ஒன்பிளஸ் நிறுவனம் விரைவில் OnePlus 11 5G எனும் ஸ்மார்ட்போனை அறிமுகம் செய்ய உள்ளது. ஒன்பிளஸ் நிறுவனம் அறிமுகம் செய்யும் போன்கள் சற்று விலை உயர்ந்ததாக இருந்தாலும், அதற்குத் தகுந்தபடி சிறந்த அம்சங்களுடன் இருக்கிறது. இதுவரை எந்த போனிலும் இல்லாத தனித்துவமான வடிவமைப்பு மற்றும் தரமான அம்சங்களுடன் இந்த ஒன்பிளஸ் 11 5ஜி போன் அறிமுகமாகும் என்பதால் அதிக எதிர்பார்ப்புகளை உருவாக்கியுள்ளது.
ரேம்
தற்போது இணையத்தில் கசிந்த ஒன்பிளஸ் 11 5ஜி ஸ்மார்ட்போனின் அம்சங்களைப் பார்க்கலாம். அதாவது இந்த ஒன்பிளஸ் 11 5ஜி ஸ்மார்ட்போன் ஆனது ceramic body மற்றும் 16ஜிபி ரேம் வசதியுடன் வெளிவரும் என்று தெரிவிக்கப்பட்டுள்ளது. அதாவது இந்த ceramic body தனித்துவமான மற்றும் பிரீமியம் தோற்றத்தையும் உணர்வையும் தருகிறது. குறிப்பாக இந்த ஸ்மார்ட்போனை பயன்படுத்துவதற்கு மிகவும் அருமையாக இருக்கும்.
ப்ராஸசர்
ஒன்பிளஸ் 11 5ஜி ஸ்மார்ட்போனில், அதிகம் எதிர்பார்த்த ஸ்னாப்டிராகன் 8 ஜென் 2 சிப்செட் வசதி உள்ளது. குறிப்பாக இந்த சிப்செட் உதவியுடன் கேமிங் ஆப்ஸ்களை தடையின்றி பயன்படுத்த முடியும். அதேபோல் இந்த ஸ்னாப்டிராகன் 8 ஜென் 2 சிப்செட் சிறந்த செயல்திறன் கொடுக்கும் என்றே கூறலாம்.
டிஸ்ப்ளே
இந்த புதிய ஒன்பிளஸ் 11 5ஜி ஸ்மார்ட்போன் 6.7 அங்குல QHD+ AMOLED டிஸ்ப்ளேவுடன் வெளிவரும் என்று தகவல் தெரிவிக்கப்பட்டுள்ளது. மேலும் 120Hz ரெஃப்ரெஷ் ரேட், 3,216 X 1,440 பிக்சல்ஸ் மற்றும் சிறந்த பாதுகாப்பு வசதியுடன் இந்த ஒன்பிளஸ் 5ஜி ஸ்மார்ட்போன் அறிமுகமாகும்.
கேமரா
இணையத்தில் கசிந்த தகவலின்படி, 50 மெகாபிக்சல் மெயின் சென்சார் + 48 மெகாபிக்சல் அல்ட்ராவைடு சென்சார் + 32 மெகாபிக்சல் டெலிஃபோட்டோ சென்சார் என்கிற ட்ரிபிள் ரியர் கேமரா அமைப்புடன் வெளிவரும் இந்த ஒன்பிளஸ் 11 5ஜி ஸ்மார்ட்போன். மேலும் செல்ஃபிகளுக்கும், வீடியோகால் அழைப்புகளுக்கும் என்றே 32எம்பி கேமராவுடன் இந்த போன் அறிமுகமாகும்.
பேட்டரி
மேலும், 5000 எம்ஏஎச் பேட்டரி வசதியுடன் இந்த ஒன்பிளஸ் 11 5ஜி ஸ்மார்ட்போன் அறிமுகமாகும். குறிப்பாக 5ஜி சேவைக்கு தகுந்தபடி இந்த போன் சிறந்த பேட்டரி பேக்கப் கொடுக்கும். மேலும் 100 வாட்ஸ் பாஸ்ட் சார்ஜிங் வசதியுடன் இந்த புதிய ஒன்பிளஸ் போன் அறிமுகமாகும் என்று கூறப்படுகிறது.
இயங்குதளம்
ஏற்கனவே கூறியபடி இந்த ஒன்பிளஸ் 11 5ஜி போன் 16ஜிபி ரேம் உடன் 256ஜிபி/512ஜிபி ஸ்டோரேஜ் வசதியைக் கொண்டு வெளிவரும். அதேபோல் OxygenOS 13 சார்ந்த ஆண்ட்ராய்டு 13 இயங்குதள வசதியுடன் இந்த போன் அறிமுகமாகும். டிசம்பர் மாதம் ஆன்லைனில் வெளிவந்த தகவலின்படி இந்த புதிய ஒன்பிளஸ் 11 5ஜி போன் வரும் டிசம்பர் மாதம் முதல் வாரத்தில் அறிமுகமாகும் என்று கூறப்படுகிறது. இந்த போன் சற்று உயர்வான விலையில் அறிமுகமாகும் என்று எதிர்பார்க்கப்படுகிறது. ஆனால் அதற்கேற்ற தரமும், வசதிகளும் இந்த மொபைலில் வருவதால் ஒரு நல்ல 5ஜி போனை வாங்க நினைக்கும் பயனர்கள் இந்த போனை கட்டாயம் பொருத்து இருந்து வாங்கலாம்.
