Vivo தனது Vivo X90 சீரிஸில் ஸ்மார்ட்போன்களை இந்தியாவில் ஏப்ரல் 26 ஆம் தேதி வெளியிடவுள்ளது . இந்த சீரிஸில் நாட்டிற்கான வெண்ணிலா Vivo X90 மற்றும் Vivo X90 Pro ஸ்மார்ட்போன்கள் அடங்கும். இந்த பிராண்ட் இந்தியாவிற்கான Vivo X90 Pro+ ஐ தவிர்க்கலாம். இரண்டு மாடலுக்கான விலையை அதிகாரப்பூர்வமான விலை இன்னும் சிறிது காலத்திற்குப்பின் வெளியாகும். Vivo X90 மற்றும் Vivo X90 Pro ஆகிய இரண்டின் இந்திய விலை விவரங்கள் வெளிவந்துள்ளன. அதைப் பற்றி பார்க்கலாம்.
இந்தியாவில் Vivo X90, Vivo X90 Pro விலை
The Tech Outlook தளத்தின் பிரத்தியேக அறிக்கையின்படி, வெண்ணிலா Vivo X90 மாடல் இரண்டு நினைவக விருப்பங்களில் வெளியாகும். இதில் 8 ஜிபி ரேம் மற்றும் 128 ஜிபி ஸ்டோரேஜ் கொண்ட அடிப்படை மாறுபாட்டின் விலை ரூ.59,999 விலையில் வெளியாகும். அதே சமயம் 12 ஜிபி ரேம் மற்றும் 256 ஜிபி இண்டர்னல் ஸ்டோரேஜ் கொண்ட வேரியண்டின் விலை ரூ.63,999 ஆக இருக்கும்.
இது தவிர Vivo X90 Pro மாடல் மொபைலானது 12 ஜிபி ரேம் மற்றும் 256 ஜிபி இன்டெர்னல் ஸ்டோரேஜ் கொண்ட ஒற்றை மெமரி வேரியண்டில் வரும். இதன் விலை ரூ.84,999 ஆகும்.
கூடுதலாக, விவோ நிறுவனமானது வெளியீட்டு நேரத்தில் சில அறிமுகச் சலுகைகளையும் வழங்கக்கூடும். இதனால் இந்த இரண்டு மொபைல்களின் விலையும் இன்னும் கூட குறையலாம்.
Vivo X90 தொடர் விவரக்குறிப்புகள்
டிஸ்ப்ளே
Vivo X90 மற்றும் Vivo X90 Pro இரண்டும் 1.5k தெளிவுத்திறன் மற்றும் 120Hz புதுப்பிப்பு வீதத்துடன் 6.78-இன்ச் AMOLED பேனலைக் கொண்டுள்ளது. இரண்டு மொபைல்களும் அண்டர் டிஸ்ப்ளே கைரேகை ஸ்கேனரை வழங்குகின்றன.
OS
Vivo X90 சீரிஸ் இந்தியாவில் சமீபத்திய ஆண்ட்ராய்டு 13 -அடிப்படையிலான FunTouchOS 13 ஸ்கின்னுடன் வெளிவரும்.
சிப்செட்
இந்த மொபைல்கள் ஆக்டா-கோர் MediaTek Dimensity 9200 சிப்செட்டுடன் வரும்.
பேட்டரி
Vivo X90 ஆனது 4,810mAh Non-removable பேட்டரியைக் கொண்டிருக்கும். அதே வேளையில் pro மாடலானது சற்று பெரிய 4,870mAh பேட்டரியைக் கொண்டு இருக்கும்.
ஃபாஸ்ட் சார்ஜிங்
இரண்டு மொபைல்களும் 120W FlashCharge வேகமான சார்ஜிங்கை வழங்கும். இருப்பினும், Vivo X90 Pro ஆனது கூடுதலாக 50W வயர்லெஸ் ஃபாஸ்ட் சார்ஜிங்கைக் கொண்டிருக்கும். இந்த வசதி வெண்ணிலா மாறுபாட்டில் இருக்காது.
சேமிப்பு மற்றும் ரேம்
Vivo X90 ஆனது 8GB மற்றும் 12GB RAM மற்றும் 128GB மற்றும் 256GB சேமிப்பு விருப்பங்களில் வழங்கப்படும். Vivo X90 Pro மொபைலானது 12GB RAM மற்றும் 256GB சேமிப்பக விருப்பத்தில் வரும்.
கேமராக்கள்
Vivo X90 சீரிஸ் மொபைல்கள் 32MP முன் கேமராவைக் கொண்டு இருக்கும். அதே நேரத்தில் பின்புறத்தில் விவோ X90 மொபைலானது 50MP பிரதான கேமரா, 12MP அல்ட்ரா-வைட் ஆங்கிள் கேமரா மற்றும் 12MP டெலிஃபோட்டோ கேமராவுடன் வரும். Vivo X90 Pro ஆனது 50.3MP பிரதான கேமராவைக் கொண்டிருக்கும். இது தவிர ஒரு 50MP டெலிஃபோட்டோ கேமரா, மற்றும் 12MP அல்ட்ரா-வைட் ஆங்கிள் கேமராவையும் கொண்டு இருக்கும்.
vivo x90 pro முக்கிய விவரக்குறிப்புகள்
- சிப்செட் – மீடியாடெக் டைமன்சிட்டி 9200 MT6985
- ரேம் – 8 ஜிபி
- டிஸ்ப்ளே – 6.78 அங்குலம் (17.22 செமீ)
- பின் கேமரா – 50 எம்பி + 12 எம்பி + 50 எம்பி
- செல்ஃபி கேமரா – 32 எம்.பி
- பேட்டரி – 4870 mAh