Asus நிறுவனம் அதன் புதிய ஃபிளாக்ஷிப் போனை வருகிற ஜுலை 28-ந் தேதி இந்தியா உள்பட பல்வேறு நாடுகளில் அறிமுகம் செய்ய இருக்கிறது. அதன்படி ஏற்கனவே அசுஸ் சென்போன் 9 என பெயரிடப்பட்டுள்ள ஸ்மார்ட்போன் இந்தியாவில் அசுஸ் 9z என்ற பெயரில் அறிமுகமாகும் என தெரிவிக்கப்பட்டு உள்ளது.
அம்சங்களை பொருத்தவரை இந்த ஸ்மார்ட்போன் 120 ஹெர்ட்ஸ் புதுப்பிப்பு வீதத்துடன் (refresh rate) கூடிய 5.9 அங்குல Full HD திரையைக் கொண்டுள்ளது. இதில் சைடு மவுண்டட் கைரேகை சென்சாரும் இடம்பெற்று உள்ளது. அதுமட்டுமின்றி இந்த ஸ்மார்ட்போன் டூயல் கேமரா செட்-அப் உடன் வருகிறது. 50 மெகாபிக்சல் பிரைமரி கேமரா இதில் உள்ளது.
புராசஸரை பொருத்தவரை Snapdragon 8+ Gen 1 புராசஸர் இந்த ஸ்மார்ட்போனில் இடம்பெற்று இருக்கும் என தெரிவிக்கப்பட்டு உள்ளது. அதுமட்டுமின்றி 4,300mAh பேட்டரி, ஆண்ட்ராய்டு 12 இயங்குதளம் ஆகியவை இதில் இடம்பெற்று உள்ளன. அசுஸ் ரோக் போன் 6 மாடலை விட அசுஸ் சென்போன் 9 ஸ்மார்ட்போனின் விலை குறைவாக இருக்கும் என கூறப்படுகிறது. 8 ஜிபி ரேம் + 128 ஜிபி சேமிப்புத்திறன் கொண்ட இதன் பேஸ் மாடலின் விலை ரூ.60 ஆயிரமாக இருக்கும் என எதிர்பார்க்கப்படுகிறது.