ஒன்பிளஸ் நிறுவனத்தின் அடுத்த பிளாக்ஷிப் போன் ஒன்று விரைவில் வெளியாக இருக்கிறது. அதன் மாடல் பெயர் என்ன? அது என்ன விலைக்கு அறிமுகமாகும்? என்னென்ன அம்சங்களைக் கொண்டு இருக்கும்? பார்க்கலாம்!
அதன் பெயர் ஒன்பிளஸ் 11 5G ஆகும். இந்த ஸ்மார்ட்போனை 2023 ஆம் ஆண்டின் முதல் காலாண்டில் ஒன்ப்ளஸ் அறிமுகம் செய்யும் என எதிர்பார்க்கப்படுகிறது!
என்ன ஸ்பெஷல்?
டிப்ஸ்டர் Max Jambor வழியாக கிடைத்த தகவலின்படி, ஒன்பிளஸ் 11 ஆனது உண்மையில் ஒரு ப்ரோ மாடலாகும். ஆனால் அது ப்ரோ என்கிற பெயரின் கீழ் அறிமுகம் செய்யப்படாமல் வெறுமனே ஒன்பிளஸ் 11 என்கிற பெயரில் அறிமுகம் செய்யப்படும். அதாவது இது நிறுவனத்தின் 2023 ஆம் ஆண்டிற்கான பிரீமியம் அம்சங்களைக் கொண்டிருக்கும் ஒரு மாடலாக இருக்கும் என்று அர்த்தம்.
அம்சங்கள்!
கிடைக்கப்பெற்ற லீக்ஸ் தகவலின்படி, ஒன்பிளஸ் 11 ஆனது 6.7 அங்குல அளவிலான QHD+ AMOLED டிஸ்ப்ளேவை கொண்டிருக்கலாம். அதில் 16MP பஞ்ச்-ஹோல் கேமரா இடம்பெறலாம். இன்-டிஸ்ப்ளே ஃபிங்கர் பிரிண்ட் சென்சார் உடன் வரலாம் என்று எதிர்பார்க்கப்படுகிறது. மேலும் ஒன்பிளஸ் 11 ஆனது குவால்காம் ஸ்னாப்டிராகன் 8 ஜென் 2 சிப்செட் மூலம் இயக்கப்படலாம்.
கேமராக்கள்!
ஒன்பிளஸ் 11 ஸ்மார்ட்போன் ஆனது – வழக்கம் போல – Hasselblad பிராண்டிங் கேமராக்களையே கொண்டு இருக்கும் என எதிர்பார்க்கப்படுகிறது. சென்சார்களை பொறுத்தவரை, இது 50எம்பி மெயின் கேமரா + 48எம்பி அல்ட்ரா-வைட் ஆங்கிள் லென்ஸ் + 32எம்பி டெலிஃபோட்டோ கேமரா என்கிற ட்ரிபிள் ரியர் கேமரா செட்டப்பை வழங்கலாம்!
சார்ஜிங்!
ஒன்பிளஸ் நிறுவனத்தின் இந்த வரவிருக்கும் ஸ்மார்ட்போன் ஆனது 100W ஃபாஸ்ட் சார்ஜிங் சப்போர்ட்-ஐ வழங்கும் என்றும் கூறப்படுகிறது. இது 5000mAh பேட்டரியை கொண்டிருக்கலாம். பெரும்பாலும் இது ஆண்ட்ராய்டு 13 ஓஎஸ்-ஐ கொண்டே இயங்கும். ஸ்டோரேஜை பொறுத்தவரை, 16ஜிபி வரையிலான ரேம் மற்றும் 256ஜிபி வரையிலான இன்டெர்னல் ஸ்டோரேஜை வழங்கலாம் என்று கூறப்படுகிறது.
விலை?
ஒன்பிளஸ் 11 ஸ்மார்ட்போனின் அறிமுகமே இன்னும் அதிகாரப்பூர்வமாக அறிவிக்கப்படவில்லை என்பதால், அதன் எதிர்பார்க்கப்படும் விலை நிர்ணயம் குறித்தும் எந்த தகவலும் இல்லை! இருப்பினும், இதன் விலை ரூ.60,000 என்கிற பட்ஜெட்டை சுற்றியே இருக்கலாம்!
OnePlus 11R அறிமுகம் எப்போது?
ஒன்பிளஸ் 11 பற்றிய விவரங்களை வெளியிட்ட அதே லீக்ஸ் வழியாக, ஒன்பிளஸ் 11டி மாடலை பற்றிய சில விவரங்களையும் அறிய முடிகிறது. அதன்படி, ஒன்பிளஸ் 11டி மாடல் ஆனது 2023 ஆம் ஆண்டின் இறுதியில் தான் அறிமுகம் செய்யப்படும். அதற்கிடையில் OnePlus 11R அறிமுகம் செய்யப்படலாம்!
