• MIUI 13 అప్డేట్ తర్వాత కెమెరా క్రాష్ అవుతోందని Redmi Note 10 Pro, Redmi Note 10 Pro Max కస్టమర్ల నుంచి ఫిర్యాదులు
• సమస్య ఎదురైన ఫోన్లకు ఉచితంగా టెక్నికల్ సపోర్ట్, రిపేరు అందిస్తామని తెలిపిన షావోమీ
• ఇటీవలె ఎంఐయూఐ 13 అప్డేట్ అందుకున్న Redmi Note 10 Pro, Redmi Note 10 Pro Max

ఇటీవలె రెడ్మీ ఇండియా Redmi Note 10 Pro, Redmi Note 10 Pro Max డివైజెస్ కి ఎంఐయూఐ 13 అప్డేట్ ని రోలౌట్ చేసింది. అయితే ఇక్కడి వరకు అంతా బాగానే ఉంది. కానీ, చాలా మంది యూజర్లు కెమెరా యాప్ క్రాష్ అవుతోందని ఫిర్యాదు చేయడం మొదలు పెట్టారు. ఇన్‌స్టాగ్రామ్, స్నాప్‌చాట్ వంటి థర్డ్ పార్టీ యాప్స్ పై కూడా కెమెరా క్రాష్ అవుతోందని పలువురు తెలిపారు. చాలా మంది కెమెరాను అధికంగా వాడతారు కావున, ప్రస్తుతం ఇదొక పెద్ద సమస్యగా మారింది.

సమస్యను గుర్తించిన షావోమీ ఇండియా సమస్యను ఎదుర్కొంటోన్న యూజర్లకు ఉచితంగా టెక్నికల్ సపోర్ట్, రిపేర్లను చేసి పెడతామని హామీ ఇచ్చింది. భారతదేశ వ్యాప్తంగా ఉన్న షావోమీ ఆథరైజ్డ్ సర్వీస్ సెంటర్స్ లో రూపాయి తీసుకోకుండా కస్టమర్ల ఫోన్లను రిపేరు చేస్తామని కంపెనీ తెలిపింది.

At Xiaomi India, consumers are at the heart of everything we do. We are aware of the camera issues being faced by some of our users of Redmi Note 10 Pro and Redmi Note 10 Pro Max. We would request the affected users to visit any of 2000+ Xiaomi Authorized service centers. (1/2)

— Redmi India Support (@RedmiSupportIN) September 12, 2022

Redmi Note 10 Pro, Redmi Note 10 Pro Max కెమెరా ఇష్యూ

Redmi Note 10 Pro, Redmi Note 10 Pro Max కస్టమర్లు ఎంఐయూఐ13 అప్డేట్ రిసీవ్ చేసుకున్నాక, కెమెరా లోపాలను గుర్తించారు. కంపెనీ ఈ సమస్యపై స్పందించి ఉచితంగా యూజర్లకు టెక్నికల్ సపోర్ట్ అందిస్తామని భరోసా ఇచ్చింది. రెడ్మీ ఫోన్లకు ఈ చిక్కులు కొత్తవి కాదు. ఇదివరకు రెడ్మీ నోట్ 10 సిరీస్ లో హార్డ్‌వేర్ లోపాలు వెలుగు చూశాయి. 2021 ఏప్రిల్ లో రెడ్మీ నోట్ 10 సిరీస్ డిస్ప్లే సమస్యలను ఎదుర్కొంది. అయితే, ఈ చిక్కులు కేవలం 0.001 శాతం ఫోన్లలో మాత్రమే ఎదురైనట్లు షావోమీ తెలిపింది.

Redmi Note 10 Pro, Redmi Note 10 Pro Max స్పెసిఫికేషన్స్

Redmi Note 10 Pro, Redmi Note 10 Pro Max ఫోన్లలో 6.67-ఇంచ్ ఫుల్ హెచ్డీ+ అమోలెడ్ డిస్ప్లే, 120హెర్ట్జ్ రిఫ్రెష్ రేట్, కార్నింగ్ గొరిల్లా గ్లాస్ 5, పంచ్-హోల్ కటౌట్, క్వాల్కమ్ స్నాప్ డ్రాగన్ 732జి చిప్సెట్, అడ్రెనో 618జీపీయూ, 8జిబి ర్యామ్, 128జిబి స్టోరేజీ వంటి ఫీచర్లు ఉన్నాయి.

