- இந்தியாவில் சியோமி நிறுவனத்தின் ரெட்மி நோட் 11 சீரிஸ் மிகவும் பிரபலமாகி வருகிறது.
- விரைவில் இந்தியாவில் வெளியாக இருக்கும் புது ரெட்மி ஸ்மார்ட்போனின் விவரங்கள் அந்நிறுவன வலைதளத்தில் வெளியாகி இருக்கிறது.
இந்தியாவில் ரெட்மி நோட் 11 ப்ரோ பிளஸ் 5ஜி, நோட் 11T 5ஜி மற்றும் பல்வேறு மாடல்கள் நோட் 11 சீரிசில் விற்பனை செய்யப்பட்டு வருகின்றன. இந்த வரிசையில், மற்றும் ஓரு ஸ்மார்ட்போனினை ரெட்மி நோட் 11 சீரிசில் அறிமுகம் செய்ய ஷாவ்மி திட்டமிட்டு வருவதாக தகவல் வெளியாகி உள்ளது.
இது குறித்து டிப்ஸ்டர் வெளியிட்டு இருக்கும் தகவல்களின் படி, ரெட்மி நோட் 10S ஸ்மார்ட்போன் இந்திய சந்தையில் ரெட்மி நோட் 11 SE எனும் பெயரில் அறிமுகம் செய்யப்பட இருக்கிறது. பிரபல டிப்ஸ்டரான கேபர் சிபெக் ரெட்ம் நோட் 11 SE பெயர் அடங்கிய புது மாடல் விவரங்களை MIUI குறியீடுகளில் கண்டறிந்துள்ளார்.
மேலும் இந்த ஸ்மார்ட்போன் இந்திய சந்தைக்கானது என்றும் இது சீனாவில் ஏற்கனவே அறிமுகம் செய்யப்பட்ட மாடலை விட வித்தியாசமாக இருக்கும் என்றும் தெரிவித்து இருக்கிறார்.
MIUI குறியீடுகளின் படி இந்த ஸ்மார்ட்போன் ரெட்மி நோட் 10S மாடலின் ரீபிராண்டு செய்யப்பட்ட மாடலாக இருக்கும் என தெரியவந்துள்ளது. இதே ஸ்மார்ட்போன் சில நாடுகளில் போக்கோ M5S எனும் பெயரில் அறிமுகம் செய்யப்பட இருப்பதாகவும் தகவல்கள் வெளியாகி உள்ளன. இந்த தகவல்களை உறுதி செய்யும் வகையில், இந்த மாடல் விவரங்கள் பல்வேறு சான்று அளிக்கும் வலைதளங்களில் இடம்பெற்று இருக்கிறது. இத்தகவல்கள் உண்மையாகும் பட்சத்தில் ரெட்மி நோட் 11 SE மாடலில் ரெட்மி நோட் 10S ஸ்மார்ட்போனில் வழங்கப்பட்டதை போன்ற அம்சங்களே வழங்கப்படலாம்.
அந்த வகையில், இந்த போன் 60Hz ரிப்ரெஷ் ரேட் (refresh rate) உடைய 6.43 அங்குல FHD ப்ளஸ் AMOLED டிஸ்ப்ளேவைக் கொண்டிருக்கும். அதிகபட்சமாக 1100 nits வெளிச்சத்தைக் கொண்டிருக்கும். பாதுகாப்புக்காக Corning Gorilla Glass 3 பயன்படுத்தப்பட்டு இருக்கிறது. இதில் மீடியாடெக் ஹீலியோ G95 பிராசஸர் பயன்படுத்தப்பட்டு இருக்கும், 8GB RAM, 128GB சேமிப்புத்திறன் வழங்கப்படும். இதன் சேமிப்புத்திறனை micro SD கார்டு மூலம் 512GB வரை அதிகரித்துக் கொள்ள முடியும்.
புகைப்படங்களை எடுக்க 64MP பிரைமரி கேமரா, 8MP அல்ட்ரா வைடு கேமரா, 2MP டெப்த் என மூன்று 2MP மேக்ரோ கேமரா வழங்கப்படுகிறது. இதன் மூலம் 4K@30fs வீடியோ எடுக்கலாம். முன்பக்கத்தில் 13 மெகாபிக்சல் செல்ஃபி கேமரா வழங்கப்பட்டிருக்கும். இதன்மூலம் 1080@30fs வீடியோ எடுக்க முடியும். இந்த மொபைலில் 5000 எம்ஏஹெச் பேட்டரி, 33 வாட் ஃபாஸ்ட் சார்ஜிங் வசதி வழங்கப்படுகிறது. இந்த ஸ்மார்ட்போன் ஆண்ட்ராய்டு 12 ஓ.எஸ். சார்ந்த MIUI 13 கொண்டு இருக்கும்.
பக்கவாட்டில் finger print scanner வசதி கொடுக்கப்பட்டுள்ளது. ஸ்டீரியோ ஸ்பீக்கர்கள், ப்ளூடூத் 5.1, WiFi, Type C 2.0 போன்ற பல வசதிகள் வழங்கப்பட்டிருக்கும்.
