• మీడియాటెక్ ఏ22 చిప్సెట్ తో వచ్చిన ఎంట్రీ లెవెల్ స్మార్ట్ ఫోన్ POCO C50
• ఇంట్రడక్టరీ ఆపర్ క్రింద లభించనున్న రూ.300 డిస్కౌంట్
• రెండు కలర్ ఆప్షన్స్ లో లభ్యం కానున్న ఫోన్, ఫ్లిప్ కార్ట్ ద్వారా సేల్ ప్రారంభం

పోకో కంపెనీ గత వారం ఎంట్రీ లెవెల్ స్మార్ట్ ఫోన్ POCO C50 ని భారత మార్కెట్ లో లాంచ్ చేసింది. ఈ లేటెస్ట్ సీ-సిరీస్ ఫోన్ Redmi A1+ కి రీబ్రాండెడ్ వర్షన్. ఏ1+ మాదిరిగానే POCO C50 కూడా మీడియాటెక్ హీలియో ఏ22 ప్రాసెసర్, 3జిబి వరకు ర్యామ్ ఆప్షన్స్ తో వచ్చింది. నేడు POCO C50 ఫస్ట్ సేల్ మొదలు కానుంది. మధ్యాహ్నం 12 గంటల నుంచి ఫ్లిప్ కార్ట్ ద్వారా ఫోన్ విక్రయాలు ప్రారంభమవుతాయి.

ఎంట్రీ లెవెల్ ఫోన్ అయిన POCO C50 భారీ హెచ్డీ+ డిస్ప్లే, 5000 ఎంఏహెచ్ బ్యాటరీ తో వచ్చింది. ఈ ఫోన్ లో 8 మెగాపిక్సెల్ రియర్ కెమెరా, రియర్ మౌంటెడ్ ఫింగర్ ప్రింట్ స్కానర్, ఆండ్రాయిడ్ 12 గో ఎడిషన్ ఓఎస్ అందించారు. సరే, ఓసారి భారత్ లో POCO C50 యొక్క ధర, లభ్యత మరియు స్పెసిఫికేషన్స్ గురించి తెలుసుకుందాం పదండి.

భారత్ లో POCO C50 ధర, లభ్యత

భారత్ లో POCO C50 స్మార్ట్ ఫోన్ 2జిబి ర్యామ్ + 32జిబి స్టోరేజీ వేరియంట్ ధరను రూ.6,499 గా నిర్ణయించారు. మరోవైపు 3జిబి ర్యామ్ + 32జిబి స్టోరేజీ మోడల్ ధర రూ.7,299 గా ఉంది. నేడు మధ్యాహ్నం 12 గంటల నుంచి ఫ్లిప్ కార్ట్ ద్వారా ఈ ఫోన్ సేల్ కి వస్తోంది.

లాంచ్ ఆఫర్ లో భాగంగా POCO C50 2జిబి వేరియంట్ రూ.6,249 కి, 3జిబి వేరియంట్ రూ.6,999 కి లభిస్తుంది.

POCO C50 స్పెసిఫికేషన్స్

POCO C50 స్మార్ట్ ఫోన్ 6.52-ఇంచ్ ఐపీఎస్ ఎల్సీడీ డిస్ప్లే, హెచ్డీ+ (720*1600) రెజుల్యూషన్, 269పీపీఐ పిక్సెల్ డెన్సిటీ, 60 హెర్ట్జ్ రిఫ్రెష్ రేట్, 400 నిట్స్ పీక్ బ్రైట్నెస్, 1500:1 కాంట్రాస్ట్ రేషియో, వాటర్ డ్రాప్ నాచ్ డిజైన్ ని కలిగి ఉంటుంది.

ఈ ఫోన్ లో మీడియాటెక్ హీలియో ఏ22 చిప్సెట్ వాడారు. 32జిబి ఇంటర్నల్ స్టోరేజీ అందించారు. మైక్రోఎస్డీ కార్డ్ ద్వారా మెమొరీని 512జిబి వరకు పెంచుకోవచ్చు.

POCO C50 లో 5000 ఎంఏహెచ్ బ్యాటరీ అమర్చారు. ఇది 10 వాట్ ఫాస్ట్ చార్జింగ్ కి సపోర్ట్ చేస్తుంది. ఈ ఫోన్ లో 3.5 ఎంఎం ఆడియో జాక్, సింగిల్ స్పీకర్ సెటప్, బ్లూటూత్ 5.0, వై-ఫై ఉన్నాయి. ఆండ్రాయిడ్ 12 ఓఎస్ గో ఎడిషన్ పై పని చేస్తుంది. ఈ ఫోన్ 164.9 మిల్లీ మీటర్ల పొడవు, 76.45 మిల్లీ మీటర్ల వెడల్పు, 9.09 మిల్లీ మీటర్ల మందం, 192 గ్రాముల బరువు ఉంటుంది.

