இனி டேட்டா பரிமாற்றம் ரொம்ப ஈஸி – வாட்ஸப்பில் புது வசதி

வாட்ஸ்அப் நிறுவனம் ஒரு சிறந்த வசதியை ஆண்ட்ராய்டு பயனர்களுக்கு அறிமுகம் செய்ய இருக்கிறது.

Move to iOS வசதி

அதாவது வாட்ஸ்அப் நிறுவனம் கடந்த ஆண்டு ஐஓஎஸ் (ஐபோன்) தளத்திற்கு Move to iOS என்ற வசதியை அறிமுகம் செய்தது. இதில் நாம் அனைத்து வாட்ஸ்அப் டேட்டா விவரங்களையும் ஆண்ட்ராய்டு போனில் இருந்து ஐபோனிற்கு Google Drive Backup இல்லாமல் சுலபமாக மாற்றமுடியும். தற்போது இதேபோன்ற வசதியை ஆண்ட்ராய்டு போன்களிலும் அறிமுகம் செய்ய வாட்ஸ்அப் நிறுவனம் முடிவு செய்துள்ளது. இதன் மூலம் நமது டேட்டா இன்னும் கூடுதல் பாதுகாப்பாக வாட்ஸ்அப் உடன் இருக்கும். இதற்கென ஆன்ட்ராய்டு போன்களில் புதிய Chat Transfer Feature வசதி விரைவில் அறிமுகம் செய்யப்பட இருக்கிறது.

Backup

நாம் இப்போது வாட்ஸ்அப் டேட்டாவை ஒரு ஆண்ட்ராய்டு போனில் இருந்து மற்றொரு ஆண்ட்ராய்டு போனுக்கு மாற்ற வேண்டும் என்றால், முதலில் அனைத்து டேட்டாவையும் கூகுள் டிரைவ்-இல் Backup செய்துவிட்டு, பின்னர் புதிய போனில் Whatsapp திறந்து நமது Whatsapp Accountஉள்ளே சென்று மீண்டும் அவற்றை Restore செய்ய வேண்டிய நிலை இருக்கிறது.

ஆனால் இந்த புதிய வசதி வந்ததும் இவ்வளவு சிரமப்பட தேவை இருக்காது. அதாவது நேரடியாக வாட்ஸ்அப் Settings – Chat Transfer to Android கிளிக் செய்தால் போதும் நமது அனைத்து டேட்டா விவரங்களும் புதிய ஆண்ட்ராய்டு போனிற்கு சென்றுவிடும் என்பது குறிப்பிடத்தக்கது. இந்த வசதி ஆண்ட்ராய்டு பயனர்களுக்கு மிகவும் பயனுள்ள வகையில் இருக்கும். பழைய ஆண்ட்ராய்டு போனில் இருந்து அனைத்து டேட்டாவையும் புது ஆண்ட்ராய்டு போனுக்கு மாற்றுவதற்கு இந்த அம்சம் கண்டிப்பாக உதவும்.

இதுக்கு பதில் அது

அதேபோல் சமீபத்தில் வாட்ஸ்அப் நிறுவனம் ஒரு அட்டகாசமான அமசத்தை அறிமுகம் செய்தது. அதாவது சிலர் வாட்ஸ்அப் செயலியில் தெரியாமல் அனுப்பிய மெசேஜ் அல்லது புகைப்படங்களை நீக்குவதற்கு Delete for Everyone கொடுப்பதற்கு பதிலாக தவறுதலாக Delete for Me என்பதைக் கொடுத்துவிட்டு அவதிப்படுவார்கள். தற்போது இந்த பிரச்சனைக்கு ஒரு தீர்வு வந்துவிட்டது என்பது குறிப்பிடத்தக்கது. வாட்ஸ்அப் குரூப் அல்லது தனிப்பட்ட நபருக்குத் தவறுதலாக மெசேஜ் அல்லது புகைப்படங்களை அனுப்பும் பட்சத்தில் அதனை Delete for Everyone என்பதை கொடுத்து யாரும் பார்க்காதவாறு செய்துவிடலாம். ஆனால் சில நேரங்களில் Delete for everyone என்பதை கொடுப்பதற்குப் பதிலாக Delete for Me கொடுத்துவிட்டு அவதிப்பட்ட நிலைமை வந்திருக்கும்.

5 நொடியில் undo

இப்படி Delete for Me கொடுத்து அழிக்கப்பட்ட மெசேஜ் அனுப்பிய நபருக்கு மட்டும் தெரியாமல் இருக்கும். ஆனால் குரூப்பில் இருக்கும் மற்றவர்கள் அந்த மெசேஜை எளிமையாக பார்க்க முடியும். பின்பு அனுப்பியவர் அந்த மெசேஜை எதும் செய்ய முடியாத நிலை இருக்கும். இதனைக் கருத்தில் கொண்டு வாட்ஸ்அப் நிறுவனம் ஒரு புதிய அம்சத்தைக் கொண்டுவந்தது. அதாவது Delete for Me கொடுத்து அழிக்கப்பட்ட ஒரு மெசேஜை Undo கொடுத்து திரும்பப் பெற்றுக் கொள்ள முடியும். அதனை ரெக்கவர் செய்தபின்பு Delete for Everyone கொடுக்க விரும்பினால் கொடுத்துக் கொள்ளலாம். இந்த புதிய அம்சம் மிகவும் பயனுள்ள வகையில் இருக்கும் என்றுதான் கூறவேண்டும். அதேபோல் Delete for Me கொடுத்து அழிக்கப்பட்ட மெசேஜ் மீது Undo ஆப்ஷன் 5 நொடிகள் திரையில் தோன்றும். அந்த 5 நொடிகளில் Undo கொடுத்து விட்டால்போதும், Delete for Me கொடுத்து அழிக்கப்பட்ட மெசேஜ் திரும்பவும் தோன்றிவிடும்.