Redmi Note 10 Pro Max లో క్వాడ్ కెమెరా సెటప్ ఉంది. ఇందులో 108ఎంపి శాంసంగ్ ఐసోసెల్ జీడబ్ల్యూ3 ప్రైమరీ సెన్సర్, 8ఎంపి అల్ట్రావైడ్ యాంగిల్ లెన్స్, 5ఎంపి టెలీమ్యాక్రో సెన్సర్, 2ఎంపి డెప్త్ సెన్సర్ ఉన్నాయి.

మరోవైపు Redmi Note 10 Pro లో 64ఎంపి శాంసంగ్ ఐసోసెల్ జీడబ్ల్యూ3 ప్రైమరీ సెన్సర్, 8ఎంపి వైడ్ యాంగిల్ లెన్స్, 5ఎంపి టెలీ మ్యాక్రో సెన్సర్, 2ఎంపి డెప్త్ సెన్సర్ ఉన్నాయి. సెల్ఫీలు, వీడియో కాల్స్ కోసం ముందు వైపున 16ఎంపి కెమెరా ఉంది.

లేటెస్ట్ స్మార్ట్ ఫోన్, ఆటోమొబైల్, టెలీకామ్, ఎంటర్టెయిన్మెంట్ న్యూస్ కోసం 91మొబైల్స్ తెలుగు వెబ్ సైట్ విజిట్ చేయండి.

The post MIUI 13 అప్డేట్ తర్వాత Redmi Note 10 Pro, Pro Max ఫోన్లలో కెమెరా ఇష్యూస్: ఉచిత టెక్నికల్ సపోర్ట్ అందిస్తామన్న Xiaomi first appeared on 91Mobiles Telugu.

• రూ.14,999 కి అందుబాటులో Redmi Note 10 Pro Max స్మార్ట్ ఫోన్
• ప్రైస్ కట్, కూపన్ డిస్కౌంట్, ఎస్బీఐ బ్యాంక్ కార్డ్ ఆఫర్స్ కలుపుకుని రూ.5000 తగ్గిన Redmi Note 10 Pro Max
• 120 హెర్ట్జ్ అమోలెడ్ డిస్ప్లే, 108ఎంపి ప్రైమరీ కెమెరా, స్నాప్ డ్రాగన్ 732జి చిప్ ఈ ఫోన్ ప్రధాన ఫీచర్లు

2021 మార్చి లో Redmi Note 10 Pro Max ఫోన్ లాంచ్ అయ్యింది. రెడ్మీ నోట్ 10 సిరీస్ లో ఇదే హై-ఎండ్ డివైజ్. 120 హెర్ట్జ్ అమోలెడ్ డిస్ప్లే, 108ఎంపి ప్రైమరీ కెమెరా, స్నాప్ డ్రాగన్ 732జి చిప్సెట్ వంటి ముఖ్య ఫీచర్లు ఈ ఫోన్లో ఉన్నాయి. రూ.19,999 ప్రారంభ ధరతో ఈ ఫోన్ లాంచ్ అయ్యింది. ఇప్పుడు ఈ ఫోన్ ని తక్కువ ధరకే సొంతం చేసుకోవచ్చు. ప్రైస్ కట్, కూపన్ డిస్కౌంట్, బ్యాంక్ ఆఫర్ తో ఈ ఫోన్ రూ.14,999 కి లభిస్తోంది. ఈ నెలలో ప్రారంభం కానున్న అమెజాన్ గ్రేట్ ఇండియన్ ఫెస్టివల్ సేల్ కి ముందు ఈ ఫోన్ పై ఆఫర్ ని తీసుకొచ్చారు.

Redmi Note 10 Pro Max యొక్క తగ్గించిన ధర ఆకర్షిస్తోంది కానీ, ఈ ఫోన్ ని మీరు కొనచ్చా? ఈ మధ్య కాలంలో బాగా జనాదరణ పొందుతోన్న ఒక ముఖ్యమైన ఫీచర్ ఇందులో లేదు.

భారత్ లో Redmi Note 10 Pro Max ప్రైస్ కట్

Redmi Note 10 Pro Max 6జిబి + 128జిబి మోడల్ రూ.19,999 ధరతో, 8జిబి + 128జిబి వర్షన్ రూ.21,999 ధరతో లాంచ్ అయ్యాయి. అయితే, అమెజాన్ డీల్ లో భాగంగా, ఈ హ్యాండ్సెట్ బేస్ మోడల్ ధర రూ.17,999 కి చేరుకుంది. అదనంగా, రూ.1500 అమెజాన్ కూపన్ డిస్కౌంట్ లభిస్తుంది. దీంతో ధర రూ.16,499 కి తగ్గింది. ఎస్బీఐ క్రెడిట్ కార్డ్ పై 10 శాతం (రూ.1500 వరకు) ఇన్‌స్టంట్ డిస్కౌంట్ లభిస్తుండటంతో ఫోన్ ధర మరింత తగ్గుతోంది.