భద్రత కోసం ఈ ఫోన్ లో రియర్ మౌంటెడ్ ఫింగర్ ప్రింట్ స్కానర్ అందించారు. కెమెరా విభాగం గురించి మాట్లాడితే ఇందులో డ్యూయల్ రియర్ కెమెరా సెటప్ ఉంది. ఇందులో 8ఎంపి ప్రైమరీ కెమెరా, 2ఎంపి డెప్త్ సెన్సర్ ఉన్నాయి. సెల్ఫీలు, వీడియో కాల్స్ కోసం 5ఎంపి ఫ్రంట్ కెమెరా ఇచ్చారు.

లేటెస్ట్ స్మార్ట్ ఫోన్, ఆటోమొబైల్, టెక్నాలజీ, టెలీకామ్, ఎంటర్టెయిన్మెంట్ న్యూస్ కోసం 91మొబైల్స్ తెలుగు ఫేస్‌బుక్ పేజీని లైక్ చేసి ఫాలో అవ్వండి.

The post నేడే POCO C50 ఫస్ట్ సేల్: మధ్యాహ్నం 12 గంటల నుంచి ఫ్లిప్ కార్ట్ ద్వారా విక్రయం first appeared on 91Mobiles Telugu.

• భారత్ లో లాంచైన ఎంట్రీ లెవెల్ స్మార్ట్ ఫోన్ POCO C50
• 2జిబి ర్యామ్ + 32జిబి స్టోరేజీ వేరియంట్ ధర రూ.6,499
• 6.52-ఇంచ్ హెచ్డీ+ ఐపీఎస్ ఎల్సీడీ డిస్ప్లే, 8ఎంపి కెమెరా, 2ఎంపి డెప్త్ సెన్సర్ తో వచ్చిన POCO C50

పోకో సంస్థ 2023 లో తన తొలి ఫోన్ ని లాంచ్ చేసింది. భారత్ లో POCO C50 స్మార్ట్ ఫోన్ నేడు లాంచైంది. పోకో సీ40 కి సక్సెసర్ గా ఈ ఫోన్ వచ్చింది. అయితే, భారత్ లో మాత్రం POCO C50 స్మార్ట్ ఫోన్ సీ31 4జీ కి సక్సెసర్ గా వచ్చింది. ఎందుకంటే పోకో సీ40 భారత్ లో లాంచ్ కాలేదు. గ్లోబల్ గా ఎంట్రీ ఇచ్చింది. సరే ఇప్పుడు POCO C50 గురించి మాట్లాడితే, ఈ ఫోన్ రెడ్మీ ఏ1+ కి రీబ్యాడ్జ్డ్ వర్షన్ అని తెలుస్తోంది.

భారత్ లో POCO C50 స్మార్ట్ ఫోన్ రెండు కలర్ ఆప్షన్స్ లో లాంచైంది. ఈ ఫోన్ లెదర్ లాగా కనిపించే బ్యాక్ ప్యానెల్ తో వచ్చింది. అలాగే డ్యూయల్ కెమెరా సెటప్, రియర్ మౌంటెడ్ ఫింగర్ ప్రింట్ స్కానర్ ఈ ఫోన్ లో ఉన్నాయి. రూ.6,499 ధరతో ఈ ఫోన్ మార్కెట్ లోకి వచ్చింది. ఓసారి POCO C50 యొక్క పూర్తి స్పెసిఫికేషన్స్, ఇతర వివరాలను తెలుసుకుందాం పదండి.

భారత్ లో POCO C50 ధర, స్పెసిఫికేషన్స్

POCO C50 స్మార్ట్ ఫోన్ రెండు స్టోరేజీ వేరియంట్స్ లో లభిస్తుంది. అవి: 2జిబి ర్యామ్ + 32జిబి స్టోరేజీ. ఈ వేరియంట్ ధర రూ.6,499 గా ఉంది. ఇక 3జిబి ర్యామ్ + 32జిబి స్టోరేజీ మోడల్ ధర రూ.7,299 గా నిర్ణయించారు. లాంచ్ ఆఫర్స్ క్రింద POCO C50 బేస్ మోడల్ ని రూ.6,249 కే అందిస్తున్నారు. 3జిబి ర్యామ్ వేరియంట్ ని రూ.6,999 కి సొంతం చేసుకోవచ్చు. ఈ ధరలు స్వల్ప కాలం వరకే అందుబాటులో ఉంటాయి.

