POCO இன் மிகவும் எதிர்பார்க்கப்பட்ட மிட்ரேஞ்ச் ஸ்மார்ட்போனான POCO F5 5G பற்றிய பேச்சு இணையத்தில் சுற்றி வருகிறது. இது அதன் வெளியீடு வெகு விரைவில் இருக்கும் என்று எதிர்பார்க்கப்படுகிற்து. இந்நிலையில் நமது ‘91மொபைல்ஸ்’க்கு வரவிருக்கும் இந்த மொபைலின் தற்காலிக வெளியீட்டுத் தேதியைப் பற்றிய தகவல்கள் நம்பத்தகுந்த வட்டாரத்தின் மூலம் கிடைத்துள்ளன. அதன்படி POCO F5 5G இன் இந்திய பதிப்பு 23013PC75I மாடல் எண்ணைக் கொண்டிருக்கும் என்று எதிர்பார்க்கப்படுகிறது, மேலும் இது ஒரு புதிய ஸ்னாப்டிராகன் 7XX தொடர் சிப்செட், 12GB வரை ரேம், 120Hz புதுப்பிப்பு வீதத்துடன் கூடிய AMOLED டிஸ்ப்ளே மற்றும் பல அம்சங்களைக் கொண்டிருக்கும் என வதந்தி பரவுகிறது.
POCO F5 5G இந்தியாவில் எப்போது வெளியாகும்?
எங்கள் ஆதாரங்களின்படி, POCO F5 5G வெளியீட்டு தேதி ஏப்ரல் 6 ஆக இருக்கலாம். இந்த தேதியை நிறுவனம் இன்னும் உறுதிப்படுத்தவில்லை. இருப்பினும் ஏப்ரல் முதல் வாரத்தில் இந்த மொபைலை POCO வெளியிட இருப்பதாய்த் தெரிகிறது.
என்ன விலை
இந்தியாவில் வெளியாகவிருக்கும் POCO F5 5G மிட்-ரேஞ்ச் ஸ்மார்ட்போனின் விலை குறித்த எந்த அறிகுறியும் இல்லை. இருப்பினும், வன்பொருள் அம்சங்கள் மற்றும் பரந்த போட்டியைக் கருத்தில் கொண்டு, POCO அதன் போட்டியாளர்களுக்கு இணையாக விலை நிர்ணயம் செய்யும். இதன் முன்னோடியான POCO F4 5G, இந்தியாவில் ரூ.27,999க்கு அறிமுகமானது குறிப்பிடத்தக்கது.
POCO F5 5G – எதிர்பார்க்கப்படும் அம்சங்கள்
POCO F5 5G ஆனது ரெட்மி நோட் 12 டர்போவின் மறுபெயரிடப்பட்ட பதிப்பாக (Rebranded version) இருக்கும் என்று கூறப்படுகிறது. இது விரைவில் சீனாவில் அறிமுகப்படுத்தப்படும் என்று எதிர்பார்க்கப்படுகிறது. POCO F5 5G ஆனது 120Hz புதுப்பிப்பு வீதம் , 1,400 nits வரை பிரகாசம், HDR10+ ஆதரவு மற்றும் 1,920Hz PWM (Pulse-width modulation) டிம்மிங், 6.67 அங்குல் QHD+ AMOLED பேனலைக் கொண்டிருக்கும் என்று எதிர்பார்க்கப்படுகிறது.
Redmi Note 12 Turbo புத்தம் புதிய Snapdragon 7+ Gen 2 சிப்செட் மூலம் இயக்கப்படுவது உறுதி செய்யப்பட்டுள்ளது. இதனால், POCO F5 மொபைலும் அதே சிப்செட்டைப் பெறலாம். POCO F5 மொபைலில் 12GB ரேம் மற்றும் 256GB சேமிப்பகத்தையும் எதிர்பார்க்கலாம். இந்த மொபைல் சமீபத்திய ஆண்ட்ராய்டு 13 மொபைல் OS உடன் இயங்கும் என்று எதிர்பார்க்கலாம்.
கேமரா
பின்புறத்தில் டிரிபிள் கேமரா அமைப்பு இருக்கக்கூடும், மேலும் 50எம்பி பிரைமரி ஷூட்டர் மற்றும் 8எம்பி மற்றும் 2எம்பி செகண்டரி ஷூட்டர் இருக்கும் என எதிர்பார்க்கப்படுகிறது. இந்த கேமரா அமைப்புடன் எல்இடி ப்ளாஷ் இருக்கும். முன்னதாக, POCO F5 5G செல்ஃபிகள் மற்றும் வீடியோ அழைப்புகளுக்கு 16MP ஷூட்டரைப் பெறும் என்று எதிர்பார்க்கப்படுகிறது. POCO F5 5G ஆனது 67W ஃபாஸ்ட் சார்ஜிங் மற்றும் 30W வயர்லெஸ் ஃபாஸ்ட் சார்ஜிங்கிற்கான ஆதரவுடன் கூடிய 5,500mAh பேட்டரியைக் கொண்டு இருக்கும் என எதிர்பார்க்கப்படுகிறது.
