ஒன்பிளஸ் நிறுவனத்தின் அனைத்து போன் மாடல்களுக்கும் இந்தியாவில் நல்ல வரவேற்பு உள்ளது. ஒன்பிளஸ் நிறுவனமும் தொடர்ந்து ஒன்பிளஸ் நோர்ட் ஸ்மார்ட்போன்களை பட்ஜெட் விலையில் அறிமுகம் செய்து வருகிறது. இந்நிலையில் ஒன்பிளஸ் நிறுவனம் விரைவில் OnePlus Nord CE 3 5G ஸ்மார்ட்போனை அறிமுகம் செய்ய இருப்பதாக இணையத்தில் ஒரு தகவல் கசிந்துள்ளது. அதாவது இந்த ஒன்பிளஸ் நோர்ட் சிஇ 3 5ஜி ஸ்மார்ட்போன் கூட பட்ஜெட் விலையில் வெளிவரும் என்று கூறப்படுகிறது. எனவே ஒரு ஒன்ப்ளஸ் பிராண்டில், பட்ஜெட் விலையில் 5ஜி போனை வாங்க விரும்புபவர்கள் இந்த ஒன்பிளஸ் நோர்ட் சிஇ 3 5ஜி போன் அறிமுகமாகும் வரை காத்திருக்கலாம்.
அம்சங்கள்
ஆன்லைனில் கசிந்த ஒன்பிளஸ் நோர்ட் சிஇ 3 5ஜி போனின் சில முக்கிய அம்சங்களைப் பார்க்கலாம். இந்த போன் 8ஜிபி/12ஜிபி ரேம் மற்றும் 128ஜிபி/256ஜிபி ஸ்டோரேஜ் ஆதரவுடன் வெளிவரும் என்று தெரிவிக்கப்பட்டுள்ளது. மேலும் இந்த போனின் வடிவமைப்புக்கு அதிக கவனம் செலுத்தியுள்ளது அந்நிறுவனம்.
கேமரா
ஒன்பிளஸ் நோர்ட் சிஇ 3 5ஜி ஸ்மார்ட்போன் 108எம்பி பிரைமரி கேமரா + 8எம்பி அல்ட்ரா வைடு லென்ஸ் + 2எம்பி டெப்த் லென்ஸ் என்கிற ட்ரிபிள் ரியர் கேமரா அமைப்பைக் கொண்டுள்ளது. எனவே இந்த ஸ்மார்ட்போன் உதவியுடன் துல்லியமான வீடியோ மற்றும் புகைப்படங்களை எடுக்க முடியும். இதுதவிர பல்வேறு சிறப்பான கேமரா அம்சங்கள் இந்த புதிய ஒன்பிளஸ் ஸ்மார்ட்போனுக்கு வழங்கப்படும் என்று கூறப்பட்டுள்ளது. மேலும் செல்ஃபிகளுக்கும், வீடியோகால் அழைப்புகளுக்கும் என்றே 16எம்பி கேமரா வழங்கப்படும் எனத் தெரிகிறது.
டிஸ்பிளே
6.7 அங்குல ஃபுல் எச்டி பிளஸ் எல்சிடி டிஸ்பிளே ஆதரவைக் கொண்டுள்ளது இந்த ஒன்பிளஸ் நோர்ட் சிஇ 3 5ஜி ஸ்மார்ட்போன். ஃபுல் எச்டி பிளஸ் டிஸ்பிளே என்பதால் சிறந்த திரை அனுபவம் கிடைக்கும். இதுதவிர 120 ஹெர்ட்ஸ் ரெஃப்ரெஷ் ரேட், 450 நிட்ஸ் ப்ரைட்னஸ், 240 ஹெர்ட்ஸ் டச் சாம்ப்ளிங் ரேட் மற்றும் சிறந்த பாதுகாப்பு வசதியுடன் இந்த ஒன்பிளஸ் நோர்ட் சிஇ 3 5ஜி ஸ்மார்ட்போன் அறிமுகமாகும் என்று தெரிவிக்கப்பட்டுள்ளது. மேலும் கைரேகை சென்சார் ஆதரவுடன் இந்த ஒன்பிளஸ் போன் அறிமுகம் செய்யப்படும்.
சார்ஜிங் வசதி
ஒன்பிளஸ் நோர்ட் சிஇ 3 5ஜி ஸ்மார்ட்போனில் 5000 எம்ஏஎச் பேட்டரி பொருத்தப்பட்டுள்ளது. எனவே நீண்ட நேர பேட்டரி பேக்கப் கிடைக்கும். மேலும்67 வாட்ஸ் பாஸ்ட் சார்ஜிங் வசதியுடன் இந்த போன் வெளிவரும். குறிப்பாக இந்த போனை சில நிமிடங்களில் சார்ஜ் செய்துவிட முடியும்.
விலை
இணையத்தில் கசிந்த தகவலின்படி ஒன்பிளஸ் நோர்ட் சிஇ 3 5ஜி ஸ்மார்ட்போன் ரூ.23,999-என்ற விலையில் அறிமுகமாகலாம்.
