Infinix Smart 7
இந்தியாவில் ஒரு சில பட்ஜெட் போன்கள் மட்டுமே விலையை கணிக்க முடியாதபடி, பிரீமியம் லுக்கை வழங்குகின்றன. அந்த பட்டியலில் ஒரு புதிய ஸ்மார்ட்போன் சேர்ந்துள்ளது. இன்னும் சுவாரசியமாக இது விலையை மீறிய டிசைனை மட்டுமல்ல, விலையை மீறிய அம்சங்களையும் வழங்குகிறது. அது இன்பினிக்ஸ் நிறுவனத்தின் லேட்டஸ்ட் ஸ்மார்ட்போன்களில் ஒன்றான இன்பினிக்ஸ் ஸ்மார்ட் 7 (Infinix Smart 7) ஸ்மார்ட்போன். இது வருகிற பிப்ரவரி 22 ஆம் தேதியன்று இந்தியாவில் அறிமுகம் செய்யப்பட இருக்கிறது! இன்பினிக்ஸ் ஸ்மார்ட் 7 ஏற்கனவே உலக சந்தையில் அறிமுகம் செய்யப்பட்டு விட்டது.
போட்டி
இந்த ஸ்மார்ட்போன் 4ஜிபி ரேம் + 64ஜிபி இன்டர்னல் மெமரி என்கிற சிங்கிள் ஸ்டோரேஜ் ஆப்ஷனில் கிடைக்கும். இது கண்டிப்பாக ரூ.7,500 க்குள் என்கிற பட்ஜெட்டின் கீழ் தான் அறிமுகம் செய்யப்படும்! ஏனென்றால், இது மற்ற நிறுவனங்களின் பட்ஜெட் ஸ்மார்ட்போன்களுடன் போட்டியிட வேண்டும் என்கிற முனைப்புடன் இந்தியாவில் களமிறங்குகிறது. குறிப்பாக மோட்டோ இ13, போக்கோ சி50, ரெட்மி ஏ1 போன்ற மாடல்களுக்கு போட்டியாக இருக்கும்!
டிஸ்பிளே
ஆண்ட்ராய்டு 12 ஓஎஸ் அடிப்படையிலான எக்ஸ்ஓஎஸ் 12 (அவுட்-ஆஃப்-தி-பாக்ஸ்) உடன் வரும் இன்பினிக்ஸ் ஸ்மார்ட் 7 ஸ்மார்ட்போன் 6.6 அங்குல அளவிலான ஐபிஎஸ் எல்சிடி டிஸ்பிளேவை கொண்டுள்ளது. எச்டி+ ரெசல்யூஷன், 1612 x 720 பிக்சல்கள் மற்றும் 400 நிட்ஸ் பீக் பிரைட்னஸ் உடன் வரும் இதன் டிஸ்பிளேவின் மேல் பக்கத்தில், செல்ஃபி கேமராவிற்கான ஒரு வாட்டர் டிராப் நாட்ச் உள்ளது.
கேமரா
இன்பினிக்ஸ் ஸ்மார்ட் 7 ஸ்மார்ட்போனில் 5 மெகாபிக்சல் செல்ஃபி கேமரா உள்ளது. பின்பக்கத்தில், சதுர வடிவிலான கேமரா மாட்யூலில் டூயல் ரியர் கேமரா செட்டப் உள்ளது அதனுள் 13-மெகாபிக்சல் மெயின் கேமரா சென்சார் மற்றும் ஒரு ஏஐ லென்ஸ் (AI Lens) இருக்கும். கேமரா சென்சார்களுக்கு அருகில் எல்இடி ஃபிளாஷ் ஒன்றும் உள்ளது. இன்பினிக்ஸ் நிறுவனத்தின் கூற்றுப்படி, இந்த ஸ்மார்ட்போன் 30fps என்கிற வேகத்தில் 1080p வீடியோக்களை பதிவு செய்ய முடியும்.
பேட்டரி
மைக்ரோ எஸ்டி கார்டு வழியாக 2டிபி வரை ஸ்டோரேஜை நீட்டிக்கும் ஆதரவுடன் வரும் இந்த ஸ்மார்ட்போனின் இந்திய வேரியண்ட் 6,000mAh பேட்டரியைக் கொண்டிருக்கும். அதாவது மற்ற நாடுகளில் வெளியாகும் இன்பினிக்ஸ் ஸ்மார்ட் 7 ஸ்மார்ட்போனில் வெறும் 5,000mAh பேட்டரியே இடம்பெறும்!
பிற அம்சங்கள்
99% ஆன்டி-பாக்டீரியல் ரேட்டிங்கை கொண்ட சில்வர்-அயன் ஸ்ப்ரே பூச்சு – பிரீமியம்லுக்கை வழங்கும் வேவ் பேட்டர்ன் டிசைன் – பின்புறத்தில் பொருத்தப்பட்ட ஃபிங்கர் பிரிண்ட் ஸ்கேனர் – AI ஃபேஸ் அன்லாக் போன்ற அம்சங்கள் வழங்கப்பட்டிருக்கும். இதன் சிப்செட் / ப்ராசஸர் விவரங்கள் இன்னும் வெளியிடப்படவில்லை.