POCO C50 డివైజ్ ఫ్లిప్ కార్ట్ ద్వారా జనవరి 10 నుంచి అమ్మకానికి వస్తోంది. రాయల్ బ్లూ మరియు కంట్రీ గ్రీన్ కలర్ ఆప్షన్స్ లో ఫోన్ లభిస్తుంది.

POCO C50 యొక్క హార్డ్ వేర్ విషయానికి వస్తే, ఇది ప్లాస్టిక్ ఫ్రేమ్ తో వచ్చింది. రియర్ ప్యానెల్ లెదర్ మాదిరి ఫినిషింగ్ తో వచ్చింది. భద్రత కోసం ఈ ఫోన్ లో రియర్ మౌంటెడ్ ఫింగర్ ప్రింట్ స్కానర్ అందించారు. కెమెరా విభాగం గురించి మాట్లాడితే ఇందులో డ్యూయల్ రియర్ కెమెరా సెటప్ ఉంది. ఇందులో 8ఎంపి ప్రైమరీ కెమెరా, 2ఎంపి డెప్త్ సెన్సర్ ఉన్నాయి. సెల్ఫీలు, వీడియో కాల్స్ కోసం 5ఎంపి ఫ్రంట్ కెమెరా ఇచ్చారు.

POCO C50 స్మార్ట్ ఫోన్ లో 6.52-ఇంచ్ ఐపీఎస్ ఎల్సీడీ హెచ్డీ+ రెజుల్యూషన్ డిస్ప్లే, 60 హెర్ట్జ్ రిఫ్రెష్ రేట్, 120 హెర్ట్జ్ టచ్ శాంప్లింగ్ రేట్ ఉన్నాయి. ఈ ఫోన్ లో మీడియాటెక్ హీలియో ఏ22 చిప్సెట్ వాడారు. 32జిబి ఇంటర్నల్ స్టోరేజీ అందించారు. మైక్రోఎస్డీ కార్డ్ ద్వారా మెమొరీని 512జిబి వరకు పెంచుకోవచ్చు.

POCO C50 లో 5000 ఎంఏహెచ్ బ్యాటరీ అమర్చారు. ఇది 10 వాట్ ఫాస్ట్ చార్జింగ్ కి సపోర్ట్ చేస్తుంది. ఈ ఫోన్ లో 3.5 ఎంఎం ఆడియో జాక్, సింగిల్ స్పీకర్ సెటప్, బ్లూటూత్ 5.0, వై-ఫై ఉన్నాయి. ఆండ్రాయిడ్ 12 ఓఎస్ గో ఎడిషన్ పై పని చేస్తుంది. ఈ ఫోన్ 164.9 మిల్లీ మీటర్ల పొడవు, 76.45 మిల్లీ మీటర్ల వెడల్పు, 9.09 మిల్లీ మీటర్ల మందం, 192 గ్రాముల బరువు ఉంటుంది.

లేటెస్ట్ స్మార్ట్ ఫోన్, ఆటోమొబైల్, టెక్నాలజీ, టెలీకామ్, ఎంటర్టెయిన్మెంట్ న్యూస్ కోసం 91మొబైల్స్ తెలుగు ఫేస్‌బుక్ పేజీని లైక్ చేసి ఫాలో అవ్వండి.

The post రూ.6,499 ధరతో భారత్ లో లాంచైన POCO C50 first appeared on 91Mobiles Telugu.

• ట్విట్టర్ ద్వారా POCO C50 లాంచ్ తేదీని ప్రకటించిన పోకో సంస్థ
• జనవరి 3 న లాంచ్ అవుతోన్న ఎంట్రీ లెవెల్ స్మార్ట్ ఫోన్ POCO C50
• మీడియాటెక్ హీలియో ఏ22 ప్రాసెసర్, 3జిబి ర్యామ్ తో వస్తోన్న POCO C50 స్మార్ట్ ఫోన్

గతవారం పోకో సంస్థ సీ-సిరీస్ ఫోన్ POCO C50 లాంచ్ ని టీజ్ చేసింది. తాజాగా POCO C50 ని రేపు భారత్ లో లాంచ్ చేయబోతున్నట్లు పోకో సంస్థ ప్రకటించింది. ఇప్పటికే POCO C50 యొక్క మైక్రోసైట్ కూడా ఫ్లిప్ కార్ట్ లో దర్శనమిస్తోంది. దీంతో ఈ ఫోన్ కి సంబంధించిన స్పెసిఫికేషన్స్ రివీల్ అయ్యాయి.

