விவோ நிறுவனம் புதிய Vivo Y16 ஸ்மார்ட்போனை இந்த மாத இறுதியில் அறிமுகம் செய்ய திட்டமிட்டு இருக்கிறது. இந்த போன் பட்ஜெட் விலையில் வெளிவரும் என்பதால் அதிக எதிர்பார்ப்புகளை உருவாக்கி இருக்கிறது.
விவோ Y16
பட்ஜெட் விலைக்கு தகுந்த அனைத்து சிறப்பு அம்சங்களுடன் இந்த விவோ Y16 போன் வெளிவர இருக்கிறது. ஆன்லைனில் கசிந்த விவோ Y16 ஸ்மார்ட்போனின் அம்சங்களை இப்போது பார்க்கலாம்.
டிஸ்பிளே
விவோ Y16 ஸ்மார்ட்போன் 6.51 அங்குல HD plus IPS LCD டிஸ்பிளே வசதியுடன் வெளிவரும் என்று தெரிவிக்கப்பட்டுள்ளது. அதேபோல் 60ஹெர்ட்ஸ் ரெஃப்ரெஷ் ரேட் மற்றும் சிறந்த பாதுகாப்பு வசதியைக் கொண்டு இருக்கும்.
சிப்செட்
விரைவில் அறிமுகமாகும் விவோ Y16 ஸ்மார்ட்போனில் தரமான மீடியாடெக் பி35 சிப்செட் வசதி உள்ளது. எனவே இந்த போனில் ஆப்ஸ்களை தடையின்றி பயன்படுத்த முடியும். மேலும் Funtouch OS 12 சார்ந்த ஆண்ட்ராய்டு 12 இயங்குதளத்தை அடிப்படையாகக் கொண்டு வெளிவர இருக்கிறது.
இன்டர்னல் ஸ்டோரேஜ்
புதிய விவோ Y16 ஸ்மார்ட்போன் ஆனது 4ஜிபி ரேம் மற்றும் 128ஜிபி இன்டர்னல் ஸ்டோரேஜ் ஆதரவைக் கொண்டுள்ளது. மேலும் கூடுதலாக மெமரி நீட்டிப்பும் செய்து கொள்ளலாம். அதாவது நீங்கள் மெமரி கார்டை பயன்படுத்த ஒரு மைக்ரோ எஸ்டி கார்டு ஸ்லாட் ஆதரவு வழங்கப்படும்.
கேமரா
இந்த விவோ Y16 ஸ்மார்ட்போன் 13எம்பி பிரைமரி கேமரா + 2எம்பி டெப்த் கேமரா என்கிற டூயல் ரியர் கேமரா ஆதரவைக் கொண்டுள்ளது. கூடவே செல்ஃபிகளுக்கும், வீடியோகால் அழைப்புகளுக்கும் என்றே முன்பக்கத்தில் 5எம்பி கேமராவுடன் வெளிவருகிறது. இதுதவிர பல கேமரா அம்சங்களையும் கொண்டுள்ளது.
பேட்டரி
5000 எம்ஏஎச் பேட்டரி வசதியுடன் அறிமுகமாகும். கூடவே 10 வாட்ஸ் பாஸ்ட் சார்ஜிங் வசதி, கைரேகை ஸ்கேனர் உள்ளிட்ட பல சிறப்பான அம்சங்களையும் கொண்டுள்ளது இந்த விவோ Y16ஸ்மார்ட்போன்.
கனெக்டிவிட்டி
ஹெட்ஃபோன் ஜாக், யுஎஸ்பி டைப்-சி போர்ட், புளூடூத் 5.0, வைஃபை, ஜிபிஎஸ், 4ஜி எல்டிஇ போன்ற கனெக்டிவிட்டி போன்ற ஆதரவுகளோடு இந்த விவோ போன் வெளிவர இருக்கிறது. குறிப்பாக இந்த போனின் வடிவமைப்புக்கு அதிக கவனம் செலுத்தியுள்ளது அந்நிறுவனம்.
விலை
4ஜிபி ரேம் மற்றும் 64ஜிபி ஸ்டோரேஜ் கொண்ட விவோ Y16 ஸ்மார்ட்போன் ரூ.12,499-விலையில் அறிமுகமாகும் என்று தெரிவிக்கப்பட்டுள்ளது.
