Xiaomi நிறுவனம் தனது Note 12 சீரிஸின் கீழ், Redmi Note 12S என்ற ஒரு ஸ்மார்ட்போனை அறிமுகப்படுத்தியுள்ளது. சமீபத்திய நோட் 12 சீரிஸ் ஸ்மார்ட்போன் போலந்து நாட்டில் உலகளவில் அறிமுகமாகிறது. Redmi Note 12S ஆனது Note 12 சீரிஸின் கீழ் வரும் நிறுவனத்தின் இரண்டாவது LTE-only மொபைலாகும். இந்த ஸ்மார்ட்போன் MediaTek Helio G96 சிப்செட் மூலம் இயக்கப்படுகிறது.
Redmi Note 12S ஆனது ரீ-ப்ராண்டிங் செய்யப்பட்ட Note 11S ஆகும். ஆனால் இதன் வடிவமைப்பு மட்டும் சற்று மாற்றியமைக்கப்பட்டுள்ளது. இந்த மொபைல் 90Hz ரிஃப்ரெஷ் ரேட் கொண்ட AMOLED டிஸ்ப்ளே, 108MP கேமரா மற்றும் 5000mAh பேட்டரி ஆகியவற்றை வழங்குகிறது. மொபைலின் மற்ற சிறப்பம்சங்களாக, பக்கவாட்டில் பொருத்தப்பட்ட கைரேகை ஸ்கேனர், ஒரு பிரத்யேக மைக்ரோ-SD கார்டு ஸ்லாட் மற்றும் 33W ஃபாஸ்ட் சார்ஜிங் ஆதரவு ஆகியவை உள்ளன. Redmi Note 12S இன் விலை, விவரக்குறிப்புகள் மற்றும் அம்சங்களை இப்போது பார்க்கலாம்.
Redmi Note 12S: விலை மற்றும் கிடைக்கும் தன்மை
Redmi Note 12S ஆனது 8GB + 256GB வேரியண்டாக வருகிறது, இதன் விலை போலிஷ் Zloty 1499.00 (தோராயமாக ரூ. 29,500) ஆகும். இந்த ஸ்மார்ட்போன் போலந்தில் வாங்குவதற்கு கிடைக்கிறது. இந்தியா உட்பட பிற பகுதிகளில் Redmi Note 12S இன் கிடைக்கும் தன்மையை Xiaomi இன்னும் வெளியிடவில்லை.
Redmi Note 12S: விவரக்குறிப்புகள் மற்றும் அம்சங்கள்
டிஸ்ப்ளே
Note 12S ஆனது முழு HD+ (2400 × 1080 பிக்சல்) அளவு, 409ppi பிக்சல் அடர்த்தி மற்றும் 1000 nits உச்ச பிரகாசத்துடன் 90Hz AMOLED டிஸ்ப்ளேவைக் கொண்டுள்ளது. இதன் டிஸ்ப்ளே பேனல் 6.43 அங்குலங்கள் மற்றும் 45,00,000: 1 கான்ட்ராஸ்ட் ரேஷியோவையும் கொண்டுள்ளது.
சிப்செட் & மெமரி
சமீபத்திய இந்த நோட் சீரிஸ் ஸ்மார்ட்போனில் MediaTek Helio G96 சிப்செட் வழங்கப்பட்டுள்ளது. ஆக்டா-கோர் சிப்செட்டான Helio G96 ஆனது மாலி G57 GPU உடன் இணைக்கப்பட்டுள்ளது. இந்த ஸ்மார்ட்போன் 8ஜிபி LPDDR4X ரேம் மற்றும் 256ஜிபி UFS 2.2 சேமிப்பகத்தைக் கொண்டுள்ளது. இது ஆண்ட்ராய்டு 13 அடிப்படையிலான MIUI 14 இயங்குதளத்துடன் வெளியாகிறது.
கேமரா
Note 12S ஆனது ட்ரிபிள் ரியர் கேமராவுடன் வருகிறது. இது f/1.9 அபசருடன் கூடிய 108MP ப்ரைமரி ஷூட்டரை உள்ளடக்கியது. உயர் தெளிவுத்திறன் கொண்ட சென்சாருடன் 8MP அல்ட்ரா-வைட்-ஆங்கிள் லென்ஸ் மற்றும் 2MP மேக்ரோ கேமரா உள்ளது. இந்த கைபேசியில் செல்ஃபிகள் மற்றும் வீடியோ அழைப்புகளுக்காக முன்பக்கத்தில் 16MP கேமரா உள்ளது.
பேட்டரி
சமீபத்திய நோட் சீரிஸ் ஸ்மார்ட்போனில் 5000mAh பேட்டரி யூனிட் மற்றும் 33W ஃபாஸ்ட் சார்ஜிங் ஆதரவு உள்ளது. இது சார்ஜ் செய்வதற்கும் தரவு பரிமாற்றத்திற்கும் USB Type-C போர்ட்டைப் பயன்படுத்துகிறது. ஸ்மார்ட்போனில் பக்கவாட்டில் பொருத்தப்பட்ட கைரேகை ஸ்கேனர் உள்ளது மற்றும் மென்பொருள் அடிப்படையிலான ஃபேஸ் அன்லாக்கை ஆதரிக்கிறது. இது ஒரு ஸ்டீரியோ ஸ்பீக்கர் அமைப்பைக் கொண்டுள்ளது மற்றும் பிரத்யேக மைக்ரோ SD கார்டு ஸ்லாட்டை வழங்குகிறது.
கனெக்டிவிட்டி
Redmi Note 12S ஆனது Ice Blue, Pearl Green மற்றும் Onyx Black வண்ண விருப்பங்களில் வருகிறது. இதன் எடை 176 கிராம் மற்றும் 159.87 × 73.87 × 8.09 மிமீ. இந்த மொபைலில் டூயல் சிம், 4ஜி, வைஃபை, புளூடூத், என்எப்சி, ஜிபிஎஸ், க்ளோனாஸ் மற்றும் பெய்டோ ஆகியவை கைபேசியின் கனெக்டிவிட்டி வசதிகளும் உள்ளன.
