கடந்த வருட ஜூலை மாதத்தில் Asus ROG Phone 6 மற்றும் ROG Phone 6 Pro ஆகிய மொபைல்கள் அறிமுகபடுத்தப்பட்டன, ஆனால் இந்த முறை Asus நிறுவனம் அதன் புதிய கேமிங் போன்களை வெளியிட ஜூலை வரை காத்திருக்கவில்லை. அதற்கு பதிலாக, ROG ஃபோன் 7 சீரிஸ் ஏப்ரல் 13 அன்று ஒரு நிகழ்வில் வெளியிடப்பட இருக்கிறது. இதனி ROG இன் அதிகாரப்பூர்வ ட்விட்டர் கணக்கு மூலம் கீழே பகிரப்பட்ட செய்திகளிலிருந்து நம்மால் தெரிந்துகொள்ள முடிகிறது.
ROG-லேண்டில் புதிதாக என்ன இருக்கிறது என்பதைக் காண ஆர்வமுள்ளவர்கள் ஏப்ரல் 13 அன்று இந்த நிகழ்வை நேரலையில் பார்த்து மகிழலாம். இந்த நிகழ்வு முறையே தைபே நேரப்படி இரவு 8 மணிக்கும், பெர்லின் நேரப்படி பிற்பகல் 2 மணிக்கும், நியூயார்க் நேரப்படி காலை 8 மணிக்கும் நடைபெறுகிறது.
Stay tuned for the new legend. ROG Phone 7 is coming on April 13, 8AM EDT.
Watch it live ? https://t.co/CGZtFnsTOF#ROGPhone7#ForThoseWhoDare pic.twitter.com/iNbTUSD5cz
— ROG Global (@ASUS_ROG) March 23, 2023
சிப்செட்
ஒன்றல்ல , இரண்டல்ல, வரவிருக்கும் ஃபோன்(களின்) மூன்று பதிப்புகளின் ப்ரோட்டோடைப்களை கீக்பெஞ்ச் ஆன்லைன் தரவுத்தளத்தில் பார்த்திருக்கிறோம் . ஆச்சரியமாக இந்த மூன்று மாடல்களும் Snapdragon 8 Gen 2 chipset-ஐ கொண்டு இருக்கிறது. இந்த சிப்செட் அதிகபட்ச க்ளாக்ஸ்பீடான 3.19GHz-ஐ கொண்டுள்ளது. மேலும் ஒரு முதன்மை கோர், நான்கு பெர்ஃபாமென்ஸ் கோர்கள் மற்றும் மூன்று எபிசியன்சி கோர்களைக் கொண்டுள்ளது. இந்த CPU ஆனது Adreno 740 GPU மற்றும் 16GB ரேம் உடன் இணைக்கப்பட்டுள்ளது. இந்த போனாது ஆண்ட்ராய்டு 13 இயங்குதளத்தில் இயங்குகிறது. ASUS ROG Phone 7 ஆனது, மேலே உள்ள ஹார்டுவேருடன், சிங்கிள் கோர் சோதனையில் 1,958 புள்ளிகளையும், மல்டி-கோர் சோதனையில் 5,238 புள்ளிகளையும் பெற முடிந்தது. இந்திய பதிப்பு AI2205_C என்னும் மாடல் எண்ணுடன் வருகிறது.
ரேம்
அதுபோல் மூன்று மாடல்களிலும் 16ஜிபி ரேம் இருக்கும் எனத் தெரியவந்துள்ளது.. இதற்கு 18ஜிபியுடன் குறைந்தபட்சம் ஒரு மாடல்கூட இருக்காது என்று அர்த்தமில்லை. இருக்க வாய்ப்புள்ளது. அதுபோல் 256ஜிபி வரை சேமிப்புத்திறனைக் கொண்டு இருக்கும் என எதிர்பார்க்கப்படுகிறது.
டிஸ்ப்ளே
இதுவரை வெளியான வதந்திகளின்படி, ROG Phone 7 ஆனது 6.8 அங்குல FHD+ 165 Hz ரிஃப்ரெஷ் ரேட் உடைய AMOLED தொடுதிரையுடன் கூடியப் டிஸ்ப்ளேவைக் கொண்டு இருக்கும். அதுபோல் 65W ஃபாஸ்ட் சார்ஜிங் ஆதரவுடன் கூடிய 6,000 mAh அளவிலான பெரிய பேட்டரியையும் கூடவே அதற்கான சார்ஜரோடும் வெளியாகும்.
கேமரா
இந்த Asus ROG Phone 7 மொபைலில் 64மெகா பிக்சலுக்கான முதன்மை கேமரா இருக்கும் எனத் தெரிகிறது. அதுபோல் இந்த மொபைல் மூலம் 8K வீடியோ எடுக்கலாம் என்றும் வதந்திகள் வெளியாகி இருக்கின்றன.
கூலிங் சிஸ்டம்
இது பெரிய மொபைல் விளையாட்டுகளை விளையாடுபவர்களை மனதில் வைத்து உருவாக்கப்பட்ட போன் ஆகும். அதிக நேரம் அல்லது பெரிய விளையாட்டுகளை விளையாடும் போது மொபைல் சூடாவது வழக்கம். அதனைத் தடுத்து மொபைலின் வெப்பநிலையைக் கட்டுக்குள் வைத்திருக்க சிறப்பு குளிரூட்டும் ஹார்டுவேரோடு இந்த மொபைல் வெளிவரும் என்று எதிர்பார்க்கப்படுகிறது.