POCO C50 స్మార్ట్ ఫోన్ మీడియాటెక్ హీలియో ఏ22 ప్రాసెసర్ తో వస్తోంది. ఇందులో 3జిబి ర్యామ్ అందించారు. రీసెంట్ గా POCO C50 గీక్ బెంచ్ పై కనిపించింది. దీంతో ఫోన్ పై ఒక అవగాహన వచ్చింది. తాజాగా ఫ్లిప్ కార్ట్ లో కనిపించిన మైక్రోసైట్ ద్వారా కూడా ఇవే స్పెసిపికేషన్స్ ఉన్నాయి. ఈ ఎంట్రీ లెవెల్ స్మార్ట్ ఫోన్ ఆండ్రాయిడ్ 12 గో ఎడిషన్ పై పని చేస్తుంది. రెడ్మీ ఏ1+ ని రీబ్రాండ్ చేసి POCO C50 గా తీసుకొస్తున్నట్లు స్పష్టమవుతోంది. సరే, ఓసారి POCO C50 యొక్క స్పెసిఫికేషన్స్ మరియు ఇతర వివరాలను తెలుసుకుందాం పదండి.

POCO C50 స్పెసిఫికేషన్స్

POCO C50 స్మార్ట్ ఫోన్ లో 6.52-ఇంచ్ హెచ్డీ+ డిస్ప్లే, 120 హెర్ట్జ్ టచ్ శాంప్లింగ్ రేట్, వాటర్ డ్రాప్ నాచ్ తో వస్తోంది. వాటర్ డ్రాప్ నాచ్ లో 5 మెగా పిక్సెల్ ఫ్రంట్ కెమెరా ఉంటుందని మైక్రోసైట్ ద్వారా తెలుస్తోంది.

POCO C50 స్మార్ట్ ఫోన్ లో మీడియాటెక్ హీలియో ఏ22 ప్రాసెసర్ వాడారు. గ్రాఫిక్స్ కోసం ఐఎంజీ పవర్‌వీఆర్ జీపీయూ ని ఉపయోగించారు. ఈ అప్‌కమింగ్ సీ-సిరీస్ స్మార్ట్ ఫోన్ లో 5000 ఎంఏహెచ్ బ్యాటరీ ఉంటుంది. ఇది 10 వాట్ ఫాస్ట్ చార్జింగ్ కి సపోర్ట్ చేస్తుంది.

POCO C50 స్మార్ట్ ఫోన్ యొక్క ఫ్లిప్ కార్ట్ మైక్రోసైట్ ద్వారా రివీల్ అయిన ఇతర వివరాలు ఏంటో చూద్దాం. POCO C50 డ్యూయల్ రియర్ కెమెరా సెటప్ ఉంటుంది. ఇందులో 8ఎంపి ప్రైమరీ కెమెరా, 2ఎంపి డెప్త్ సెన్సర్, ఎల్ఈడీ ఫ్లాష్ ఉంటాయి. సెల్ఫీలు, వీడియో కాల్స్ కోసం 5ఎంపి ఫ్రంట్ కెమెరా ఉంటుంది.

POCO C50 స్మార్ట్ ఫోన్ భద్రత కోసం రియర్ మౌంటెడ్ ఫింగర్ ప్రింట్ స్కానర్ అందించారు. ఈ ఫోన్ ఆండ్రాయిడ్ 12 గో ఎడిషన్ పై పని చేస్తుంది. ఆండ్రాయిడ్ 13 కి ఈ ఫోన్ అప్‌గ్రేడ్ అవుతుందో లేదో తెలియదు. ఈ హ్యాండ్సెట్ సింగిల్ స్పీకర్ తో వస్తోంది. లెదర్ టెక్షర్డ్ బ్యాక్ ప్యానెల్ ని ఈ ఫోన్ కల్గి ఉంది. టీజర్ ద్వారా లైట్ బ్లూ కలర్ ఆప్షన్ కన్ఫర్మ్ అయ్యింది. వేరే కలర్ ఆప్షన్స్ కూడా ఉండే అవకాశం ఉంది. POCO C50 ధర భారత్ లో రూ.7,000 లోపు ఉండనుంది.

