வாட்ஸப்பில் ஓட்டெடுப்பு வசதி அறிமுகம்!

மெட்டா (Meta) நிறுவனத்திற்குச் சொந்தமான வாட்ஸ்அப் (WhatsApp) அதன் பயனர்களுக்காகப் பல சிறந்த அம்சங்களைத் தொடர்ந்து அப்டேட் செய்து வருகிறது. அந்த வகையில் போல்ஸ் (polls) என்ற புதிய அம்சத்தை வாட்ஸ்அப் இப்போது அனைவருக்கும் அறிமுகம் செய்துள்ளது.

WhatsApp Polls

முதலில் இந்த புதிய அம்சத்தை வாட்ஸ்அப் நிறுவனம் பீட்டாவில் கிடைக்கச் செய்த பிறகு, WhatsApp இறுதியாக அதன் சமீபத்திய ஸ்டாண்டர்ட் அப்டேட் புதுப்பித்தலுடன் iOS மற்றும் Android சாதனங்களுக்கான WhatsApp Polls அம்சத்தை வெளியிட்டுள்ளது. இந்த அம்சம் இப்போது வாட்ஸ்அப் ஸ்டாண்டர்ட் கட்டமைப்பில் உள்ள அனைவருக்கும் கிடைக்கிறது.

இந்த புதிய வாட்ஸ்அப் போல்ஸ் அம்சம், தனிப்பட்ட சாட்கள் (Private chat) மற்றும் குரூப் சாட்கள் (Group chat) போன்ற இரண்டிலும் இப்போது பயன்படுத்தக் கிடைக்கிறது. வாட்ஸ்அப் போல்ஸ் அம்சம் ஒரு கருத்துக்கணிப்பு அம்சமாகும். இது பயனர்களுக்கு 12 விருப்பங்கள் வரை பதில்களுடன் கருத்துக்கணிப்புகளை உருவாக்க அனுமதிக்கிறது. இது மெட்டாவிற்கு புதிய விஷயமில்லை.

மேலும் பயனர்கள் தங்களுக்கு ஏற்றதாகக் கருதும் பல விருப்பங்களுக்கு வாக்களிக்க இந்த அம்சம் அனுமதிக்கிறது என்பது குறிப்பிடத்தக்கது. மெட்டாவிற்கு சொந்தமான, பேஸ்புக், இன்ஸ்டாகிராம் போன்ற தளங்களில் போல்ஸ் அம்சம் செயல்பாட்டில் இருக்கிறது என்பது குறிப்பிடத்தக்கது. அந்த அம்சத்தை நிறுவனம் இப்போது வாட்ஸ்அப் தளத்திலும் களமிறக்கியுள்ளது.

குரூப் சாட் அல்லது தனிப்பட்ட சாட்டில் நீங்கள் ஒரு போல்ஸ் அம்சத்தை நிறுவியவுடன், உங்கள் வாட்ஸ்அப் கணக்கில் இருப்பவர்கள் வாக்கெடுப்பு எடுக்க அனுமதிக்கப்படுவார்கள். வாக்கெடுப்பை உருவாக்கியவர் உட்படப் பயனர்கள் பல விருப்பங்களுக்கு வாக்களிக்க முடியும் என்று வாட்ஸ்அப் தெரிவித்துள்ளது. போல்ஸ் தகவலுக்கு ஒரு விருப்பத்திற்கு வாக்களிக்கலாம்.

அதிகபட்ச வரம்பு

ஆனால், அதிகபட்சமாக 12 விருப்பங்களுக்கு வாக்களிக்க விருப்பம் உள்ளது. இது வாக்கெடுப்பை உருவாக்கியவர் சேர்க்கக்கூடிய விருப்பங்களின் எண்ணிக்கையின் அதிகபட்ச வரம்பாகும் என்பது கவனிக்கத்தக்கது. கூடுதலாக, பயனர்கள் தாங்கள் வாக்களித்த விருப்பத்தையும் பின்னர் மாற்றிக்கொள்ளும் அம்சமும் இதில் உள்ளது.

இந்த அம்சம் முன்பு பீட்டா கட்டமைப்பில் காணப்பட்டது. ஆனால், இந்த அம்சம் குரூப் சாட் அரட்டைகளுக்கு மட்டுமே கட்டுப்படுத்தப்பட்டது என்பது குறிப்பிடத்தக்கது. சமீபத்திய ஸ்டாண்டர்ட் அப்டேட் ரோல் அவுட்டில், தனிப்பட்ட அரட்டைகளுக்குக் கூட இந்த அம்சம் அனைவருக்கும் கிடைக்கிறது என்பது கவனிக்கத்தக்கது. இது இப்போது இரண்டு சாட் வகைகளிலும் வேலை செய்கிறது.

எப்படி உருவாக்குவது

வாட்ஸ்அப் போல்ஸ் அம்சத்தை உருவாக்க, முதலில் உங்களுடைய வாட்ஸ்அப் ஆப்ஸை அதன் சமீபத்திய பதிப்பிற்கு நீங்கள் அப்டேட் செய்திருக்க வேண்டும். அதன்பின், வாட்ஸ்அப்பை கிளிக் செய்து, ஓபன் செய்து கொள்ளவும். குரூப் சாட் அல்லது தனிப்பட்ட சாட்டிற்கு செல்லவும். நீங்கள் iOS பயனர் என்றால், + பட்டனை தட்டவும். நீங்கள் Android பயனர் என்றால், Attachment பட்டனை கிளிக் செய்யவும். Polls விருப்பத்தைக் கண்டறியவும். Ask question புலத்தில் உங்கள் கேள்வியை உள்ளிட்டு வாக்களிப்பதற்கான விருப்பங்களைச் சேர்க்கவும். அவ்வளவு தான் உங்களுடைய போல்ஸ் ரெடி ஆகிவிடும். இதை யாருக்கெல்லாம் அனுப்ப வேண்டுமோ அவர்களுக்கு எல்லாம் அனுப்பி அவர்களது வாக்கின் மூலம் அவர்களது விருப்பத்தை நீங்கள் தெரிந்து கொள்ள முடியும்.