ரியல்மி நிறுவனம் அடுத்த ஆண்டு துவக்கத்தில் ரியல்மி ஜிடி நியோ5 எனும் ஸ்மார்ட்போனை இந்தியாவில் அறிமுகம் செய்யத் திட்டமிட்டுள்ளது. குறிப்பாக இந்த ரியல்மி ஜிடி நியோ5 ஸ்மார்ட்போன் 240 வாட்ஸ் பாஸ்ட் சார்ஜிங் வசதியுடன் வெளிவரும் என்பதால் அதிக எதிர்பார்ப்புகளை உருவாக்கியுள்ளது.
ரியல்மி நிறுவனம் தொடர்ந்து அசத்தலான ஸ்மார்ட்போன்களை அறிமுகம் செய்து வருகிறது. இந்நிறுவனம் அறிமுகம் செய்யும் ஒவ்வொரு போன்களும் தனித்துவமான அம்சங்களுடன் வெளிவரும். அதேசமயம் ரியல்மி நிறுவனம் பட்ஜெட் விலையில் போன்களை அறிமுகம் செய்ய அதிக ஆர்வம் காட்டுகிறது.
பேட்டரி
இணையதளத்தில் வெளியான தகவலின்படி, ரியல்மி ஜிடி நியோ5 ஸ்மார்ட்போன் ஆனது டூயல்-செல் 4600 எம்ஏஎச் பேட்டரி மற்றும் 240 வாட்ஸ் பாஸ்ட் சார்ஜிங் வசதியுடன் அறிமுகம் செய்யப்படும் என்று தெரிவிக்கப்பட்டுள்ளது. எனவே இந்த ஸ்மார்ட்போனை சில நிமிடங்களில் சார்ஜ் செய்துவிட முடியும். அதேபோல் நீண்ட நேர பேட்டரி பேக்கப் இதில் கிடைக்கும் என்றும் தெரிவிக்கப்பட்டுள்ளது. இன்னும் சுருக்கமாகச் சொன்னால் கண்மூடி திறக்கும் நேரத்தில் ரியல்மி ஜிடி நியோ5 ஸ்மார்ட்போன் சார்ஜ் ஆகிவிடும். இப்போது ஆன்லைனில் கசிந்த ரியல்மி ஜிடி நியோ5 ஸ்மார்ட்போனின் அம்சங்களை சற்று விரிவாகப் பார்ப்போம்.
டிஸ்பிளே
ரியல்மி ஜிடி நியோ5 ஸ்மார்ட்போன் ஆனது 6.5 அங்குல ஃபுல் எச்டி பிளஸ் AMOLED டிஸ்பிளே வசதியுடன் வெளிவரும். இந்த போன் 1080 பிக்சல்ஸ், 120 ஹெர்ட்ஸ் ரெஃப்ரெஷ் ரேட் மற்றும் சிறந்த பாதுகாப்பு வசதியுடன் இந்த ஸ்மார்ட்போன் அறிமுகமாகும் என்பதால் அதிக எதிர்பார்ப்புகளை உருவாக்கியுள்ளது. இந்த போனின் வடிவமைப்புக்கு அதிக கவனம் செலுத்தியுள்ளது அந்நிறுவனம்.
பிராசஸர்
ரியல்மி ஜிடி நியோ5 ஸ்மார்ட்போன் ஒரு 5ஜி போன் ஆகும். இது மீடியாடெக் Dimensity 9-series பிராசஸர் வசதியைக் கொண்டு இருக்கும். எனவே கேமிங் பயனர்கள் இந்த ஸ்மார்ட்போனை நம்பி வாங்கலாம். அதாவது ரியல்மி ஜிடி நியோ5 ஸ்மார்ட்போன் சிறந்த செயல்திறன் கொடுக்கும். அதேபோல் இந்த போன் ஆண்ட்ராய்டு 13 இயங்குதள ஆதரவுடன் வெளிவரும் என்பது குறிப்பிடத்தக்கது.
கேமரா
ரியல்மி ஜிடி நியோ5 ஸ்மார்ட்போன் பின்பக்கத்தில் 50எம்பி ட்ரிபிள் ரியர் கேமரா அமைப்பைக் கொண்டுள்ளது. கூடவே செல்ஃபிகளுக்கும்,வீடியோகால் அழைப்புகளுக்கும் என்றே 32எம்பி கேமரா இந்த ரியல்மி ஸ்மார்ட்போனில் வழங்கப்பட்டு இருக்கும் எனத் தெரிகிறது. குறிப்பாக எல்இடி பிளாஷ் மற்றும் பல கேமரா அம்சங்களைக் கொண்டுள்ளது இந்த அட்டகாசமான ஸ்மார்ட்போன்.
மைக்ரோ எஸ்டி கார்டு ஸ்லாட்
ரியல்மி ஜிடி நியோ5 ஸ்மார்ட்போனில் 8ஜிபி/12ஜிபி ரேம் மற்றும் 128ஜிபி/256ஜிபி ஸ்டோரேஜ் வசதி உள்ளதாக தெரிவிக்கப்பட்டுள்ளது. மேலும் கூடுதலாக மெமரி நீட்டிப்பு ஆதரவுடன் இந்த ஸ்மார்ட்போன் அறிமுகமாகும். அதாவது நீங்கள் மெமரி கார்டை பயன்படுத்த ஒரு மைக்ரோ எஸ்டி கார்டு ஸ்லாட் ஆதரவு உள்ளதாக தெரிவிக்கப்பட்டுள்ளது.
கனெக்டிவிட்டி
இந்தியாவில் அதிக எதிர்பார்ப்புகளை உருவாக்கியுள்ள இந்த ரியல்மி ஜிடி நியோ5 ஸ்மார்ட்போனில் 5ஜி, 4ஜி வோல்ட்இ, வைஃபை, ஜிபிஎஸ், 3.5எம்எம் ஆடியோ ஜாக் உள்ளிட்ட பல கனெக்டிவிட்டி ஆதரவுகளும் இருக்கும்.
