குறைந்த விலை ப்ரீபெய்ட் திட்டங்களில் மறுபடியும் டிஸ்னி+ ஹாட்ஸ்டார் சந்தாவைப் பெறும் கூடுதல் சலுகையை வழங்கியுள்ளது ஏர்டெல். ஜியோ நிறுவனத்திற்குப் போட்டியாக பல்வேறு அசத்தலான திட்டங்களையும், அருமையான சலுகைகளையும் ஏர்டெல் நிறுவனம் வழங்கி வருகிறது. அப்படி வந்த இரண்டு திட்டங்களைப் பற்றி விரிவாகப் பார்ப்போம்.
அதாவது ஏர்டெல் நிறுவனம் கடந்த மாதம் ரூ.3359 மற்றும் ரூ.499 ப்ரீபெய்ட திட்டங்களில் மட்டுமே டிஸ்னி+ ஹாட்ஸ்டார் சந்தாவைப் பெற முடியும் என்று கூறி இருந்தது. இந்நிலையில் ரூ.399 மற்றும் ரூ.899 எனும் குறைந்த விலை ப்ரீபெய்ட் திட்டங்களில் இந்த டிஸ்னி+ஹாட்ஸ்டார் சந்தாவை வழங்கியுள்ளது.
இந்த இரண்டு திட்டங்களைத் தேர்வு செய்யும் பயனர்களுக்கு பல்வேறு நன்மைகள் உள்ளது. இப்போது ஏர்டெல் ரூ.399 மற்றும் ரூ.899 ப்ரீபெய்ட் திட்டங்களின் நன்மைகளைப் பார்ப்போம்.
ரூ.399 ப்ரீபெய்ட் திட்டம்
ஏர்டெல் நிறுவனத்தின் ரூ.399 ப்ரீபெய்ட் திட்டம் ஆனது 3 மாதங்களுக்கு டிஸ்னி 10 ஹாட்ஸ்டார் சந்தாவை வழங்குகிறது. மேலும் இந்த திட்டத்தில் தினசரி 2.5ஜிபி டேட்டா நன்மை கிடைக்கிறது. கூடவே வரம்பற்ற அழைப்பு நன்மைகள், தினசரி 100 எஸ்எம்எஸ் உள்ளிட்ட நன்மைகளும் கிடைக்கிறது. இதுதவிர Wynk மியூசிக், இலவச Hellotunes, FASTag-ல் ரூ.100 கேஷ்பேக் மற்றும் Apollo 24|7 Circle போன்ற கூடுதல் நன்மைகளும் கிடைக்கிறது. குறிப்பாக ஏர்டெல் ரூ.399 ப்ரீபெய்ட் திட்டத்தின் வேலிடிட்டி 28 நாட்கள் ஆகும்.
ரூ.839 ப்ரீபெய்ட் திட்டம்
ஏர்டெல் நிறுவனத்தின் ரூ.839 ப்ரீபெய்ட் திட்டம் ஆனது 3 மாதங்களுக்கு டிஸ்னி + ஹாட்ஸ்டார் சந்தாவை வழங்குகிறது. மேலும் இந்த திட்டத்தில் தினசரி 2ஜிபி டேட்டா நன்மை கிடைக்கிறது. கூடவே வரம்பற்ற அழைப்பு நன்மைகள், தினசரி 100 எஸ்எம்எஸ் உள்ளிட்ட நன்மைகளும் கிடைக்கிறது. இதுதவிர Wynk மியூசிக், இலவச Hellotunes, ரிவார்ட்ஸ் மினி சந்தா மற்றும் Apollo 24|7 Circle போன்ற கூடுதல் நன்மைகளும் கிடைக்கிறது. ஏர்டெல் ரூ.839 ப்ரீபெய்ட் திட்டத்தின் வேலிடிட்டி 84 நாட்கள் ஆகும்.
எனவே ஏர்டெல் பயனர்கள் இப்போது நான்கு ப்ரபெய்ட் திட்டங்களில் டிஸ்னி+ ஹாட்ஸ்டார் சந்தாவைப் பெறலாம். அதாவது ரூ.3359, ரூ.839, ரூ.499 மற்றும் ரூ.399 ப்ரீபெய்ட் திட்டங்களில் டிஸ்னி+ஹாட்ஸ்டார் சந்தா கிடைக்கிறது. குறிப்பாக ஜியோ நிறுவனத்திடம் இதுபோன்ற சலுகைகளை வழங்கும் எதுவும் இல்லை. ஏர்டெல் நிறுவனம் மலிவான விலையில் வழங்கும் சில ப்ரீபெய்ட் திட்டங்களை இப்போது பார்ப்போம்.
ரூ.209 ப்ரீபெய்ட் திட்டம்
ஏர்டெல் ரூ.209 ப்ரீபெய்ட் திட்டம் ஆனது தினசரி 1ஜிபி டேட்டா நன்மையை வழங்குகிறது. மேலும் வரம்பற்ற அழைப்பு நன்மைகள், தினசரி 100 எஸ்எம்எஸ், Hellotunes, Wynk Music உள்ளிட்ட நன்மைகள் இந்த திட்டத்தில் கிடைக்கும். அதேபோல் இந்த திட்டத்தின் வேலிடிட்டி 21 நாட்கள் ஆகும்.
ரூ.239 ப்ரீபெய்ட் திட்டம்
ஏர்டெல் ரூ.239 ப்ரீபெய்ட் திட்டம் ஆனது தினசரி 1ஜிபி டேட்டா நன்மையை வழங்குகிறது. மேலும் வரம்பற்ற அழைப்பு நன்மைகள், தினசரி 100 எஸ்எம்எஸ், Hellotunes, Wynk Music உள்ளிட்ட நன்மைகள் இந்த திட்டத்தில் கிடைக்கும். அதேபோல் இந்த திட்டத்தின் வேலிடிட்டி 24 நாட்கள் ஆகும்.
ரூ.265 ப்ரீபெய்ட் திட்டம்
ஏர்டெல் ரூ.265 ப்ரீபெய்ட் திட்டம் ஆனது தினசரி 1ஜிபி டேட்டா நன்மையை வழங்குகிறது. மேலும் வரம்பற்ற அழைப்பு நன்மைகள், தினசரி 100 எஸ்எம்எஸ், Hellotunes, Wynk Music உள்ளிட்ட நன்மைகளை வழங்குகிறது இந்த திட்டம். இந்த திட்டத்தின் வேலிடிட்டி 28 நாட்கள் ஆகும்.