிராண்டின் கீழ் கடந்த அக்டோபர் மாத தொடக்கத்தில் புதிய எலெக்ட்ரிக் ஸ்கூட்டர் (Electric Scooter) ஒன்று விற்பனைக்கு அறிமுகம் செய்யப்பட்டது. விடா வி1 (Vida V1) என்ற பெயரில் இந்த எலெக்ட்ரிக் ஸ்கூட்டர் களமிறக்கப்பட்டுள்ளது. இந்த சூழலில், விடா வி1 எலெக்ட்ரிக் ஸ்கூட்டரை, வாடிக்கையாளர்களுக்கு டெலிவரி (Delivery) செய்யும் பணிகள் தற்போது தொடங்கி இருக்கிறது. பெங்களூரை சேர்ந்த வாடிக்கையாளர் ஒருவர், முதல் விடா வி1 எலெக்ட்ரிக் ஸ்கூட்டரை டெலிவரி பெற்றுள்ளார்.

விலை

விடா வி1 எலெக்ட்ரிக் ஸ்கூட்டரை, 2,499 ரூபாய் செலுத்தி முன்பதிவு செய்து கொள்ளலாம். இந்தியாவில் வி1 ப்ளஸ் (V1 Plus) மற்றும் வி1 ப்ரோ (V1 Pro) என 2 வேரியண்ட்களில், இந்த எலெக்ட்ரிக் ஸ்கூட்டர் கிடைக்கும். இதில், வி1 ப்ளஸ் வேரியண்ட்டின் விலை (Price) 1.45 லட்ச ரூபாய் ஆகும். அதே நேரத்தில் வி1 ப்ரோ வேரியண்ட்டின் விலை 1.59 லட்ச ரூபாய் ஆகும். இவை இரண்டுமே பெங்களூர் எக்ஸ் ஷோரூம் விலை என்பது இங்கே குறிப்பிடத்தக்கது. மாநில அரசுகள் வழங்கும் மானியங்களை பொறுத்து, விலை மாறுபடும் என்பதும் கவனிக்க வேண்டிய விஷயம். இந்தியாவில் எலெக்ட்ரிக் வாகனங்களின் பயன்பாட்டை அதிகரிப்பதற்காக, அவற்றை வாங்குபவர்களுக்கு மானியங்கள் வழங்கப்படுகின்றன. எனவே எலெக்ட்ரிக் வாகனங்களுக்கு அந்தந்த மாநில அரசுகள் வழங்கி வரும் மானியங்களை பொறுத்து, இந்தியாவின் ஒரு சில பகுதிகளில் இதைக்காட்டிலும் குறைவான விலையிலேயே விடா வி1 எலெக்ட்ரிக் ஸ்கூட்டரை வாங்க முடியும்.

பேட்டரி

விடா வி1 எலெக்ட்ரிக் ஸ்கூட்டரின் ப்ளஸ் வேரியண்ட்டில் 3.44 kWh பேட்டரி வழங்கப்பட்டுள்ளது. அதே நேரத்தில் ப்ரோ வேரியண்ட்டில் 3.94 kWh பேட்டரி பொருத்தப்பட்டுள்ளது. அத்துடன் ட்யூயல் பேட்டரி ஆப்ஷனும் வழங்கப்பட்டுள்ளது. அவை இந்த 2 வேரியண்ட்களுக்கும் முறையே 1.72 kWh மற்றும் 1.97 kWh ஆகும். இதில், விடா வி1 ப்ளஸ் வேரியண்ட்டின் ரேஞ்ச் (Range) 143 கிலோ மீட்டர்கள் எனவும், வி1 ப்ரோ வேரியண்ட்டின் ரேஞ்ச் 165 கிலோ மீட்டர்கள் எனவும் தெரிவிக்கப்பட்டுள்ளது.