లేటెస్ట్ స్మార్ట్ ఫోన్, ఆటోమొబైల్, టెక్నాలజీ, టెలీకామ్, ఎంటర్టెయిన్మెంట్ న్యూస్ కోసం 91మొబైల్స్ తెలుగు ఫేస్‌బుక్ పేజీని లైక్ చేసి ఫాలో అవ్వండి.

The post జనవరి 3 న లాంచ్ అవుతోన్న POCO C50 స్మార్ట్ ఫోన్ first appeared on 91Mobiles Telugu.

• 2023 జనవరిలో చోటుచేసుకోనున్న దిగ్గజ కంపెనీల ఫోన్ లాంచెస్
• భారత్ లో లాంచ్ కానున్న శాంసంగ్, ఐకూ, పోకో, వివో, టెక్నో కంపెనీల ఫోన్లు
• లాంచ్ కానున్న ఫోన్లలో ప్రధానమైనవి: ఐకూ 11 సిరీస్, రెడ్మీ నోట్ 12 సిరీస్, వివో ఎక్స్90, టెక్నో ఫాంటమ్ ఎక్స్2

కొత్త సంవత్సరం వస్తోంది. ఇంకా కొన్ని గంటల్లో నూతన సంవత్సరానికి ప్రపంచ దేశాలు వెల్కమ్ చెప్పబోతున్నాయి. భారత్ లో 2023 నూతన సంవత్సరం లో ఎన్నో స్మార్ట్ ఫోన్స్ లాంచ్ కాబోతున్నాయి. కొత్త సంవత్సరం వచ్చీ రావడంతోనే అంటే జనవరి 2023 లో కొన్ని దిగ్గజ కంపెనీల నుంచి ఫోన్ లాంచెస్ ని మనం చూడబోతున్నాం. iQOO 11, Redmi Note 12 సిరీస్, Samsung Galaxy F04, Poco C50, Vivo X90 సిరీస్, Tecno Phantom X2 ఫోన్లు జనవరిలో భారత్ లో ఎంట్రీ ఇవ్వబోతున్నాయి.

2023 జనవరిలో భారత్ లో లాంచ్ కాబోయే స్మార్ట్‌ఫోన్స్

• iQOO 11
• Redmi Note 12 సిరీస్
• Samsung Galaxy F04
• Poco C50
• Vivo X90 సిరీస్
• Tecno Phantom X2

2023 జనవరి 10 న ఐకూ 11 సిరీస్ భారత్ లో లాంచ్ కానుంది. ఈ లైనప్ లో స్టాండర్డ్ వేరియంట్ ఐకూ 11 తో పాటు ఐకూ 11 ప్రో ఉంటాయి. అయితే తొలుత ఐకూ 11 మాత్రమే వస్తోంది. ఈ ఫోన్ స్నాప్ డ్రాగన్ 8 జెన్ 2 చిప్సెట్ తో లాంచ్ కానుంది. విషయమేంటంటే ఐకూ 11 సిరీస్ చైనాలో 2022 డిసెంబర్ 8 న లాంచ్ అయ్యింది.

Redmi Note 12 సిరీస్

2023 జనవరి 5 న రెడ్మీ నోట్ 12 సిరీస్ భారత్ లో లాంచ్ అవుతోంది. ఈ సిరీస్ లో రెడ్మీ నోట్ 12 5జీ, రెడ్మీ నోట్ 12 ప్రో, రెడ్మీ నోట్ 12 ప్రో+ మోడల్స్ ఉన్నాయి. ఈ ఫోన్లు ఇప్పటికే చైనాలో లాంచ్ అయ్యాయి. రెడ్మీ అభిమానులు ఇండియా లాంచ్ కోసం ఎదురు చూస్తున్నారు.

Samsung Galaxy F04

ప్రముఖ స్మార్ట్ ఫోన్ బ్రాండ్ శాంసంగ్ నుంచి లో-బడ్జెట్ ఫోన్ శాంసంగ్ గెలాక్సీ ఎఫ్ 04 కొత్త సంవత్సరం మొదటి నెలలో భారత్ లోకి ఎంట్రీ ఇస్తుందని అందరూ విశ్వసిస్తున్నారు. అయితే కంపెనీ ఇంకా లాంచ్ తేదీని ప్రకటించలేదు. ఈ ఫోన్ ధర రూ.8,000 లోపు ఉండే అవకాశం ఉంది.

