சமீபத்தில் எச்எம்டி குளோபல் நிறுவனம் அறிமுகம் செய்த நோக்கியா ஜி60 5ஜி ஸ்மார்போன் நேற்று முதல் விற்பனையைத் துவங்கி இருக்கிறது. இதன் விலை என்ன? என்னென்ன அம்சங்கள் உள்ளன என்பதைப் பார்க்கலாம். 6ஜிபி ரேம் மற்றும் 128ஜிபி ஸ்டோரேஜ் கொண்ட Nokia G60 5G ஸ்மார்ட்போனின் விலை ரூ.29,999-ஆக உள்ளது. இந்த புதிய நோக்கியா 5ஜி போனை ‘நோக்கியா இந்தியா’ இணையதளத்தில் வாங்க முடியும். பிளாக் மற்றும் ஐஸ் நிறங்களில் வெளிவந்துள்ளது நோக்கியா ஜி60 5ஜி ஸ்மார்ட்போன். அதேபோல் இந்த போனுக்கு 2 வருட வாராண்டியும் வழங்கப்பட்டுள்ளது.
500 நிட்ஸ் ப்ரைட்னஸ்
நோக்கியா ஜி60 5ஜி ஆனது 6.58 அங்குல ஃபுல் எச்டி பிளஸ் எல்சிடி டிஸ்பிளே வசதியைக் கொண்டுள்ளது. மேலும் 120 ஹெர்ட்ஸ் ரெஃப்ரெஷ் ரேட், 1080×2400 பிக்சல்ஸ், 20:9 ஆஸ்பெக்ட் ரேஷியோ, 500 நிட்ஸ் ப்ரைட்னஸ், கொரில்லா கிளாஸ் 5 பாதுகாப்பு மற்றும் பல சிறப்பான அம்சங்களோடு வெளியாகி இருக்கிறது.
மைக்ரோ எஸ்டி கார்டு ஸ்லாட்
நோக்கியா ஜி60 5ஜி போன் ஆனது 6ஜிபி ரேம் மற்றும் 128ஜிபி இன்டர்னல் ஸ்டோரேஜ் ஆதரவைக் கொண்டுள்ளது. மேலும் கூடுதலாக மெமரி நீட்டிப்பு ஆதரவு கொண்டுள்ளது. அதாவது மெமரி கார்டை பயன்படுத்த ஒரு மைக்ரோ எஸ்டி கார்டு ஸ்லாட் ஆதரவு இருக்கிறது.
சிப்செட்
நோக்கியா ஜி60 5ஜி போனில் ஆக்டோ கோர் குவால்காம் ஸ்னாப்டிராகன் 695 5ஜி சிப்செட் வசதி உள்ளது. இந்த சிப்செட் மேம்பட்ட சிபியு மற்றும் ஜிபியு வேகத்தை வழங்கும். குறிப்பிட்டுச் சொல்ல வேண்டும் என்றால், இந்த ஸ்னாப்டிராகன் சிப்செட் மேம்பட்ட செயல்திறனை வழங்கும். அதேபோல் ஆண்ட்ராய்டு 12 இயங்குதள வசதியைக் கொண்டுள்ளது.
50எம்பி பிரைமரி கேமரா
நோக்கியா ஜி60 5ஜி ஸ்மார்ட்போன் 50எம்பி பிரைமரி கேமரா + 5எம்பி அல்ட்ரா வைடு லென்ஸ் + 2எம்பி டெப்த் லென்ஸ் என்கிற ட்ரிபிள் ரியர் கேமரா அமைப்பைக் கொண்டுள்ளது. மேலும் செல்ஃபிகளுக்கும், வீடியோகால் அழைப்புகளுக்கும் என்றே முன்பக்கத்தில் 8எம்பி கேமராவைக் கொண்டுள்ளது. மேலும் நைட் மோட் 2.0, டார்க் விஷன் மற்றும் AI போர்ட்ரெய்ட் போன்ற கேமரா அம்சங்களுடன் ஸ்மார்ட்போன் வெளிவந்துள்ளது.
பாஸ்ட் சார்ஜிங் வசதி
4500 எம்ஏஎச் பேட்டரி ஆதரவைக் கொண்டு வெளிவந்துள்ளது இந்த நோக்கியா ஜி60 5ஜி போன். எனவே சார்ஜ் பற்றிய கவலை இருக்காது. மேலும் 20 வாட்ஸ் பாஸ்ட் சார்ஜிங் வசதி, பவர் பட்டன் கைரேகை ஸ்கேனர் உள்ளிட்ட பல சிறப்பான அம்சங்களை கொண்டுள்ளது இந்த நோக்கியா போன்.
கனெக்டிவிட்டி
டூயல் சிம், 5ஜி, வைஃபை 6, ப்ளூடூத் 5.1, ஜிபிஎஸ்,யுஎஸ்பி டைப்-சி போர்ட்,3.5எம்எம் ஆடியோ ஜாக் உள்ளிட்ட பல கனெக்டிவிட்டி ஆதரவுகளை கொண்டுள்ளது இந்த போன். குறிப்பாக இந்த போனின் வடிவமைப்புக்கு அதிக கவனம் செலுத்தியுள்ளது அந்நிறுவனம்.
சலுகை
இந்த நோக்கியா ஜி60 5ஜி மொபைலை இப்போதே ப்ரீ ஆர்டர் செய்தால், ரூ 3599 மதிப்புள்ள Nokia Power Earbuds Lite-ஐ இலவசமாகப் பெறும் வாய்ப்பு உள்ளது.
