iPhone 14 Pro Max மாடலில், ஐபோன் 13 Pro Max மாடலில் உள்ளதை விட பெரிய சென்சார் வழங்கப்பட வாய்ப்புள்ளதாகத் தெரிகிறது. ஆப்பிள் நிறுவனம் தனது புதிய ஐபோன் 14 சீரிஸ் மாடல்களை அறிமுகப்படுத்த தயாராகி வருகிறது. ஐபோன் 14 சீரிஸில் மொத்தம் 4 மாடல்கள் இடம்பெறும் என எதிர்பார்க்கப்படுகிறது.
குறிப்பாக அதில் உள்ள ஐபோன் 14 ப்ரோ மேக்ஸ் மாடலில், ஐபோன் 13 ப்ரோ மேக்ஸ் மாடலில் உள்ளதை விட பெரிய சென்சார் வழங்கப்பட வாய்ப்புள்ளதாக கூறப்படுகிறது. புதிய ஐபோன் 14 சீரிஸ் மாடல்களின் புகைப்படங்கள் இணையத்தில் கசிந்துள்ளது. அதன்படி இதன் இரு மாடல்கள் 6.1 அங்குல திரையுடனும், இதர இரு மாடல்கள் 6.7 அங்குல பேனல்களுடனும் உள்ளன.
இதன் ப்ரோ மாடல்களில் மட்டும் பெரிய கேமரா பம்ப் இடம்பெற்று இருக்கும் எனத் தெரிகிறது. மேம்பட்ட 48 மெகாபிக்சல் கேமரா வழங்கப்படுவதால் இதில் கேமரா பம்ப் பெரிதாக இருக்கலாம்.
இந்நிலையில், iPhone 14 Seriesகளின் வெளியீட்டு தேதி தற்போது கசிந்து இருக்கிறது. அதன்படி வருகிற செப்டம்பர் மாதம் 13ந் தேதி ஐபோன் 14 சீரிஸ் அறிமுகம் செய்யப்படலாம் என கூறப்படுகிறது. இந்த நிகழ்வில் ஐபோன் 14 சீரிஸ் மட்டுமின்றி ஆப்பிள் வாட்ச் சீரிஸ் 8 மற்றும் ஆப்பிள் வாட்ச் ப்ரோ வெர்ஷன் (Apple watch pro) ஆகியவையும் அறிமுகம் செய்யப்படும் எனத் தெரிகிறது.