திறன்

பூஜ்ஜியத்தில் இருந்து மணிக்கு 40 கிலோ மீட்டர்கள் என்ற வேகத்தை எட்டுவதற்கு விடா வி1 ப்ளஸ் வேரியண்ட் 3.4 வினாடிகளை எடுத்து கொள்ளும். ஆனால் விடா வி1 ப்ரோ வேரியண்ட் இதை 3.2 வினாடிகளில் செய்து விடும். அதே நேரத்தில் இந்த 2 வேரியண்ட்களுக்கும் பொதுவாக நிறைய வசதிகள் (Features) வழங்கப்பட்டுள்ளன.

https://www.instagram.com/p/Cm0MwSOIHe7/?utm_source=ig_web_copy_link)

வசதிகள்

இதில், எல்இடி ப்ரொஜெக்டர் ஹெட்லேம்ப், ஓடிஏ சப்போர்ட் உடன் 7 இன்ச் டிஎஃப்டி டிஸ்ப்ளே, ப்ளூடூத், வை-ஃபை, ஜியோ ஃபென்சிங், ட்ராக் மை பைக், க்ரூஸ் கண்ட்ரோல், எஸ்ஓஎஸ் வார்னிங், ரீஜெனரேட்டிவ் பிரேக்கிங் ஆகியவை குறிப்பிடத்தக்கவை. இப்படி பல்வேறு சிறப்பம்சங்கள் நிரம்பியுள்ளதால், விடா வி1 எலெக்ட்ரிக் ஸ்கூட்டர், வாடிக்கையாளர்கள் கொடுக்கும் பணத்திற்கு மதிப்பு வாய்ந்த தயாரிப்பாக இருக்கும்.

போட்டி

இந்தியாவில் தற்போதைய நிலையில் ஓலா எலெக்ட்ரிக் (Ola Electric), ஏத்தர் (Ather), பஜாஜ் (Bajaj) மற்றும் டிவிஎஸ் (TVS) போன்ற பல்வேறு நிறுவனங்கள் எலெக்ட்ரிக் ஸ்கூட்டர்களை விற்பனை செய்து வருகின்றன. எலக்ட்ரிக் வாகனங்களுக்கு இந்திய வாடிக்கையாளர்கள் மத்தியில் நாளுக்கு நாள் வரவேற்பு அதிகரித்து கொண்டே செல்வதால், யமஹா (Yamaha) மற்றும் ஹோண்டா (Honda) ஆகிய நிறுவனங்களும் வெகு விரைவில் புதிய எலெக்ட்ரிக் ஸ்கூட்டர்களை இந்தியாவில் அறிமுகப்படுத்தும் என எதிர்பார்க்கப்படுகிறது. இதில், ஹோண்டா நிறுவனமானது, இன்று தனது முதல் எலக்ட்ரிக் ஸ்கூட்டரை அறிமுகம் செய்ய இருக்கிறது.

The post டெலிவரியைத் துவங்கியது ஹீரோ விடா! first appeared on .

இந்தியாவில் ஸ்கூட்டர் மார்கெட்டிற்கு மிகப்பெரிய டிமாண்ட் இருக்கிறது. பெண்கள் முதல் நகர்ப் பகுதிகளில் வாழும் பலரும் ஸ்கூட்டர்களை தங்கள் தின பயன்பாட்டிற்காகப் பயன்படுத்த விரும்புகின்றனர். இதனால் நாளுக்கு நாள் ஸ்கூட்டர்களின் விற்பனை அதிகரித்து வருகிறது. இந்நிலையில் மக்களைக் கவர பெரும்பாலான இருசக்கர வாகன தயாரிப்பு நிறுவனங்கள் தங்கள் பிராண்டில் ஸ்கூட்டர்களை களம் இறக்கி வருகின்றனர்.

ஓலா எஸ்1 ஏர்

ஓலா நிறுவனம் குறைந்த விலையில் ஒரு எலெக்ட்ரிக் ஸ்கூட்டரை கடந்த தீபாவளி சமயத்தில் அறிமுகப்படுத்தியது. இந்த ஸ்கூட்டர் தான் ஓலா எஸ்1 ஏர். இந்த ஸ்கூட்டர் மார்கெட்டில் ரூ84,999 என்ற விலையில் விற்பனைக்கு வருகிறது. இந்த ஸ்கூட்டர் அறிமுகமாகி இருந்தாலும் இந்த ஸ்கூட்டருக்கான விற்பனை மற்றும் டெலிவரி துவங்கவில்லை. தற்போது புக்கிங் மட்டுமே நடந்து வருகிறது. இந்த ஸ்கூட்டர் 2.5 கிலோ வாட் ஹவர் பேட்டரியையும் 4.5 கிலோ வாட் மோட்டாரையும் கொண்டது. இந்த ஸ்கூட்டர் முழு சார்ஜில் எக்கோ மோடில் 101 கி.மீ ரேஞ்ச் செல்லும் திறன் கொண்டது. இந்த ஸ்கூட்டர் அதிகபட்சமாக 90 கி.மீ வேகத்தில் பயணிக்கும்படி உருவாக்கப்பட்டுள்ளது.

