Samsung Galaxy S23 FE அறிமுகம் குறித்து சில காலமாக வதந்திகள் உள்ளன. ஆனால் கடந்த ஆண்டு Samsung Galaxy S22 FE மொபைல் வெளியிடப்படாததால், இந்த மொபைல் வருமா என்று பலர் கேள்வி எழுப்புகின்றனர். டாப்-எண்ட் கேலக்ஸி ஏ-சீரிஸ் மாடல்களுடன், ஃபிளாக்ஷிப் எஸ் சீரிஸின் போனை ஓவர்லாப் செய்ய இருப்பதால், வருவதாக இருந்த புதிய ஃபேன் எடிஷன் வேரியண்டை அறிமுகப்படுத்தும் திட்டத்தை சாம்சங் ரத்து செய்ததாக அறிக்கைகள் தெரிவிக்கின்றன.
இப்போது, ஒரு புதிய அறிக்கை வரவிருக்கும் Samsung Galaxy S23 FE 5G மொபைலின் வெளியீட்டு காலவரிசை மற்றும் விவரக்குறிப்புகளை வெளிப்படுத்தியுள்ளது. Samsung Galaxy S23 FE விவரக்குறிப்புகள் மற்றும் இதுவரை அறியப்பட்ட பிற விவரங்களை இப்போது பார்க்கலாம்.
Samsung Galaxy S23 FE (கசிந்த) விவரக்குறிப்புகள்
SamMobile இன் சமீபத்திய அறிக்கை, வரவிருக்கும் Samsung Galaxy S23 FE 5G இன் வெளியீட்டு காலவரிசை மற்றும் விவரக்குறிப்புகள் பற்றிய விவரங்களை வெளிப்படுத்தியுள்ளது. சாம்சங் நீண்ட காலமாக கிசுகிசுக்கப்பட்ட Galaxy S23 FE 5G மொபைலை இந்த வருடத்தின் 4ஆம் காலாண்டுக்குள் உலகளவில் அறிவிக்க திட்டமிட்டுள்ளது. ஆனால் தேதி எதுவும் குறிப்பிடப்படவில்லை. இது அக்டோபர் – டிசம்பர் 2023 க்கு இடையில் வெளியிடப்படலாம்.
சிப்செட்
வரவிருக்கும் ஃபேன் எடிஷன் தயாரிப்புக்கான சிப்செட் தேர்வு குறித்தும் அறிக்கை விவாதிக்கிறது . முந்தைய வதந்திகளுக்கு மாறாக, Samsung Exynos 2200 SoC உடன் மொபைலை அறிமுகப்படுத்தலாம். இருப்பினும், Exynos 2200 சிப்செட்டில் கடந்த காலங்களில் சிக்கல்கள் இருந்ததால், இந்த சிப்செட் தேர்வு சிலருக்கு ஏமாற்றத்தை அளிக்கிறது. சாம்சங் அதன் செயல்திறனை மேம்படுத்த அதன் 4nm உற்பத்தி செயல்முறை மூலம் சிப்பை உருவாக்கலாம்.
கேமரா
அறிக்கையின்படி, சாம்சங் S23 FEக்கான கேமராவையும் மேம்படுத்தலாம். இந்த போன் 50MP பிரதான கேமரா சென்சாருடன் வெளியிடப்படும் என்று கூறப்படுகிறது. இது வெண்ணிலா S22 மற்றும் S23 மாடல்களில் காணப்படும் அதே சென்சாராக இருக்கலாம். இருப்பினும், இது நடக்குமா என்பது தெளிவாகத் தெரியவில்லை. மொபைலில் 12MP அல்ட்ரா-வைட் கேமரா மற்றும் 2x ஆப்டிகல் ஜூம் கொண்ட 12MP டெலிஃபோட்டோ கேமராவும் இருக்கலாம்.
மெமரி
8ஜிபி நிலையான ரேம், 128ஜிபி மற்றும் 256ஜிபி ஆகிய இரண்டு சேமிப்பக விருப்பங்கள் உட்பட மற்ற அம்சங்களைப் பற்றிய வதந்திகளும் உள்ளன. இந்த மொபைலில் 25W ஃபாஸ்ட் சார்ஜிங் ஆதரவுடன் கூடிய 4,500mAh பேட்டரி இருக்கலாம்.
ஒட்டுமொத்தமாக, Samsung Galaxy S23 FE 5G இன் வெளியீடு மிகவும் எதிர்பார்க்கப்படுகிறது. இந்நிலையில் வெளியான அதன் விவரக்குறிப்புகள் மற்றும் வெளியீட்டு தேதி பற்றிய வதந்திகள் ரசிகர்களுக்கு மேலும் எதிர்பார்ப்பைத் தூண்டி இருக்கிறது.