POCO C50

పోకో బ్రాండ్ భారత్ లో ఒక బడ్జెట్ ఫ్రెండ్లీ స్మార్ట్ ఫోన్ ని లాంచ్ చేయాలని భావిస్తోంది. ఈ సీ-సిరీస్ ఫోన్ భారతీయ మార్కెట్ లో 2023 జనవరి 3 న లాంచ్ అవుతుందని మీడియా రిపోర్ట్స్ ద్వారా తెలుస్తోంది. ఈ ఫోన్ ధర రూ.7,000 గా ఉండే అవకాశం ఉంది.

Moto Edge 40

మోటో ఎడ్జ్ 40 సిరీస్ 2023 జనవరిలో భారత్ లో లాంచ్ అవుతుందని సమాచారం. ఈ ఫోన్ ఇప్పటికే చైనాలో లాంచ్ అయ్యింది. భారత్ లో ఏ తేదీన లాంచ్ అవుతుందో ఇంకా కంపెనీ వెల్లడించలేదు. త్వరలోనే అధికార ప్రకటన రానుంది.

Vivo X90 సిరీస్

వివో నుంచి రాబోవు నెక్ట్స్ జనరేషన్ స్మార్ట్ ఫోన్ సిరీస్ అయిన వివో ఎక్స్90 చైనాలో ఈ ఏడాది లాంచ్ అయ్యింది. గ్లోబల్ ఈవెంట్ ఇంకా ఖరారు కావాల్సి ఉంది. అయితే లీకైన పోస్టర్స్ ని బట్టి ఈ ఫోన్ 2023 జనవరి 31 న లాంచ్ అవుతుందని తెలుస్తోంది.

Tecno Phantom X2

టెక్నో ఫాంటమ్ ఎక్స్2 స్మార్ట్ ఫోన్ భారత్ లో 2023 జనవరి నెలలో లాంచ్ కానుంది. అమెజాన్ ద్వారా ఈ ఫోన్ విక్రయాలు జరగనున్నాయి. జనవరి 2 నుంచి ప్రీ-బుకింగ్స్ మొదలవ్వనుండగా, జనవరి 9 నుంచి సేల్ ప్రారంభమవ్వనుంది.

OnePlus 11 స్మార్ట్ ఫోన్ భారత్ లో ఫిబ్రవరి 7 న లాంచ్ అవుతోంది. అదే చైనాలో అయితే జనవరి 4 న లాంచ్ అవుతోంది.

లేటెస్ట్ స్మార్ట్ ఫోన్, ఆటోమొబైల్, టెక్నాలజీ, టెలీకామ్, ఎంటర్టెయిన్మెంట్ న్యూస్ కోసం 91మొబైల్స్ తెలుగు ఫేస్‌బుక్ పేజీని లైక్ చేసి ఫాలో అవ్వండి.

The post 2023 జనవరిలో భారత్ లో లాంచ్ కాబోయే స్మార్ట్‌ఫోన్స్ first appeared on 91Mobiles Telugu.

• భారత్ లో జనవరి 3 న లాంచ్ కానున్న POCO C50 స్మార్ట్ ఫోన్
• ఇంకా కంపెనీ నుంచి రావాల్సిన అధికార ప్రకటన
• మీడియాటెక్ హీలియో జీ35 చిప్సెట్ తో రానున్న POCO C50 స్మార్ట్ ఫోన్

POCO C50 స్మార్ట్ ఫోన్ జనవరి 3 న భారత్ లో లాంచ్ అవ్వనున్నట్లు తాజాగా 91మొబైల్స్ కి ఇండస్ట్రీ వర్గాల నుంచి సమాచారం అందింది. పోకో సీ-సిరీస్ లో ఇది మూడో ఫోన్. ఇదివరకు పోకో సీ31 ఫోన్ సెప్టెంబర్ 2021 లో, పోకో సీ3 ఫోన్ అక్టోబర్ 2020 లో లాంచ్ అయ్యాయి. గ్లోబల్ గా లాంచ్ అయిన POCO C40 కి POCO C50 సక్సెసర్ గా వస్తున్నట్లు భావించవచ్చు.

గ్లోబల్ గా లాంచైన POCO C40 ఫోన్ 6.71-ఇంచ్ డిస్ప్లే, 6000ఎంఏహెచ్ బ్యాటరీ, ఆక్టా-కోర్ ప్రాసెసర్ ని కలిగి ఉంది. ఇకపోతే POCO C50 ఫోన్ ఎంట్రీ లెవెల్ ని టార్గెట్ చేస్తూ వస్తోంది. ఇంకా ఈ ఫోన్ ధర ఇతర వివరాలు తెలియాల్సి ఉంది. POCO C31 ఫోన్ అయితే రూ.8,499 ప్రైస్ ట్యాగ్ తో లాంచ్ అయ్యింది.

