• భారత్ లో లాంచ్ అయిన రెడ్మీ 11 ప్రైమ్, రెడ్మీ 11 ప్రైమ్ 5జీ, రెడ్మీ ఏ1 స్మార్ట్ ఫోన్స్
• స్పెషల్ దీవాళి విత్ ఎంఐ సేల్ లో భాగంగా వస్తోన్న రెడ్మీ మేడ్ ఇన్ ఇండియా డివైజెస్
• సెప్టెంబర్ 10 నుంచి అమెజాన్, షావోమీ వెబ్ సైట్ ద్వారా డివైజెస్ ని కొనుగోలు చేసే అవకాశం

రెడ్మీ 11 ప్రైమ్, రెడ్మీ 11 ప్రైమ్ 5జీ, రెడ్మీ ఏ1 స్మార్ట్ ఫోన్లను నేడు షావోమీ కంపెనీ భారత్ లో లాంచ్ చేసింది. స్పెషిల్ దీవాళి విత్ ఎంఐ సేల్ లో భాగంగా ఈ మేడ్ ఇన్ ఇండియా డివైజెస్ భారత్ లో లాంచ్ అయ్యాయి. ఈ రెడ్మీ ఫోన్ల వరుసలో రెడ్మీ ఏ1 డివైజ్ అత్యంత చౌకైనది. ఏ1 ఫోన్ స్టాక్ ఆండ్రాయిడ్ ఓఎస్ పై పని చేస్తుంది. ఇక రెడ్మీ 11 ప్రైమ్, పోకో ఎమ్ 5 కి రీబ్రాండెడ్ వర్షన్. ఎమ్5 ఫోన్ నిన్నే భారత్ లో లాంచ్ అయిన సంగతి తెలిసిందే.

రెడ్మీ 11 ప్రైమ్ 5జీ 22.5 వాట్ చార్జర్ తో వస్తోంది. అయితే ఇది కేవలం 18 వాట్ చార్జింగ్ స్పీడ్ ని మాత్రమే కలిగి ఉంది. మరి ఈ రెడ్మీ ఫోన్ల యొక్క ప్రత్యేకతలేంటో తెలుసుకుందాం పదండి.

భారత్ లో Redmi 11 Prime, Redmi 11 Prime 5G, Redmi A1 ఫోన్ల ధరలు, లభ్యత

రెడ్మీ 11 ప్రైమ్ 4జిబి + 64జిబి వర్షన్ ధర రూ.12,999 గా ఉంది. 6జిబి + 128జిబి వర్షన్ ధర రూ.14,999 గా ఉంది. ఈ ఫోన్ మూడు రంగుల్లో లభ్యం కానుంది. అవి: ఫ్లాషీ బ్లాక్, ప్లేఫుల్ గ్రీన్, పెప్పీ పర్పుల్. రెడ్మీ 11 ప్రైమ్ 5జీ 4జిబి + 64జిబి మోడల్ ధర రూ.13,999 గా ఉంది. ఇక 6జిబి + 128జిబి ధర రూ.15,999 గా నిర్ణయించారు. ఈ ఫోన్ మూడు కలర్ ఆప్షన్స్ లో లభించనుంది. అవి: మీడో గ్రీన్, క్రోమ్ సిల్వర్, థండర్ బ్లాక్. రెడ్మీ ఏ1 రూ.6,499 ధరతో ఓ ఫోన్ ని లాంచ్ చేసింది. ఈ ఫోన్ బ్లాక్, బ్లూ, గ్రీన్ కలర్ ఆప్షన్స్ లో లభిస్తుంది. ఆసక్తిగల వారు అమెజాన్, షావోమీ వెబ్ సైట్ ద్వారా ఈ ఫోన్లను కొనుగోలు చేయవచ్చు. రెడ్మీ 11 ప్రైమ్, 11 ప్రైమ్ 5జీ ఫోన్ల సేల్ సెప్టెంబర్ 9 మధ్యాహ్నం 12 గంటల నుంచి ప్రారంభమవుతుంది. రెడ్మీ ఏ1 సేల్ సెప్టెంబర్ 9 సాయంత్రం 4 నుంచి మొదలవుతుంది.

Redmi 11 Prime 5G స్పెసిఫికేషన్స్

రెడ్మీ 11 ప్రైమ్ 5జీ ఫోన్లో 6.58 అంగుళాల ఫుల్ హెచ్డీ+ ఎల్సీడీ డిస్ప్లే, 90 హెర్ట్జ్ రిఫ్రెష్ రేట్, కార్నింగ్ గొరిల్లా గ్లాస్, మీడియాటెక్ డైమెన్సిటీ 700 చిప్సెట్, 6జిబి వరకు ర్యామ్, 128జిబి వరకు స్టోరేజీ, మైక్రో ఎస్డీ కార్డ్ ద్వారా 1టీబీ వరకు ఎక్స్‌పాండబుల్ మెమొరీ, 5000 ఎంఏహెచ్ బ్యాటరీ, 18 వాట్ ఫాస్ట్ చార్జింగ్ వంటి ఫీచర్లు ఉన్నాయి. అయితే ఫోన్ 22.5 వాట్ చార్జర్ తో వస్తోంది.

