• ఇటీవలె చైనాలో లాంచ్ అయిన రెడ్మీ 12 సిరీస్ స్మార్ట్ ఫోన్లు
• రెడ్మీ 12 సిరీస్ లైనప్ లో లాంచ్ అయిన నాలుగు మోడల్స్
• Xiaomi 12i Hypercharge పేరుతో భారత్ లో లాంచ్ కానున్న Redmi Note 12 Pro+

Xiaomi సబ్ బ్రాండ్ Redmi రీసెంట్ గా చైనాలో Redmi Note 12 సిరీస్ ని లాంచ్ చేసింది. ఈ లైనప్ లో మొత్తం నాలుగు మోడల్స్ లాంచ్ అయ్యాయి. అవి: Redmi Note 12 5G, Redmi Note 12 Pro 5G, Redmi Note 12 Pro+ 5G మరియు Redmi Note 12 Explorer ఎడిషన్. అయితే Redmi Note 12 సిరీస్ భారత వేరియంట్లు మరియు చైనా వేరియంట్స్ కి తేడా ఉండనుంది. చైనాలో లాంచ్ అయిన Redmi Note 12 సిరీస్ ఫోన్లను వేరే పేరుతో భారత్ లోకి తీసుకొని రావాలని షావోమీ భావిస్తోంది. Redmi Note 12 Pro+ 5G స్మార్ట్ ఫోన్ కొన్ని వారాల్లో Xiaomi 12i HyperCharge పేరుతో భారత్ లో అడుగు పెట్టనుందని సమాచారం.

Xiaomi’s HyperCharge సిరీస్ ప్రధానంగా సూపర్ ఫాస్ట్ చార్జింగ్ అనుభూతిని అందిస్తుంది. Xiaomi 12i HyperCharge స్మార్ట్ ఫోన్ 120 వాట్ ఫాస్ట్ చార్జింగ్ ఫీచర్ తో రానుంది. ఒకవేళ Redmi Note 12 Pro+ 5G భారత్ లోకి వస్తే గనుక అది మరొక పేరుతో లాంచ్ అవుతుంది. ఇది ఔట్ ఆఫ్ ద బాక్స్ 120 వాట్ ఫాస్ట్ చార్జింగ్ తో వస్తుంది. MIUI టెస్టర్ Kacper Skrzypek ద్వారా Redmi Note 12 Pro+ 5G, Xiaomi 12i HyperCharge అనే పేరుతో భారత్ కి వస్తుందన్న విషయం బయటకు వచ్చింది.

Redmi Note 12 Pro 5G స్టాండర్డ్ వేరియంట్, Xiaomi 12i HyperCharge గా భారత్ కి వస్తుందని షావోమీ నుంచి ఎటువంటి సమాచారం లేదు. అయితే, 11i సిరీస్ లో రెండు మోడల్స్ ఉన్న కారణంగా, 12i సిరీస్ లో కూడా రెండు ఫోన్లు వచ్చే అవకాశం ఉందని అందరూ అంచనా వేస్తున్నారు.

Xiaomi 12i HyperCharge స్పెసిఫికేషన్స్

Xiaomi 12i HyperCharge స్పెసిఫికేషన్స్ Redmi Note 12 Pro+ 5G లాగే ఉండనున్నాయి. ఈ స్మార్ట్ ఫోన్ 6.67-ఇంచ్ ఫుల్ హెచ్డీ+ ఓఎల్ఈడీ డిస్ప్లే, 120 హెర్ట్జ్ రిఫ్రెష్ రేట్ తో వస్తోంది. ఈ ఫోన్ డిస్ప్లే 900 నిట్స్ పీక్ బ్రైట్నెస్, టాప్ సెంటర్ లో హోల్-పంచ్ కటౌట్ ని కలిగి ఉంటుంది.

Xiaomi 12i HyperCharge ఫోన్ లో 6ఎన్ఎం మీడియాటెక్ డైమెన్సిటీ 1080 చిప్సెట్ ఉండే అవకాశం ఉంది. ఈ ఫోన్ లో 5000 ఎంఏహెచ్ బ్యాటరీ, 120 వాట్ ఫాస్ట్ చార్జింగ్ తో రానుంది. ఈ డివైజ్ లో 200ఎంపి హెచ్పీఎక్స్ శాంసంగ్ సెన్సర్ ఉంటుంది. దీంతో పాటు 8ఎంపి అల్ట్రావైడ్ కెమెరా, 2ఎంపి మ్యాక్రో కెమెరా ఉంటాయి. సెల్ఫీలు, వీడియో కాల్స్ కోసం ముందు వైపున 16 మెగాపిక్సెల్ కెమెరా ఉంటుంది.

Xiaomi 12i HyperCharge ఆండ్రాయిడ్ 12 ఓఎస్ ఆధారిత ఎంఐయూఐ 13 కస్టమ్ స్కిన్ పై పని చేస్తుంది. ఈ డివైజ్ 8జిబి/12జిబి ర్యామ్, 256జిబి స్టోరేజీ ఆప్షన్స్ లో లభిస్తుంది. చైనాలో Redmi Note 12 Pro+ 5G బేస్ మోడల్ ధర CNY 2199 (సుమారు రూ.25,100) గా ఉంది. 12జిబి వేరియంట్ ధర CNY 2399 (రూ.27,400) గా ఉంది. భారత్ లో 8జిబి వేరియంట్ ధర రూ.30,000 గా ఉంటుందని అంచనా వేయవచ్చు.

The post Xiaomi 12i Hypercharge గా రానున్న Redmi Note 12 Pro+ first appeared on 91Mobiles Telugu.