POCO C50 భారత్ లో నవంబర్ నెలలో లాంచ్ అవుతుందని పోకో సంస్థ ఇదివరకు తెలిపింది. అయితే కొన్ని అనుకోని కారణాల వల్లన ఈ ఫోన్ లాంచ్ వాయిదా పడింది. త్వరలోనే పోకో ఈ ఫోన్ యొక్క లాంచ్ ని కన్ఫర్మ్ చేస్తుందని మేం అంచనా వేస్తున్నాం.

POCO C50 స్మార్ట్ ఫోన్ కి సంబంధించిన డిజైన్, స్పెసిఫికేషన్స్ వివరాలు ప్రస్తుతం తెలియదు. ఇదొక బడ్జెట్ సెగ్మెంట్ స్మార్ట్ ఫోన్ కనుక, డివైజ్ వాటర్ డ్రాప్ నాచ్ డిస్ప్లే, ప్లాస్టిక్ బాడీతో వస్తుందని అంచనా వేయవచ్చు. ఇకపోతే హార్డ్‌వేర్ కూడా అదేస్థాయిలో ఉంటుంది. హెచ్డీ+ డిస్ప్లే, ఎంట్రీ-లెవెల్ మీడియాటెక్ లేదా స్నాప్ డ్రాగన్ ప్రాసెసర్ ఈ ఫోన్ లో ఉండే అవకాశం ఉంది.

ఓసారి POCO C31 స్మార్ట్ ఫోన్ స్పెసిఫికేషన్స్ ఎలా ఉన్నాయో చూద్దాం. ఈ ఫోన్ లో 6.53-ఇంచ్ హెచ్డీ+ డిస్ప్లే ఉంటుంది. ఇది మీడియాటెక్ హీలియో జీ35 చిప్సెట్ తో వచ్చింది. కెమెరా విభాగం విషయానికి వస్తే, ఇందులో 13 మెగా పిక్సెల్ మెయిన్ కెమెరా, 2ఎంపి మ్యాక్రో లెన్స్, 2ఎంపి డెప్త్ కెమెరా ఉంటాయి. భద్రత కోసం ఇందులో ఫింగర్ ప్రింట్ స్కానర్ అందించారు.

పవర్ బ్యాకప్ కోసం 5000 ఎంఏహెచ్ బ్యాటరీ ఇచ్చారు. 4జిబి ర్యామ్ తో ఈ ఫోన్ లాంచ్ అయ్యింది. POCO C50 స్మార్ట్ ఫోన్ పోకో సీ31 కంటే మెరుగైన స్పెసిఫికేషన్స్ తో రానుందని అంచనా వేయవచ్చు. రానున్న రోజుల్లో POCO C50 స్మార్ట్ ఫోన్ కి సంబంధించిన మరిన్ని వివరాలు తెలిసే అవకాశం ఉంది.

లేటెస్ట్ స్మార్ట్ ఫోన్, ఆటోమొబైల్, టెక్నాలజీ, టెలీకామ్, ఎంటర్టెయిన్మెంట్ న్యూస్ కోసం 91మొబైల్స్ తెలుగు ఫేస్‌బుక్ పేజీని లైక్ చేసి ఫాలో అవ్వండి.

The post జనవరి 3న భారత్ లో లాంచ్ కానున్న POCO C50 first appeared on 91Mobiles Telugu.

• భారత మార్కెట్ లో ఎంట్రీకి రెడీ అవుతోన్న POCO C50 స్మార్ట్ ఫోన్
• లో-బడ్జెట్ ఫోన్ గా వస్తోన్న POCO C50, ధర దాదాపు రూ.10 వేలు ఉండే అవకాశం
• ఇంకా రివీల్ కాని POCO C50 స్మార్ట్ ఫోన్ స్పెసిఫికేషన్స్

గత కొన్నేళ్ళుగా భారత్ లో POCO ఫోన్లకు అమితమైన ఆదరణ లభిస్తోంది. దీంతో సదరు కంపెనీ వరుసబెట్టి ఫోన్లను లాంచ్ చేస్తూ పోతోంది. అంతే కాదు, జనాలు మెచ్చే, అందుబాటు ధరలో ఉండే ఫోన్లను తీసుకొస్తూ.. తనపై ఉన్న నమ్మకాన్ని నిలబెట్టుకుంటోంది. ‘పోకో అంటే పైసా వసూల్’ అనే పేరు వచ్చేసింది. దీంతో పోకో నుంచి కొత్త ఫోన్ వస్తుందంటే మొబైల్ ఫోన్ లవర్స్ లో ఆసక్తి మొదలవుతుంది.