రెడ్మీ 11 ప్రైమ్ 5జీ లో డ్యూయల్ రియర్ కెమెరా సెటప్ ఉంది. ఇందులో ఒకటి 50ఎంపి ప్రైమరీ సెన్సర్ కాగా, రెండోది 2ఎంపి డెప్త్ సెన్సర్. సెల్ఫీలు, వీడియో కాల్స్ కొరకు ఇందులో 8ఎంపి కెమెరా అందించారు. రెడ్మీ 11 ప్రైమ్ 5జీ ఆండ్రాయిడ్ 12 ఆధారిత ఎంఐయూఐ కస్టమ్ స్కిన్ పై పని చేస్తుంది. ఈ ఫోన్ ఐపీ52 రేటింగ్ ని కలిగి ఉంది. 3.5 ఎంఎం హెడ్ ఫోన్ జాక్, ఐఆర్ బ్లాస్టర్ వంటి కనెక్టివిటీ ఆప్షన్స్ ఉన్నాయి.

Redmi 11 Prime స్పెసిఫికేషన్స్

రెడ్మీ 11 ప్రైమ్ లో 6.58 అంగుళాల ఫుల్ హెచ్డీ+ డిస్ప్లే, 90 హెర్ట్జ్ అడాప్టివ్ రిఫ్రెష్ రేట్, కార్నింగ్ గొరిల్లా గ్లాస్, మీడియాటెక్ డైమెన్సిటీ జీ99 చిప్, 5000 ఎంఏహెచ్ బ్యాటరీ, 18వాట్ చార్జింగ్ సపోర్ట్, 50ఎంపి మెయిన్ కెమెరా, 2ఎంపి మ్యాక్రో కెమెరా, 8ఎంపి ఫ్రంట్ కెమెరా, ఆండ్రాయిడ్ 12 ఓఎస్, ఎంఐయూఐ 13 కస్టమ్ స్కిన్, 3.5ఎంఎం ఆడియో జాక్, ఐఆర్ బ్లాస్టర్ వంటి ఫీచర్లున్నాయి. ఇక రెడ్మీ ఫోన్ బాక్స్ లో 22.5 చార్జర్ తో వస్తోంది. 4జిబి/6జిబి ర్యామ్, 64జిబి/128జిబి స్టోరేజీ వేరియంట్లలో ఈ ఫోన్ లభిస్తుంది. 1టీబీ వరకు ఎస్డీ కార్డ్ ద్వారా ఎక్స్‌పాండబుల్ మెమొరీ సౌకర్యం కూడా ఇందులో ఉంది.

Redmi A1 స్పెసిఫికేషన్స్

రెడ్మీ ఏ1 లో 6.52 అంగుళాల హెచ్డీ ప్లస్ డిస్ప్లే ఉంది. ఇది 1600*720 పిక్సెల్స్ రెజుల్యూషన్ కలిగి ఉంది. 5000 ఎంఏహెచ్ బ్యాటరీని ఇందులో అందించారు. ఇది 10 వాట్ చార్జింగ్ సపోర్ట్ కలిగి ఉంది. మీడియాటెక్ హీలియో జీ22 ప్రాసెసర్ ఈ ఫోన్లో ఉంది. 2జిబి ర్యామ్, 32జిబి స్టోరేజీ సింగిల్ వేరియంట్ లో ఫోన్ లభించనుంది. ఇందులో 1టీబీ వరకు ఎస్డీ కార్డ్ ద్వారా మెమొరీని ఎక్స్‌పాండ్ చేసుకునే అవకాశముంది.

రెడ్మీ ఏ1 లో డ్యూయల్ రియర్ కెమెరా సెటప్ ఉంది. ఇందులో 8ఎంపి ప్రైమరీ కెమెరా, ఆగ్జిలరీ లెన్స్ ఉన్నాయి. సెల్ఫీలు, వీడియో కాల్స్ కొరకు ఫోన్ ముందువైపున వాటర్ డ్రాప్ నాచ్ లో 5ఎంపి కెమెరాను అమర్చారు. ఈ ఫోన్ స్టాక్ ఆండ్రాయిడ్ 12 ఓఎస్ పై పని చేస్తుంది.

The post భారత్ లో లాంచ్ అయిన Redmi 11 Prime, Redmi 11 Prime 5G, Redmi A1 first appeared on 91Mobiles Telugu.

