• చైనాలో Vivo Y36c విడుదల
• 5000 ఎంఏహెచ్ బ్యాటరీ
• డైమెన్సిటీ 6300 చిప్సెట్

ప్రముఖ స్మార్ట్‌ఫోన్ బ్రాండ్ Vivo తన హోమ్ మార్కెట్ చైనాలో వై-సిరీస్ లో కొత్త ఫోన్ లాంచ్ చేసింది. Vivo Y36c పేరుతో ఈ ఫోన్ మార్కెట్ లో విడుదలైంది. మీడియాటెక్ డైమెన్సిటీ 6300 చిప్సెట్, 5000 ఎంఏహెచ్ బ్యాటరీ, 12జిబి ర్యామ్ వంటి స్పెసిఫికేషన్స్ ఈ ఫోన్ లో అందించారు. ఓసారి ఈ స్మార్ట్‌ఫోన్ యొక్క ధర మరియు పూర్తి స్పెసిఫికేషన్స్ ఎలా ఉన్నాయో తెలుసుకుందాం.

Vivo Y36c ధర

Vivo Y36c స్మార్ట్‌పోన్ 4 స్టోరేజీ వేరియంట్స్ లో చైనాలో లాంచ్ అయ్యింది. వీటి ధరలు ఎలా ఉన్నాయో తెలుసుకుందాం.

6జిబి ర్యామ్ + 128జిబి స్టోరేజీ వేరియంట్ ధరను 899 యువాన్లు (సుమారు రూ.10,600) గా పెట్టారు. 8జిబి ర్యామ్ + 128జిబి స్టోరేజీ మోడల్ ధరను 949 యువాన్లు (సుమారు రూ.11,200) గా నిర్ణయించారు. 8జిబి ర్యామ్ + 256జిబి స్టోరేజీ మోడల్ ధర 1,049 యువాన్లు (సుమారు రూ.12,400) గా ఉంది. 12జిబి ర్యామ్ + 256జిబి స్టోరేజీ వేరియంట్ ధరను 1,199 యువాన్లు (సుమారు రూ.14,200) గా నిర్ణయించారు.

Vivo Y36c కలర్ ఆప్షన్స్

Vivo Y36c స్మార్ట్‌ఫోన్ చైనాలో మూన్ షాడో బ్లాక్, డిస్టంట్ గ్రీన్ మౌంటెయిన్ మరియు లింగ్వాంగ్ పర్పుల్ అనే మూడు కలర్ ఆప్షన్స్ లో లాంచ్ అయ్యింది.

Vivo Y36c స్పెసిఫికేషన్స్

డిస్ప్లే: Vivo Y36c లో 6.56-ఇంచ్ హెచ్డీ స్క్రీన్, 1612*720 పిక్సెల్స్ రెజుల్యూషన్, ఎల్సీడీ ప్యానెల్, 90 హెర్ట్జ్ రిఫ్రెష్ రేట్ ఉన్నాయి.

చిప్సెట్: Vivo Y36c స్మార్ట్‌ఫోన్ మీడియాటెక్ డైమెన్సిటీ 6300 ప్రాసెసర్ వాడారు. దీని హయ్యస్ట్ క్లాక్ స్పీడ్ 2.4 గిగాహెర్ట్జ్.

స్టోరేజీ, ర్యామ్: Vivo Y36c డివైజ్ 12జిబి వరకు ర్యామ్, 256జిబి వరకు స్టోరేజీ ఆప్షన్స్ లో లభిస్తుంది. వర్చువల్ ర్యామ్ ఫీచర్ ద్వారా 12జిబి వరకు ర్యామ్ ను పెంచుకునే వీలుంది. దీంతో యూజర్‌కి గరిష్టంగా 24జిబి ర్యామ్ పవర్ లభిస్తుంది.

కెమెరా: Vivo Y36c లో డ్యూయల్ రియర్ కెమెరా సెటప్ ఉంది. ఇందులో 50ఎంపి ప్రైమరీ కెమెరా, 8ఎంపి సెకండరీ లెన్స్ ఉన్నాయి. సెల్ఫీస్, వీడియో కాల్స్ కోసం ఈ ఫోన్ లో 5ఎంపి ఫ్రంట్ కెమెరా అందించారు.

బ్యాటరీ: Vivo Y36c లో పవర్ బ్యాకప్ కోసం 5000 ఎంఏహెచ్ బ్యాటరీ ఇచ్చారు. ఇది 15 వాట్ ఫాస్ట్ చార్జింగ్ కి సపోర్ట్ చేస్తుంది.

సాఫ్ట్‌వేర్: Vivo Y36c డివైజ్ ఆండ్రాయిడ్ 14 ఓఎస్ ఆధారిత ఒరిజిన్ ఓఎస్ 14 కస్టమ్ స్కిన్ పై పని చేస్తుంది.

కనెక్టివిటీ: Vivo Y36c లో డ్యూయల్ సిమ్, 5జీ, 4జీ, బ్లూటూత్ 5.4, వై-ఫై 5 వంటి ఆప్షన్స్ ఉన్నాయి.

బరువు, చుట్టుకొలత: Vivo Y36c డివైజ్ 163.63మి.మీ పొడవు, 75.58 మి.మీ వెడల్పు, 8.53 మి.మీ మందం, 185 గ్రాముల బరువు ఉంటుంది.

The post Vivo Y36c: 50ఎంపి కెమెరా, 12జిబి ర్యామ్‌తో చైనాలో లాంచైన వివో కొత్త ఫోన్ first appeared on 91Mobiles Telugu.