Redmi Note 10 Pro Max కొనడం లాభమేనా?

తగ్గిన ధర ని బట్టి చూస్తే, Redmi Note 10 Pro Max కచ్చితంగా మంచి ఆప్షన్ అవుతుంది. ఇందులో 120 హెర్ట్జ్ అమోలెడ్ డిస్ప్లే ఉంది. అలాగే 108 ఎంపి కెమెరా ఉంది. ఇది అద్భుతమైన ఫోటోలను తీస్తుంది. దాంతో పాటు Redmi Note 10 Pro Max లో 5020 భారీ బ్యాటరీ ఉంది. ఇది 33 వాట్ ఫాస్ట్ చార్జింగ్ సపోర్ట్ కలిగి ఉంది. అయితే, ఇక్కడ మైనస్ పాయింట్ ఏంటంటే, ఈ ఫోన్ 5జీ కనెక్టివిటీతో రావడం లేదు. 4జీ కనెక్టివిటీ ఈ ఫోన్లో ఉంది. మరిన్ని రోజుల్లో 5జీ లాంచ్ ఉండటం వల్లన 5జీ కనెక్టివిటీ ఉన్న ఫోన్ ని కొనడం సరైన నిర్ణయం అవుతుంది.

Redmi Note 10 Pro Max స్పెసిఫికేషన్స్

Redmi Note 10 Pro Max 6.67 అంగుళాల ఫుల్ హెచ్డీ+ అమోలెడ్ డిస్ప్లే కలిగి ఉంది. 120హెర్ట్జ్ రిఫ్రెష్ రేట్, 1200 నిట్స్ బ్రైట్నెస్, హెచ్డీఆర్10+, టీయూవీ రెయిన్‌ల్యాండ్ లో బ్లూ లైట్ సర్టిఫికేషన్, కార్నింగ్ గొరిల్లా గ్లాస్ 5 వంటి ఫీచర్లు ఇందులో ఉన్నాయి. క్వాల్కమ్ స్నాప్ డ్రాగన్ 732జి చిప్, అడ్రెనో 618 జీపీయూ, 8జిబి వరకు ర్యామ్, 128జిబి స్టోరేజీ, మైక్రోఎస్డీ కార్డ్ ద్వారా ఎక్స్‌ప్యాండబుల్ మెమొరీ వంటి ఫీచర్లున్నాయి.

Redmi Note 10 Pro Max ఆండ్రాయిడ్ 11 ఆధారిత, ఎంఐయూఐ 12 కస్టమ్ స్కిన్ పై పని చేస్తుంది. 5020 ఎంఏహెచ్ బ్యాటరీ, 33 వాట్ ఫాస్ట్ చార్జింగ్ ఈ ఫోన్లో ఉన్నాయి.

Redmi Note 10 Pro Max 108ఎంపి శాంసంగ్ ఐసోసెల్ జీడబ్ల్యూ3 ప్రైమరీ సెన్సర్, 8ఎంపి అల్ట్రా వైడ్ కెమెరా (120-డిగ్రీ ఫీల్డ్ ఆఫ్ వ్యూ), 5ఎంపి టెలీ-మ్యాక్రో కెమెరా, 2ఎంపి డెప్త్ సెన్సర్ ఇందులో ఉన్నాయి. సెల్ఫీలు, వీడియో కాల్స్ కోసం ఇందులో 16ఎంపి కెమెరా ఉంది.

Redmi Note 10 Pro Max లో సైడ్ మౌంటెడ్ ఫింగర్ ప్రింట్ సెన్సర్ ఉంది. 4జీ ఎల్టీఈ, డ్యూయల్-బ్యాండ్ వై-ఫై, బ్లూటూత్, జీపీఎస్, యూఎస్బీ టైప్-సీ పోర్ట్ వంటి కనెక్టివిటీ ఆప్షన్లు ఉన్నాయి.

The post Redmi Note 10 Pro Max పై రూ.5000 డిస్కౌంట్ first appeared on 91Mobiles Telugu.