வாடிக்கையாளர்கள் எதிர்பார்ப்பை பூர்த்தி செய்யும் வகையில் போக்கோ நிறுவனம் பல்வேறு விலைப் பிரிவில் புதுப்புது அம்சங்களோடு ஸ்மார்ட்போன்களை அறிமுகம் செய்து வருகிறது. அதன்படி அறிமுகமான ஸ்மார்ட்போன் தான் POCO சி31. ஸ்மார்ட்போன் நிறுவனங்கள் ஒருபுறம் போட்டிப் போட்டுக் கொண்டிருக்க மறுபுறம் அமேசான் மற்றும் பிளிப்கார்ட் போன்ற ஆன்லைன் விற்பனை தளங்களும் ஸ்மார்ட்போன்களுக்கு தள்ளுபடிகளை வழங்குகின்றன. இதில் பிளிப்கார்ட் ஒருபடி மேலே சென்று போக்கோ ஸ்மார்ட்போனை இலவசமாக பெறுவதற்கான வழிகளை அறிவித்திருக்கிறது.
41 சதவீதம் தள்ளுபடி
POCO சி31 ஸ்மார்ட்போனானது ரூ.10,999 என்ற விலைக்கு அறிமுகம் செய்யப்பட்டு விற்பனையாகி வந்தது. இந்நிலையில் தற்போது இந்த ஸ்மார்ட்போன் பிளிப்கார்ட் தளத்தில் ரூ.6,499 என்ற விலைக்கு பட்டியலிடப்பட்டு இருக்கிறது. அதாவது இந்த ஸ்மார்ட்போனுக்கு 41 சதவீதம் தள்ளுபடி அறிவிக்கப்பட்டுள்ளது. இதையே ரூபாயில் சொல்வதானால் இந்த ஸ்மார்ட்போனை ரூ.4500 என்ற தள்ளுபடியுடன் பிளிப்கார்ட்டில் வாங்கலாம்.
கூடுதல் தள்ளுபடி
கூடுதல் சலுகையை பயன்படுத்தினால் இந்த போனை இலவசமாகவே வாங்கலாம். அதாவது ஐடிஎஃப்சி ஃபர்ஸ்ட் வங்கியின் கிரெடிட் கார்டில் பணம் செலுத்தினால் கூடுதலாக 10% தள்ளுபடி கிடைக்கிறது. அப்படி என்றாலும் எப்படி இலவசமாக கிடைக்கும் என கேள்வி வரலாம்.
எக்ஸ்சேஞ்ச் சலுகை
உங்கள் பழைய ஸ்மார்ட்போனை எக்ஸ்சேஞ்ச் செய்தால் இந்த போனுக்கு ரூ.5950 வரை சேமிக்கலாம். அதன்படி இந்த போனை எந்தவித பணமும் இல்லாத நிலையில் இலவசத்துக்கு இணையாக வாங்கலாம். எக்ஸ்சேஞ்ச் சலுகை என்பது நீங்கள் பரிமாற்றம் செய்யும் ஸ்மார்ட்போனின் நிலைக்கு உட்பட்டது என்பதை நினைவில் கொள்ள வேண்டும்.
பேட்டரி
போகோ சி31 ஸ்மார்ட்போனானது பாலிகார்பனேட் பின்புற கேஸ் மற்றும் இரண்டு டோன் கொண்ட பேனல் வடிவமைப்பைக் கொண்டுள்ளது. போகோ சி31 ஸ்மார்ட்போன் 5,000 எம்ஏஎச் பேட்டரியைக் கொண்டுள்ளது. இரண்டு நாட்கள் வரை நீடிக்கும் பேட்டரி இதில் வழங்கப்பட்டுள்ளது. இந்த ஸ்மார்ட்போனானது ஷாடோ க்ரே மற்றும் ராயல் ப்ளூ நிறங்களில் கிடைக்கிறது.
அம்சங்கள்
போகோ சி31 ஸ்மார்ட்போன் 6.53 அங்குல எச்டி பிளஸ் 720 x 1600 பிக்சல்கள் அடர்த்தி கொண்ட எல்சிடி டிஸ்ப்ளேவை ஆதரிக்கிறது. இது வாட்டர் டிராப்-ஸ்டைல் நாட்ச் உடன் 20: 9 விகித விகிதம் மற்றும் TUV ரெய்ன்லாண்ட் லோ ப்ளூ லைட் சான்றிதழ் கொண்டுள்ளது. இது மீடியா டெக் ஹீலியோ G35 சிப்செட் மூலம் இயக்கப்படுகிறது. பிரத்யேக மைக்ரோ எஸ்டி கார்ட் வசதியும் வழங்கப்பட்டுள்ளது. இதன் மூலம் 512 ஜிபி வரை சேமிப்புத்திறனை அதிகப்படுத்திக்கொள்ள முடியும்.
கேமரா
Poco C31 ஆனது 13 மெகாபிக்சல் பிரதான கேமராவுடன் 2 + 2 மெகாபிக்சல் பின்புற கேமரா அமைப்பையும், முன்பக்கத்தில் 5 மெகாபிக்சல் செல்ஃபி கேமராவையும் கொண்டுள்ளது. கேமரா அம்சங்களில் ஃபேஸ் டிடெக்ஷன் ஆட்டோஃபோகஸ், எச்டிஆர், ஏஐ போர்ட்ரெய்ட் மோட், முக அங்கீகாரம், ஏஐ சீன் டிடெக்ஷன், மற்றும் நைட் மோடு ஆகியவை அடங்கும்.
பிற வசதிகள்
இந்த போனில் கைரேகை சென்சார் மற்றும் ஃபேஸ் அன்லாக் ஆதரவும் இதில் உள்ளது. 540 மணிநேர ஸ்டான்பை நேரம், 30 மணிநேர இ-லேர்னிங், 34 மணிநேர VoLTE அழைப்பு, 10 மணிநேர கேமிங் மற்றும் 91 மணிநேர இசை பின்னணி என பேட்டரி ஆயுள் நீடிக்கும் என நிறுவனம் குறிப்பிட்டுள்ளது.