ஒரு மாத ரீசார்ஜ்னு சொல்லி பண்ணுனா 28 நாள்லயே முடிஞ்சுருது.. இதனால 12 மாசம் இருக்கிற ஒரு வருஷத்துக்கு 13 ரீசார்ஜ் பண்ண வேண்டி இருக்குது. இப்படி புகார்கள் போனதுல.. இனி எல்லா டெலிகாம் நிறுவனங்களும் 30 நாள் வரக்கூடிய ரீசார்ஜ் திட்டங்களையும் கண்டிப்பா கொடுக்கணும்னு ட்ராய் தீர்ப்பு எழுதிட்டாங்க. அப்படி BSNLல 30 நாள் வேலிடிட்டியோட வர்ற திட்டங்களைப் பத்தி இப்போ பார்க்கலாம்.
STV_48
முதலில் சொன்னது போல இது 30 நாட்கள் வேலிடிட்டியுடன் வருகிறது. இரண்டாவது நம்பராகவோ.. அல்லது பெயருக்கு ஒரு போன் நம்பர் வேண்டும். மற்றபடி எப்போதாவது தான் போனை உபயோகிப்பேன்’ என்பவர்களுக்கு ஏற்ற ப்ளான் இது. இதன் ரீசார்ஜ் விலை 48 ரூபாய். இதை ரீசார்ஜ் செய்யும் போது நமது பேலன்சில் ரூ 10 அதிகமாகும். இந்த ரீச்சார்ஜின் படி அழைப்புக்கு ஒரு நிமிடத்திற்கு 20 பைசா வசூலிக்கப்படும்.
2G/3GVOICECOMBO_71
இந்த ரீசார்ஜின் விலை ரூ 71. இதை ரீசார்ஜ் செய்யும் போது நமது அக்கவுண்டில் ரூ 20 சேரும். அழைப்புக்கு ஒரு நிமிடத்திற்கு 30 பைசா வசூலிக்கப்படும்.
STV_147
இந்த ரீசார்ஜின் விலை ரூ 147. இதனைக் கொண்டு ரீசார்ஜ் செய்யும் போது நமக்கு அளவற்ற அழைப்புகளை மேற்கொள்ள முடியும். நாடு முழுவதும் ரோமிங் கட்டணம் எதுவுமின்றி பேச முடியும். இது தவிர 10 ஜிபி டேட்டாவும் கிடைக்கும். கூடவே BSNL Tunes வசதியும் கிடைக்கும்.
COMBO_228
இந்த ரீசார்ஜின் விலை ரூ 228. இதுவும் ஒரு மாதாந்திர ரீசார்ஜ் திட்டமாகும். இதிலும் லோக்கல், STD, ரோமிங் உட்பட அளவற்ற அழைப்புகளை மேற்கொள்ளும் வசதி வழங்கப்படுகிறது. அதுபோக தினமும் 2 ஜிபி டேட்டா வழங்கப்படுகிறது. ஒரு நாளில் 2 ஜிபி டேட்டாவை உபயோகப்படுத்திய பின்பு இணைய வேகம் 40kbps என்ற அளவுக்கு மாறிவிடும். இதுமட்டுமின்றி ஒருநாளுக்கு 100 SMS, கேமிங் வசதி போன்றவையும் வழங்கப்படுகிறது. கூடவே நமது இருப்புத் தொகையில் ரூ 10ம் சேர்க்கப்படும்.
COMBO_247
இந்த ரீசார்ஜை செய்வதன் மூலம் நமது அக்கவுண்ட் பேலன்சில் ரூ 10 சேரும். இதிலும் லோக்கல், STD, ரோமிங் உட்பட அளவற்ற அழைப்புகளை மேற்கொள்ளும் வசதி வழங்கப்படுகிறது. அதுபோக மொத்தத்தில் 50 ஜிபி டேட்டா வழங்கப்படுகிறது. இதனை உபயோகித்த பின் இணைய வேகம் 40kbps என்ற அளவுக்கு மாறிவிடும். இதுமட்டுமின்றி ஒருநாளுக்கு 100 SMS, BSNL Tunes மற்றும் EROS now entertainment service போன்ற வசதிகளும் வழங்கப்படுகிறது.
GamingSTV_269
லோக்கல், STD, ரோமிங் உட்பட அளவற்ற அழைப்புகளை மேற்கொள்ளும் வசதி இத்திட்டத்தில் வழங்கப்படுகிறது. மேலும் ஒருநாளுக்கு 2 ஜிபி டேட்டா கிடைக்கும். 2ஜிபியை தாண்டும் போது இணைய வேகம் 40kbps என்ற அளவுக்கு மாறிவிடும். இதுமட்டுமின்றி ஒருநாளுக்கு 100 SMS, BSNL Tunes மற்றும் EROS now entertainment service, கேமிங், பாட்காஸ்ட் உட்பட பல வசதிகளும் இத்திட்டத்தில் வழங்கப்படுகிறது.
STV_299
இத்திட்டத்தில் லோக்கல், STD, ரோமிங் உட்பட அளவற்ற அழைப்புகளை மேற்கொள்ளும் வசதி வழங்கப்படுகிறது. அதுபோக தினமும் 3 ஜிபி டேட்டா வழங்கப்படுகிறது. ஒரு நாளில் 2 ஜிபி டேட்டாவை உபயோகப்படுத்திய பின்பு இணைய வேகம் 40kbps என்ற அளவுக்கு மாறிவிடும். இதுமட்டுமின்றி ஒருநாளுக்கு 100 SMS, கேமிங் வசதி போன்றவையும் வழங்கப்படுகிறது.
இத்திட்டங்களில் உங்களுக்கு ஏற்ற ஒன்றை தேர்வு செய்து ரீசார்ஜ் செய்து கொண்டால் மாதம் முழுவதும் மொபைலை தங்கு தடை இன்றி பயன்படுத்த முடியும்.
