இந்தியாவில் லாவா நிறுவனம் அறிமுகம் செய்யும் போன்களுக்கு நல்ல வரவேற்பு உள்ளது. லாவா நிறுவனமும் குறிப்பிட்ட இடைவெளியில் தொடர்ந்து மொபைல்களை அறிமுகப்படுத்தி வருகிறது. அதிலும் லாவா நிறுவனம் பெரும்பாலும் பட்ஜெட் விலையிலான போன்களை, போதுமான வசதிக்ளோடு அறிமுகம் செய்து வருகிறது. இதனால் குறைந்த விலையில் ஆண்ட்ராய்டு மொபைலை வாங்க நினைப்பவர்கள் லாவாவின் மொபைலை எதிர்பார்த்து காத்து இருக்கின்றனர். லாவா மொபைல்களை ஆன்லைன் மற்றும் ஆஃப்லைனில் (கடைகள்) வாங்க முடியும் என்பதால் ஆன்லைனில் வாங்கத் தெரியாத மக்களாலும் கடைகளுக்குச் சென்று வாங்குகிறார்கள். இந்நிலையில் லாவா நிறுவனம் இந்தியாவில் LAVA X3 எனும் ஸ்மார்ட்போனை அறிமுகம் செய்யத் திட்டமிட்டுள்ளது.
விரைவில் அறிமுகம் ஆக இருக்கும் லாவா எக்ஸ்3 ஸ்மார்ட்போன் பற்றிய டீசர் தற்போது வெளியாகி இருக்கிறது. இதுதவிர இந்த ஸ்மார்ட்போனின் சில அம்சங்களும் ஆன்லைனில் கசிந்துள்ளது. அதைப் பற்றி இப்போது சற்று விரிவாகப் பார்க்கலாம்.
டிஸ்பிளே
லாவா எக்ஸ்3 ஸ்மார்ட்போன் 6.5 அங்குல HD plus ஐபிஎஸ் டிஸ்பிளே வசதியைக் கொண்டுள்ளது. கூடவே 1080 பிக்சல்ஸ், 120 ஹெர்ட்ஸ் ரெஃப்ரெஷ் ரேட், 450 நிட்ஸ் ப்ரைட்னஸ், 240 ஹெர்ட்ஸ் டச் சாம்ப்ளிங் ரேட்டையும் கொண்டு இருக்கிறது. கூடவே சிறந்த பாதுகாப்பு வசதியுடன் அறிமுகமாக இருக்கிறது இந்த லாவா ஸ்மார்ட்போன்.
4Gயா 5Gயா?
லாவா எக்ஸ்3 ஸ்மார்ட்போன் 4ஜி போனா? அல்லது 5ஜி போனா என்பது பற்றி தற்போது தெளிவாகத் தெரியவில்லை. ஆனாலும் இந்நிறுவனம் தற்போது 5ஜி போன்களை அறிமுகம் செய்ய அதிக ஆர்வம் காட்டுகிறது. எனவே இந்த போன் 5ஜி ஆதரவுடன் வெளிவர வாய்ப்பு உள்ளது. அதே போல் இந்த மொபைல் பெரும்பாலும் இரட்டை சிம் போனாக இருக்கும்.
கேமரா
லாவா எக்ஸ்3 ஸ்மார்ட்போனில் டூயல் ரியர் கேமரா ஆதரவு உள்ளதாகத் தெரிவிக்கப்பட்டுள்ளது. அதில் முதன்மை கேமரா 8 மெகா பிக்சலாக இருக்கும். எனவே இந்த ஸ்மார்ட்போனின் உதவியுடன் அட்டகாசமான புகைப்படங்களை எடுக்க முடியும். கூடவே செல்ஃபிகளுக்கும், வீடியோகால் அழைப்புகளுக்கும் என்றே முன்பக்கத்தில் 5எம்பி கேமராவுடன் இந்த ஸ்மார்ட்போன் அறிமுகமாகும். இது தவிர LELD ஃப்ளாஷ் ஒன்றும் வழங்கப்பட்டுள்ளது.
சிப்செட்
2ஜிகாஹெர்ட்ஸ் மீடியாடெக் ஹீலியோ சிப்செட் ஆதரவுடன் இந்த லாவா எக்ஸ்3 ஸ்மார்ட்போன் அறிமுகமாக இருக்கிறது. மேலும் இந்த மொபைல் ஆண்ட்ராய்டு 12 கோ எடிஷன் இயங்குதளத்தை அடிப்படையாகக் கொண்டு வெளிவர இருக்கிறது.
மெமரி
இந்த போன் 3ஜிபி ரேம் மெமரியையும், 32ஜிபி சேமிப்புத்திறனையும் கொண்டு இருக்கும் எனத் தெரிகிறது.
கனெக்டிவிட்டி
இணையத்தில் வெளிவந்த தகவலின்படி, 4000 எம்ஏஎச் பேட்டரி ஆதரவுடன் அறிமுகமாகும் இந்த லாவா எக்ஸ்3 போன். பின்பு பாட்டம்-ஃபைரிங் ஸ்பீக்கர்கள் மற்றும் 3.5 மிமீ ஆடியோ ஜாக் போன்ற பல கனெக்டிவிட்டி ஆதரவுடன் அறிமுகமாகும் இந்த லாவா எக்ஸ்3 மாடல்.
இந்த லாவா எக்ஸ்3 ஸ்மார்ட்போனின் அம்சங்களை வைத்துப் பார்க்கையில், ரூ.10,000-க்குள் அறிமுகமாகும் என எதிர்பார்க்கப்படுகிறது. இதனால் இந்த லாவா எக்ஸ் 3 போன் இந்தியாவில் அதிக எதிர்பார்ப்புகளை உருவாக்கியுள்ளது.
