நேற்று (11-01-2023) பகல் 12 மணி அளவில் Flipkart இணையதளத்தில் போக்கோ சி50 (POCO C50) ஸ்மார்ட்போன் தள்ளுபடி விலையில் விற்பனைக்கு வந்துள்ளது. இந்த போன் Redmi-யின் A1+ ஸ்மார்ட்போனின் ரீ-ப்ராண்டட் (Rebrand) செய்யப்பட்ட மொபைல் ஆகும்.
டிஸ்பிளே
6.52 அங்குல ஐபிஎஸ் எல்சிடி டிஸ்ப்ளே (IPS LCD Display), 269 பிபிஐ பிக்ஸல் டென்சிட்டி (269ppi Pixel density), 60 Hz ரெஃப்ரெஷ் ரேட் (Refresh Rate), 400 நீட்ஸ் ஒளிர்வு திறன் (400 nits Brightness) ஆகிய அம்சங்கள் கொண்ட HD+ திரையுடன் இந்த போக்கோ சி50 ஸ்மார்ட் போன் உருவாக்கப்பட்டுள்ளது. முன்பக்கம் உள்ள செல்ஃபி கேமரா வாட்டர் டிராப் நாட்ச் (Waterdrop notch) கொண்டு பொருத்தப்பட்டுள்ளது. இந்தத் திரை 1500:1 கான்ட்ராஸ்ட் ரேஷியோவுடன் (Contrast Ratio) வருகிறது.
சிப்செட்
ஆண்ட்ராய்டு 12 GO இயங்குதளத்தில் உருவாக்கப்பட்டுள்ள இந்த போக்கோ சி50 ஸ்மார்ட்போன் குவாட்கோர் மீடியா டெக் ஹீலியோ A22 பிராசசர் (Quadcore MediaTek Helio A22 Processor) கொண்டு செயல்படுகிறது. மேலும், இதில் ஐஎம்ஜி பவர் விஆர் கிராபிக்ஸ் யூனிட்டும் (IMG PowerVR Graphics Unit ) உள்ளது.
மெமரி
இது 3 GB LPDDR4X RAM மற்றும் 32 GB இஎம்எம்சி (eMMC) சேமிப்பு வசதி கொண்ட இந்த ஸ்மார்ட் போனின் சேமிப்பு திறனை மைக்ரோ எஸ்டி கார்டு (micro SD card) பயன்படுத்தி மேலும் விரிவுபடுத்திக் கொள்ளலாம். இதுதவிர மைக்ரோ எஸ்டி கார்டை பொருத்துவதற்கான பிரத்தியேக ஸ்லாட்டும் கொடுக்கப்பட்டுள்ளது.
கேமரா
இது 8 MP பிரைமரி கேமரா மற்றும் டெப்த் சென்சார் (Depth sensor) கொண்டு வரும் இந்த போக்கோ சி50 ஸ்மார்ட் போனில் செல்ஃபி எடுப்பதற்கும், வீடியோ கால் பேசுவதற்கும் ஏதுவாக 5 MP முன்பக்க கேமராவும் கொடுக்கப்பட்டுள்ளது.
பேட்டரி
இது 10W அதிவேக சார்ஜிங் திறன் கொண்ட 5000mAh பேட்டரி மூலம் இந்த ஸ்மார்ட் போன் இயங்குகிறது. சார்ஜிங் செய்வதற்கும், தகவல் பரிமாற்றத்திற்கும் வசதியாக மைக்ரோ யுஎஸ்பி போர்ட்டும் (micro USB port) இந்த போக்கோ சி50 ஸ்மார்ட்போனில் கொடுக்கப்பட்டுள்ளது.
கனெக்டிவிட்டி
3.5 mm ஆடியோ ஜாக் (Audio Jack) மற்றும் சிங்கிள் ஸ்பீக்கர் (Single speaker) கொண்ட இந்த ஸ்மார்ட் போனின் பின்பக்கம் கைரேகை ஸ்கேனரும் உள்ளது. ராயல் ப்ளூ (Royal Blue) மற்றும் கண்ட்ரி கிரீன் (Country Green) என்று இரு நிறங்களில் அறிமுகமாகியுள்ள இந்த போக்கோ சி50 ஸ்மார்ட்போனின் எடை 192 கிராம் ஆகும். மிகவும் லைட் வெயிட்டாக (Light weight) அறிமுகம் செய்யப்பட்டுள்ள எந்த ஸ்மார்ட் போனில் டூயல் சிம் (Dual Sim), 4ஜி, 2.4 GHz Wi-Fi, ஜிபிஎஸ் (GPS), கிளோனஸ் (Glonass) மற்றும் பேய்டுவோ (BeiDuo) ஆகிய அம்சங்களும் இடம்பெற்றுள்ளது.
விலை
இந்த இரண்டு வேரியண்டுகளில் 2 GB RAM கொண்ட ஸ்மார்ட்போன் ரூ. 6499-க்கும் 3 GB RAM கொண்ட ஸ்மார்ட்போன் ரூ. 7299-க்கும் இந்தியாவில் அறிமுகம் செய்யப்பட்டுள்ளது. பிரத்தியேகமாக Flipkart இணையதளத்தில் விற்பனையாகி வரும் இந்த ஸ்மார்ட் போன் அறிமுக விலையாக 2 GB RAM கொண்ட வேரியன்ட் ரூ. 6249-க்கும், 3 GB RAM கொண்ட வேரியண்ட் ரூ. 6999-க்கும், விற்பனையாகி வருகிறது.
Realme C30, டெக்னோ பாப் 6 ப்ரோ (Tecno Pop 6 Pro), ரெட்மி 6 (Redmi 6) ஆகிய ஸ்மார்ட் ஃபோன்களுக்கு போட்டியாக அறிமுகமாகியுள்ள இந்த போக்கோ சி50 ஸ்மார்ட்போன் மலிவான விலையில் சிறந்த அம்சங்களுடன் கிடைக்கும் ஒரு ஸ்மார்ட்போன் ஆகும். இந்த சலுகை சில நாட்களுக்கு மட்டுமே வழங்கப்படும்
