Samsung Galaxy F15 5G போன் பற்றிய கசிவுகள் பல நாட்களாக வெளிவந்த நிலையில் தற்போது இந்த போன் இந்தியாவில் வெளியிடப்படுவதை நிறுவனம் அதிகாரப்பூர்வமாக உறுதி செய்துள்ளது. Samsung Galaxy F15 5G போன் இந்தியாவில் மார்ச் 4 ஆம் தேதி அறிமுகம் செய்யப்படும் என்று சாம்சங் தெரிவித்துள்ளது. இது 6,000mAh பேட்டரி மற்றும் sAMOLED திரை கொண்ட ஒரு மிட்-பட்ஜெட் ஃபோனாக இருக்கும். இந்த சாம்சங் ஸ்மார்ட்போன் ஷாப்பிங் தளமான பிளிப்கார்ட்டில் விற்பனைக்கு கிடைக்கும்.
Samsung Galaxy F15 5G இந்தியாவில் அறிமுகம்
சாம்சங் நிறுவனம் தனது வரவிருக்கும் ஸ்மார்ட்போனின் தயாரிப்புப் பக்கத்தை இ-காமர்ஸ் தளமான பிளிப்கார்ட்டில் நேரலை செய்துள்ளது. Samsung Galaxy F15 5G இந்தியாவில் மார்ச் 4 ஆம் தேதி அறிமுகம் செய்யப்படும் என்று இந்த மைக்ரோ தளம் மூலம் அறிவிக்கப்பட்டுள்ளது. இந்த தேதியில் மதியம் 12 மணிக்கு போன் விலை மற்றும் விற்பனை தேதி வெளியிடப்படும். வெளியீட்டு தேதியை அறிவிப்பதோடு, நிறுவனம் மொபைலின் புகைப்படங்களையும் பல முக்கிய அம்சங்கள் மற்றும் விவரக்குறிப்புகளையும் பகிர்ந்துள்ளது. அதன் விவரங்களை இப்போது பார்க்கலாம்.