ஹீரோ விடா வி1 இ-ஸ்கூட்டர்

தற்போது இந்தியாவில் எலெக்ட்ரிக் ஸ்கூட்டர்கள் பிரபலமாகி வரும் நிலையில் ஹீரோ மோட்டோ கார்ப் நிறுவனம் எலெக்ட்ரிக் வாகன பிரிவில் தன் கால் தடத்தைப் பதிக்கும் விதமாக விடா என்ற பிராண்டை அறிமுகப்படுத்தி அதில் வி1 என்ற எலெக்ட்ரிக் ஸ்கூட்டரையும் அறிமுகப்படுத்தியுள்ளது. இந்த ஸ்கூட்டரில் 3.44 கிலோ வாட் மோட்டார் பொருத்தப்பட்டுள்ளது. இது அதிகபட்சமாக 80 கி.மீ வேகம் வரை செல்லும் திறன் கொண்டது. முழு சார்ஜில் 165 கி.மீ வரை ரேஞ்ச் கொடுக்கும். மேலும் இந்த ஸ்கூட்டரில் ஏகப்பட்ட அம்சங்கள் மற்றும் அதிகமான சார்ஜிங் ஆப்ஷன்கள் உள்ளன.

டிவிஎஸ் ஐக்யூப்

டிவிஎஸ் நிறுவனம் தனது எலெக்ட்ரிக் வாகன பிரிவில் ஐக்யூப் என்ற ஸ்கூட்டரை அறிமுகப்படுத்தியுள்ளது. இது பேஸ், எஸ் மற்றும் எஸ்டி என மொத்தம் 3 வேரியன்ட்களில் கிடைக்கிறது. இந்த ஸ்கூட்டரின் பவர் மற்றும் ரேஞ்ச் சிறப்பாக இருக்கிறது. விலையும் குறைவாக இருக்கிறது. இந்த ஸ்கூட்டரின் டாப் வேரியன்டான எஸ்டி என்ற வேரியன்ட் முழு சார்ஜில் 145 கி.மீ பயணிக்கும் திறன் கொண்டதாக இருக்கிறது. இந்த ஸ்கூட்டர் மில்டிபிள் சார்ஜிங் ஆப்ஷன்களை கொண்டது.

ஏத்தர் 450 ஜென்3

ஏத்தர் நிறுவனம் 450 என்ற எலெக்ட்ரிக் ஸ்கூட்டரை விற்பனை செய்து வருகிறது. அதிக நம்பகத்தன்மை வாய்ந்த எலெக்ட்ரிக் ஸ்கூட்டர் இது. இதன் பெர்ஃபாமென்ஸ் மட்டுமல்ல இதன் வடிவமைப்பு மற்றும் பில்டு குவாலிட்டியும் வெகு சிறப்பாக இருக்கிறது. இந்த ஸ்கூட்டரின் 3ம் தலைமுறை ஸ்கூட்டர் இந்தாண்டு அறிமுகமானது. இது முந்தைய தலைமுறையைவிட அதிக அம்சங்களை கொண்டிருக்கிறது. இதன் ரேஞ்ச், அம்சங்கள், வெளிப்புற தோற்றம், உட்புறம் பயன்படுத்தப்பட்ட பாகங்கள் எல்லாம் அப்டேட் செய்யப்பட்டுள்ளது. இது ஒட்டுமொத்தமாக வாடிக்கையாளர்களுக்கு செம அப்டேட்டாக இருக்கிறது.

இருசக்கர வாகன விற்பனையில் ஸ்கூட்டர் செக்மெண்டை மெல்ல மெல்ல எலெக்ட்ரிக் ஸ்கூட்டர்கள் பிடித்து வருகிறது. இன்னும் சில மாதங்களில் ஸ்கூட்டர் என்றாலே எலெக்ட்ரிக் ஸ்கூட்டர் தான் என்றநிலை வந்தாலும் ஆச்சரியப்படுவதற்கு ஒன்றும் இல்லை. அந்த அளவிற்கு எலெக்ட்ரிக் வாகன விற்பனை அதிகரித்து வருகிறது.

The post 2022ன் சிறந்த எலக்ட்ரிக் ஸ்கூட்டர்கள்! first appeared on .