போக்கோ நிறுவனம் இந்தியாவில் புதிய Poco C50 எனும் ஸ்மார்ட்போனை விரைவில் அறிமுகம் செய்ய திட்டமிட்டுள்ளது. இந்த புதிய ஸ்மார்ட்போன் பட்ஜெட் விலையில், சிறந்த அம்ப்சங்களுட்ன் வெளிவரும் என்று கூறப்படுகிறது. இதனால் இந்த போக்கோ ஸ்மார்ட்போன் அதிக எதிர்பார்ப்புகளை உருவாக்கியுள்ளது.
போக்கோ சி50
இந்த புதிய போக்கோ சி50 ஸ்மார்ட்போனின் அம்சங்கள் ஆன்லைனில் கசிந்துள்ளது. அதன்படி இதில் இருக்கும் விரிவாகப் பார்க்கலாம். புதிய போக்கோ சி50 ஸ்மார்ட்போன் 6.52 அங்குல எச்டி பிளஸ் எல்சிடி டிஸ்பிளேவைக் கொண்டுள்ளது.
அம்சங்கள்
120 ஹெர்ட்ஸ் டச் சாம்ப்ளிங் ரேட், 400 நிட்ஸ் ப்ரைட்னஸ் உள்ளிட்ட பல டிஸ்பிளே அம்சங்களுடன் இந்த புதிய ஸ்மார்ட்போன் அறிமுகமாக இருக்கிறது. 4ஜிபி ரேம் மற்றும் 64ஜிபி ஸ்டோரேஜ் ஆதரவுகளை கொண்டுள்ளது இந்த போக்கோ சி50 ஸ்மார்ட்போன்.
சிப்செட்
இந்த போக்கோ சி50 ஸ்மார்ட்போனில் மீடியாடெக் ஹீலியோ ஏ22 சிப்செட் பொருத்தப்பட்டு இருக்கிறது. எனவே இயக்கத்திற்கு மிகவும் அருமையாக இருக்கும். மேலும் ஆண்ட்ராய்டு 12 இயங்குதளத்தை அடிப்படையாகக் கொண்டு இந்த போக்கோ போன் அறிமுகமாகும்.
பேட்டரி
இணையத்தில் வெளிவந்த தகவலின்படி மொபைலின் பின்பக்கத்தில் 8எம்பி ரியர் கேமராவும், செல்ஃபி மற்றும் வீடியோ அழைப்புக்கு 5எம்பி செல்ஃபி கேமராவும் இந்த போக்கோ சி50 ஸ்மார்ட்போனில் வழங்கப்பட்டு இருக்கிறது. குறிப்பாக 5000 எம்ஏஎச் பேட்டரி மற்றும் 10 வாட்ஸ் பாஸ்ட் சார்ஜிங் ஆதரவுடன் பட்ஜெட் விலையில் வெளியாகிறது இந்த போக்கோ சி50 போன்.
இந்நிறுவனம் ஏற்கனவே அறிமுகம் செய்த போக்கோ எஃப்4 5ஜி ஸ்மார்ட்போனின் அம்சங்களைப் பார்ப்போம். போக்கோ எஃப்4 5ஜி போன் ஸ்னாப்டிராகன் 870 சிப்செட் வசதியைக் கொண்டு வெளிவந்துள்ளது. இதே சிப்செட் வசதி ஒன்பிளஸ் 9ஆர் ஸ்மார்ட்போனில் கூட உள்ளது.குறிப்பாக Genshin Impact, Asphalt 9 கேம்களை இயக்க அருமையாக பயன்படுகிறது இந்த சிப்செட்.
இந்த மொபைல் 6.67 அங்குல ஃபுல் HD+ (1,080×2,400 பிக்சல்கள்) E4 AMOLED டிஸ்பிளேவைக் கொண்டுள்ளது இந்த போக்கோ எஃப்4 5ஜி ஸ்மார்ட்போன். பின்பு 120 ஹெர்ட்ஸ் ரெஃப்ரெஷ் ரேட், 360 ஹெர்ட்ஸ் டச் சாம்ப்ளிங் ரேட், கார்னிங் கொரில்லா கிளாஸ் 5 பாதுகாப்பு வசதியைக் கொண்டுள்ளது.
கேமரா
போக்கோ எஃப்4 5ஜி ஸ்மார்ட்போன் ஆனது 64எம்பி பிரைமரி கேமரா+ 8எம்பி அல்ட்ரா வைடு கேமரா + 2எம்பி மேக்ரோ கேமரா என்கிற ட்ரிபிள் ரியர் கேமரா செட்டப்பை கொண்டுள்ளது. செல்பீகளுக்கும், வீடியோகால் அழைப்புகளுக்கும் என்றே 20எம்பி செல்ஃபி கேமராவைக் கொண்டுள்ளது இந்த போக்கோ ஸ்மார்ட்போன்.
இயங்குதளம்
MIUI 13 சார்ந்த ஆண்ட்ராய்டு 12 இயங்குதளத்தை கொண்டுள்ளது இந்த போக்கோ எஃப்4 5ஜி போன். மேலும் 67W ஃபாஸ்ட் சார்ஜிங் ஆதரவுடன் 4500 எம்ஏஎச் பேட்டரியைக் கொண்டுள்ளது இந்த போக்கோ எஃப்4 5ஜி போன். எனவே ஸ்மார்ட்போனை வேகமாக சார்ஜ் செய்ய முடியும். 5ஜி, 4ஜி எல்டிஇ, வைஃபை 802.11ஏசி, ப்ளூடூத் வி5.2 மற்றும் யூஎஸ்பி டைப்-சி போர்ட்கள் ஆகியவை இந்த போனில் உள்ளன என்பது குறிப்பிடத்தக்கது.
