வாட்ஸபில் வருது கால் லின்க்ஸ் – புது வசதி

வாட்ஸ்அப் நிறுவனம் மீண்டும் ஒரு புதிய அம்சத்தை கொண்டு வர இருக்கிறது. அதாவது வாட்ஸ்அப் செயலியில் கால் லின்க்ஸ் (Call Links) எனும் அம்சம் கொண்டுவரப்பட உள்ளது.

கால் லின்க்ஸ் பயன்?

இந்த புதியCall Links அம்சத்தின் பயன் என்னவென்றால், பயனர்கள் புதிதாக அழைப்புகளை உருவாக்கவோ அல்லது ஏற்கனவே உள்ளஅழைப்பில் இணையவும் முடியும் என்று தெரிவிக்கப்பட்டுள்ளது.

வாட்ஸ்அப் செயலியின் இந்த புதிய அம்சம் வரும் வாரங்களில் அனைவருக்கும் கிடைக்கும் என்று தகவல் தெரிவிக்கப்பட்டுள்ளது. அதேபோல் இந்த புதிய கால் லின்க்ஸ் அம்சத்தைப் பயன்படுத்த பயனர்கள் வாட்ஸ்அப் செயலியில் புதிய வெர்ஷனை இன்ஸ்டால் செய்ய வேண்டும் என்று கூறப்படுகிறது.

எப்படி பயன்படுத்துவது?

புதிய கால் லின்க்ஸ் ஆப்ஷன் ஆனது வாட்ஸ்அப் செயலியின் கால்ஸ் டேபில் சேர்கப்படுகிறது. பின்பு இதை கொண்டு ஆடியோ மற்றும் வீடியோ அழைப்பிற்கான லின்க்-ஐ எளிமையாக உருவாக்க முடியும்.

நீங்கள் உருவாக்கிய கால் லின்க்ஸ்-ஐ உங்களது நண்பர்கள் மற்றும் உறவினர்களுக்கு அனுப்பி எளிதில் வாட்ஸ்அப் கால் மேற்கொள்ளலாம். மேலும் இந்த கால் லின்க்ஸ்-ஐ ஒருமுறை கிளிக் செய்தால் போதும் நேரடியாக அழைப்பில் இணைய முடியும் என்று கூறப்பட்டுள்ளது.

சுருக்கமாக கூறவேண்டும் என்றால், வாட்ஸ்அப் நிறுவனம் கொண்டுவர உள்ள கால் லின்க்ஸ் அம்சம் ஆனது கூகுள் மீட் அல்லது மைக்ரோசாப்ட் டீம்ஸ் போன்று இருக்கிறது. ஆனால் கால் லின்க்ஸ் அம்சம் எந்தெந்த தளங்களில் இயங்கும் என வாட்ஸ்அப் நிறுவனம் இன்னும் தெரிவிக்கவில்லை.

க்ரூப் வாய்ஸ் கால்

இதுதவிர இன்னொரு புதிய வசதியைக் கூட வாட்ஸ்அப் நிறுவனம் கொண்டுவர உள்ளது. அதாவது வாட்ஸ்அப் க்ரூப் வாய்ஸ் கால் அம்சத்தில் ஏற்கனவே 32பேருடன் பேசும் வசதி வழங்கப்பட்டுள்ளது. இது ஆண்ட்ராய்டு மற்றும் ஐஓஎஸ் பயனர்களுக்கு கிடைக்கிறது.

க்ரூப் வீடியோ கால்

இதேபோன்று க்ரூப் வீடியோ கால் சேவையிலும் 32 பேருடன் பேசும் வசதி வழங்கப்பட இருக்கிறது. இந்த அம்சம் தற்போது உருவாக்கப்பட்டு வருகிறது என்றும், விரைவில் செயல்பாட்டுக்கு வரும் என்றும் தெரிவிக்கப்பட்டுள்ளது.