டெல் நிறுவனம் தனது புது மாடல் லேப்டாப்பை இந்தியாவில் அறிமுகப்படுத்தி இருக்கிறது. Dell xps. 13 plus 9320 எனும் பெயர்கொண்ட இந்த லேப்டாப் சமீபத்தில் இந்தியாவில் அறிமுகப்படுத்தப்பட்டது.
இந்த லேப்டாப்பில் இருக்கும் பல்வேறு சிறப்பம்சங்கள் பற்றி இந்த தொகுப்பில் பார்க்கலாம். அதன்படி இதன் உடல் மறுசுழற்சி செய்யப்பட்ட அலுமினியத்தால் உருவாக்கப்பட்டு இருக்கிறது. மிகவும் மெல்லிய தோற்றம் கொண்ட இந்த லேப்டாப் 1.24 கிலோ எடையைக் கொண்டிருக்கிறது. 4K ரெசொல்யூசனுடன் கூடிய 13 அங்குல திரை இதில் இடம்பெற்றுள்ளது. 91.9 சதவீதம் ஸ்கிரீன் டூ பாடி ரேசியோ (Body to screen ratio) கொண்ட இந்த லேப்டாப்பின் நான்கு பக்கங்களிலும் ஸ்லிம் பெசில்கள் உள்ளன.
இந்த Dell xps. 13 plus 9320 இண்டெல் ஐரிஸ் Xe கிராபிக்ஸ் உடன் கூடிய இண்டெல் கோர் i7-1260P சிபியு இடம்பெற்றுள்ளது. 16 GB RAM, 1TB சேமிப்புத்திறனும் இதில் வழங்கப்பட்டுள்ளது. மேலும் இதில் டூயல் சென்சார் உடன் கூடிய HD Web camera, Finger print sensor மற்றும் 4 ஸ்பீக்கர்கள் வழங்கப்பட்டு உள்ளன.
மேலும் இந்த லேப்டாப்பில் எக்ஸ்பிரஸ் சார்ஜ் வசதியும் உள்ளது. அதன்மூலம் இதில் உள்ள 55 வாட் ஹவர் பேட்டரியை 1 மணிநேரத்தில் 80 சதவீதம் சார்ஜ் செய்ய முடியும். இதன் கோர் i5-1260P, 16ஜிபி ரேம் + 512 ஜிபி மெமரி மாடலின் விலை ரூ.1,59,990 என நிர்ணயம் செய்யப்பட்டு உள்ளது. அதேபோல் இதன் பவர்ஃபுல் மாடலான கோர் i7-1260P, 16 ஜிபி ரேம் + 1 டிபி ஸ்டோரேஜ் வசதி கொண்ட வேரியண்ட் விலை ரூ.1,79,990 என நிர்ணயம் செய்யப்பட்டுள்ளது.
அமேசான் தளத்திலும், டெல் இந்தியா ஆன்லைன் ஸ்டோர்களிலும் இந்த லேப்டாப் விற்பனைக்கு இருக்கிறது.
