iQOO நிறுவனம் தனது 10 ப்ரோ (iQOO 10 Pro) மாடலில் 200W fast charging வசதி வழங்கப்படும் என்று கூறியிருக்கிறது. அதுமட்டுமின்றி அதன் 10 மாடலில் 120 W fast charging வசதி மட்டுமே வழங்கப்படும் என்று கூறி இருக்கிறது.
iQOO நிறுவனம் அதன் 10 சீரிஸ் ஸ்மார்ட்போன்களை விரைவில் அறிமுகம் செய்ய இருக்கிறது. வெண்ணிலா iQOO 10 மற்றும் iQOO 10 pro ஆகிய மாடல்கள் iQOO 10 சீரிஸில் இடம்பெற்று உள்ளன. இந்த ஸ்மார்ட்போன்கள் வருகிற ஜூலை 19-ந் தேதி சீனாவில் அறிமுகம் ஆக இருக்கிறது. வெளியீட்டுக்கு சில நாட்களே உள்ள நிலையில் 10 சீரிஸ் மாடல்களில் 200 வாட் பாஸ்ட் சார்ஜிங் வசதி வழங்கப்படும் என iQOO நிறுவனம் அதிகாரப்பூர்வமாக அறிவித்து உள்ளது.
இதன்மூலம் உலகின் அதிவேக சார்ஜிங் திறன் கொண்ட ஸ்மார்ட்போனாக இது இருக்கும் என கூறப்படுகிறது. iQOO 10 ப்ரோ மாடலில் மட்டுமே 200 வாட் பாஸ்ட் சார்ஜிங் வசதி வழங்கப்படும் என்றும், அதன் iQOO 10 மாடலில் 120 வாட் பாஸ்ட் சார்ஜிங் வசதி மட்டுமே வழங்கப்பட இருப்பதாகவும் தெரிவிக்கப்பட்டு உள்ளது.
தற்போதைய தகவலின்படி 200W fast charging வசதியுடன் வரும் iQOO 10 Pro ஸ்மார்ட்போன் 0 முதல் 63 சதவீதம் வரை ஐந்து நிமிடங்களில் சார்ஜ் ஆகிவிடும் என தெரியவந்துள்ளது. ஆனால் இந்த ஸ்மார்ட்போனை முழுமையாக சார்ஜ் செய்ய எவ்வளவு நேரம் ஆகும் என்பது விரைவில் தெரியவரும்.
