தீபாவளி கொண்டாட்டத்தை முன்னிட்டு Xiaomi இந்தியாவில் Redmi 11 Prime மற்றும் Redmi 11 Prime 5G- மொபைல்களை அதிகாரப்பூர்வமாக அறிமுகப்படுத்தியுள்ளது. Redmi A1 உடன் இரண்டு ஸ்மார்ட்போன்கள் அறிவிக்கப்பட்டன. ரெட்மி 11 பிரைம் சீரிஸ் சிறந்த அம்சங்களுடனும், மிகக் குறைந்த விலையிலும் வருகிறது. ரெட்மி 11 பிரைம் சீரிஸின் விலை மற்றும் அதிலுள்ள வசதிகளை இப்போது பார்க்கலாம்.
Redmi 11 Prime Series விலை
Redmi 11 Prime
4 ஜிபி + 64 ஜிபி – ரூ 12,999
6 ஜிபி + 128 ஜிபி – ரூ 14,999
இது Thunder Black, Chrome Silver மற்றும் Meadow Green ஆகிய மூன்று வண்ணங்களில் கிடைக்கிறது.
Redmi 11 Prime 5G
4 ஜிபி + 64 ஜிபி – ரூ 13,999
6 ஜிபி + 128 ஜிபி – ரூ 15,999
இது பெப்பி பர்பிள்(peppy purple), ஃப்ளாஷி பிளாக் (flashy black) மற்றும் ப்ளேஃபுல் கிரீன் (Playful green) ஆகிய மூன்று நிறங்களில் கிடைக்கிறது. Redmi 11 Prime 5G-யின் விற்பனை செப்டம்பர் 9 ஆம் தேதி மதியம் 12 மணிக்கு தொடங்கும். Mi.com, Amazon India, Mi Home கடைகள் மற்றும் சில்லறை விற்பனைக் கடைகளில் இந்த போனை வாங்கலாம். ஐசிஐசிஐ வங்கி கிரெடிட் கார்டு மற்றும் கிரெடிட்/டெபிட் கார்டு இஎம்ஐ பரிவர்த்தனைகளில் வாடிக்கையாளர்கள் ரூ.1,000 தள்ளுபடியைப் பெறலாம்.
ரெட்மி 11 பிரைம் சீரிஸ்
Redmi 11 Prime தொடரில் Redmi 11 Prime மற்றும் Redmi 11 Prime 5G என இரண்டு மாடல்கள் உள்ளன. முதலாவது மாடல் 4G, இரண்டாவது போன் 5G. Redmi 11 Prime ஆனது சமீபத்தில் அறிமுகப்படுத்தப்பட்ட Poco M5 -ஐப் போன்றே வித்தியாசமான பின்புற வடிவமைப்பைக் கொண்டுள்ளது. அதேவேளையில், Redmi 11 Prime 5G என்பது சீனாவில் இருந்து மறுபெயரிடப்பட்ட Redmi Note 11E ஆகும். இரண்டு ஸ்மார்ட்போன்களும் 2408 x 1080 பிக்சல்கள் (FHD+), 90Hz புதுப்பிப்பு வீதம் மற்றும் 6.58 அங்குல எல்சிடி திரையைக் கொண்டிருக்கிறது.
ரெட்மி 11 பிரைம் சீரிஸ் கேமரா
4ஜி மாடலில் கூடுதலாக 2எம்பி மேக்ரோ ஸ்னாப்பருடன் 50எம்பி பிரதான கேமரா, 2எம்பி டெப்த் சென்சார் மற்றும் முன்புறத்தில் 5எம்பி செல்ஃபி கேமரா ஆகியவை உள்ளன. இரண்டிற்கும் இடையே உள்ள வித்தியாசம் அவற்றின் சிப்செட் ஆகும். 4G வேரியண்ட் புளூடூத் 5.3 உடன் MediaTek Helio G99 SoC மூலம் இயக்கப்படுகிறது. அதே சமயம் 5G வேரியண்ட் புளூடூத் 5.1 உடன் MediaTek Dimensity 700 சிப் கொண்டுள்ளது. அவை LPDDR4x ரேம், UFS 2.2 சேமிப்பு மற்றும் பிரத்யேக microSD கார்டு ஸ்லாட்டுடன் வருகின்றன. இதனால் சேமிப்புத்திறனை அதிகரித்துக் கொள்ள முடியும்.
ரெட்மி 11 பிரைம் சீரிஸ் பேட்டரி
இதுதவிர மற்ற அம்சங்களைப் பொறுத்தவரை டூயல்-பேண்ட் வைஃபை, ஜிஎன்எஸ்எஸ், பக்கவாட்டில் பொருத்தப்பட்ட கைரேகை சென்சார், ஐஆர் பிளாஸ்டர், 3.5மிமீ ஹெட்ஃபோன் ஜாக், 5,000 எம்ஏஎச் பேட்டரி மற்றும் 18 வாட் ஃபாஸ்ட் சார்ஜிங் சப்போர்ட் ஆகியவை இருக்கின்றன. இருப்பினும், 5G வேரியண்ட் எடையுடன் ஒப்பிடும்போது 4G மாடல் சற்று கனமாக உள்ளது.