పోకో సంస్థ భారత్ లో నెక్ట్స్ POCO C50 అనే ఫోన్ ని లాంచ్ చేసేందుకు సిద్ధమవుతోంది. ఈ బడ్జెట్ ఆఫరింగ్ నవంబర్ లోనే ఎంట్రీ ఇచ్చే అవకాశాలు కనిపిస్తున్నాయి.

భారత మార్కెట్ లో పోకో సంస్థ తన పోర్ట్ ఫోలియోను పెంచుకోవాలని చూస్తోంది. ప్రత్యేకించి సీ-సిరీస్ లో ఫోన్లను ఎక్కువగా లాంచ్ చేయనుంది. ఆ క్రమంలో POCO C50 తో కస్టమర్ల ముందుకు రాబోతోంది పోకో. నవంబర్ చివరి వారంలో POCO C50 మార్కెట్ లోకి ఎంట్రీ ఇవ్వనుంది. POCO C50 దాదాపు రూ.10,000 బడ్జెట్ సెగ్మెంట్ లో లాంచ్ కానుంది.

2022 జూన్ నెలలో పోకో కంపెనీ గ్లోబల్ గా POCO C40 అనే స్మార్ట్ ఫోన్ ని లాంచ్ చేసింది. అయితే ఈ ఫోన్ భారత్ కి రాలేదు. తాజాగా POCO C50 ని భారత్ లో లాంచ్ చేయనున్నామని ఆ కంపెనీ ప్రకటించింది. ఈ నేపథ్యంలో POCO C50 స్పెసిఫికేషన్స్ ఎలా ఉండనున్నాయన్న దానిపై సందిగ్ధం నెలకొంది. సరే, ఓసారి POCO C40 స్పెసిఫికేషన్స్ పై కన్నేద్దాం. పదండి.

POCO C40 స్పెసిఫికేషన్స్

POCO C40 స్మార్ట్ ఫోన్ 6.71-ఇంచ్ హెచ్డీ+ ఎల్సీడీ డిస్ప్లే కలిగి ఉంది. ఈ డిస్ప్లే 1560*720 రెజుల్యూషన్, 60 హెర్ట్జ్ రిఫ్రెష్ రేట్, 400 నిట్స్ బ్రైట్నెస్ కలిగి ఉంది. సెల్ఫీ కెమెరా కోసం ఇందులో వాటర్ డ్రాప్ నాచ్ డిజైన్ ని అందించారు. డిస్ప్లే కి కార్నింగ్ గొరిల్లా గ్లాస్ ప్రొటెక్షన్ కల్పించారు. POCO C40 స్మార్ట్ ఫోన్ వియత్నాంలో తొలుత లాంచ్ అయ్యింది. ఈ ఫోన్ ఆండ్రాయిడ్ 11 ఆధారిత ఎంఐయూఐ కస్టమ్ స్కిన్ పై పని చేస్తుంది.

POCO C40 లో డ్యూయల్ కెమెరా సెటప్ ఉంది. ఇందులో 13 ఎంపి మెయిన్ కెమెరా, 2 ఎంపి డెప్త్ సెన్సర్ ఉంటాయి. సెల్ఫీలు, వీడియో కాల్స్ కోసం 5ఎంపి ఫ్రంట్ కెమెరా అందించారు.

POCO C40 లో డ్యూయల్ సిమ్ స్లాట్, 4జీ, డ్యూయల్ బ్యాండ్ వైఫై, బ్లూటూత్ 5.0, గ్లొనాస్, యూఎస్బీ టైప్ సీ పోర్ట్, 3.5ఎంఎం ఆడియో జాక్ వంటి కనెక్టివిటీ ఆప్షన్స్ ఉన్నాయి. ఫోన్ భద్రత కోసం ఇందులో సైడ్ మౌంటెడ్ ఫింగర్ ప్రింట్ సెన్సర్ అందించారు. POCO C40 లో 6000 ఎంఏహెచ్ బ్యాటరీ ఉంటుంది. ఇది 18 వాట్ ఫాస్ట్ చార్జింగ్ కి సపోర్ట్ చేస్తుంది.

The post ఈ నెలలో భారత్ లో లాంచ్ కానున్న POCO C50 first appeared on 91Mobiles Telugu.