• సెప్టెంబర్ 6 న భారత్ లో లాంచ్ అవుతోన్న రెడ్మీ 11 ప్రైమ్ 4జీ
• రెడ్మీ 11 ప్రైమ్ 5జీ తో పాటు లాంచ్ అవుతోన్న రెడ్మీ 11 ప్రైమ్ 4జీ
• మీడియాటెక్ హీలియో జీ99, 5000ఎంఏహెచ్ బ్యాటరీ, 50ఎంపి ట్రిపుల్ కెమెరాస్ తో వస్తున్న రెడ్మీ 11 ప్రైమ్ 4జీ

Redmi 11 Prime 5G సెప్టెంబర్ 6 న భారత్ లో లాంచ్ అవుతోంది. దీవాళి విత్ మీ (Diwali With Mi) సేల్ లో భాగంగా ఈ ఫోన్ వస్తోంది. అయితే ఈ ఫోన్ తో పాటు రెడ్మీ 11 ప్రైమ్ 4జీ కూడా ఎంట్రీ ఇవ్వనుందని కంపెనీ స్పష్టం చేసింది. కంపెనీ విడుదల చేసిన టీజర్ ఇమేజ్ ద్వారా ఫోన్ యొక్క డిజైన్, కొన్ని ముఖ్యమైన హార్డ్‌వేర్ వివరాలు తెలిశాయి. హ్యాండ్సెట్ ట్రిపుల్ కెమెరా సెటప్ తో వస్తోంది. అమెజాన్ లో ఫోన్ కి సంబంధించిన ఒక డెడికేటెడ్ మైక్రోసైట్ కూడా దర్శనమిస్తోంది. దీంతో ఫోన్ ఆన్‌లైన్ ద్వారా సేల్ కి వస్తున్నట్లు స్పష్టమైంది. మీరు కూడా ఓసారి అమెజాన్ లో ఉన్న మైక్రోసైట్ పై ఓ లుక్ వేయండి.

రెడ్మీ 11 ప్రైమ్ 4జీ ఫోన్ మీడియాటెక్ హీలియో జీ99 చిప్సెట్ తో వస్తోంది. కాగా, ఈ ఫోన్ బ్లాక్, గ్రీన్, పర్పుల్ కలర్ ఆప్షన్స్ లో అందుబాటులో ఉంది. సెల్ఫీ కెమెరా కోసం ఇందులో వాటర్ డ్రాప్ నాచ్ ఉంది. అలాగే భద్రత కొరకు ఈ ఫోన్లో సైడ్ మౌంటెడ్ ఫింగర్ ప్రింట్ సెన్సర్ ను అమర్చారు.

Redmi 11 Prime 4G స్పెసిఫికేషన్స్

రెడ్మీ 11 ప్రైమ్ 4జీ స్మార్ట్ ఫోన్, రెడ్మీ 11 ప్రైమ్ 5జీ తో పాటు సెప్టెంబర్ 6 న భారత్ లో అడుగుపెడుతోంది. టీజర్ ఇమేజ్ ద్వారా ఫోన్ డిజైన్, హార్డ్ వేర్ స్పెసిఫికేషన్స్ ఎలా ఉంటాయో అర్థమైంది.మీడియాటెక్ హీలియో జీ99 చిప్సెట్ ని ఈ ఫోన్లో అమర్చారు. మీడియాటెక్ నుంచి మార్కట్ లోకి వచ్చిన సరికొత్త చిప్సెట్ ఈ హీలియో జీ99. రెడ్మీ 11 ప్రైమ్ 4జీ ఫోన్ ని చూస్తుంటే, ఇది పోకో ఎమ్ 5 కి రీబ్రాండ్ వర్షన్ అని తెలుస్తోంది. పోకో ఎమ్ 5 సెప్టెంబర్ 5 న లాంచ్ అవుతోంది. రెడ్మీ 11 ప్రైమ్ 4జీ స్మార్ట్ ఫోన్ లో కెమెరా ప్లేస్మెంట్ పోకో ఎమ్ 5 ఫోన్ లో మాదిరి ఉంది. దీంతో ఇది పోకో ఎమ్ 5 రీబ్రాండ్ వర్షన్ అని అర్థమవుతోంది.

రెడ్మీ 11 ప్రైమ్ 4జీ స్మార్ట్ ఫోన్ లో 50 ఎంపి ప్రైమరీ కెమెరా, రెండు ఇతర కెమెరాలు ఉన్నాయని అమెజాన్ మైక్రోసైట్ ద్వారా తెలుస్తోంది. ఈ ఫోన్లో 5000ఎంఏహెచ్ బ్యాటరీ ఉండే అవకాశముంది. అలాగే 90 హెర్ట్జ్ రిఫ్రెష్ రేట్, ఐపీఎస్ ఎల్సీడీ ప్యానెల్ ఉంటాయని అంచనా. రెడ్మీ 11 ప్రైమ్ 4జీ స్మార్ట్ ఫోన్ ధర దాదాపు రూ.12000 ఉంటుందని సమాచారం. త్వరలో ఫోన్ కి సంబంధించిన మరిన్ని వివరాలు తెలుస్తాయి.

లేటెస్ట్ స్మార్ట్ ఫోన్, టెలీకామ్, ఆటోమొబైల్, ఎంటర్టెయిన్మెంట్ న్యూస్ కొరకు 91మొబైల్స్ తెలుగు వెబ్ సైట్ విజిట్ చేయండి.

The post Redmi 11 Prime 5G తో పాటు లాంచ్ కానున్న Redmi 11 Prime 4G first appeared on 91Mobiles Telugu.