வாட்ஸ்அப் நிறுவனம் கொண்டுவரும் ஒவ்வொரு அம்சமும் மிகவும் பயனுள்ள வகையில் இருக்கிறது. அதேநேரம் டெலிகிராம் செயலிக்கு போட்டியாகவும் வாட்ஸ்அப் நிறுவனம் தொடர்ந்து பல்வேறு புதிய அம்சங்களை அறிமுகம் செய்து வருகிறது. அந்த வகையில் வாட்ஸ்அப் குழுவிற்குள் POLL எனும் வாக்கெடுப்பை அனுமதிக்கும் புதிய அம்சத்தை வெளியிட இருக்கிறது வாட்ஸ்அப் நிறுவனம்.
வாக்கெடுப்பு வசதி
வாட்ஸ்அப் பயனர்கள் தங்களுக்குப் பொருத்தமான தலைப்புகளில் குழுவிற்குள் கருத்துக்கணிப்புகளை உருவாக்க அனுமதிக்கும் வகையில் புதிய அப்டேட் வெளிவரும் என்று தெரிவிக்கப்பட்டுள்ளது. ஆனால் டெலிகிராம் செயலியில் ஏற்கனவே இந்த POLL அம்சம் இருக்கிறது என்பது குறிப்பிடத்தக்கது. டெலிகிராம் எனவே தற்போது டெலிகிராம் செயலிக்கு போட்டியாக வாட்ஸ்அப் நிறுவனம் POLL எனும் வாக்கெடுப்பு நடத்தும் அம்சத்தை பயனர்களுக்கு விரைவில் அறிமுகம் செய்ய உள்ளது வாட்ஸ்அப் நிறுவனம்.
அதேபோல் வாட்ஸ்அப் நிறுவனம் கொண்டுவரும் இந்த புதிய அப்டேட் முதலில் ஐஓஎஸ் பயனர்களுக்கும் கிடைக்கும் என்றும், அதற்குபின்பு தான் ஆண்ட்ராய்டு மற்றும் டெஸ்க் டாப் வெர்சனுக்கு கிடைக்கும் என்று தகவல் தெரிவிக்கப்பட்டுள்ளது.
வாக்கெடுப்பை அனுமதிக்கும் இந்த புதிய வசதியை வாட்ஸ்அப் குழுக்களில் மட்டுமே உருவாக்க முடியும் என்று கூறப்படுகிறது. மேலும் கேள்விகளும், பதில்களும் முழுவதுமாக என்கிரிப்டட் செய்யப்பட்டது என்றும், வாக்கெடுப்பு நடத்தப்படும் குறிப்பிட்ட குழுவில் உள்ளவர்கள் மட்டுமே வாக்கெடுப்பு மற்றும் முடிவுகள் பார்க்க முடியும் என்றும் தெரிவிக்கப்பட்டுள்ளது.
சில நாட்களுக்கு முன்பு WABetaInfo அறிவித்த தகவலின்படி, விரைவில் ஐஒஎஸ் பயனர்களுக்கு காலண்டர் ஐகான் அறிமுகம் செய்யப்பட உள்ளது எனவும், பின்பு முதற்கட்டமாகச் சோதனை அடிப்படையில் செயல்படுத்த அறிமுகம் செய்யப்பட உள்ளது எனவும் தெரிவிக்கப்பட்டுள்ளது.
இந்த புதிய அம்சம் வாட்ஸ்அப் ஐஓஎஸ் பயனர்களுக்கு முதலில் அறிமுகம் செய்ய உள்ளதாக தெரிவிக்கப்பட்டுள்ளது. அதேபோல் இந்த புதிய அம்சம் என்னவென்றால், பழைய மெசேஜ்களை திரும்ப எடுத்து படிப்பதற்கு வசதியாகத் தேதி குறிப்பிட்டுத் தேடும் வகையில் ‘காலண்டர் ஐகான்’ அறிமுகம் செய்யப்பட உள்ளது.
அதாவது நீங்கள் உங்களது நண்பர்களுக்கு முன்பு அனுப்பிய மெசேஜை பார்க்க விரும்பினால், முதலில் அவர்களது சாட் பக்கத்திற்கு செல்ல வேண்டும். அடுத்து அங்கு இருக்கும் காலண்டர் ஐகான் கிளிக் செய்தவுடன், காலண்டர் காண்பிக்கப்படும். அதன்பின்பு நீங்கள் எந்த தேதியில் பேசிய மெசேஜ் வேண்டுமோ, அந்த தேதியை சரியாக குறிப்பிட்டு செலக்ட் செய்யலாம். அதேபோல் இந்த காலண்டர் வேண்டாம் என்று நீங்கள் நினைத்தால், அதே சாட் பக்கத்தில் scroll செய்தால் போதும் காலண்டர்மறைந்துவிடும்.
