டெலிட் செய்த வாட்ஸப் புகைப்படங்கள், வீடியோகளை திரும்ப பெறுவது எப்படி?

தினமும் ஏராளமான புகைப்படங்கள், டாகுமெண்ட், லொகேஷன் ஷேரிங், லைவ் லொகேஷன், ஆடியோ மற்றும் வீடியோ காலிங், வாய்ஸ் மெசேஜ், டெக்ஸ்ட் மெசேஜ் போன்ற பலதரப்பட்ட விஷயங்கள் இப்போது அதிகமாக வாட்ஸ்அப் வழியாகத் தான் பகிரப்படுகிறது. பெரும்பாலான விஷயங்களை வாட்ஸ்அப் மூலம் செய்வதன் காரணத்தினாலோ என்னவோ, ஸ்டோரேஜ் தட்டுப்பாட்டை அடிக்கடி சந்திக்க வேண்டியதுள்ளது.

ஆனால், அடிக்கடி ஸ்டோரேஜ் தட்டுப்பாடு ஏற்படும் போது, நாம் சில தேவையில்லாத மற்றும் பெரிய ஸ்டோரேஜ் இடத்தை அகரமித்துள்ள WhatsApp பைல்களை நீக்க வேண்டியதுள்ளது. இதன் விளைவாக, சில நேரங்களில் நாம் டெலீட் செய்யும் புகைப்படங்கள் மற்றும் வீடியோக்களில் தேவையான அல்லது சில முக்கியமான பைல்களையும் தெரியாமல் டெலீட் செய்துவிடுகிறோம்.

எப்படி மீட்டெடுப்பது?

இப்படித் தெரியாமல் டெலீட் செய்யப்படும் படங்கள் மற்றும் வீடியோக்களை எப்படி சுலபமாக மீட்டெடுக்கலாம் என்ற சில செயல் முறைகளைப் பற்றி பார்க்கலாம். முதலில், உங்கள் போன் கேலரி மூலம் எப்படி மீட்டெடுக்கலாம் என்று பார்க்கலாம். இயல்பாக வாட்ஸ்அப், அதன் தளத்தில் வரும் படங்கள் மற்றும் வீடியோக்கள் அனைத்தையும் போன் கேலரியில் சேமிக்கிறது. எனவே, நீங்கள் ஒருவேளை வாட்ஸ்அப் இல் இருந்து மீடியா பைல்களை நீக்கி இருந்தாலும், அவை உங்கள் போனின் போட்டோ கேலரியில் அப்படியே இருக்கும். உங்கள் கூகுள் போட்டோஸ் அல்லது போட்டோஸ் iOS கேலரியில் அப்படியே இருக்க வாட்ஸ்அப் செட்டிங்கில் சில மாற்றங்களை நீங்கள் மேற்கொள்ள வேண்டும். அதை இந்த பதிவின் இறுதியில் குறிப்பிட்டுள்ளோம். படிக்கச் மறக்காதீர்கள்.

மீடியா போல்டரில் இருந்து வாட்ஸ்அப் மீடியாவை மீட்டெடுக்க ஆண்ட்ராய்டு பயனர்களுக்கு மட்டுமே வசதி உள்ளது. பைல் எக்ஸ்ப்ளோரர் ஆப்ஸை இயக்கவும். ரூட் WhatsApp போல்டர் பகுதிக்குச் செல்லவும். இப்போது மீடியா போல்டர் சென்று வாட்ஸ்அப் படங்கள் போல்டரை தேர்ந்தெடுக்கவும். பெறப்பட்ட படங்கள் அனைத்தும் இங்குக் காண்பிக்கப்படும். சென்ட் போல்டர் சென்று நீக்கப்பட்ட புகைப்படம் அல்லது பிற படங்களைக் கண்டறியலாம்.

Google Drive அல்லது iCloud இலிருந்து மீட்டெடுப்பது எப்படி?

iOS பயனர்களுக்கான iCloud மற்றும் Android பயனர்களுக்கான Google Drive ஆகியவற்றிற்கு WhatsApp பேக் அப் அம்சத்தை வழங்குகிறது. உங்கள் ஸ்மார்ட்போனில் உள்ள மெசேஜ் முதல் புகைப்படங்கள் மற்றும் வீடியோ வரை அனைத்தும் இதில் ஸ்டோர் செய்யப்பட்டிருக்கும். தெரியாமல், ஏதேனும் பைல்களை நீங்கள் டெலீட் செய்திருந்தால், அவற்றை இங்கிருந்து நீங்கள் மீட்டெடுக்கலாம்.

ரீ-இன்ஸ்டால் செய்தல்

உங்கள் போனில் இருக்கும் வாட்ஸ்அப்பை Uninstall செய்யுங்கள். பிறகு மீண்டும் வாட்ஸ்அப் ஆப்ஸை Install செய்யுங்கள். உங்கள் வாட்ஸ்அப் தொலைப்பேசி எண்ணைப் பயன்படுத்தவும். இந்த செட்டிங்கின் போது பேக் அப் கேட்கப்படும், அப்போது பேக் அப் இல் இருந்து தரவை மீட்டெடுப்பதற்கான கோரிக்கையை ஏற்கவும். வெற்றிகரமாக பேக் அப் எடுக்கப்பட்டதும், நீங்கள் டெலீட் செய்த அனைத்து உரையாடல்களும் மீடியாவும் மீட்டமைக்கப்படும்.

செட்டிங்ஸை மாற்றவும்

வாட்ஸ்அப் அரட்டையில் இருந்து வாட்ஸ்அப் மீடியாவை நீக்கும் போது, தற்செயலாக ஃபோன் கேலரியில் இருந்து வாட்ஸ்அப் மீடியாவை நீக்க விரும்பவில்லை என்றால், நீங்கள் “சாட் கேலரியில் இருந்து இந்த அரட்டையில் பெறப்பட்ட மீடியாவையும் நீக்கு” (Also delete media received in this chat from the device gallery) என்பதை முடக்கவும். இந்த முறைகளைப் பின்பற்றி உங்கள் வாட்ஸ்அப் இல் இருந்து டெலீட் செய்யப்பட்ட புகைப்படங்கள் மற்றும் வீடியோ பைல்களை மீட்டெடுக்கலாம்.